مبارة حلوة والتنظيم كان افضل شيء فيها .. الدفاع لين محاور الارتكاز واضح شغل المدرب فيهم ومافي اخطاءء ووقفوا اقوى مهاجمين ووسط بالدوري .. شيء طبيعي رافا مستلم الفريق من ثلاث ايام كان كل شغله على نفسيه الاعبين وتصحيح خط الدفاع مع المحاور ونجح في هذا .. لكن هجومنا كان مستواه اقل لان المدرب اشتغل على الدفاع اكثر ان شاءالله مع الوقت بيصير احلى واجمل من كذاا ..

الي عنده ملخص المباراة لا يبخل علينا فيه الله لا يهينكم

هاردلك ع خسارة المركز الثالث و بنفس الوقت مبروك اننا طلعنا بتعادل .. التعادل بهالظروف امام بطل الدوري النسخه الماضيه نوعا ماً تقدر تقول مكسب .. رافا ضبط الدفاع و صدق انه عرف وين الخلل بالدفاع من زمان ماشفنا الدفاع بهالمستوى الخورافي اتوقع اخر مره شفناه بهالمستوى كان بوجود تيري رافا مسك الفريق ب ثلاث أيام و ضبط الدفاع و ألزم ميكيل بأدوار دفاعيه أكثر من السابق و أعاد روميو لجو المباريات صراحه قرار إشراك روميو قرار ذكي هو شاف ميكيل تعب و ع طول طلعه قبل لا يستغلون السيتي إرهاقه و أكثر شيء عجبني بتبديله هو ردة فعل بينيتيز السريعه
مازكار اليوم كلهم كانو سيئين و اتوقع السبب الأول هو إشراك هازارد بمركز خلف المهاجم و ماتا جناح فقدنا انطلاقات و مراوغات هازارد و مساندته لأشلي بالجهه اليسرى و فقدنا ماتا بمركز خلف المهاجم ماتا الكل يعرف انه اذا لعب جناح نخسر 80٪ من خطورته اما أوسكار صراحه دخت مدري وين مركزهه مره اشوفه جناح و مره اشوفه محور ثالث في حالة الدفاع مدري هي عشوائيه و لا رافا طلب منه يكون محور ثالث في حالة الدفاع و بحالة الهجوم يصير جناح يمين ع العموم بإذن الله هذي اخر مباراة لمازكار بهالمستوى و رافا لازم مايشرك ماتا ك جناح و يلعب هازارد خلف المهاجم صحيح يتبادلون مراكز من حين إلى حين لكن بمباراة أمس تحسهم مقيدين تشوف هازارد خلف المهاجم و ماتا جناح و مشوشين و ماشفنا التفاهم المعهود بينهم

إقتباس وش السبب في نزول مستوى اللاعب بنظركم

السبب الأول هو الإرهاق اللاعب مارتاح لا مع المنتخب و لا معنا + امس ماشفناه بمستواه المعهود عشان رافا كان ملعبه بمركز مو مركزه ( خلف المهاجم ) .. بس إن شاء الله ضد فولهام لما نحسم المباراه بدري يطلعه رافا و يدخل مارين مارين مو موسيس موسيس لاعب مفصل لتكتيكنا السابق و هو الدفاع و اللعب ع المرتدات اما تبي تهاجم و تمسك كورهه و تستحوذ هذا التكتيك ابدا مايصلح مع موسيس و موسيس اخذ فرصته جاء دور الألماني عشان ياخذ فرصته و انا متأكد انه بيقدم مستوى جميل و بيدهش الكل
،
شطحه
لويز : انا أحب العراك في التدريبات ذات مره تشاجرت مع لامبارد و تيري لفظيا و كنت ع وشك تبادل الضربات مع دروجبا
خوفي يدشر أوسكار و رامي و يصيرون مثله مهايطيه بالتدريبات

صباح الخير ... كلنا نبغى مارين لكن لو دخله رافا مكان موسيس امام مان سيتي وجاءء هدف من الجهه الي لعب فيها مارين , كان كلنا نقول الخطا من المدرب ( وكيف يشرك لاعب اول مباراه له في الموسم امام متصدر الدوري ) !! مارين موهبه وعشان تستغلها صح في بدايه مشواره للهموسم معنا ، لازم ينزل في مباراه حاسمينها بنتيجه ٢-٠ والدقيقه تكون ٧٠ عشان الااعب يقدم الي عنده بدون ضغووط : يكفي ضغط البدايات الي يشعر فيه الاعب .. على كل الاحوال حنا مرتاحين مع بينتيز ومدرب رائع وتغييراته بطله ،، كلنا مانحبه عشان تصريحاته السابقه لكن .. لازم ننسى الخلافات عشان مصلحه الفريق ...

تمارين الفريق ، يشهد عودة كاهيل

م كان له داعي ي جمهورنا كل ها الإستهجان ، بالأول والأخير يبقى مدرب نادي تشلسي والموضوع صار واقعي غصباً عني وعنكم ترضون فيه بغض النظر عن م سبق من تصاريح أو تحديات كانت بين تشلسي وليفربول تحت قيادة بنتيز ، عجبني كثير تصريح بنتيز وإنه م سمع أي إستهجان عليه من الجمهور وإنه كان مركز على المباراه ، وقال بالأخير هم يبغوني أقود الفريق ل الأفضل والفوز ف المباريات وهذا نفس الشي الي أنا أبغاه ، يعني كنه يقول كذا ولا كذا مردهم لي لأنهم ف الأخير يشجعون كيان إسمه تشلسي وهذا الي المفترض جمهورنا يستوعبه .. صحيح العاطفه إنجرفت كثير وأخذتنا مع ماتيو والملام الأول في ها الشي إبراموفيتش الي مشتغل تكريش بالمدربين ، بس برضو م يمنع إنك تدعم مدربك الحالي وتظهر له القليل من الإحترام ، أقلها بلاش من رفع ها الافتات !



قبل المباراه قلت إن التعادل بيكون مرضي ومرضي جداً نظراً للظروف الي حصلت قبل المباراه بالتحديد ، لاحظنا على الفريق الإنضباط الدفاعي الكبير والي نتج عنه كلين شت من 11 مباراه كنا نلقم فيها هدف وهدفين .. بدايه موفقه وقويه جداً ل بنتيز ، صحيح م تواجدت الفرص هجومياً مع إننا نملك وسط خرافي وعلى مستوى لكن متفائل بالتحسن الهجومي في قادم المباريات ، ك مباراه قدام الستي الي كان يلعب على التمسك بالصداره ويملك وسط خرافي ومنسجم وهجوم فتاك أشوف النقطه ممتازه بغض النظر إذا المباراه على ملعبك ولا لا ، تغيير المدرب ف وقت مخيس من الموسم والنتايج السيئه الي لاحقت الفريق مؤقتاً ولعب مباراه كبيره على مستوى خلتني أقتنع ب التعادل والي أشوفه إيجابي ..



حسن كثير من الفريق دفاعياً ، شفنا لويز قليل الأخطاء والمستوى الكبير الي قدمه أزبي على مستوى الظهير الأيمن والي أعطيه من عندي نجوميه المباراه كامله ، رامي وميكيل ثباتهم في مراكزهم برضو يحسب ل بنتيز ، م شفنا مساحات الي كانو يتركونها وراهم في حال هجوم تشلسي .. مع اللعب أكثر ب يرتفع مستوى التفاهم بينهم وبنشوف قتاليه أكبر من ميكيل خصوصاً إنه بنظري ثباته دفاعياً وإفتكاكه ل الكور أكثر من جيد ، بس لا يتفلسف ويتقدم كثير وينسى مهامه الدفاعيه ويسمح للخصوم الإختراق وبسهوله من منطقة العمق .. إختفاء مزايا المازكار بسبب مهامهم الدفاعيه .. تبديلاته في محلها ، ومستقبلاً يبشر ب مستويات قويه ل فخر لندن مع الفيلسوف ، علينا الصبر ثم الصبر حتى يتشرب الفريق طرقه التكتيكيه وينتهج نهجه الي يطالبهم فيه ..



لا جديد يذكر ، ولا قديم يعاد ،
الحال نفسه م تغير ، ربي بلانا ب بوسينجوا ثاني بس على مستوى الهجوم ، إحتسبو الأجر ي تشلساويه ، يناير باقي عليه شهر ، إن زان سجدنا سجود شكر وحمدنا الله ، إن كان باقي مثل ماهو يدفي الدكه الله لا يهينه ولا نشوته مع الباب ، ونجيب مهاجم قناص يدل الباب (قروي إن صح التعبير) ولا نعتمد على ستوريدج أو موسيس ..



19 / 5
يوم لن ننساه ولن يتناساه التاريخ ، يوم تحقيق الحلم الي إستعصى علينا سنين وسنين
وفي حال السؤال عن من روضها ؟ سأكتفي ب وضع الصوره أعلاه

ماتيو 16

صبحكم الله بالخير يا الربع

شلونكم علومك إن شاء الله بخير

وحشتوني و لقيت فرصة أدخل الزعيم و أشوف علومكم يا أحلى أيام العمر



ما أشوف مباريات الفريق كثير ، ملخصات و ردات الفعل تكفي

الله يعينكم على ( ثـوريس ) أنا مسميه العام بذا الاسم و قلت مستعد أعتذر إذا تعدل لكن الثور ثور ما يتغير

الفريق مجملا كويس بس عيبه إنه مكشوف دفاعيا يعني لو أي فريق واطي يقدر يطقطق عليه
لأن ما يلقى وحش يوقفه عند حده ، أقصد إيسيان و ماكيللي و ايام العز الله إبن أمه يفكر يهاجم

روميو و ميكل ما يوكلون عيش و بتشوفون هزايم مالذ وطاب دام ما فيه إلا هم في الفريق
مع تحفظي الشديد على إنتقال إيسيان و ميرلس ! مشكلة الفريق اللي حقق الابطال و فسق

المدرب الجديد جبان جدا و هذا اللي متخوف منه .. يجيب لنا كاس العالم و بينافس بدوري
الابطال لكن على الدوري ما ظنتي ننافس إلا ع الرابع ( أتكلم على وضعه مع ليفربول
و الكديش اللي كانوا معه لما نشب لنا ) مع الانتر الظاهر شوتوه من أول شهر زي وجه البكيمون دي ماتيو



و ختاما

إقتباس آخر زيارة لك كانت في » 20/05/2012 عند الساعة » 03:28 AM

هالليله تكفي بطولات 10 مواسم


سلااااام

^
اسمح لي اتحدث عن المباراة السابقة اولاً اخي الغالي..

* من المبالغة ان يأخذ المدرب اي "كريديت" في المباراة السابقة ومن الظلم ان يلام لو انهزم الفريق، ثلاث ايام لا تكفي ليطبق ما يريد بل ثلاث مباريات لا تكفي لأن يحكم عليه..
* نفسياً الفوز كان سيمنح المدرب راحة وثقة اكبر وقدرة على فرض شخصيته في النادي "بشكل اسرع" بينما الخسارة كانت ستدخله في صراع مع نفسه ومع الجماهير وستقتل امل الادارة التي جلبته..
* التعادل "مع كلين شيت" وانظباط تكتيكي الى حد ما جعلت كل الاحتمالات المستقبلية متاحة مع راحة للمدرب ليتفرغ للقادم بدلاً من التفرغ للاحتفال او الدفاع عن النفس..
* المدرب لم يدرب في الدوري الانقليزي منذ ما يقارب الثلاثة اعوام ولم يدرب اطلاقاً منذ ما يقارب العامين ويعود لفريق كبير وكسير ويدربه قبل مباراة نارية مع المتصدر ويخرج بتعادل دون ان يدخل مرماه اي هدف.. امر مرضي جداً "نفسياً مرة اخرى"
* ردة فعل الجماهير ضد المدرب كانت ستؤثر على الفريق فيما لو انهزم "تخيل انك في عملك تملك رئيس مغضوب عليه من كل المساهمين في الشركة، اي تقصير منك ستعزيه للرئيس بكل بساطة لان الكل كان ضده حتى وان لم يكن هو المخطئ" جو غير صحي..
* توقيت تعيين المدرب "خطير" لكنه قد يكون من صالحه.. تجاوز مباراة السيتي وسيلعب مع فريقين من الوسط "فولام و ويستهام" ثم فريق بسيط في دوري الابطال قد يحمل التأهل لو حدث معه عفواً لبينتيز من جماهير النادي.
* لن اعدد مزايا دي ماتيو ولكني سأذكر واحده جعلت الفريق في يده في اغلب الاوقات.. قد يكون دي ماتيو المدرب الوحيد بعد مورينيو الذي يجمع عليه اللاعبين "حرس قديم ولاعبين شباب" مما جعله يبقي لامبارد في الدكة بل يشركه في اخر ٥ دقائق في مباراة سابقة دون ان نرى اي امتعاض او صدام، مدرب جعل ماتا وتيري يودعونه ويشكرونه امام الناس علناً وليس برسائل جوال لا نعلم ان كانت حدثت ام انها مجاملة..
* الامر الذي قد يميز بينتيز عن دي ماتيو هو قرائته للعب وتدخله الايجابي "سواءاً بتغيير لاعبين او طريقة لعب" اثناء المباراة
* والامر المطلوب من بينتيز وهو ما قد نساه دي ماتيو اما بسبب الظروف او رغبة الفوز.. هو احياء مبدأ المداورة عاجلاً، وقد نرى هذا في المباريات القادمة.

* عقد بينتيز حتى نهاية الموسم ولا اضن ان التجديد ينتظره حتى لو حقق الرباعية "كأس العالم، الدوري، الابطال، الكأس" نتذكر تردد ابراموفيتش في توقيع عقد مع دي ماتيو..
* المدرب القادم جاهز ولا استبعد ان التوقيع معه اصبح مسألة اوراق واقلام فقط.
* قوارديولا التزم بقرارة واستمر في اجازته وهناك اخبار تربطه بنا واخبار تربطه بفيرقسون ومانشيستر يونايتيد.. "فيرقسون لديه من الولاء لفريقه ما يجعله يبقى حتى يحضر بديل له، يقال بانه قام بكتابة مقدمة كتاب لقوارديولا.."
* طريقة لعب تشيلسي مؤخراً تناسب قوارديولا، رغبة مالك النادي في فريق يقدم اداء ممتع وهجومي تقول قوارديولا..
* في المقابل هناك العاشق القديم.. مورينيو.
* كتبت الجرائد الاسبانية عن رئيس الريال بان مورينيو قد يعود بعد نهاية الموسم الى انقلترا. وذكرت الجرائد بان الادارة بدأت ترى ملامح عودته بتكرار زياراته للندن وبقاء عائلته هناك لتكمل بنته دراستها واخيراً عدم دخوله مع الادارة في تفاصيل معسكر الريال بعد نهاية الموسم.. قد يقول البعض ان الريال جدد معه بعد نهاية الموسم الماضي لكن السبب قد يعود لرغبة الريال اغراءه بالبقاء وتحسين العقد حتى لا يلتفت للعرض القوي الذي قد يأتيه من بطل اوروبا..
* مورينو يملك ما لا يملكه كثير من المدربين... "ترويض اللاعبين" فحتى نجم النجوم يرضى بان يبقى في دكة مورينيو.
* علاقاته ما زالت رائعة مع الحرس القديم واللاعبين الشباب يتمنون ان يلعبوا تحت ادارته.
* حضور مورينيو فيه مخاطرة بتاريخه مع تشيلسي، لكن ثقته بنفسه قد تكون شافع.
* هناك اخبار بان تشيلسي سيحضر فالكاو او سواريز في يناير، لو حدث فقد تكون ملامح المدرب القادم قد اتضحت.
* فالكاو = مورينيو مدرب تشيلسي بعد نهاية الموسم، سواريز = قوارديولا مدرب تشيلسي بعد نهاية الموسم
والله اعلم

س / بعد مباراة السيتي وتقييمك لأداء اللاعبين ، بنظرك هل تشكيلة مباراة الأحد هي التي يجب الدخول بها في لقاء فولهام ؟
ايه ، لكن طبيعي فيه كم لاعب لازم يحيط و أولهم هو ميكيل و توريس لأدائهم المخيس و بعد هازارد لازم يحيط عشان يرتاح و يرجع هازارد اللي نعرفه و يحبذ إشراك روميو - ستوريدج - مارين
س / هازارد يمرّ بفترة صعبة جدا ونزول في المسّتوى ، هل إراحته مهمة أم مشاركته أهم ؟
إراحته اهم ، و راح نضرب عصفورين بحجر نريحه و بنفس الوقت نقيم مستوى مارين
س / مساحتك الخاصة ؟ !
ضروري رافا مايلعب توريس و يعطي ستوريدج فرصه + نفس الشيء ينطبق ع ميكيل و روميو و ضروري إراحة هازارد و إشراك مارين كأساسي الألماني راح يقدم الكثير و الكثير للبلوز و بإذن الله بيرجع لمستواه و يتحسن و يكون أفضل من السابق
؛
رافا رسمياً أكد غياب ستوريدج و تيري و لامبارد
3-0 ، ماتا ، أوسكار ، رامي ، تشيك / لويز / ايفا / ازبيليكويتا / اشلي / روميو / رامي / ماتا / أوسكار / موسيس / توريس