الف مبرووك الفوز
لعب جيد جدا هدف كلفرني مجنون
ابرز مافي المباراه عوده فالنسيا

إقتباس الرسالة الأصلية كتبت بواسطة الوافي001 سلام عليهم .. بكرا فيه يوم مليان مباريات .. لكن نجي للاهم .. مباراتنا مع نيوكاسل .. هالفريق هذا على ملعبه علة .. زد عليها ان مانشستر تروح ثلاث ارباع هيبته برا ملعبه .. الشي اللي ممكن يخليني أتفائل هو وجود بيرسي وروني مع بعض + قوة الاستحواذ اللي ظهر فيها فريقنا اخر مباراة ونص .. الشوط الثاني من توتنهام ومباراة الثلاثاء .. هالاستحواذ يريح الدفاع كثير ولو تلاحظون هجمتهم الوحيدة على سنع كانت كورة القول .. اما الباقي كورنر ولا فاول .. وهالشي نقدر نتفاداه بالضغط على حامل الكورة من بدري .. خطة المباراة الماضية ابدي فيها اعجابي الكبير .. الزيادة العددية في منطقة الجزاء مشكلة واضحة في الثلاث سنوات الاخيرة .. والمباراة اللي راحت انحلت المشكلة بدخول روني وبيرسي للعمق .. المشكلة الوحيدة كانت بتضيع بيرسي لكور سهلة قدام المرمى + كنترول وباصات تشيتشاريتو التعبانة .. ادخال ويلباك مكان هرنانديز اليوم راح يعطينا المستوى اللي نطالب فيه من زمان .. مشكلة اخيرة في هالخطة هي وجود سكولز البطيء مقارنة بفلتشر وكليفرلي وكاريك .. الحل بتثبيت سكولز في الدائرة ولعب كراته الطويلة وياخذ راحته بعيد عن تيوتي العلة .. كاريك يقدر يقوم بادوار دفاعية وهجومية بسبب لياقته العالية .. ما يقدر يقوم بادوار فلتشر لكن لازم نعترف فلتشر ما فيه مثله احد بالفريق وهو الحلقة الناقصة بالنص .. يقوم بادوار سكولز وكاريك مع بعض .. يمكن الجميع يشوف لا لعب سكولز يختلف رتم الفريق .. واوافقكم بهالشي .. بالنسبة لي افضل فلتشر في كامل عافيته على سكولز والسبب زي ما قلت بطيء سكولز + ضعف التاكلينق عنده .. طبعا هالخطة راكية كثير زي ما قلت على بوتنر ورافاييل .. لكن وجود ايفرا حاليا هو صعوبة المباريات بالنسبة للفريق .. ولا متأكد لو بنلعب مباريات اسهل من كذا كان شفنا بوتنر اساسي .. ايفرا عاجز يعدي عاجز يرفع .. كانت فيه ميزتين بالاول .. مهارته وباصاته .. الحين فقد كل الثنتين .. نيوكاسل يفتقد بالخلف 3 لاعبين مهمين .. كولوتشيني وتايلر وكرول .. هاربر فضيحة .. حارس ناسي وشلون الكورة تنلعب .. اي تسديدة من روني باذن الله راح تكون خطيرة .. لكن هذا ما يمنع ان تيوتي وكاباي وبن عرفة عن كل وسطنا ههههههههههههههههه .. ولا انسى ديمبا با وسيسيه .. ممكن سيسيه ما هو في افضل مستوياته لكن هدفه الاخير باليورو ليق يروع .. ديمبا با في قمة مستوياته حاليا .. ايفانز يقدر عليه لو كان جاهز بدنيا .. الكلام كله على من بيلعب حارس .. دي خيا اضمن صدات صعبة لكن العرضيات بنتعذب .. الثاني المخيس بيصدلك اي كورة تجي للنص ومهب ناكب .. لكن كور صعبة انس يصدها .. كل التوفيق لليونايتد .. مباراة مفصلية لثقة اللاعبين والجمهور بالفريق ..

........................كاريك (ارتكاز)....................

كليفرلي(محور اقرب للهجوم)..........فليتشر (محور اقرب للدفاع)

........................روني (صانع لعب).....................
.....................ويلباك............بيرسي.................


هذي تقريبآ خطة الماسة..اللي اشتهر بها انشلوتي مع ميلان..ومع تشلسي..لكن كان عنده لاعبين وسط اقوياء
ويساعدون على تنفيذ هالخطة




خطة الماسة اللي يلعب بها فيرغي حاليآ حلوة لكن ماهو بالسهولة نتحول لها..يا حبيبي لنا 6 سنوات نلعب 442
واجنحة سلق..ايضا السلبية الثانية لازم تصرٌف كم لاعب وتجيب كم لاعب ان كنت ناوي تستمر على هالخطة..
يونغ قطه على استون فيلا وصرٌف ناني ..ما عاد لهم لزمة..وجب صانع لعب فخم وحط روني جنب بيرسي..

الخطة حلوة للزنقات..يعني في مثل هالفترة يونغ مصاب وناني زبٌال حلو انك تلعب بهالطريقة..





........................................................

مبروك الفوز على نيوكاسل..الشي الجميل ان الفريق سجل من ركنيتين..هذي عليها عيد..والشي السيء ان الفريق ما ظهر كثير غير هالركنيتين

يعني تقدر تقول فوزنا من كرات ثابتة..اصابة قلوب دفاع نيوكاسل + حارسهم وغيابهم عن المباراة كان سبب..

1.400.000
1.150.000

هاه وش اكثر الحين