السلام عليكم ورحمة الله وبركاته

والله شي يقهر اللي اشوفه من جمهور الهلال ... بالله وش بتستفيد من الكلام الجارح وعدم الثقه بالاداره ... الادارة وقعت مع مدرب كبير وانتهى ... حتى لو انت مانت مقتنع فيه لازم تدعمه عشان تحصل افضل ماعنده.\

بس ابي اذكركم بتاريخ كوزمين والسي في حقه قبل مايجي للهلال ... انا متأكد ان ها الجمهور لو تعاقدنا مع كومباوريه قبل كم سنه كان طرتوا فيه ... لكن المشكله ان مستوى تطلعاتكم ارتفعت بعد جيريتس.

على فكره ... آخر مركز حصل عليه كومباوريه مع باريس سانت جيرمان هو الأول ... واخر مركز حصل عليه جيريتس مع مرسيليا قبل يوقع مع الهلال كان الثاني

يعني لو بنحسبها على السي في ... كومباوريه افضل. بعدين شوف الفشل الذزيع لجيريتس مع المغرب

يا أولي الألباب ... لا أقول أن المدرب سينجح او لا ... لكن يجب علينا دعمه لانه مدربنا رضينا ام ابينا ... والمدرب يضل جزء من المنظومه ولا يشكل اكثر من 30 ٪ من النجاح في اي فريق بالعالم.

ادعموا الزعييييييم ولا تلتفتوا الى الجماهير الجاهله والمندسه اللي للاسف بعضها مو عاجبه المدرب لانه مهوب حلو واشقر وعيونه زرق.

الله يخلف علينا بس ... والله يوفق الزعيم

خـــــلاص الكلام م عاد ينفع
بالتوفيق للهلال مع كومباوريه

كلاااااااااااااااام سليم

يعطيك العاااافية

يجب الوقوووووف مع المدرب

الله يبيض وجهك
هذا الكلام الزين بعض الجمهور طاير بالعجة وهو مايدري
وش السالفة مدرب في اخر موسمين مقدم شغل
الموسم قبل الماضي الكاس والمركز الرابع والموسم الماضي كان الاول قبل لايتعاقدون مع انشلوتي
احلى لايك لك

لانضحك على انفسنا
كوزمين هو من بنى الهلال
وكوزمين هو من صنع هلال جريتس
وكوزمين هو من اعاد العين الاماراتي للبطولات بعد جلبه محترقين ذو قيمه عاليه
وكوزمين هو من جلب ويلهمسون
وكوزمين هو من جلب رادوي

يالبى قلبك تعال عطني خشمك لازم ندعم المدرب والاعبين لاتنسون يامحبين الكيان عندنا بطولة اسيا تكفون ادعموا المدرب واتركوا عنا المندسين ياكثرهم طلعوا بعد تعاقد المدرب

*********** ادعم بلحالك *********

إقتباس الرسالة الأصلية كتبت بواسطة eemالزعـيـمAlza لانضحك على انفسنا كوزمين هو من بنى الهلال وكوزمين هو من صنع هلال جريتس وكوزمين هو من اعاد العين الاماراتي للبطولات بعد جلبه محترقين ذو قيمه عاليه وكوزمين هو من جلب ويلهمسون وكوزمين هو من جلب رادوي

طيب جاوب على سؤالي.... وشو السي في حق كوزمين قبل يجي للهلال؟

ياحبيبي انا احب كوزمين اكثر من جيريتس ... لكن انا اقيس على السي في اللي انتم الحين قاعدين تحكمون على كومباوريه على اساسه.

بكل بساطه ننتظر ونحكم ولا نطير بالعجه

فعلاََ كلامك صحيح لازم ندعم المدرب وخصوصا انه ما صار بيدنا شي رضينا ام ابينا هو مدربنا .. فنشجعه احسن من اننا نحطم فيه ..

شكراََ لك

كلام جميل وواقعي
وربي أن مشكلة المتشائمين تختصر في أنهم علقوا أنفسهم
بأسماء يسمعون بها فقط لا غير ولا يعرفون أكثر من الترديد
دون بصيرة .
التوفيق من عند الله سبحانه وتعالى لمدربنا الجديد أو لغيره من المدربين

إقتباس الرسالة الأصلية كتبت بواسطة 8KaRaMa9 *********** ادعم بلحالك *********

ايه بادعم بلحالي ومعي عشاق الكيان مهوب عشاق الاشخاص وعشاق السي في

انا هلالي ماني خورخي والا جريتسي والا كوزميني ياحبيبي

ما ادري انتو نسيتو ان الهلال هو من يصنع المدربين صحييح المدرب مغمور لكن خلاص لازم نتفاأل فيه
ع العموم الله يوفق الهلال واذا ربي كاتب انو الهلال راح ينجح مع المدرب هذا راح ينجح غصبا عن الجميع

ان شاءالله بندعمه
والله يوفقه
ويعطيك العافيه يسلم راسك

كلام صحيح والمدرب يعتمد على جهازة الفني المساعد اتمنى يكونو على مستوى عالي

بالتوفيق للزعيم