السلام عليكم



انا بأذن الله قررت أسافر أمريكا ل تكساس تحديدا على حسابي الخاص
اللي هي فترة 6 اشهر للغة وبعدها دراسة الجامعه والالتحاق
وفيه اشياء ماعندي أي خلفيه عنها وهي :

* تكلفة السفر لمدة 6اللي هي:تذاكر طيران-سكن (مع عائلة)-مواصلات
*فيه مكاتب خطوط تسوي برامج للسفر..؟..واذا فيه كم ياخذون عالبرنامج..؟
* تكلفة المعهد+طريقة الموافقه كيف تجيني من نفس المعهد وعن طريق ايش.؟
* استخراج التأشيرة يطول أو لا.؟


ياليت أحد يفيدني وأكون له من الشاكرين

حياك اخوي
بالنسبه للتذكرة هذي يحددها وقت سفرك متى ويفضل انك نحجز من بدري اما بالنسبه للمواصلات لاتشيل هم لانه اكيد بتكون الباصات متوفره بكل مدينه وخاصة بالجامعه
اما بالنسبه للسكن يفضل انك تبحث من اللحين على سكن عن طريق الانترنت او تخاطب الجامعه وهي تساعدك في السكن والافضل انك تسكن خارج الجامعه لانه ارخص بكثير
بالنسبه للفيزا ماراح تاخد اكثر من 3 اسابيع لاك المهم انك تحجز موعد للسفاره هو اكثر شي يطول
بالتوفيق ان شاء الله

مرحبا فيك اخوي .. فيه واحد من اخوياي بامريكا له 6 شهور كلفته 40 الف تقريبا .. والله يوفقك وتوصل بالسلامه

هلا والله
ركز معي لبى قلبــك
انا بدرس سنه كامله على حسـابي : والتكلفه 100 الف
المعهد : مع التامين الطبي + الرسوم الالزاميه 70 ألف
باقي 30 : خاصه بـ السكن والمعيشه .. انا ب سكن مع خويي في شقـه افضل واحسن
الى ان يتم قبولي في الملحقيه ويضموني على حساب الحكومه : بعدها أروح اسكن مع عائله أفضـــل : أو تشوف الشي الاحسن لك
وانصحك بمعــد ARKANSAS STate university
معهد تابع للجامعه : وموصى فيه من قبل وزاره التعليم العالي

افاااادككك خالد الدعججاني

الله يعطيكم العافيه


أنا خلصت كل أموري وسفر تي ان شاء الله ثالث العيد الاسبوع الجاي ان شاء الله
جبت قبول من معهد كابلان في لوس انجلوس
بس المشكلة لغتي صفر وحجزي من الرياض الى لندن ومن لندن لواشنطن بعدين بقعد يومين واطلع لوس انجلوس
أخذت 6 شهور كلفتني 55 الف
وان شاء انضم للبعثة واكمل المعهد وادخل جامعة
دعواتكم لي بالمطارات ما راح اعرف أتصرف بس ربي يعين