والله مورينيو قدم للريال لا يضللنا الم الخروج من البطولة

صحيح له اخطاء لكن مافي مدرب ماله اخطاء ! كل مدرب يخطئ

*

بالنسبة للمدرب القادم , هاينكس بيعتزل نهاية الموسم
ديل بوسكي صعب يخرج من المنتخب

هذول امكن ابرز اسمين لهم ثقلهم بالساحة التدريبية

انا عن نفسي اتمنى يا اما كلوب او كارانكا , ولو اني عندي احساس غريب
بان كارانكا بيكون له اسم وحضور قوي في تدريب الريال .

بصراحة هذا الوقت المناسب اللي مورينيو لازم يمشي فيه

ما راح انكر او اجحد الايجابيات اللي قدمها للفريق ،، بس ايجابياته نصها جت من اللاعبين اللي معه ،، وبشكل اخص رونالدو

من الايجابيات اللي قدمها للفريق هي 1- الفوز بالكاس اللي مافزنا فيه لمدة طويلة "ما اذكر كم بالضبط" ،، 2- رقم قياسي للنقاط والاهداف ،، 3- بناء فريق حق 4-5 سنوات قدام على الاقل ،، هذي الايجابيات ممكن يرضا فيها جمهور غرناطه او بتيس او غيرها من الانديه الصغيره ،، بس الريال يطمح على اشيا اكبر

الاشيا هذي اي مدرب ممكن يحققها خصوصا مع نادي بحجم الريال ،، الريال متعود للفوز بالبطولات ،، بس مع المو في 3 مواسم ماشفنا الا 3 بطولات من اصل 9 !!! ( دوري - كاس - سوبر ) ومن بينهم مافيه الا الدوري اللي يعتبر شي مهم

يعني كل ها الملايين اللي تندفع له طال عمره عشان بس يجيب لنا الدوري ياخي انا عطني ربع اللي تعطيه و اجيب لك الدوري ،، اسهل دوري بالعالم وماقدرت تفوز فيه الا مره !!!! ياخي والله مدري ايش اقدر اقول عنك

انا ما احط اللوم كله على مورينيو في فشل الفريق هذا الموسم او المواسم الماضيه ،، بس انا كلامي هنا مركز على مورينيو اكثر ،، تعامله السيء مع اللاعبين او الصحافه وصل الفريق للمرحله هذي ،، مرحلة التفكك ،، يعني نكون واقعيين شوي ،، مافيه احد ينكر هياط مورينيو ،، انسان فيه حركات طفولية ،، واقربها حركته مع كاسياس ،، ياخي اللاعب له فتره راجع من الاصابه وكان فيه اكثثر من فرصة يقدر يشارك ،، ومع هذااا كله راكبه في راسه ان كاسياس ما يلعب !!!!! ياخي خاف ربك

خل نخلي كاسياس ومشاكله مع اللاعبين على جنب ،، طريقة لعبه اللي مدري مين لاعب عليه وقايله تراها جامده !!! قد قلتها قبل مليوووون مررره ،، طريقة لعب الريال مكشوووووووووفه ،، ومع هذا الا مصمم انه يلعب فيها ويخسر ياخي تجي تلعب بالدوري قدام سرقسطة او خيتافي او غيرهم من ها الزلايب وتدخل بتكتيك كانك قاعد تلعب ضد البرسا او المانيو او اي نادي كبير !!! يعني عندك ( كريس - اوزيل - دي ماريا - مودريتش - كاكا - هيقوين - بنزيما ) بالله وش تبي اكثر من كذا !!!! نصهم مدفيهم بالاحتياط ،، خصوصا كاكا ،، ومع احترامي لبعض الناس لا يجي يقول والله كاكا ما سوا شي ،، كاكا الموسم هذا كثير من المبارايات اللي لعبها بدع ،، ومع هذا احتياطي !!

بالعرررربي مورينيو حاط في راسه انه اطلق مدرب وشاف كل الانديه تتمناه ف كبر راسه ،، ويوم كبر راسه شاف انه اكبر من الريال ومن اللاعبين اللي في الريال ،، واولهم كاسياس ،، صحيح كاسياس له سلبياته ،، بس ما توصل للمرحلة هذي !!!!

رحيل مورينيو متوقع بنسبة 90٪ ،، المدرب اللي اتمناه (هاينكس - كلوب - زيدان ) ادري زيدان شطحة بس هو الحين يدرب ناشئين الريال صار له فتره بالتدريب وكان في فتره من الفترات مع مورينيو اكيد تعلم منه ،، وما ندري يمكن يصير حاله من حال قوارديولا

انا اتمنى المدرب اللي بيجي للريال يصير جاي عشان اسم الفريق وحجمه ،، موب عشان كم قرش قاعد يلاحق وراها ،، شوفو كيف كلوب تشيلسي كانو عارضين عليه شيك مفتوح وسحححب عليهم ،، قوارديولا يوم كان مع البرسا ملاييين تجيه ويرفضها ،، ابي مدرب من هالنوعيه ،، اللي يهتم بمصلحة الفريق قبل كل شي ،، موب مدرب كل يوم طالع لك انا والله يمكن امشي ،، وانا احب انقيلترا واحب لندن وانا ابرجع لها يوم من الايام ،، ولا معلق لك تي شيرت الانتر بمكتبه ياخي امش وفكنا من شرك >>>>> والله قاهرني ورافع ضغطي ،، لا لعب يفتح النفس ولا بطولات توسع الصدر

بداية الموسم كنا مأملين على الثلاثيه ،، او على الاقل دوري الابطال ،، واخرتها صفينا على الكاس واللي الى الحين مافيه شي اكيد

كلامي يمكن يكون محيوس وملخبط بس والله من القهر

هلالي حتى الطمخ


قريت ردك وانا بصراحة مستغرب منه ،، مدري هو تعصب زايد او ايش بالضبط

اول شي ،، نمشي على كلامك وان مورينيو كفى ووفى ،، وانت تقول ان عندك لاعبين زلايب مايسوون شي مثل هيقوين ،، طيب هيقوين كان بيمشي هذا الموسم بس المو هو اللي نشب في حلقه ،، مورينيو اول ما جا للريال كان حاط شرط ان محد يتدخل في شغله وان كل الانتدابات هو اللي يختارها ،، صدقني لو مورينيو كان طالب اي مهاجم بالعالم راح يجيبه بيريز ،، اللي جاب كريس وكاكا في موسم واحد ما اتوقع تعووق معه يجيب لك اي مهاجم بالعالم ،، فهذي غلطة مورينيو انه معتمد عليه ،، طبعا انا ما اقول ان هيقوين زلابه ،، بس من كلامك طبعا

لا جاب مهاجم مثل ما تكلمت عنها ،، ولا حتى ظهير ايمن اللي كان الكل متوقع بنسبة 99،99 ٪ انها بتكون اول الانتدابات ،، ومع هذا راح جاب مودريتش ومسكه الاحتياط حاله من حال كاكا وكاسياس في الوقت الحالي

===

والنقطة الثانيه هي عن كلوب ،، ياخي منجدك والله شوف انا حالي من حالك منغبن ومنقهر من الخسارة بس عادي لو اعترف ان المدرب او الفريق اللي قدامي كان افضل ،، كلوب المواسم الماضيه ايش سوا ؟!! ياخي يكفي انه الماني هذي لحالها ميزه اعتبرها ،، وصدقني لو جا للريال راح ينجح باذن الله ،، على الاقل يلعب بفريق كانو اللاعبين في وقت من الاوقات ما يسوون ولا مليون يورو ،، موب مدرب فريقه يغطي ميزانية دولة واخرتها جايب لك الكاس خلنا واااقعين تكفى

ان شاء الله المباريات الجايه جمهور مدريد يدعمون مورينهو

وان شاء الله يكمل معنا


الموسم ذا في بدايته عانينا من اصابات + المهاجمين خذلونا


نحتاج ظهير يمين ممتاز - جاريث بيل - نوري شاهين


هيجواين اتمني يروح اعاره موسم لفريق مثل يوفي او دورتموند ونجيب كافاني

الي يتكلمون علي كاسياس وانه في الاحتياط ومدري وشو

مدري ايش يبووووون


الحين ديجو مقدم مستوي خورافي وكاسياس راجع من اصابه وكان متوقع اصابته 3 شهوور


وبرضوا مو عاجبكم انه مورينهو ملعب ديجو علي حساب كاسياس ؟

إقتباس الرسالة الأصلية كتبت بواسطة CRAZY madrid CR7 الي يتكلمون علي كاسياس وانه في الاحتياط ومدري وشو مدري ايش يبووووون الحين ديجو مقدم مستوي خورافي وكاسياس راجع من اصابه وكان متوقع اصابته 3 شهوور وبرضوا مو عاجبكم انه مورينهو ملعب ديجو علي حساب كاسياس ؟

اذا كاسياس جاهز للعب ،، والدوري ودعناه من سنة جدي ،، ماتفرق فزنا خسرنا كلها واحد ،، ايش المانع في انه يلعب ؟

ولا لانه جاب العيد في فتره من فترات الموسم صار يع لاعب صار له 14 سنه مع فريق مقدم عطائات خرافية ،، نسيتو كل اللي سواه ؟

مورينيو ما قدم شيء للريال .. الحين لما جاء بيطلع صار كخه ما يصلح

عموما شكلكم اشتقتم لايام 4 الكوكورن ومسخرة ليون وفضيحة ليفربول خلال ال10 سنوات الماضية الريال ما لعب في نصف نهائي الابطال الا مع مورينيو فقط ولـ 3 مواسم متتالية

لا كابيلوو ولا شوستر ولا بليغريني ولا غيرهم قدر يتعدى دور الـ16

اللي ينكر اللي عمله مورينيو للريال ما يفهم شيء يعني خلاص قرر يطلع من الريال لازم نستنقص منه ونطلعه مدرب زلابه

بتعرفون ضرر رحيل مورينيو الموسم القادم ان الله احيانا وراح تتذكرون كلامي هذا ..!

عموما كل الاخبار توكد قدوم كارلو انشيلوتي للريال صح اني اتمنى بوب هاينكس ولكن انشيلوتي مدرب رائع !

بالتوفيق للملكي اين ما كان !

في تويتر كتب خالد الشنيف ( كريستيانو ... خارج مدريد .... الاقرب PSG ) رد عليه واحد قاله ( مورينهو خارج مدريد معقوله بس رونالدو ومورينهو في موسم واحد وبيريز عنده انتخابات ! صعبه ! ) رد عليه الشنيف ( البديل موجود ) وقال الشنيف الوعد في سوق الانتقالات !

بصراحه كلام مو منطقي واذا صدق الشنيف فان بيريز يحكم على نفسه بالاعدام ! صعبه بيريز يستغني عن الدون لاسباب كثيره واولها واهمها ان بيريز وعد الجمهور قبل فتره بانه بيجدد لرونالدو ! والسبب الثاني ان رونالدو مستحيل يروح لباريس سان جيرمان لانه بهالحاله بيحكم على نفسه بالاعدام ! مستحيل رونالدو ياخذ جائزه احسن لاعب وهو في باريس !

اتمنى يكون كلام الشنيف مو صحيح و الله يكتب اللي فيه الخير للريال

ما اظن كرستيانو غبي للدرجة هاذي يترك مدريد

بالدوري الفرنسي ؟ ممكن تستمر بالتسجيل وربما تسجل اكثر من الليغا

لكن انك تنافس على الكرة الذهبية اعتقد ينسى هالشي !

فرق كبير بين انك تكون لاعب لمدريد وبين انك تكون لاعب لفريق توه طالع
الان صارلك كم موسم مع زملائك بالفريق يعني الانسجام متواجد تروح تترك
الفريق وتذهب لفريق جديد ودوري جديد !

واذكر قبل فترة صرح بانه لن يخرج قبل تحقيق لقب الهداف التاريخي
لريال مدريد , على العموم كلي ثقة بان رونالدو راح يجدد والونسو بيريز
ماهو غبي يتركهم بهالسهولة .

إقتباس الرسالة الأصلية كتبت بواسطة Abdullah-88 اذا كاسياس جاهز للعب ،، والدوري ودعناه من سنة جدي ،، ماتفرق فزنا خسرنا كلها واحد ،، ايش المانع في انه يلعب ؟ ولا لانه جاب العيد في فتره من فترات الموسم صار يع لاعب صار له 14 سنه مع فريق مقدم عطائات خرافية ،، نسيتو كل اللي سواه ؟

انا قصدي الفتره الي فاتت


الفتره الحاليه ممكن يلعب كاسياس ورجعه لجو المباريات

بس الفتره الي فاتت كان صعب انه يرجعه يلعب حتي في مباريات الدوري،

^

اظن مافي شبه بين وضع تيتو ووضع كارانكا

تيتو اقدر اسميه مجرد كومبارس حتى لا يتغير اسلوب برشلونة
بمعنى لو جلبو مدرب اخر لتغير الفكر

ايضا بخل ادارة برشلونة الي ساهم بشكل كبير بضعف برشلونة

اما الريال فوضعه مختلف جدا الريال مايمشي على منهجية معينه صحيح الريال
من عمر وهو فريق هجومي لكن كل مدرب ياتي وتكون له لمسته على الفريق

اما بالنسبة للمهاجمين فا اذا كان سيخرج واحد فا افضل خروج هيقوين وبقاء بنزيما
.