الاعتذار من شيم الكبار الف شكر للكابتن عبدالله الزوري وان شاءلله تكون درس له وللاعبين

إقتباس الرسالة الأصلية كتبت بواسطة ناإأااإصرksa انا اجزم لو المرشدي سواء اللي سواه الزوري وشراحيلي بتشوف اكثر الجمهور يطالبون بطرده من النادي يااناس اللي يخطي لازم يتعاقب سواء الزوري او غيره لان الهلال وسمعة اهم منهم

إقتباس الرسالة الأصلية كتبت بواسطة بالروح هلالي بالضبط هذا اللي أبغى أقوله رابطه بالأسم فقط لاتحفيز ولا تشجيع المفروض هذا وقتهم ويستغلون فترة التوقف ويجهزون للمباريات الجايه وطرق التشجيع لكن للأسف من بداية الدوري ماشفت ولا موضوع لتحفيز الجمهور وتثقيف المشجع بطرق التشجيع وحث الجماهير على الحظور بالزي الأزرق لكن ماشفنا أي شي من هذا الكلام حتى النشيد الرسمي قالو بالصيف أنه راح يكون فيه نشيد رسمي بس ماشفنا شي والله العظيم الواحد ينقهر وهو يشوف في منتديات الأهلي والأتحاد تحفيز للجماهير وتنويع طرق التشجيع وأهازيج جديده أما الهلال وهو النادي الوحيد اللي جمهوره يملي الملاعب لايوجد عنده رابطه مثل الناس ألى متى؟

بجد رابطتنا ومجلس جمهورنا غريبين
ولايحتكون في الجماهير ماشوف لهم تواجد لا منتدى ولاتويتر
ومع هذا ليتنا نشوف منهم شي
والله مو من طبعي انتقد لكن صراحه مجلسنا ورابطتنا
في السنوات الاخيره مره مقصرين لابد يكونون قدوه
بما انهم هم الذين يقودون الجماهير ويقدمون مايعجب الجماهير ويخليها تحضر

انا عندي اقتراح

نجيب عشرة اشخاص بطول قادر مغنان مدري وش اسمه المدافع

وكتوف وعرض ويجلسون بالمدرجات واي احد من الجمهور يسب الاعبين نرسلهم عليه

كذا اللاعب يلعب وهو مرتاح مافيه احد يسبه

إقتباس الرسالة الأصلية كتبت بواسطة قاذف الصواريخ8 Abdel-razaq Moh'd‬‏@ABU_RAZQAH ودي احضر مباراة للهلال بآسيا مع كم تمرين لكن بعد سالفة البارح خايف اضرب مشوار واخرتها هزيمة وفوقها جلده محترمه من مانجان ..خلني اقضب ارضي!

إقتباس الرسالة الأصلية كتبت بواسطة қίάή على أساس الزوري الحين كل الجمـآهير معجبه بآدائه وتطآلب فيه بالتشكيلة الأساسية !! حدّث العاقل يَ أخوي .. بدل ما تنتقد وقوفنآ مع اللاعب المفروض تبـآرك هالخطوة ! أنت مهما كان منصبك أو مكانتك في المجتمع "إنســـآن" .. وبتظل كذلك .. لك قدرة معيّنة على التحمّل والتحكّم بردّة فعلك .. الزوري يقول من خلال تغريدات الأخ "سلطان الهلالي" : بعد مبآرآة الفتح وصلته كميّة كبيرة من رسائل الشتائم تحمّله خسـآرة المبآراة !! رغم أنه لم يشـآرك أسآسآ .. !!! فتصوّر معي أخي الكريم .. هذه الرسائل + ابنه في المشفى + تلفّظ أحد الجمآهير عليه ! ما هي ردّة الفعل التي تتوقعها منه بعد كل هذآ !! عموما هو وشراحيلي عوقبوا من الإدارة .. لكن .. إلى أيّ حآل وصل الجمهور الهلالي !!

كلام سليم وانا كنت انتقد التصرف وبعد اعتذار الاعب راح اكون اول واحد يدعمه

إقتباس الرسالة الأصلية كتبت بواسطة منبع المجد انا عندي اقتراح نجيب عشرة اشخاص بطول قادر مغنان مدري وش اسمه المدافع وكتوف وعرض ويجلسون بالمدرجات واي احد من الجمهور يسب الاعبين نرسلهم عليه كذا اللاعب يلعب وهو مرتاح مافيه احد يسبه

وليه المشجع مايحترم نفسه او يجلس في البيت
ياخي حب المشجع وتشجيعه النادي لايعطيه الحق
في سب خلق الله والله ياليت يكون فيه فعلا ناس او كاميرات
تراقب المشجعين القليلين تربيه وتطلعهم عشان نشوف رياضه شريفه
مو سب وشتم عشان كوره
يعني هذا اللي عامل فيها عنتر يحب الهلال ويغير عليه اكثر منها
وبنفس الوقت وش الفائده
انا ممكن اعذرهم في حال الغضب
بس انها تكون عاده حتى في بعض الردود
يجيب عليهم انهم يراجعون تربيتهم ويحاولون يربون انفسهم
ويعاملون الناس مثل مايحبون ان يعاملون

إقتباس الرسالة الأصلية كتبت بواسطة ناإأااإصرksa كلام سليم وانا كنت انتقد التصرف وبعد اعتذار الاعب راح اكون اول واحد يدعمه

الفريق يكتفي بمباراه وديه واحده يوم الجمعه امام الفتح

كنت اتمنى الاثنين مباراه والجمعه مباراه افضل من مباراه وحده بس الله يعني ويتعدل الوضع

متى مباراه الهلال في الاسيويه

إقتباس الرسالة الأصلية كتبت بواسطة سعوديه والهلال ناديه وليه المشجع مايحترم نفسه او يجلس في البيت ياخي حب المشجع وتشجيعه النادي لايعطيه الحق في سب خلق الله والله ياليت يكون فيه فعلا ناس او كاميرات تراقب المشجعين القليلين تربيه وتطلعهم عشان نشوف رياضه شريفه مو سب وشتم عشان كوره يعني هذا اللي عامل فيها عنتر يحب الهلال ويغير عليه اكثر منها وبنفس الوقت وش الفائده انا ممكن اعذرهم في حال الغضب بس انها تكون عاده حتى في بعض الردود يجيب عليهم انهم يراجعون تربيتهم ويحاولون يربون انفسهم ويعاملون الناس مثل مايحبون ان يعاملون

الحين تبي تحط كمرات للجماهير

رؤسا اندية اتهموا التحكيم بالرشوه وحلفوا وضربوا رجال الامن قدام الكميرات ما صار عليهم شيء وقفت على المشجع المسكين

قال الرسول صلى الله عليه وسلم(إنما هلك الذين من قبلكم أنه كان إذا سرق فيهم الشريف تركوه ، وإذا سرق فيهم الضعيف أقاموا عليه الحد )

إقتباس الرسالة الأصلية كتبت بواسطة منبع المجد الحين تبي تحط كمرات للجماهير رؤسا اندية اتهموا التحكيم بالرشوه وحلفوا وضربوا رجال الامن قدام الكميرات ما صار عليهم شيء وقفت على المشجع المسكين قال الرسول صلى الله عليه وسلم(إنما هلك الذين من قبلكم أنه كان إذا سرق فيهم الشريف تركوه ، وإذا سرق فيهم الضعيف أقاموا عليه الحد )

اللهم صلي على الرسول
اخوي انت ليش تقولني شي ماقلته
انا ماقلت رؤساء الانديه لايتعاقبون
الا من اول الناس في العقاب
وكل مخطي يتعاقب
وبعدين لو ضعيف وقليل ادب يجلس في بيته

إقتباس الرسالة الأصلية كتبت بواسطة assasson hilaly هههههههههههههههه واللي شي عجيب انا صراحه كل ماتحصل مشكله او لاعب ينكبنا بمباراه او يصير شي اول شي اراجع نفسي ان كنت انا اثق بأمكانياته الفنيه اقول هفوه ولاعب يحتاج ضربه ع الكتف ويرجع لمستواه .احيانا والله اخفف من حجم المشكله لاني أعلم يقينا وحطو تحت يقينا خطين اعلم يقينا ان المشكله سوف تحجم من قبل المندسين والجماهير الصفراء والاعلام قبل الجماهير الهلاليه .. والله يالجمهور الهلالي انكم غلابه وطحتو من عيني وانا اقول الجمهور الواعي والثقافي ياشيخ اقسم بالله بكره اكتب عنوان يقول الاداره تسعى لضم حسين عبدالغني وان الاداره تستقطب رجيع الانديه واكتب بسطر .." ومن ليس عاده الهلاليين ان يتعاقدون مع لاعبين استهلكوا طاقاتهم بالملاعب والفرق الخ " ابصم بالعشره الاقي مواضيع بالمنتدى يسبون الاداره وتجيب لنا لاعبين وطخ ام طخ وتكسير رووس ههههههههههههههههههههههههههههه .. لا لا الوضع مزري حتى بالشبكه هنا مندسين بالهبل .وواضحين للعيان والله ان ردودهم بين جمهور الهلال الغاضب لاتكاد تميزها ..والرقابه هنا حاليا .. شبه معدومه .. انا من سنه ماسجلت دخولي لكن والله مسجل دخول عشان احكرهم مواضيع تدبل النفس وتسد الشهيه وتضيق الخاطر ... والله انا من المشجعين اللي دايما ساكتين ولايناقش لابلاك بيري ولا تويتر ولا منتدى ولا اكتب اقرا فقط ,, والله ان كل هالمشأكل واضحه زي الشمس لنا ...تبون مثلا رأيي بالمشأكل الحين !! .. 1: ياعمي املا المعلب جماهير وجيب لهم رابطه مجنونه وخلي المدرج يتكلم ..وخليهم يفرغوا كل اللي فيهم بالمدرج ساعتها صارخ ازر انتقد وسو اللي تبي .وارعب الخصوم ..والله محد درا عناا بالمنتدى ننتقد وتروح تويتر وتسوي نفسك شخصيه وريتويت وخرابيط والله لافدت ولا شي همهم زي هم الاعلام الاخبار الدسمه .. والله الصراحه مامن المنتدى والتويتر والاعلام شي ايجابي للنادي 2 : تعيين مشرفين للمنتدى وتنظيفه ووضع قوانين واستخدام سياسه صارمه .. ياخي حرام المنتدى نص مليون ويروح علينا منتدسين ويتوسخ فيهم ..ممكن يكون صوت هلالي له شأن كبير !! ..الحين الاعب لو يدخل المنتدى ويقرأ والله مدري كيف بيبدع بالملعب ويلعب بروح والجماهير ماتبيه !! 3 : خلاص احنا تعودنا على الافضل وعلى عهد قريتس ..وصار عندنااا منت افضل من رادوي لاتجي محور!! .وصرنا نحكم من مباراتين على الاعب ..ايها المشجع الهلالي قيم الامكانيات الفنيه للاعب وازره.انا لازلت مقتنع بأمكانيات العربي وكنت اراهن على الكوري ودول واحنا طيرناه لان المشكله ماكانت منه مع انه مو بمسستوانا صراحه وايمانا وطيرناه..انت ازر الاعب .وراح يعطيك الاعب ..لكن تنتقده من اجل هفوه او شي بسيط لا حبيبي انا اراهنك المباراه الجايه ماراح يبدع ولا راح يعطيك شي ..ياخي هذي كوره قدم ..والاعبين بشر وكل شي يدخل في الكوره ... 4 : الاداره سوت خطأ هالموسم نفس الموسم الماضي وهي التعاقدات المتاخره ..لكن ليش تعظمون الخطأ ..الحين انتم تنتقدون الاعبين والأداره وكل شي !..وتبغونهم يبدعون لازم تعقلون وتصيرون عقلانيين .. 5 : الجمهور الهلالي اصبح سيئ ...انا اصنفه بأسوأ حظور بالسنوات الاخيره السنه الماضيه ويمكن هذي ..لان بدايه هالموسم .ماكانت مأموله .. ولان وسط كل هالمشأكل اللي يعيشها النادي انت قاعد يالمشجع الهلالي بالبيت مرتاح وتحت المكيف وتفصفص وتنتظر مستوى. !! .. .. لو نسخت هالكلام وحطيته بموضوع .. ههههههههه بس عطوني لايك

ياسلام عليك قلت كل الكلام اللي أبغى أقوله وخاصه الرابطه اللي مع أحترامي لهم لاتليق بالهلال وعلى مجلس الجمهور
بقيادة الهديب أما يشتغلون مثل الناس وإلا يتركونها لغيرهم
بالنسبه للمشرفين للأسف مقصرين كثير والمنتدى مليئ بالمندسين اللي يزيدون يوم ورى يوم وتاركينهم على راحتهم في سب اللاعبين والأداره والتفرقه بين جمهور الهلال

ياخخي خلاص الزوري واعتذر موب لازم تكبرون السالفه
الله يشفي ولدك يالزوري ويخليه لك ويخليك له دعواتكم لولده اححسن من سالفة الهوشه اللي تتكلمون عنها
ولاتنسون اهل سوريا وبورما وفلسطين و"صالح المهوس" تراه محتاج دعائكم لاتبخلون عليه من دعائكم ان الله يشفيه ويعافيه ويفك اسره يارب
*اللهم صل وسلم على سيدنا محمد وعلى آله وصحبه وسلم تسليما كثيرا