السلام عليكم ورحمة الله وبركاته

وكل عام وانتم بخير بمناسبه شهر رمضان المبارك اعاده الله على امتنا بالنصر لامتنا الاسلاميه في كل مكان

ادخل في صلب الموضوع

احنا جماهير الهلال بصراحه من جنبها نجي للمدرجات وقت المباراه وبالشحاته وفي الانترنت مالنا لمسة تشجيع

وش اقصد ؟!؟!

اخواني اكون معكم صريح اكثر لما ياسر ذهب للعين اعاره شفتوا وش لون الاهتمام والحب اللي لقاه من الجمهور العين المتابعه الاعلاميه والصور في المواقع والبلاك بيري يعني اخذ جوه الاعلامي وابدع

وانا ما اتكلم عن ياسر فقط

لاعبين الهلال بصراحه كلهم يستحقون الوقوف الاعلامي الشخصي ولكن للاسف احنا مقصرين من ها الناحيه
واول قصور من الموقع الهلالي الرسمي مافي مصمم فوتوشوب للاعبين ومافي من يرفع معنوياتهم بكلمات تشجيعيه

الاعبين وش يبون من الجمهور يبون تسليط الاضواء عليهم وهذا من حقهم (( يبون ترفيع ))

اتمنى من الاداره المنتدى الهلالي تعين مصمم فوتوسوب من الجمهور وانزال صور لكل لاعب ولا اقول للاعب معين لكل الاعبين تصميم تصاميم للمدرب الجديد للاعبين الجدد شكر الاعبين المحترفين اللي راح يمشون مافي اي حركة تصاميم ولا في روح التشجيع الكل ساكت ويقرا ولا اذا تكلم تكلم بشكل انتقادي

اتمنى من اخواني الجماهير اننا ما نوقف ونخل الامور بشماعه الاداره عند هذا وبس اتمنى كل شخص له لمسه فنيه في التصاميم انه يسوي شي للاعبين اللي يتحفزون ويسعدونا

اتمنى اني ما طولت عليكم واتمنى وصول كلماتي لجميع الجماهير

والسلام عليكم ورحمة الله وبركاته

موضوع جدير بالاحترام


شكرآ لك ,,,


لاهنت ...

يعني الترفيع والتصميمات والصور نحطها خلفية بجوالاتنا واجهزتنا هي اللي بتخليه يبدع
ياشيخ جعله مايبدع طول عمره
عقد بملايين في السنة ومكافآت فوز ومكافآت بطولة واصواتنا انبحت وايدينا تقطعت نشجعهم ومن ملعب لملعب نلاحقهم وهو معنويته بتطيح اذا ماسويناله تصميم
مشكلة اذا اللاعب اخذ مقلب في نفسه والمشجع اذا فاهم دوره غلط

الجيل الذهبى السابق محد صمم لهم صور وفوتشوب وكانو مبدعين

الجيل هذا من تشوف السماعات باذانهم والسلاسل بيديهم وقصات الشعر تغسل يدك الا ودك معك خيزران والى يقصر تجلده الين يعرف ان الله حق ....

يعني تبي تقنعني أن سبب أنحدار مستوى ياسر أن الجمهور مادعمه
ياحبيبي ياسر أكثر لاعب هلالي تم دعمه لكن بدون فائده
عنده جمهور وأعلام يدعمه سواء مستوي في القمه أو في القاع
ونظامهم ياسر والباقي في حريقه.

-





الوقوف مع النآدي هو الوقوف مع اللاعبين لأنهم اللعبه الأساسية في الملعب
على سبيل المثآل الذي أتخذته [ ياسر ]

ياسر العينآوي وجد كُل شيء يتمناه اللاعب
الراحة , الوقفه , الحماية , المسانده , حتى لديهم لم يعتبروه أجنبي بل أطلقوا عليه [ ولدنا ]
عكس مالدينآ تماماً قبل أعارته ماذا وجد لدينا هُنا في منتدى الهلال ؟؟!
شن حملات لـ أبعاده , أعتلاء أصوات لـ المطالبة بـ رحيلة وغيرها الكثير ..
ي ساده ي كراام
أن كنتم تعتبرون ماتفعلونه أنتقاد او ماشابه فهذا لايمت له بـ صلة بتاتاً
وهذا ليس بـ تشجيع أو غيره على النادي ليس هذا أبداً
كُل هذا ينعكس على النآدي ماتفعلونه ليس بـ صوآآب ..

أتمنى أن تعي هذه الفئة وتدرك معنى التشجيع حقاً وترك الأساليب المضرة لـ النآدي

سلطــ الهم ــان شكـــراً لكـ ..

إقتباس الرسالة الأصلية كتبت بواسطة الصخره 16 الجيل الذهبى السابق محد صمم لهم صور وفوتشوب وكانو مبدعين الجيل هذا من تشوف السماعات باذانهم والسلاسل بيديهم وقصات الشعر تغسل يدك الا ودك معك خيزران والى يقصر تجلده الين يعرف ان الله حق ....

هههههههههه


اتفق معك

100%

إقتباس الرسالة الأصلية كتبت بواسطة سلطــ الهم ــان السلام عليكم ورحمة الله وبركاته اخواني اكون معكم صريح اكثر لما ياسر ذهب للعين اعاره شفتوا وش لون الاهتمام والحب اللي لقاه من الجمهور العين المتابعه الاعلاميه والصور في المواقع والبلاك بيري يعني اخذ جوه الاعلامي وابدع