مبروك الفوز لجمهور الهلال ، شاهدنا الجمهور الهلالي الغفير اللي حضر المباراة وساند الفريق الهلالي بشكل ممتاز .. لكن لافت نظري اليوم خبر يقول عدد الجمهور اللي حضر 9 الف ؟؟؟
الجمهور اللي حضر المباراة في نظري لايقل عن 20 ألف متفرج.. الدرجه الثانيه مليانه .. درجه اول الف وباء مليانه .. حتى خلف البيبان الباب اللي سجل الهلال فيه هدفين شبه مليان .. ويقولون 9 الف ؟

انا اقول .. ياجمهور الهلال شاهدوا الزعيـم عندما حضرتم للملعب وشجعتم الزعيم فـاز الهلال بنتيجه كبيره ومســتوي رائع حـاز على رضـا الجـمهـور الهلالي .. فمتى ماحضرتم ياجمهور الهلال فسوف تشاهدون مثل نتيجة مباراة الرياض وافضـل ..

انا اجزم انا مدرب الهلال ورئيس الهلال مبسوطين جدا بالحضور اللي حضر ويتمنون في كل مباراة يكون الجمهور مثل كذا وأكثر ..

دخل المباراة 200 الف على حسب كلامهم ! اوكي لو فرضنا ان الهلال راح يجيه 80 الف .. تخيل اسبوعيا يحصل الهلال على هذا المبلغ .. فقط بحضورك للملعب راح يحصل الهلال على مبلغ 80 الف ريال!!

وهذا راح يحل مشاكل كثيره منها رواتب اللاعبين .. تعاقد مع محترفين .. تطوير امكانيات النادي ..

فيه نقطه قبل لاانساها وهي ..
ملعب الملز .. والله نبي جميع المباريات فيه .. شاهدوا عندما وضعتوا المباراة في الملز جاء جمهور كبير لان الملعب قريب وفي وسط الرياض .. يعني قريب من اللي في الشمال والشرق والغرب و الجنوب .. لكن لو وضعت المباراة في استاد الملك فهد والله مااتوقع يجي نصف الجمهور لانه بعيد جدا عن الرياض ..

فرجاااااائي تكون جميع المباريات في المــلز ..