||● رابطة عشاق زعيم انجلترا 2012 - 2013 ●||● Glory Glory Man United ●|| - نادي الهلال السعودي - شبكة الزعيم

الوافي001 · #11 11/11/2012, 10:06 AM

اتوقع مباراة امس رد على كل من قال ان الجولات الجاية سهلة .. لا والله مب سهلة .. فريقنا حتى الان ما فرض نفسه على ارض الملعب .. الهيبة قاعدة ترجع للفريق بالفوز المتواصل .. لكن المشكلة بان الفريق قاعد يستقبل اهداف بالهبل .. الهجوم عوض مرة مرتين خمس ثمان عشر مرات وفزنا بالمباراة .. لازم السير ينتبه ويشوف صرفة .. ما الوم سمالينق .. طول المباراة كان ممتاز الا بلقطة الهدف .. ما الوم اي احد بالدفاع والحراسة .. الوم السير اللي تارك مساحة كبيرة بين سكولز وكاريك قلوب الدفاع .. وجود ظهيرين هجومين ممتاز لو كان دفاعك وحارسك في احسن حالاتهم ..

تذكرون 2007-2009 كيف كان دفاعنا قوي .. كان ايفرا يتقدم من جهة رونالدو وبراون/اوشيه اللي كانوا يلعبون ظهير يمين يضم للعمق مع الدفاع ويكونلك خطة 3-5-2 .. اللي قاعدين نشوفه الحين .. 2-6-2 زحمة وتدوير كورة من دون حلول غير العرضيات وبمجرد ما ضغطوا على فالنسيا انتهت خطورة مانشستر .. مب هنا المشكلة .. المشكلة اي كورة مرتدة تكون خطيرة .. صحيح كانت قليلة لكن باهداف بسبب المساحة المبالغ فيها .. كاريك وسكولز كانوا افضل ثنائي ممكن يلعب العام بسبب ان الفريق كان مفقع

.. هالموسم اللي لاحظته قبل ان سكولز وكاريك ما يصلحون يتركون مساحات وسيعة وراهم .. لازم كليفرلي او اندرسون مع كاريك .. السرعة والضغط العالي يفتقده سكولز .. وفيه كورة امس لاقبونلاهور انطلق من جنبه وبغى يكسره سكولز خطأ تكتيكي لكن من كثر ما هو بطيء ما قدر يلحق على رجله .. برضو انا ما الوم سكولز .. الكثير امس يشوفه سيء انا اشوفه على كثر اخطائه العين المفتحة بالفريق امس بعد هرنانديز ..

المطلوب من السير المباريات الكبيرة زي تشيلسي السيتي ليفربول ارسنال تحتاج لاعب زي سكولز .. سكولز ميزته يحسملك امر معركة الوسط .. يعني استحواذ انسى قدام سكولز .. لكن بمباراة امس سواء سكولز موجود ولا لا .. ابطلع بالاستحواذ لان خطة الفيلا قفل والعب على المرتدات .. فما كنت احتاج سكولز قد ما احتاج كليفرلي او اندرسون .. ايضا اشلي يونق لاعب ما يفيد الا في المساحات .. يعرف كيف يدخل في المساحات .. كان من الاجدى للفريق ولفورمة هرنانديز العالية ان روني يلعب جناح وهرنانديز راس الحربة ..

انا قلتها من بعد مباراة توتنهام .. ان الشوط الثاني حق مباراة توتنهام راح يكون انطلاقة الفريق ذا الموسم .. واللي قاعدين نشوفه الحين ان من بعد ذيك المباراة في كل البطولات فوز .. اتوقع 7 مباريات فوز متاالي اذا شلنا مباراة تشيلسي في الكابيتال ون ..

المهم افرحوا يا أصحابي

.. وخلونا نضحك اليوم في المباراتين على السيتي وليفربول وتشيلسي .. بنصير نصراوين .. نبي نضحك على الخسران

..