السلام عليكم ورحمة الله وبركاته

وكل عام وانتم بخير بمناسبه شهر رمضان المبارك اعاده الله على امتنا بالنصر لامتنا الاسلاميه في كل مكان

ادخل في صلب الموضوع

احنا جماهير الهلال بصراحه من جنبها نجي للمدرجات وقت المباراه وبالشحاته وفي الانترنت مالنا لمسة تشجيع

وش اقصد ؟!؟!

اخواني اكون معكم صريح اكثر لما ياسر ذهب للعين اعاره شفتوا وش لون الاهتمام والحب اللي لقاه من الجمهور العين المتابعه الاعلاميه والصور في المواقع والبلاك بيري يعني اخذ جوه الاعلامي وابدع

وانا ما اتكلم عن ياسر فقط

لاعبين الهلال بصراحه كلهم يستحقون الوقوف الاعلامي الشخصي ولكن للاسف احنا مقصرين من ها الناحيه
واول قصور من الموقع الهلالي الرسمي مافي مصمم فوتوشوب للاعبين ومافي من يرفع معنوياتهم بكلمات تشجيعيه

الاعبين وش يبون من الجمهور يبون تسليط الاضواء عليهم وهذا من حقهم (( يبون ترفيع ))

اتمنى من الاداره المنتدى الهلالي تعين مصمم فوتوسوب من الجمهور وانزال صور لكل لاعب ولا اقول للاعب معين لكل الاعبين تصميم تصاميم للمدرب الجديد للاعبين الجدد شكر الاعبين المحترفين اللي راح يمشون مافي اي حركة تصاميم ولا في روح التشجيع الكل ساكت ويقرا ولا اذا تكلم تكلم بشكل انتقادي

اتمنى من اخواني الجماهير اننا ما نوقف ونخل الامور بشماعه الاداره عند هذا وبس اتمنى كل شخص له لمسه فنيه في التصاميم انه يسوي شي للاعبين اللي يتحفزون ويسعدونا

اتمنى اني ما طولت عليكم واتمنى وصول كلماتي لجميع الجماهير

والسلام عليكم ورحمة الله وبركاته