الــعــالــمــيــه تــجــمــعــنــا .. خــيــمــة رمــضــان 1433 هـ - نادي الهلال السعودي - شبكة الزعيم

Q.Abdullah · #1 20/07/2012, 07:57 PM

السلام عليكم و رحمة الله و بركاته

مبارك عليكم الشهر .. اعاده الله علينا وعليكم وعلى الامتين .. العربيه والإسلاميه .. بالخير واليمن والبركات .. وأعاننا الله وإياكم على صيامه وقيامه وختم قرآنه .

..............

طبعاً العنوان زرفته من موضوع ابو حميد الارسنالي العام الماضي

تعودنا كل سنه يكون هناك موضوع يجمعنا نسولف فيه ونتعرف فيه على بعض اكثر

وبأذن الله تجمعنا هنا يكون ايجابي ويعم بالفائده على الجميع ..

2 -
اي شي يخص الكوره لانشوفه هنا

فيه كافيهات خاصه بتكون متواجده حتى بداية الدوريات

وايضاً اي صوره او فيديو مخله بالاداب سيتم ايقاف صاحب الرد شهر لذلك نرجو احترام القوانين وهالموضوع وضع من اجلكم ،، واتمنى التعاون مع المشرفين في حال وجدت مخالفه عن طريق الظغط على ايقونة التبليغ ..

انطلقوا ..

Madr!d · #2 20/07/2012, 08:07 PM

مبروك إفتتاح الخيمة

القهوه يا عيال

بإذن الله لي عودة في الخيمة

-Sraab- · #3 20/07/2012, 08:19 PM

*

وعليكم السلام ورحمه الله وبركاته ..

اول مره لي بالمقهى مدري الخيمة

وشسمه الله يحييني ويحييكم

ومبارك عليكم الشهر

حروف الغلا · #4 20/07/2012, 08:34 PM

مبروك افتتاح الخيمة

كل رمضان و الجميع بخييير

بعيد عن الكورة

باركولي خذت لاب جديد

و الخبر الاهم اخييييرا امي رضت على اخوي بعد انقطاع ثلاث سنوات

و الخبله للحين ما وصل البيت

Özil 10 · #5 20/07/2012, 08:50 PM

يعطيك العافية ابو عابد على افتتاح الموضوع

نبارك للجميع في شهر رمضان المبارك ونتمنى استغلاله خير استغلال بالطاعات وقراءة القران

ان شاء الله بتكون لي تواجد في الخيمة هنا معكم

للجميع

Özil 10 · #6 20/07/2012, 08:52 PM

من الي جاه احساس انه ما احترم جهاز المعدة

هههههههههههههههههههههههههههههههههههههههههههههههههههههههههههه

عاشق s.ramos · #7 20/07/2012, 08:14 PM

كم مرة نقولكم مآ تنفع خيمتكم في هالحر ؟

عوآفي عبدالله عالافتتآح

وأتمنى إضآفة قآنون جديد وهو إن اللي يجيب طآري البليآردو يتوقف

صيآماً مقبولاً وإفطآراً شهياً

Juventini · #8 20/07/2012, 08:17 PM

مبارك عليكم الشهر

كل عام و انتم بخير

تقبل صيامكم و قيامكم

مبروك الافتتاح عبدالله

و ان شاء الله لي عودة

Arsenal · #9 20/07/2012, 10:42 PM

إقتباس

الرسالة الأصلية كتبت بواسطة عاشق s.ramos


	كم مرة نقولكم مآ تنفع خيمتكم في هالحر ؟

من جد ض1

بس ترى عادي نركب مكيف و ما عندك مشكله خخخخخخخخخ

انا جبت سبليت العام .. هالسنه ما لي دخل ههههههههههه

La Magica · #10 21/07/2012, 02:02 AM

ماشاءالله وش هـ الزين

ع البركه الافتتاح

بالنسبه لنقاشكم انا مع المسلسل بس فيه اشياء بسيطه اتحفظ عليها مثل زوجاته وغيرها بش بشكل عام انا معه ولو ان مالي نيه اتابعه بس اشوف ايجابيه اكثر من سلبياته بكثير تعريف العالمي بصحابي جليل ومن اهم الشخصيات في التاريخ وبرضو فيه نوع من نشر ثقافه الاسلام وانه موب دين الارهاب والتفجيرات

تتوقع بيصل للعالم كتاب او قصه قصيره عنه او عن الاسلام بشكل عام ؟ مستحيل في احصائيه تقولك اكثر من 42% من العالم مايقرى وداخله فيها الكتب التعليميه خخخخ وبرضو 80% من العالم يملكون اقل من 10 كتب في بيوتهم يعني الشئ اللي بينشر هـ الفكره هو الافلام في المرتبه الاولى وبعدين المسلسلات خصوصا وان الانتاج لهـ المسلسل ضخم جدا جدا والاخراج برظو شكله ممتاز وعن طريقه ممكن تنشر ولو فكره بسيطه عن الاسلام

إقتباس


	5- منتج ومخرج وممثل مسلسل عمر هم عرب مسلمون لذلك كان التأنيب أشد بحيث معرفتهم لعظم مكآنة الصحآبة في الإسلآم وفضلهم ، بعكس فيلم الرسآلة اللي كآن من إنتآج وتمثيل وإخرآج نصآرى مآ عليهم شرهة ولآ لنآ عليهم سلطة نمنعهم .. الشرهة بس على القنآة اللي سعت لشراء الفيلم وعرضه .. أمآ مسلسل عمر فالشرهة والخطأ على الجميع على أصحاب المسلسل وعلى القنآة ..

بالكعس انا اشوف هذي نقطه سلبيه وسلبيه جدا النصراني تتوقع بيبحث ويتحرى بدقه عن المعلومات ولا بيدور عن المعلومات المثيره؟ الا خلنا حنا ندور عنها ونجيب الحقائق الاكيده وبرظو حسب كلام ام بي سي ان عدد من المشايخ راجعو النص واجازوه

إقتباس


	1 - اختيآر ممثلين أكفآء يُشهد لهم بالصلآح

يعني اللي يمثل دور حرامي هو حرامي؟ انس اذهب الى الجحيم

اوكي ماتجيبلي سربوت بس برظو انا ماعلي منه ولا علي من تاريخه اللي يهمني انه مايصير فيه معلومات خاطئه

الكلباني "يغرد": لا مانع من عرض "الفاروق" شريطة أن يراقب

الزبده الظاهر بما ان طاش ماعرض هـ السنه قالو عطونا اقرب شئ

Blue Beast · #11 20/07/2012, 08:33 PM

خيمة مباركة ’’ ان شاء الله ’’

امممممم

ياعندكم حر ’’ هههههههههههههههههههه

Q.Abdullah · #12 20/07/2012, 09:08 PM

على حسب ماقرأت قبل كم يوم ان فيه ملياردير سعودي تكفل انه يدفع تكاليف المسلسل
كامل بحيث انهم مايعرضونه والله يجزاه خيير على هالعمل الطيب بس مدري ايش
صار هل وافقوا او لا ، عموماً اتوقع بيتوقف المسلسل وهذا اتمناه ..

نقدر احنا نساهم بايقاف المسلسل بحيث اول مايبدأ بثه نغير عن القناه وبكذا بيلاحظون
ان مافيه احد يتابع المسلسل وبيخسرون مبالغ كبييره ، مختصراً الامر بيد الجميييع

الامر الاخير نصيحه اخويه ، رمضان شهر عباده اتمنى ماتضيعون وقتكم قدام التلفزيون
كل هالمسلسلاات اللي نويتم تتابعونها بتعاد بعد رمضان ، بالتوفيييق للجمييع

عاشق s.ramos · #13 20/07/2012, 09:44 PM

شخصياً لست معآرضاً لتمثيل دور الصحآبة رضوآن الله عليهم إذآ توفر شرطآن

1 - اختيآر ممثلين أكفآء يُشهد لهم بالصلآح
2 - عدم التحريف في القصة حتى في أبسط التفآصيل

الكثير من الأطفآل وممكن حتى الكبآر مآ يعرفون الكثير عن قصص الصحآبة
وطبعاً العرب في وآدي والقرآءة في وآدي

فـ ممكن يكون المسلسل مفيد من هالنآحية

Lover Inter 9 · #14 20/07/2012, 10:22 PM

السلام عليكم

رمضان مبارك .

انا اشوف انه حتى لو كان متفق عليه المشايخ كلهم انه حلال ماراح اشوفها
هذا واحد يسوي روحه صحابي ومن المبشرين بالجنه .
اصلا المسلسلات كلها المفروض مانشوفها الا بعد رمضان .

إقتباس


	لماذا لا تعرض في أشهر آخرى ؟ غير رمضان

هذا السؤال حير العالم اترك المسلسل هذا ليش المسلسلات ماتطلع الا برمضان ؟

على العموم هذي البدايه لاتصيرون عصبيين .

رمضان مبارك .

Arsenal · #15 20/07/2012, 10:46 PM

ما اقول الا الله يشغلهم في انفسهم

شهر طاعه و عباده و نشوف التركيز على المسلسلات بالطريقه هذي

الله يصلح الحال