||● رابطة عشاق زعيم انجلترا 2012 - 2013 ●||● Glory Glory Man United ●|| - نادي الهلال السعودي - شبكة الزعيم

’ĦάṂάďỲ‘ · #11 27/09/2012, 10:45 PM

إقتباس

الرسالة الأصلية كتبت بواسطة Meshal995


	اول شيء نكرر اعتذار ديكستر و نرجع للهياط انتم مستواكم مؤ ثابت و مستوى عادي و احياناً اقل من عادي و اللاعب الوحيد اللي لازم ما نعطيه فرصه للتنفس فان بيرسي و انا متأكد ان دي ماتيو ماراح يعطيه الفرصة للتمخطر في وسطنا > التمخطر = يأخذ راحته و عندكم بعد رافيال خطير و ممكن يعمل اي شيء لا هاجم بس متأكد ان ماتا و هازارد و أوسكار بيقروشونه و بيخلونه يمسك مركزه و لا يهاجم

اول شيء حياك الله يالغالي انت وديكستر ، الرابطة رابطتكم متى ما تبون تشاركون تعالوا

بخصوص رأيي عن تشيلسي امس ، قلت كلامي بسرعة ، ابي اشوف ردة فعلكم على كلامي

وطلعتوا عاقلين ما شاء الله عليكم

بخصوص تشيلسي ، فـ بدون ادنى شك احد اندية البيق فور ، ونادي صعب وقوي جداً
ولاحد يختلف على ان تشيلسي ماحد يتمنى يلعب ضده ، مثل اليونايتد او ارسنال او او او

للامانة ، قبل مبارياتنا معاكم يجيني شعور غريب ، يخالطه شوي من الخوف

وهالمرة انعكسيت الاية ، صرت متفائل وودي نلعب معكم اليوم قبل بكره

على كل حال المباراتين اللي ضدكم مثل ما ذكرت انا متفائل جداً
والسبب هو مدربكم الزلابه مع احترامي لكم ، يعني مدرب عنده هالكمية من النجوم ولا يقدر يسوي اي شيء
اقل شيء عليك انك تسميه زلابه

على ما اعتقد ان اول مباراة معكم بـ الدوري ، وللإسف راح نفقد اهم لاعبيتنا ضدكم الا وهو جون تيري

ايه جون تيري وش فيك مستغرب ، بعيداً عن التعصب والضحك وكذا ، تيري اذا قابل بيرسي او اليونايتد تختبص علومه
ولا بدري وش يسوي ، وقد نلتمس له العذر في الزحلقه الشهيرة

على كل حال مباراة الدوري راح يرجع فالنسيا ورافا بإذن الله
اضافة الى روني اللي بتكتمل جاهزيته بإذن الله ، غير بيرسي وتشيشا وويلباك
اضف على هالكلام كله ، اشلي راح يرجع قبلها بإسبوعين

يعني امورنا في السليم ضدكم

لكن مباراة الكأس اتوقع بإنها اقرب لكم
لإن السير ما يهتم فيها كثير ، غير كذا يلعب الشباب دايم فيها
ولا فيه امل نلعب بالفريق الاول ، لإننا بنلعب معكم قبلها بالدوري وبعدها مع ارسنال
اضافة الى ان دي ماتيو يبدوا لي بإنه مهتم لها ، خصوصاً بإن المباراة الاخيرة ملعب نص فريقه الاساسيين

عالعموم الامنيات كل الامنيات اننا ما نشوف مارتن اتكنسون طاقها بالستامفورد بريدج بوحدة من هالمباريات خصوصاً وانه خصم قوي وعنيد
ولا يقل قوة عن فريقكم

للمرة المليون حياكم الله انت وديكستر ، واسعدتونا بإنبراشتكم

إقتباس

الرسالة الأصلية كتبت بواسطة فتـى بريده


	مسـاء الخير . أهلاً بـ زعماء إنجلترا <بس لاحد يشوف من رابطة الليفر , أخاف يقولون وين الي يكتب زعيم آنجلترا برابطتنا. ألف مبروك الفوز على الليفر وفوز أمس , ماشاء الله علكيم تمشون وتفوزون. دخــلت أبسـلم عليكم نفرنفر وأبسألكم عن الغيابات من الي 100% راح يغيب غير فيـدتش .

حي الله هالطلة يا فهد

يبارك فيك يا غالي ، ولا اشوفك خايف مرة ثانية يوم تقول زعيم انجلترا لانك مانشستراوي قبل تكون سبيرزاوي

بخصوص الغيابات فـ 90% ، راح يغيب غير فيديتش رافايل وفالنسيا واشلي يونق وجونز وسمولينق
وهناك شكوك بإن السير راح يبدأ بروني او يريحه

بخصوص المباراة فـ اشوفكم متشائم جداً

، وحبيت اقولك لا تنسى انك بالبريمر وما فيه شيء اسمه مستحيل
خصوصاً واننا تمصخرنا العام بالاولدترافورد من اكثر من فريق

غير كذا كمية الاصابات اللي لاعبة في حسبتنا لعب
اضافة الى ان فريقكم جبار ، لكن يفتقد للانسجام ، متى ما انسجم فريق

صدقني راح يآكل الاخضر واليابس

وحياك الله مرة ثانية