مبروك الفوز يازعماء

اليونايتد اليوم غييييير صراحة الشوط الاول المستوى ممتاز جدا

وفرحت اليوم لعودة الوحش فيديش

الف الف مبروك الفوز شباب اليونايتد يمشي بخطا ثابته للدوري ان شاءالله

مبرووك الفوز وعقبال المحافظه على النقاط وعدم التفريط فيها

فان بيرسي وبس

حمد لله على هالصفقه اللي صفقت وجيه باقي الانديه

إقتباس السير مانشستر يونايتد لن يقوم بأي صفقة في يناير

يالسير شوف غير هالكلام

حقيقه مانشستر بحاجه لتدعيم بعض المراكز لاسيما حراسة المرمى والاجنحه

مستحيل ما ينصاب فلنسيا او اشلي يونق او كلاهما في نفس الوقت او على الاقل

ينخفض مستواهم مع اني ارى انه اشلي يونق تحسن مستواه الا انه لابد من وجود لاعب يصنع الفرق في الاجنحه مثل روريقز لاعب بورتو البرتغالي حتى يستطيع مانشستر المنافسه على دوري الابطال .

حتى على مستوى حراسة المرمى دي خيا يعتبر جيد توعا ما وفي مبارايات اقل من جيد
اما ليندقارد فهو اقل من مستوى مانشستر بكثير ويجب على التحرك لضم حارس كبير يليق بمانشستر و يكون دعامه حقيقيه لحراسة المرمى .

اللي يبغى يعيش الفرق ياخذ له دقيقتين ويقارن بين دي خيا و ولنديقارد و فاندرسار

ياجماعه دوري الابطال السنه الماضيه بطله الحقيقي بلا منازع كان بيتر تشيك

صدق لاقالو الحارس نصف الفريق

اتمنى ان كلام السير هذا كان حرب اعلاميه فقط ..

موفقين

إقتباس الرسالة الأصلية كتبت بواسطة الوافي001 السيتي ماهو على بعضه ذا الموسم .. لكن مع كل هذا .. فيه شخصية البطل زي ما يقولون .. وهالشي ما تلقاه في أرسنال الحالي مثلا .. ضيع في البداية وكان ممكن يخليها 5 او 6 واكتفى بـ 2 .. الشوط الثاني حتى وهو تحت الضغط سجل الثالث وانهى المباراة .. لما ترجع للمباراة تلقى السيتي يستاهل الفوز .. لكن لما ترجع للسيناريو وخصوصا بعد هدف ديمبا با .. تلقى نيوكاسل ضغط وكان ممكن يطلع بتعادل على الاقل .. وهالشي لو صار ما يتحمله الا اقويرو .. اقويرو ذا الموسم سيء بشكل قبيح .. تحركه ومهارته زي ما هي .. لكن الفينيشنج جدا تعبان .. بقية الفريق كانوا جدا ممتازين .. من هارت الى نصري .. نجي للزعيم .. لعبنا مباراة ممتازة كعادتنا في الأولد ترافورد .. وبالأخير طلعنا بنتيجة قبيحة جدا جدا .. العالم كانت تقول ريفينج تايم وانتقام ونبي 7 ونبي 8 .. وكلنا عارفين فريقنا وواضح انه مستحيل يتعدا فرق هدفين .. من يجيب الثاني يهدا الرتم والحماس وكننا ضمنا الفوز .. الفريق كله كان ممتاز باستثناء فالنسيا .. لكن مع هذا كان ممكن سندرلاند القبيح والعقيم يطلع بشي من المباراة .. اي فريق يخسر الدوري باخر ثانية .. ما يرجع بطل الموسم اللي بعده .. وهالشي اهني السير فيه كيف رجعنا بسرعة وطلع الفريق من ذيك الخسارة .. لكن اي فريق يخسر بسبب فرق الأهداف المفروض انه يكون تعلم الدرس ويحاول يستغل اي فرصة انه يسجل اكبر كمية من الأهداف .. اللي صاير العكس .. الفريق رجع زي ما كان .. ممتاز ويخلص المباراة .. لكن وكأن الأهداف مب أولوية بالنسبة للفريق .. النتايج الكبيرة تعطي للفريق هيبة .. ندخل المباريات وحنا مرتاحين .. اما انك ترجع الفرق المخيسة للمباراة .. راح يجي سيناريو الـ 4-4 ضد ايفرتون العام .. وبيتكرر ان ما كان فيه تدخل واضح .. السير كررها وقالها أول الموسم .. لازم نسجل من أي فرصة ولازم نسجل أكبر عدد ممكن من الأهداف .. اللي صاير ان ارقامنا الهجومية ممتازة وكمعدل تهديفي بطل .. لكن لما تشوف فرق الأهداف تلاحظ انك ما سويت شي ابد .. افوز 1-0 احسن من 2-1 .. ممكن مع رجوع الدفاع يتحسن الوضع .. السير كان زعلان بعد المباراة .. وخصوصا على روني .. يقول كان ممكن يسجل 3 أو 4 اهداف زيادة .. هذا غير كورة فان بيرسي الانفرادة .. فريقنا غريب .. كل فترة يبرز لاعب .. مرة فالنسيا .. ومرة رافاييل .. ومرة هرنانديز .. ومرة بيرسي وبعده روني .. والحين يونق .. مع كل هذا بالنسبة لي لاعب الموسم حتى الان كاريك .. فيه كم مباراة خصوصا في البداية لما كان قلب كان سيء ونكبة .. لكنه من رجع للمحور فرق كثييير بالنص .. ومع كليفرلي يشكلون الثنائي الأفضل للفريق .. لكن كليفرلي باللي يسويه ما يكمل 70 دقيقة الا وهو مخلص لياقته .. جونز بالظهير اعجبني ما وقف طول المباراة .. حتى عرضياته ممتازة .. سمالينق بطل .. دي خيا نفس الشي .. فالنسيا هو اللي كان نوعا ما سيء .. البقية ممتازين .. توتنهام ضد سوانزي هو الفريق اللي بعد ما خلصوا صفقاتهم كنا قامطين منهم .. فريق ثقيل ثقيييل ثقيييل .. اللي فرق هو ديمبيلي .. هو المنظم والموزع .. مع رجعة بال بيكون فريقهم يخوف .. حطيت ابتسامات كثير .. تتوقعون بيرنارد شو يسمح ولا لا ؟ ..

يعطيك العافيه على الطرح المميز

السلام عليكم

شباب فيه مقطع مدة 8 دقايق لعودة اليونايتد باخر الدقايق ياليت اللي عنده يسدحه

^
تسلم
المقطع اللي اتكلم عنه العوده للمباريات اما بالتعادل او الفوز من التسعينات الى هدف الروبن على ساوثهامبتون