جمهور ياسر ياليت تركزون على كيان الهلال افضل من لاعب عمره ٣٠ ويفاصل على الهلال بتويتره الخاص

ياسر بالنسبة لي انتهى واذا بيجيب فلوس للنادي انا مع بيعته !

اتفق معك بكل حرف قلته وازيدك من الشعر بيت لم يسبق في تاريخ نادي الهلال التفريط بالاعبين بهذا الشكل علي مر التاريخ

اذا كنت هلالي بتشجع الهلال والهلال فقط

الهلال حقق بطولات قبل وبعد من ذكرت من النجوم

يبقى الكيان شامخا والاسماء تأتي وتذهب

تحيتي لك

طالبينك اسمح لهم

اجل الإداره بتشاورك عشان تسمح لها ولا لا

ياسر ان بقي أهلا به وإن رحل الله يستر عليه.

الله لا يرده
واي بزر يبى يصيح وليش راح فلان وليش جاء يروح يكتب بمنتدى الاعب
كلنا معك شبية الريح مع اي قرار سوى بطرد الجرذان او النجوم

بخصوص اللي قول جمهور يااسر ... ياسر لاعب مثل الهلال وقدم للهلال ومااقصر واحنا كجمهور هلالي نطالب من الاداره انهم يصحصون شوي كفاايه بس تفريط بلعيبه كبار مثل عمر الغامدي يوم راح الشباب وخسرنا وتاريخ عمر مع الهلال مو ممثل ياسر بعد واللحين جااي الدور على ياسر

أعتقد الأخوان ردوا عليك ...

نحن الان من سنطالب الاداره بأن يرحل ياسر
ولا أحد يجي يسوي لي فيها ويقول الإداره هي السبب!!

ياسر هو من يريد أن يرحل ..فليرحل
ولن نسمح له ولا لـ(جمهوره) أن يحاول الإساءه لإدارة الهلال..

ورحل النعيمه ورحل يوسف الثنيان ورحل فيصل ابوثنين ورحل التمياط ورحل الدعيع ويبقى الكيان الهلال شامخ
وبعدين ياسر هو الي مرتاح في العين ويبي يروح والاداره اصرة انه يكون من اول الاعبين في المعسكر لكن ياسر مايبي
خلاص ياسر بالنسبه للهلال انتها
وسنيقى نحب ياسر كما احببنا غيره من اساطير الهلال

ياليت تقدمون الدعم للاداره الي جالسه تدفع وتشتغل للهلال بدل دفاعكم المستميت عن لاعبين هم من باعو الهلاا برغبتهم وارجع وشوف المحياني وش سوى ولا الهوساوي ولا حتى رادوي والقحطاني الي كل يوم والثاني طالع بتصريح يمجد العين ورغبته في اللعب معاهم والحين جايين تلمون الاداره . . صراحه فيه جماهير ماتعرف وش موقعها من الاعراب يا انهم مايفهمون او يستهبلون او هم مجرد مندسين

طيب لنفرض ان ياسر رجع للهلال انت او غيرك بيضمن مدرجات الفرق الاخرى ماترجع لمضايقت ياسر

مره اخرى الاعب حصل الاحترام والتقدير في بلد ليس ببلده وعاد بشي بسيط من مستواه من الافضل

عدم عودة ياسر لنه حليمه ماماتت وبتصير مثل العظمه في البلعون

هذا مايخص ياسر

اما مايخص بالنجوم اللى ذكرتهم على كذا من الاولى اننا نذكر نجيب الامام وريفالينو وليتانا و سيرجيو

وبصير وبشار والثنيان والنعيمه ................ الخ

الكيان عمره ماعاش على فرد راح نجوم وجات نجوم هذي هي الحياة على كذا الواحد لو توفى له والده او

والدته بعيد الشر على والدينا ووالدين الجميع يسكر على نفسه الغرفه ولا ياكل ولا يشرب

عجيب امرك ياااا اخي
طيب ودي اسالك كل اللي ذكرتهم يوم رحلوا صار شي بالهلال ؟؟
المفترض اللاعب اللي يحب ناديه يكون دعامه له ويقاتل من اجل البقاء

ما قريت موضوعك بس الجواب باين من عنوانه


اقص يميني لو انت هلالي