بالنسبه للفريدي مو مصدق ان للحين فيه أحد يطآلب فيه ..

اللاعب طلع ويقول طموحي انتهى مع الهلال وتقولون جددوا معه ؟؟
ابن مساعد يطلع في برنامج ويقول انا اقدر الفريدي ووالده وهو اعطانا مهله اسبوع وبيرد .. ونحصله اليوم الثاني طالع في الرياضيه ويقول طموحي انتهى !! ياخي قدر ابوفيصل علىآ الاقل ؟؟

من قبل ماينتهي الموسم والهلال مقدم له عرض والىآ الان يماطل ..

وربي لو رئيس الهلال شجاع ويهتم بسمعه النادي كان سحب عرضه وخلاه على لائحه الانتقال ..

مابقى الا ابوفيصل يجمع أعضاء الشرف ويروحون لبيته يطلبونه يجدد ..

كم تمنيت ان رئيس الهلال البلطان او محمد بن فيصل حتى ترجع هيبه الهلال في الوسط الرياضي ..

كل عام وانتم بخير والشهر عليكم مبارك
وان شاء الله يصير النقاش في اطار احترام الرأي وعدم الخروج عن الموضوع
والله يوفق الجميع ..

السلام عليكم

بشروا وقع كوكو ولا لا

إقتباس الرسالة الأصلية كتبت بواسطة قاذف الصواريخ8 السلام عليكم

إقتباس الرسالة الأصلية كتبت بواسطة قاذف الصواريخ8 بشروا وقع كوكو ولا لا

وعليكم السلام

محد وقع للحين لا كوكو ولا مومو

إقتباس الرسالة الأصلية كتبت بواسطة SCORPION-KING وعليكم السلام محد وقع للحين لا كوكو ولا مومو

ههههههههههههههههههههههههه

ان شاء الله يوقع

إقتباس Faisal Al-Shammari ‏@fesal2010 مساء الخير .. ربما يتأخر الإعلان يوم آخر لكن كوبيتي هو الأجنبي الرابع

مع إني ما أعرف فيصل الشمري لكن كل تأخيره فيها خيره .. وكنت سابقاً متحمس لكوبيتي لكن بعد معرفتي لمعدل التسجيل لا أعتقد أنه ضالة الهلال لأن مركزه الأساسي جناح أيسر ويستطيع اللعب راس حربه تقليدي .. واللي أعرفه أن المدرب طلب لاعب وسط أيمن يلعب على الأطراف يعني كوبيتي يخالف رأي المدرب إلا إذا كان ما نقلنا من المدرب خطأ هذا شيء ثاني ..!!

نحتاج رأس حربة صريح هداف قناص ما يرحم قدام الباب وليس من الصعوبة جلب لاعب بهذه المواصفات بما أن لديك 9 مليون يورو يعني 45 مليون ريال سعودي تقدر تجيب لاعبين مهاجم وصانع لعب من أمريكا اللاتينية وخاصة من البرازيل التي يوجد لديها مواهب متعددة المراكز با مكان الهلال جلب لاعبين بهذا المبلغ ..!!

قد يقول قائل أنني متسرع في الحكم على اللاعب ولم نشاهده على الطبيعة هذا صحيح ولكن ليالي العيد تبان من عصاريها ولست مع الأشخاص الذين يقولون سعره في السوق العالمية رخيص فهذا الأمر ليس مقياس ولكن المقياس عندي معدل التهديف وصناعة اللعب فكوبيتي لعب 22 مباراة وسجل 7 أهداف فقط معدل ضعيف جدا جدا لمهاجم رأس حربة ولم يصنع أي هدف ..!!

إقتباس الرسالة الأصلية كتبت بواسطة mohammed al-yusuf اتفق معاك في بعض مما قلت بالنسبه للعرض اللي قدمته الاداره للفريدي 5 مليون ريال للموسم .. وقياس على العروض المقدمه للاعبين الاخرين يكون قليل جدا انا اعطيك مثال يوسف العربي الهلال اشتراه بـ 7 مليون يورو اي قرابة 40 مليون ريال للاربع سنوات .. الفريدي افضل من يوسف العربي وايضا محلي يعني ما راح يأخذ مكان اجنبي والهلال يبغا يجدد بـ 20 مليون !! الفريدي قال للهلال الموسم بـ 7 مليون يعني 4 مواسم بـ 28 مليون ريال .. والسعر معقول نسبه للمبالغ اللي نسمعها .. لا تصدق كل ما يقال .. الاداره الهلاليه عندها شح في التوقيع مع اللاعبين المحلين لانها ربما لا تستفيد منهم ماديا .. بعكس الانديه الثانيه لو رأيت الشباب بكم يجدد عقوده للاعبين المحلين !! وانا متأكد لو الفريدي عند الشباب كان جددوا عقده من الموسم الماضي .. وايضا لو الهلال بقيادة الامير بندر بن محمد كان سمعنا تجديد الفريدي من منتصف الموسم الماضي .. وصدقوني راح نسمع مثل هالسالفه كثير .. بكرا العابد وعزوز والفرج والبيشي كلهم يبون عقود مثل باقي اللاعبين بالانديه الثانيه .. وبعطيك مثال من لعية الشباب الحارس وليد عبدالله وقع مع الشباب بـ 20 مليون لاربع مواسم .. ولا تنسى انه حارس .. يعني معقوله وليد يقارن بالفريدي !! امما عن الافضل بالهلال انا اتفق معاك انه عزوز افضل في صناعة اللعب .. لكن الفريدي افضل لانه يلعب في اكثر من مركز تجده محور ويساند الدفاع ويقطع كور وهذا لايوجد عند اي لاعب هلالي .. وايضا رفعاته احسن من عزوز .. عزوز يتميز بالسرعه والباصات .. والفريدي يتميز بقطع الكور والرفعات وايضا الباصات اما التسديد الافضل عزوز ومن ثم نواف ومن ثم الفريدي اتمنى قدرت اوصل وجهة نظري

انا في هالحاله ماشوف العروض المقدمه للاخرين اشوف العروض الي يقدمها بالملعب بكل صصراحة الفريدي لاعب مززززززززززززززاجي ... وبارد ..
وانا ماحتاج مثل كذا لاعبين .. وبخصوص ان الاداره عندها شح اعتقد قدمت لهوساوي اكبر عقد للاعب سسسعودي ... تقديمك ف الملعب يشفع وبيكون من حقك
تطالب بمبالغ خيالية .. الفريدي يصبر وبيوصل للمبالغ الخيالية لكن انه مسسسستعجل ,,
....

والله ياحبيبي .. انت اول شيء قارنت مهاجم و ( اجنبي ) على لاعب وسسط
وهذي من سسسسابع المسسستحيلات الشيء الثاني واعيد واكرر لاعبين الشباب
واي لاعبين ثانيين انا اشوف تقديم اللاعب في ارض الملعب هذا الشيء الي يهمني بالاول والاخيير
................

اتفق معك ولكــن للحين ماقدم شيء يشفع يخليه يماااطل بهالشكل ..

احمّد بااَدغيش‏@iAhmed_95
1⃣ اكد في تصريحات صحفيه ان العرض السعودي الافضل .. رئيس انديبندينتي سانتا : سنبيع كوبيتي و نشتري اخرين

احمّد بااَدغيش‏@iAhmed_95
2⃣ اكدت مصادر صحفيه ان رئيس انديتبدينتي سانتا رجل الاعمال سيزار باسترانا وافق على عرض الهلال لان النادي سيستفيد ماليا من العرض المقدم

احمّد بااَدغيش‏@iAhmed_95
3⃣ حيث ان العرض السعودي المقدم يعتبر جيد ماليا بحيث يحصل النادي على ٥٠٪

احمّد بااَدغيش‏@iAhmed_95
4⃣ وكان كوبيتي قد اكد في تصريحات لصحيفه ليقا بوستوبون المختصه بالكره الكولمبيه اوردتها( قول اونلاين )انه يجهل مصيره و سيتحدث مع وكيل اعماله

احمّد بااَدغيش‏@iAhmed_95
5⃣ الله يكتب اللي فيه الخير لهلالنا

ياخوي الموضوع هذا ميت مو مثل اخبار التعاقدات الي قفلوه مدري ليه قفلوه للحين ماخلصنا تعاقدات

المهم الفريدي يقدم له عرض ويترك على طاولته فتره طويله خطأ!!!!!!
يعني يقدم له عرض بقدر مثلا 5 مليون بالموسم والعرض مدته 20 يوم مثلا اذا انتهت ال20 يوم ولا رد
يخفض العرض ل4.5 ويعطى مهله 20 يوم واذا مارد
يخفض العرض ل4.0 مليون ومهله 20 يوم
وكذا يعرف ويحط بباله انه اذا حب يماطل او يلف ويدور يعرف انه راح ينقص من عقده ويروح عليه ميزات
ويكون عبره للاعبين الثانين يقولون شوفو الفريدي ماطل وراح عليه ميزات يعني اي لاعب يفكر انه يماطل ويبحث عن عروض من انديه اخرى يعرف انه راح يقل عقده او تقل ميزاته
الفريدي لو ماهو محصل له عقد مغري ما كان انتظر شهرين من تقديم العرض الهلالي

السناريو كالتالي
جاه كلام من عضو شرف من النادي الفلاني
قال له بجيب لك عرض مغري
الفريدي قال ممتاز لاجاني العرض المغري راح اكسب قرب لاهلي وعرض مغري
واذا ماطلعت من الهلال اكيد بيرتفع العرض لمستوى هذاك العرض واكون رفعت سعري مع الهلال
الفريدي مارد على الهلال لانه ماظمن العرض الي من تحت الطاوله وينتظر يدخل فترة الست اشهر حتى يشوف عضو الشرف الي وعده بعرض مغري هو يوفي بوعده ويقدم عرضه الرسمي والا لا
اذا ماقدم عرضه الكبير راح يقول انا اعشق الهلال واحب ابقى فيه ويجلس بالعرض المقدم من شهرين

اخوي محمد اليوسف ,

اذا ماتقدر تنآقش او تجادل وتجيب برآهين , مايحتاج اخوي الكريم انك تقعد تقلل من شأن غيرك ,

الارقام قدآمك .. والارقام ماتكذب ,! وبعدين بخصوص نقطتك اللي تقول ان الفريدي سجل 3 اهداف في مباراة وحده , .. وش يفيدني لاعب في خلال 30 لقآء يصنع لي 3 اقوال في مباراة وحده؟

ع العموم انا قلت اللي عندي وماراح ازيد بالكلام في هالموضوع .. انا اثبت لك وانت ماقدرت تثبت لي الا بكلام انشائي ^_^ ,

الفريدي الصراحة لو فيه عقد بيآخذه ,اشوف يآخذ 13 مليون لمدة 5 سنوات .. هذا اذا اني بدلعه بعد ^_^ ,

لاخ زيزو 7 , وسكوربين كنق , برضو طرحو ارائهم وكفو و وفو ^_^, تحيآتي لكم ..

الله يستر من سالفة المقاطع الي ورطتنا العام الماضي مع ايمانا ..
ويا خوفنا تورطنا مع الكولمبي ..
خصوصاً أن احصائياته التهديفيه وصناعة اللعب ضعيفه

إقتباس الرسالة الأصلية كتبت بواسطة عاشق الريال الملكي الله يستر من سالفة المقاطع الي ورطتنا العام الماضي مع ايمانا .. ويا خوفنا تورطنا مع الكولمبي .. خصوصاً أن احصائياته التهديفيه وصناعة اللعب ضعيفه

من جد ايمانا من اول ماشفنا مقاطعه واحنا رايحيين فيها نبيهه

ويوم جا وشفنا الحقيقه ولا كانهه اللاعب الي شفناهه

والكولمبي اتوقع راح ينجح هو مميز وهداف وانديه كثيره تطالبه

والله يكتب اللي فيه خير للزعيم

فيه ناس تناقش ... لمجررررد الخصام .. والانتقاص من الاخرين ..
اعتقد كل واحد في هالمنتدى له رايه الخاص فيه
ويجبل علينا احترامه .. ونناقشه بناء على الراي ...
اتمنى تكون هناك وقفة للمشرفييييييييييييييييييين ,,

بالتوفيق للملكي...

.....................................

@A_Bin_Mosaad