أخواني أعضاء منتدى شبكة الزعيم ,,,

من هو العضو اللذي تتمنى مقابلته وماهو السؤال اللذي من الممكن أن تطرحه عليه ؟؟

من الأسباب اللتي دعتني لهذا الطرح بعض الصور اللتي رسمتها في خيالي لبعض الأعضاء اللذين كان لي شرف معرفتهم والتعامل معهم وفي بعض الأحيان نتطرق لأمورانسانيه وحياتيه خارج نطاق المنتدى ,مما أدى كما ذكرت لتكوين صوره معينه عن بعض الأعضاء ,,,

وحبيت أن أوجه مثل هذا السؤال لأعضاء المنتدى واللذي أتمنى منكم المشاركه فيه ان وجد هناك من الأعضاء من تريد الألتقاء به وسؤاله مايدور في بالك من أسئله أن وجدت ,,,

طبعا ماأبي يجيني واحد منكم يجامل ويقول أناوالله ودي أقابل الأعصار والا ودي اقابل سلمان ولا كوكتيل ,لا وأذا مره ماتترقع قال ودي أقابل الأمير بندر بن ثامر http://216.74.117.135/vb/images/icons/icon4.gif,,,

هذي الحركات فاهمينها ومانبي أحد يسويهاhttp://216.74.117.135/vb/images/icons/icon12.gif

بالنسبة لي هناك بعض الأعضاء اللذين أتمنى مقابلتهم على الأقل هي مجرد أمنيه :) ,,,

وهم: سمو الأمير بندر بن ثامر والأعصار وسلمان وكوكتيل (الله واكبر عليك وين راح الكلام اللي قلته قبل شوي ,,,انا أشهد انك مانتب سهل أجل الرجال مخطط على ثقيل والله :) ,,,)

لا بنتكلم الحين بصراحه ,,,

رغم اني اتمنى مقابلة هؤلاء المتميزين ,لكني أعلم أن مشاغلهم وارتباطاتهم تمنعهم من افساح المجال لمثل هذه المقابلات حتى لو أن الموضوع هو مجرد أماني (أنا أشهد انك عرفت تصرفها,وصرفت نفسي قبل أحد لايصرفني :)) ,,,

لكني بصراحه أتمنى مقابلة مشرف منتدانا منتدى الرياضه العربيه والعالميه(أجل هذي صراحتك ,يقالك الحين ماتنافق:)!!!)وهو المشرف الغالي على قلبي كثيرا الأولاني واللي لو أقول فيه قد ما أقول ماراح أوفيه حقه لأنه أكبر من كل الكلام اللي من المكن ينقال ولا ينكتب عنه ,,,

وودي أسأله سؤال يدور في بالي من زمان وهو: وش تقول بالرجال اللي يروح لمحل كوافير !!؟؟ :)


كما أتمنى مقابلة شخص يملك من الأخلاق العاليه مايعجز اللسان عن وصفه وهو أسطورة المنتدى الأسطــــــوره ,تبون تقولون لي تحتك أبقولكم مالكم لوا غلطانين بس عندي بعض الأستشارات الهندسيه اللي متعبتني وتعرفون بحكم حصوله مؤخرا على الشهاده الهندسيه :) أكيد يبي يفيدني بالأضافه (وهذا هو الأهم أنه ماراح ياخذ مني ثمن هالأستشاره :) ,,,

وودي بعد أقابل أكبر نصاب في هذا المنتدى وماجاوره من منتديات ومافي داعي أقولكم مين لأني ما أعتقد أحد منك مايعرفه, وودي أٍسأله وأقوله ,,,

أنت من وين تجيب كل هذا النصـــــــــــــب ,,

وودي بعد أقابل الغالين على قلبي كثير الأعجوبه حبيب قلبي وساميولي اللي أتمنى عودته لنا سريعا ,,,

وبصراحه يا أخوان وهذي ماهي مجامله والله أبدا ,,,


أنا ودي أقابل كل أعضاء منتدى شبكة الزعيم بس لو قلت هذا الكلام مايصير من الممكن الأجابه على سؤالي , لكن كان أختياري لبعض هؤلاء الأعضاء أحتكاكي بهم كما ذكرت ,جعلتني اتمنى لقياهم ,,,


في الختام أود من الجميع المشاركه وأن شاء الله تكون هذه فرصه لزيادة التقارب بين الأعضاء حتى وأن لم يتم ذلك فيكفي أن يعرف بعض الأعضاء مدى مانكنه لهم من مشاعر نستطيع البوح بها ,,,

وللجميع .. تقبلوأ تحياتي ,,,

السلام عليكم ورحمة الله وبركاته

اخوي ابراهيم /
اولاً ابداً احنا اللي نتشرف بك وبمعرفتك ياغالي .

انا بالنسبه لي اتمني مقابلة الاخ ابوناصر سابقاً ولكني الان الحمدلله تحقق امنيتي .

اما الان فاتمني مقابلة الاخ العزيز العالمي :) وهو يعلم لماذا اتمني مقابلتة :):) .

الاخ العالمي الغالي /اتمني ان تبلغ تحياتي للاخ ابوعبدالله http://alzaeem.com/vb/images/icons/icon10.gif

والسلام ختام

إبراهييييييييييييييم ...

المنتديات المجاورة يقولون ما يعرفونه ...!!

بعدين لي معك وقفة أيام بسيطة وأوريك الشغل ...

هاهاهاهاهاهاها ...

مع تحياتي ياغالي ...

أخوك / سفر المرزوقي .

تبون الصراحه ودي اقابل الجميع
عشان اعرفهم وودي اشوف من اللي فيهم من
ديرتي عنيزة ..
لكن مافيه مشكله اللي من عنيزة يرفع اصبعه
لاتصدقون ترفعون اصابعكم يقول انا وبس وارد عليه بعدين ..

أنا أتمنى مقابلة الجميع وش رايكم ناخذ استراحة والقطة عشرتريل
( يعني 10 ريال ) !!!!
لكن إذا ماحصل أتمنى مقابلة ريم الهلالية أو هلالية أو ريما :D أمزح


أنا ودي أقابل سفر وطلال ومحمد ونروح كلنا لسفرة على كيف كيفك إلى دولة
أورزبية ويكو ن الدليل حقنا هو سفر لأنه راعي سفرات وما خلا ديرة ماراحلها .

أتمنى مقابلة جميـــــــــع الأعضاء خصوصاً
-
-
-
-
-
-
-
-
-
-
-
-
-
-
-
-
-
-
-
-
كلهم .

سلمان 99999 .. والله مدري وش شايف في ابو ناصر والدليل شف وجهه وشلونhttp://alzaeem.com/vb/images/icons/icon10.gif

والمقابل جاي جاي ( هذي اسم مسرحيه :) ) ..

وابو عبدالله ال ( ..... ) :) سلامك راح يوصله ان شاء الله http://alzaeem.com/vb/images/icons/icon10.gif

والله يا العالمي الظاهر انك ( خمران ) يوم ترد :):) ..

سلمان99999 ... الله يشرف مقدارك يا الغالي ..


على العموم والله نتشرف بكل الاعضاء الهلاليين ... بس فيه مثلا ( سفر المرزوقي ) ( الاسطورة ) ( الصقر ) ( ساميو ) :) هذولي اللي موجودين معنا الآن .. بس فيه ناس قدامي قبل ما تجمعنا هالشبطة العظيمة .. فالقدامى ودي اقابلهم كلهم .. اي والله ..


تحياتي ..

انا اقترح ان ناخذ موقع لنا في الملعب لمباريات الهلال, رابطة مشجعيين المنتدى والا وش رايكم؟!!
http://mypage.ayna.com/smile_time/Moon-02.gif

هلا بالجميع
 

أخوي سلمان :مشكور على مشاعرك الجميله ,وهذا ماهو غريب على ألمتميزين دائما,,,

وأن شاء الله تتحقق أمانيك ,,,

أخوي سفر :http://www.eqla3.com/file/ubb/icons/icon17.gif

وين اللي ودك تقابلهم ؟؟؟,,,

انتظر أجابتك وتحياتي لك ياغالي ,,,

أخوي شبــــ البطولات ــــــح : ماينفع واحد حولكم ,يعني مايبعد عنكم أكثر من 20 كيلو http://216.74.117.135/vb/images/icons/icon12.gif

تحياتي لك وان شاء الله تتحقق امانيك ,,,

أخوي الغريب : (عشرتريل )‍‍‍‍‍‍؟؟؟ أقول شبح البطولات كأن الرجال يلمح http://216.74.117.135/vb/images/icons/icon7.gif

طلال ومحمد رح معهم وأنت مطمن ,لكن سفر طع شوري لاتقرب جنبه ,مانت ملاحظ أنه في كل سفرياته لازم يسوي حادث ,,,

فيه كثيرين غيره راعين فله (أبد مايلمح ),,,

أخوي الفارس : تبي تلحق على مين ولا على مين ماشاء الله أكثر من الفين 2000 عضو ,,,

لكن أن شاء الله مادام هذي امنيتك تحققها (ايه هين )

أخوي العالمي : وسلملي بعد انا على أبو عبد الله http://216.74.117.135/vb/images/icons/icon12.gif

أخوي أبو ناصر : أيه هذي الأجابات,الله ينور عليك ,,,

سامع ياسفر ,,,

أخوي ماجد : أنا ضد الأقتراح هذا جملة وتفصيلا (مقهور علشانه مهب ساكن في الرياض http://216.74.117.135/vb/images/icons/icon8.gif)

تحياتي لك ,,,
<br><font size=1 color="#000080" face="tahoma">[عدلت بواسطة ابراهيم النجيدي التاريخ:05-03-2001 الساعة: 12:48 PM]</font>

ابراهيم النجيدي هلا بك اخوي ودي اتعرف علي الكل وخاصه
طلال وسلمان وســ9ــامــ9ــي وابومنار والاعصار والذيب وبس والكاسر888 و ريم الهلاليه وmksa وكلهم ماودي والله انسي احد

الأن أرغب في مقابلة الإعصار وليس سؤال بل حوار مطول
أما بعض الأخوان في المنتدى طلال و بقوله يعطيك الف عافية و ماراح نوفيك حقك في ماتقدمه لهذه الشبكة
سلمان ... تخاويني لكل مباراه
الأولاني ... ما شاء الله عليك يا عالمي ... بسير عليكم بس الظروف ماتسمح ... أنشاء الله بعد ما أنتهي دراسه :)
الأسطــــورة ... الف مبروك الشهاده الكبيرة ... أي قسم في الهندسة لأني في واحد من أقسام الهندسة بس في كلية ثانية :)
أخوي رامي عياش (الغريب) .... أنشاء الله أشوفك في النادي
الغالي البكاش سفر المرزوقي :) .... وش أخر نصبة ... بس تراي بعطيك وحده ما يصدقها اللي في بطن أمه
الشاطر....... وين القاك أنا في المطار أول ما توصل رحلة نادي الهلال من إيران :)
عاشق نواف ..... وش رايك نسير على نواف في البيت
شاعر الهلال .... صح لسانك بس كيف تكتب لغة عربية فصحى :) ما شاء الله عليك تراي أطرب لك.
الذيب وبس (بس تراكم مشوار)
أبوناصر ... كم عمرك ... الله يخلي لك ناصر (حاس أنك شايب) و لاتخاف ترى الشيب مو عيب مثل ما قال الشاعر عيرتني بالشيب وهو لي وقارُ
كاتب الموضوع أبراهيم النجدي ... هل تحضر جميع مباريات الزعيم في الرياض :)

و الله كثيرين بس ضيعتهم :)

فيه حادثه مرت علي وابي اقولها وربما يفهم اللي يفهم !!:)

يقولك فيه وحد اسمه ابو عبدالله كان شخص محبـوب ومنتفخ :) ... كان يحب تربية الابقـار وكان لديه مساعد يحب الابقار كذك وكان يوكلهم البرسيم والحشيش :) ... فجاء ابو عبدالله وسمى مساعده .. دحيش :) ... دحيش هذا اغبى انسان قابله ابو عبدالله وذلك لكـثرة أخطائه وقلة معرفته :) ... فماكان من ابو عبدالله الا ضرب دحيش كثيرا ام بالخيزران او الاندافع بجميع جسمه وذلك لكبر جسمه :) ..

وفي الاخير وبعد عناء كبير من ابوعبدالله تم طرد دحيش شر طرده وابعاده عن الحظيره وتفرغ ابو عبدالله للابقار وتربيتها والاستفاده من حليبها :) ....

واتمنى من الى الاخ .. سلمان .. مـعرفة رأيه في الحادثه هذي ؟:)<br><font size=1 color="#000080" face="tahoma">[عدلت بواسطة العالمي التاريخ:07-03-2001 الساعة: 05:16 AM]</font>

السلام عليكم ورحمة الله وبركاته

والله اخوي العالمي /
انا اول مرة اضحك بملى شدقي علي سالفة مثل ذي ....

بصراحه اندفاعات ابوعبدالله بكل جسمه تروع اجل منتفخ ومندفع ابد مالك الا تتخيل بس وتجيك الروعه ودحيش مسكين ابي بس اعرف اخوي وينه يشتغل الان فيه تهقى والا تلقاه هايم في الصحارى علي وجه وراء الاغنام التي لاتحتاج الي مهارة وانما دربات راس وبس ....

ياليت اخوي العالمي اذا عرفت وين دحيش نقل عمله له تقول لي سواء هنا او علي الايميل :( .

والله ياهي سالفه بس من يتعظ .... ههههههههههههه


والسلام ختام

السلام عليكم:
الحقيقه موضوع حلو وان ودي اقابل الكاتبه الرئعه سلمى والاعصار وسفر وسفير الجرايد طلال وانت ايضاً وهلالي مقلع والكثير من الاعضاء
اخوكم سداح