أخواني أعضاء منتدى شبكة الزعيم ,,,
من هو العضو اللذي تتمنى مقابلته وماهو السؤال اللذي من الممكن أن تطرحه عليه ؟؟
من الأسباب اللتي دعتني لهذا الطرح بعض الصور اللتي رسمتها في خيالي لبعض الأعضاء اللذين كان لي شرف معرفتهم والتعامل معهم وفي بعض الأحيان نتطرق لأمورانسانيه وحياتيه خارج نطاق المنتدى ,مما أدى كما ذكرت لتكوين صوره معينه عن بعض الأعضاء ,,,
وحبيت أن أوجه مثل هذا السؤال لأعضاء المنتدى واللذي أتمنى منكم المشاركه فيه ان وجد هناك من الأعضاء من تريد الألتقاء به وسؤاله مايدور في بالك من أسئله أن وجدت ,,,
طبعا ماأبي يجيني واحد منكم يجامل ويقول أناوالله ودي أقابل الأعصار والا ودي اقابل سلمان ولا كوكتيل ,لا وأذا مره ماتترقع قال ودي أقابل الأمير بندر بن ثامر
,,,
هذي الحركات فاهمينها ومانبي أحد يسويها
بالنسبة لي هناك بعض الأعضاء اللذين أتمنى مقابلتهم على الأقل هي مجرد أمنيه
,,,
وهم: سمو الأمير بندر بن ثامر والأعصار وسلمان وكوكتيل (الله واكبر عليك وين راح الكلام اللي قلته قبل شوي ,,,انا أشهد انك مانتب سهل أجل الرجال مخطط على ثقيل والله
,,,)
لا بنتكلم الحين بصراحه ,,,
رغم اني اتمنى مقابلة هؤلاء المتميزين ,لكني أعلم أن مشاغلهم وارتباطاتهم تمنعهم من افساح المجال لمثل هذه المقابلات حتى لو أن الموضوع هو مجرد أماني (أنا أشهد انك عرفت تصرفها,وصرفت نفسي قبل أحد لايصرفني
) ,,,
لكني بصراحه أتمنى مقابلة مشرف منتدانا منتدى الرياضه العربيه والعالميه(أجل هذي صراحتك ,يقالك الحين ماتنافق
!!!)وهو المشرف الغالي على قلبي كثيرا الأولاني واللي لو أقول فيه قد ما أقول ماراح أوفيه حقه لأنه أكبر من كل الكلام اللي من المكن ينقال ولا ينكتب عنه ,,,
وودي أسأله سؤال يدور في بالي من زمان وهو: وش تقول بالرجال اللي يروح لمحل كوافير !!؟؟
كما أتمنى مقابلة شخص يملك من الأخلاق العاليه مايعجز اللسان عن وصفه وهو أسطورة المنتدى الأسطــــــوره ,تبون تقولون لي تحتك أبقولكم مالكم لوا غلطانين بس عندي بعض الأستشارات الهندسيه اللي متعبتني وتعرفون بحكم حصوله مؤخرا على الشهاده الهندسيه
أكيد يبي يفيدني بالأضافه (وهذا هو الأهم أنه ماراح ياخذ مني ثمن هالأستشاره
,,,
وودي بعد أقابل أكبر نصاب في هذا المنتدى وماجاوره من منتديات ومافي داعي أقولكم مين لأني ما أعتقد أحد منك مايعرفه, وودي أٍسأله وأقوله ,,,
أنت من وين تجيب كل هذا النصـــــــــــــب ,,
وودي بعد أقابل الغالين على قلبي كثير الأعجوبه حبيب قلبي وساميولي اللي أتمنى عودته لنا سريعا ,,,
وبصراحه يا أخوان وهذي ماهي مجامله والله أبدا ,,,
أنا ودي أقابل كل أعضاء منتدى شبكة الزعيم بس لو قلت هذا الكلام مايصير من الممكن الأجابه على سؤالي , لكن كان أختياري لبعض هؤلاء الأعضاء أحتكاكي بهم كما ذكرت ,جعلتني اتمنى لقياهم ,,,
في الختام أود من الجميع المشاركه وأن شاء الله تكون هذه فرصه لزيادة التقارب بين الأعضاء حتى وأن لم يتم ذلك فيكفي أن يعرف بعض الأعضاء مدى مانكنه لهم من مشاعر نستطيع البوح بها ,,,
وللجميع .. تقبلوأ تحياتي ,,,
أمزح
)
.
الوضع العادي
