مدري متى بنصعد كم لاعب من الكاستيا ؟؟

انا اقول مايحتاج نجيب صانع لعب

نصعد انزو زيدان للفريق الاول

والله نبي نشوف لعيبه شباب

موراتا ، انزو ، خيسي ، ناتشو ، كارفخال ،

اتمنى يعطون الفرصه بدال جلب لعيبه باسعار خياليه

نحتاج فقط مهاجم ومحور مكان خضيره .

إقتباس الرسالة الأصلية كتبت بواسطة عـــ الزعيم ـــاشق غاندوغان + محور دفاعي من طينة دي روسي + خضيرة + تشابي ألونسو + إيسكو ؟ ما أتوقع ريال مدريد راح يزحم الوسط وخاصة المحور بهالطريقة مرة وحدة .. غاندوغان محد ينكر إنه موهبة منفجرة .. لكن عندنا مودريتش ما أخذ فرصته + ألونسو .. لازم نظلم واحد لو جبناه .. لذلك أفضل إنه يجي بعد اعتزال ألونسو أتوقع كامل احتياجات مدريد تكمن في : إعادة كارفاخال وتصعيد ناتشو يكون احتياطي له أو شراء ظهير سيلتافيجو هيوجو مايو .. التوقيع مع أحد هالمهاجمين : ليفاندوفسكي، كافاني، فالكاو .. التوقيع مع قاريث بيل .. تصعيد كاسميرو ليكون بديل خضيرة .. ( تقريباً يكلفون 120 مليون يورو ) بيع: كاكا، ديماريا، هيجواين، ألبويول، كارفالهو، كايخون. ( تقريباً يجيبون 75 مليون يورو ) يصير أساسي الفريق : لوبيز، مارسيلو، راموس، فاران، كارفاخال، ألونسو، مودريتش، رونالدو، أوزيل، بيل، كافاني . الاحتياط : كاسياس، كوينتراو، بيبي، أربيلوا، ناتشو، كاسميرو، خضيرة، بينزيما. تحيتي .،،.

حاجت الريال ل قاندوقان اكثر من ما بعض الناس تتصورها ،، الونسو كبير بالعمر + الموسم هذا بدا مستواه ينخفض + لو عطاك بيعطيك سنه بالكثير ،، فلااااازم من الحين تامن المركز هذا بلاعب مثل قاندوقان ،، اي لاعب اذا جا للفريق باول موسم يكون سيء او متوسط ،، نادر ما تشوف واحد يبدع ،، مركز مثل مركز الونسو حساس ومهم ،، عشان كذا خل قاندوقان يجي من الحين على اساس يتجهز لاستلام هذا المركز في المواسم الجايه.

واذا جا ما راح يكون فيه زحمة ،، ايسيان راح يمشي ،، بيصير عندك (الونسو - مودريتش) اساسيين ،، والاحتياط (قاندوقان - خضيرة) ،، وطبعا راح يكون فيه تناوب بين اللاعبين وكل لاعب بياخذ حقه ،، الريال عنده 3 بطولات فيها تقريبا 50 مباراة

انا قد قلت وجهة نظري بالانتقالات واللي جد اتمناها تكون بالصورة هذي ( كافاني - ايسكو - مونيان - قاندوقان - كارفخال)

طبعا اخترت مونيان ل 4 اسباب ،، الاول انه ارخص من بيل بكثيييييييييير ،، يلعب يمين ويسار،، اسباني وعارف الدوري الاسباني كويس ،، صغير بالعمر وقدامه مستقبل ،، لاعب مثل مونيان ماراح يخالف او يعارض بالدكة ،، فتقدر تلعبه مره مكان كريس ومره مكان دي ماريا

" المدربُ الجديد .. و النجاحُ الأكيد ..! "

أتمـنى وجـودكـم

إقتباس الرسالة الأصلية كتبت بواسطة عـــ الزعيم ـــاشق الصحف الإسبانية مصادرها قوية ؟ عندك الماركا والآس والموندو والسبورت كلها صحف بمصادر ضعيفة

معليش حبيبي اذا هذي الصحف مصادرها ضعيفة ، كيف طلعوا خبر الاجتماع الثلاثي بين بيريز وراموس وكاسياس واللي نفاه بيريز وفي الأخير ثبت صحته

كلنا قلنا ان رسالة الواتساب مزورة وانها غير صحيحة وفي الاخيرة اتضحت صحتها


الإعلام الإسباني يعتبر الأقوى في اوروبا حاليا ولو ما عندهم مصادر قوية ما وصل للي هو عليه الآن

نزول مبيعات الصحف ماله دخل في قوة المصادر بقدر ما الجمهور كان غاضب عليها بسبب حبه لمورينيو ولرغبته في إستقرار الفريق

راجع الأخبار اللي قلنا عنها في بداية الموسم ونصفه أنها كاذبه وستجد انها صحيحة

شباب ممكن احد يشرحلي ليه مرره ضروري ايسكو ؟


عندك اوزيل ومودريتش وتقوم تجيب ذا بسعر عالي ليه ؟


ممكن احد يشرحلي موضوع ذا اللاعب خصوصا الي مرره يبونه يجي

يااااا اللللله لو هيجوين يطلع
وعلى حسب الاخبار يجي معاه لينشتاينر و نعزز الدكه بكارفخال بدال ما نرقع ناتشو ولا راموس ظهير
هذا خبر الموسم بالنسبه لي لو هيجوين طلع !!

إقتباس الرسالة الأصلية كتبت بواسطة CRAZY madrid CR7 شباب ممكن احد يشرحلي ليه مرره ضروري ايسكو ؟ عندك اوزيل ومودريتش وتقوم تجيب ذا بسعر عالي ليه ؟ ممكن احد يشرحلي موضوع ذا اللاعب خصوصا الي مرره يبونه يجي

ايسكو تقريباً بديل لكاكا في حال خروجه .. غير انه يقدر يلعب مركز الدون و دي ماريا " في حال عدم قدوم بيل"
اللي ماله بديل الا العاهه كاليخون او ترقيع موراتا !!

المهم تخيلو معاي

لوبيز ( كاسياس )

مارسيلو (فابيو ) ، فاران (ناتشو) ، راموس (بيبي او نشتري سنتر) ، لينشتاينر (كارفخال)

الونسو ( شاهين ، كاسميرو ) ، مودريتش ( خضيره )

رونالدو ( خيسي روريغيز ) ، اوزيل ( ايسكو ) ، بايل ( ماريا )

كافاني ( بنزيما )

و ضروره بيع كل من : كاكا ، البيول ، كارفالهو ، هيجوين ، كاليخون ، ادان

بانتظار ميركاتو مولع !!

ياجماعه ترى عندنا اقوى مهاجم بالعالم
افضل من عشره من كافاني وفالكاو
الدون ،، نعم كريستيانو ليش مايتحول الى قلب هجوم ؟؟
ويجي ايسكو ويمسك مكان رونالدو جناح

^ مهما كان كرستيانو مو مهاجم
وكرستيانو يحب المساحات ويحب ما يلتزم برأس الحربة
يحب يتحرك ويكون له حريه بالتحرك بعدين كذا بتحد من خطورة كرستيانو بالجناح
وبتخليه سهل المراقبة من قبل المدافعين

^^^^
رونالدو يطلع كثير من المنطقة

يصلح مهاجم ثاني بس مهاجم صريح صعبة

والله لو يكون مودريتش مكان أوزيل برأيي افضل من ايسكو

كمحور انا أشوف فيه تحجيم لمهارات مودريتش خصوصا انه يقدر يحافظ على الكورة بشكل مميز ويراوغ بشكل رائع جدا

هذا غير ان عنده الاسسيست ماهو بطال ابداً ، برأيي تقديم مودريتش لموقع صانع اللعب افضل له وللفريق عموماً

بالنسبة للمحاور الونسو كم بيخدمنا سنة ؟ الموسم هذا كلنا شفنا مستوى الونسو سيء جدا وخذلنا في أهم مباريات الموسم

لا تنسون فيه بطولة قارات وفيه ضغط كبير على الونسو محتاجين بديل له بلا شك

غوندوغان او فيراتي مطلب الموسم القادم وإن كنت أفضل غوندوغان دفاعياً مميز وهجومياً كذلك

قاطع للكرات والهجمات بشكل مميز جداً ، إضافة الى توزيع للكرات الطويلة والبينيه

إن استمرينا في الإعتماد على الونسو كالعادة راح نعاني الموسم القادم ونتوهق مثل ما كنا متوهقين مع المان يونايتد وبروسيا


ايسكو وكارفخال واضح انهم خلاص أول الصفقات والموضوع شبه منتهي معاهم .. هذا غير الأخبار اللي تتداول بكثرة عن مفاوضة الريال جدياً لنابولي للتعاقد مع الماتادور كافاني اخ لو يجي بس

إقتباس الرسالة الأصلية كتبت بواسطة نسيت انساكـــ معليش حبيبي اذا هذي الصحف مصادرها ضعيفة ، كيف طلعوا خبر الاجتماع الثلاثي بين بيريز وراموس وكاسياس واللي نفاه بيريز وفي الأخير ثبت صحته كلنا قلنا ان رسالة الواتساب مزورة وانها غير صحيحة وفي الاخيرة اتضحت صحتها الإعلام الإسباني يعتبر الأقوى في اوروبا حاليا ولو ما عندهم مصادر قوية ما وصل للي هو عليه الآن نزول مبيعات الصحف ماله دخل في قوة المصادر بقدر ما الجمهور كان غاضب عليها بسبب حبه لمورينيو ولرغبته في إستقرار الفريق راجع الأخبار اللي قلنا عنها في بداية الموسم ونصفه أنها كاذبه وستجد انها صحيحة

ياخوي كل كلمة والثانية قلتلي راجع الأخبار مراجعها وقاضي لو تبي تختبرني فيها أجيب 100٪ بدأت بمتابعة الريال في 1998 والصحافة الإسبانية أنا متابعها شخصياً من 2003 يعني من 10 سنوات .. أتوقع 10 سنوات تكفي إن تكون عندي خبرة فيهم وفي ألاعيبهم .. خلني أحلل لك الصحافة الإسبانية من الألف إلى الياء:

نبداً بالماركا ؟ الماركا من عرفتها وهي من أقوى الصحف الإسبانية خاصة في فترة ولاية بيريز الأولى حيث إنها كانت تتحكم بسوق الإنتقالات، المدربين، وحتى في التشكيلة بعض الأحيان وكانت من أبرز الداعمين لبيريز وملفه الإنتخابي .. كانت تجيب أخبار حصرية مثل توقيع بيكهام الي الكل كان يبصم إنه رايح لبرشلونة لدرجة إنهم طبعوا قمصانه في متجر برشلونة وأول من أعلن إنه حول وجهته لمدريد كانت الماركا والكاديناسير ..

في عهد السارق كالديرون تكرر نفس الكلام لكن بدرجة أقل .. حاربوا كابيلو وتسبووا في خروجه وقبلها كانوا قريبين من إقالته في منتصف الموسم والسبب إنه كان ضابط غرفة الملابس وحارمهم من الأخبار الحصرية .. واستمروا في قوتهم .. وقت عودة بيريز وفالدانو وقدوم بيليغريني قدموا لنا بعض الحصريات مثل التوقيع مع رونالدو وكاكا وبينزيما .. والسبب أتوقع واضح وهو فالدانو الي خرج من النادي بعد قدوم مورينهو بعام هو وجاجو وبيدرو ليون لأنهم كانوا يسربون الأخبار للصحف وبالأخص الماركا .. الأول يسرب أخبار الإنتقالات وأخبار الإدارين والاثنين الباقين يسربون أخبار غرفة الملابس للصحافة ..

بعد طردهم من النادي انقطعت كل الأخبار الحصرية وارتفعت أسوار النادي .. أصبحت الماركا لا تمتلك إلا الإشاعات لترويج الصحيفة .. أغلب الإشاعات كاذبة .. ريال مدريد اجتمع مع يايا توريه، ريال مدريد وقع مع أقويرو عقد سري ينقله لمدريد بعد عام من لعبه مع مان سيتي، ريال مدريد خطف فالكاو بعد رباعيته في تشيلسي، ريال مدريد لديه اتفاق سري مع نيمار من 2007 وسينقل لمدريد في هذا الصيف، ريال مدريد يريد بيع كاسياس والتعاقد مع بوفون، كرستيانو رونالدو غاضب لأن بيريز قال اخرج وأحضرلي المال الكافي للتوقيع مع ميسي، كاكا وقع رسمياً مع الميلان، لا مع لوس أنجليس، لا مع ساو باولو، لا مع باريس سان جيرمان .. كل هذي الإشاعات طلعت والصحيفة فقدت مصداقيتها ومشترياتها هبطت ! من بين كل الأخبار الكاذبة تمكنوا من الوصول لخبر واحد صحيح وهو رسالة واتساب أغلب الظن إنها من سارة بعد اجتماع كاسياس وراموس مع بيريز .. هالخبر الوحيد الي كان صحيح خليتها من أقوى صحف العالم مصادر ؟ اعذرني عالمثال بس الماركا صارت مثل المنجمين .. يعطيك 99 شئ كاذب وشئ واحد صحيح .. لما يجي شئ واحد صح من الـ 99 تلقى بعض الناس تقول واو يعرف المستقبل ( طبعاً مجرد مثال لتوضيح رأيي في الماركا ولا أقصد به شئ آخر )

نزول مبيعات الصحف كان سببه غضب الجمهور ؟ مافهمت وش دخل غضب الجمهور في نزول المبيعات ؟ سووا حملة مقاطعة يعني ؟ ما أتوقع عندهم هالمفهوم نهائياً في إسبانيا وما أتوقع إن هالمفهوم موجود إلا عندنا يالعرب وليتنا نطبقها أي إنسان على هالكون يدور الصدق .. إذا صحيفة تعطيني أخبار صادقة راح أشتريها وأقراها عشان أعرف الي جالس يصير بالنادي .. أما صحيفة أخبارها كلها إشاعات ليه أخسر عليها يورو

طبعاً ماراح أحلل باقي الصحف أمثال السبورت والموندو لأن كلنا عارفين إنها من أضعف الصحف العالمية وأكثرها كذباً كرستيانو وكاكا وبنزيما وكاسياس وبيل وقبلهم بيكهام وزيدان و و و و و كلهم إنوضعوا على أغلفتهم لابسين قميص برشلونة على أساس إنهم راح يوقعون ولا وقع معهم أحد وش الصحيفة الي تنقل إشاعات كاذبة عن ريال مدريد أكثر من إنها تنقبل أخبار عن ناديها ؟ بالله هذي صحيفة قوية ؟

الآس طبعاً صحيفة مسالمة إن أعلنت حرب على أحد كل الي تسويه إنها تسفل فيه بمقال وتكتب عنه شئ بالغلاف وانتهى الموضوع أحياناً تشارك الماركا في الحملات لكن فقط لتكون هي السباقة ..

على فكرة، الماركا، الآس، الموندو، السبورت = أقوى 4 صحف إسبانية .. كلها الـ 4 مؤخراً ( آخر سنتين ) تنقل الأخبار الي من فرنسا من الليكيب، والأخبار الي من إنجلترا من ذا صن أو القارديان، والأخبار الي من ألمانيا من البيلد، والأخبار الي من إيطاليا من الكالتشيوميركاتو أو اللاغيزيتا ديلو سبورت .. فوين القوة في المصادر إذا أغلب أخبارهم الصادقة منقولة من صحف ( قوية ) في الدول الأخرى، وأغلب أخبارهم الحصرية إشاعات ؟

ماهي قوة يا أخي الكريم لما أطلع 1000 إشاعة وبعد فترة تجيني صديقة كاسياس وترسلي رسالة واتساب بشئ من داخل النادي وأنشره وأطلع صادق بعد ألف كذبة .. أنا مستعد أطلع 20 إشاعة الحين بهالرد هذا أقدر أسردلك 20 إشاعة .. إن طلع منها واحد صحيح راح أكون أقوى مصدر ؟ لا

اعذرني على الرد الطويل .. بس حبيت أوضحلك الصورة ..

تحيتي .،،.