17/09/2012, 02:19 PM
|
| عضو اللجنة الإعلاميه للرياضة العالمية و رئيس رابطة ريال مدريد | | تاريخ التسجيل: 17/02/2009 المكان: مدرجات البرنابيو ق1
مشاركات: 2,963
| |
السلام عليكم ورحمة الله وبركاته .. هاردلك على الهزيمة المُره وابتعاد المنافس قليلاً عنا , صراحة مستوى الفريق متذبذب لحد الآن في المباراة الاولى امام فالنسيا تأملنا خير في المباراة الثاني وايضاً مستوى سيء وفي المباراة الثالثة امام غرناطة فوز مع مستوى مقبول نسبياً , بعدها مباراة اشبيلية اللي اقف عندها للحديث عن بعض الامور اللي كان من الممكن من المو يسويها , اولاً تشكيلة البداية , في كم اسم المفروض ما يكونون اساسيين , هيجوين + دي ماريا و اوزيل جميعهم لعبوا مباريات كبيرة مع منتخباتهم خصوصاً ماريا و هيجوين اللي لعبوا في امريكا الجنوبية , في بدائل على الدكة بتعوضهم ونص , عندك مودريتش ؟ كان المفترض بدل اوزيل او ماريا , عندك كاليخون , عندك كاكا ؟ , عموماً يبقى سر عدم مشاركتهم عند مورينهو ..! مباراة السيتي هي مباراة لاستعادة الروح والمستوى ولها ايجابيات كثيرة لو فزنا فيها بمستوى مميز , مستواك بيرجع لك ثقة اللاعبين في انفسهم بترجع وتبدا مجموعتك في الابطال الصعبة جداً بفوز على منافس لك على الصدارة يعني الفوز فيها مطلب ضروري , اتمنى اني اشوف كونتراو حاضر كاساسي للحد من خطورة مايكون واتمنى ايضاً مشاهدة مودريتش كاساسي بدلاً من اوزيل او دي ماريا , واتمنى ان يبدا مورينهو ببنزيما , بخصوص السيتي هم خطيرين جداً في الكورات العرضية يملكون لاعبين عمالقة توريه + كومباني + ليسكوت + وولدنا غارسيا + ودزيكو , ان شاء الله المو ينبه اللاعبين على الحذر من ارتكاب اخطاء قريبة من المنطقة وبعيدة ايضاً , السيتي يملك مفتاحين للعب او ثلاثة تقريباً لو يصك المو عليهم اعتبر الريال فائز , الاول توريه الثاني سيلفا وبنسبة اقل تيفيز . في الختام احب اقول لكم الدوري ما بعد طار متبقي 34 جولة فيه
امل كبير جداً وفيه وقت للتصحيح الاخطاء . |