|
رحــل طارق ورادوي وعيسى وهوساوي ....الخ والان جاء الدور ع ياسر القحطـــاني ...ادارة الهلال لن نسمــح لكم ابدا" السلام عليكم ورحمة الله وبركاته في ادارة الامير عبدالرحمن بن مساعد تم التفريط في بعض النجوم ولاأدري مالخلل في هذا ؟ احترم ادارة الامير عبدالرحمن بن مساعد وهي من افضل الادارات من ناحية تطوير النادي ومن ناحية جلب اللاعبين الاجانب لكن هناك ظاهره بدأت تلوح خلال السنتين الماضيتين وهي التفريط في النجوم المحليين وبعض من النجوم الاجانب .... رحـل رادوي بسبب هجوم الصحافه عليه ولم يجد مسانده من ادارة النادي ومشيناها رحـل نيفيز للبرازيل ليكون قريب من مدرب البرازيل لكي ينضم للمنتخب الاول ومشيناها رحـل طارق التايب النجم الذي امتعنا واطربنا والذي ضحى بكل شئ من اجل الزعيم ومشيناها رحل عبدالعزيز الخثران افضل لاعب تكتيكي ومن افضل اللاعبين انضباطا" ومشيناها رحل عمر الغامدي بسبب عدم اقتناع المدرب فيه والان عمر من افضل نجوم الدوري هذا الموسم ومشيناها رحل خالد عزيز بسبب عدم انضباطيته ولم يقف معه احد ويسانده ومشيناها رحل عيسى المحياني بسبب قلة مشاركته بسبب وجود مهاجمين اجنبيين ورحل لنادي الاهلي ولديه مهاجمين اجنبين ..اين الخلل ؟ ومشيناها رحل اسامه هوساوي بسبب رغبته بالاحتراف الاوروبي وهذه مشيناها والان وهذه الطامه الكبرى جاء الدور ع الاعب الكبير ياســر القحطــاني وهذا لم ولن نسمح لاي احد مهما كان ومهما كانت قيمته الاجتماعيه ان يدع ياسر يرحل عن الهلال ... في بداية الموسم قالوا رحل ياسر لكي يعيد مستواه ويرجع كما كان وهذا اصعب قرار اتخذناه ؟ في نهاية الموسم قالوا ان ياسر هلالي الموسم القادم والان مفاوضات لبيع عقده ..ماهذا التناقض ؟ اقسم بالله ان مايحدث انه شئ يقهر ويندي له الجبين ..ولن نجامل احد ... فرحيل نجومنا مصيبه كبيرهـ ... الامير بندر بن محمد قال في برنامج في المرمى كنت ضد رحيل ياسر كأعاره ...ومايدري ان ادارة الهلال تفكر في بيع عقــدهـ نهائيــا" والله ماقلت هذا الكلام الا من مصلحة الهلال ولانني مقهور من مايحدث في البيت الهلالي ومن حبي وعشقي لهذا الكيان ف الكلام من القلب ومن حرقة دمي .... وانا لله وانا اليـــه راجعون .... ملك الاخبـــار الحصــريه twitter / bgadalharbi |
جمهور ياسر ياليت تركزون على كيان الهلال افضل من لاعب عمره ٣٠ ويفاصل على الهلال بتويتره الخاص ياسر بالنسبة لي انتهى واذا بيجيب فلوس للنادي انا مع بيعته ! |
اتفق معك بكل حرف قلته وازيدك من الشعر بيت لم يسبق في تاريخ نادي الهلال التفريط بالاعبين بهذا الشكل علي مر التاريخ |
اذا كنت هلالي بتشجع الهلال والهلال فقط الهلال حقق بطولات قبل وبعد من ذكرت من النجوم يبقى الكيان شامخا والاسماء تأتي وتذهب تحيتي لك |
طالبينك اسمح لهم اجل الإداره بتشاورك عشان تسمح لها ولا لا ياسر ان بقي أهلا به وإن رحل الله يستر عليه. |
الله لا يرده واي بزر يبى يصيح وليش راح فلان وليش جاء يروح يكتب بمنتدى الاعب كلنا معك شبية الريح مع اي قرار سوى بطرد الجرذان او النجوم :d |
بخصوص اللي قول جمهور يااسر ... ياسر لاعب مثل الهلال وقدم للهلال ومااقصر واحنا كجمهور هلالي نطالب من الاداره انهم يصحصون شوي كفاايه بس تفريط بلعيبه كبار مثل عمر الغامدي يوم راح الشباب وخسرنا وتاريخ عمر مع الهلال مو ممثل ياسر بعد واللحين جااي الدور على ياسر |
هلا وغلا اخوي بالنسبه للاعبين الي ذكرت وان الجمهور ماكان راضي على ذهابهم فهذي اختلف معاك فيها رادوي في نهاية فترته لم يكون رادوي اول ما اتى فاللاعب لم يعد يكترث لمستواه نيفيز ذهابة ضربة معلم لان اللاعب عندة طموح وهو اللاعب للمنتخب ولو بقي للعب تحت نفسية متدهورة التايب لم يعد يستطيع الجري وقد ادى كل ما لدية وكان احد اسباب تدني مستوى الهلال في اخر الفترة التي لعب فيها الخثران لا ادري الى متى تعتقد ان بامكان لاعب باك خلفي يلعب بالنسبة لعمرة لان المكان يفرق في امكانية استمرار اللاعب باللعب عمر الغامدي اوافقك بنسبة كبيرة خالد عزيز لو بقي في الهلال فان الادارة تكون فاشلة لانها ستفتح على نفسها باب هي في غنى عنه وهي عدم الانضباطية لباقي اللاعبين المحياني لاعب صندوق معضم المبارايت التي لعب فيها اساسي لم يكون لاعب يعمل الفارق ولكن اللاعب طموح ويبي يشارك اساسيا ولايمكن اشراكه اساسيا في ضل وجود مهاجمين افضل منه اسامه كلنا لابد نقف بجانبه وندعي له بالتوفيق ياااااااااااااااااااااااسر اذا رجعنا لمستواه العام الماضي في اخر مبارياته فلا يوجد مشجع يهمه الهلال يتمنى عودته ولكن لا نعلم اين الخلل في مستوى ياسر فرص سهله لايكترث للمباراه يريد التسجيل بطريقة عالمية ولو نضرنا لما فعله مع العين لوجدنا انه صنع الفارق ولكن لماذا هل هو لوجود مهاجم هداف مثل جيان ام انها اشياء في فكر اللاعب تقبل مروري والله يوفق الهلال في الايام القادمة |
ي عزيزي فليرحل من يرحل يآسر صآر عآله ع آلفريق وصل لـ 30 ليآقه سيئه تهديف ضعيف جداً .. خلص يآسر أنتهى وي ليت يرحل ونآخذ درآهم عقده ونجيب فيهآ مهآجم عآلمي ونجدد بعض آلعقود فرصه لن تتكر للأدآره أذآ مآخلته يروح لأن مآفيه عرص ألآ من آلعين ولا محد يبيه .. عموماً جمهور يآسر ي ليت نركز على وضع آلهلآل آلحآلي نبي مدرب وأجآنب محنى فآضين ليآسر وجمهوره .. |
أعتقد الأخوان ردوا عليك ... نحن الان من سنطالب الاداره بأن يرحل ياسر ولا أحد يجي يسوي لي فيها ويقول الإداره هي السبب!! ياسر هو من يريد أن يرحل ..فليرحل ولن نسمح له ولا لـ(جمهوره) أن يحاول الإساءه لإدارة الهلال.. |
ورحل النعيمه ورحل يوسف الثنيان ورحل فيصل ابوثنين ورحل التمياط ورحل الدعيع ويبقى الكيان الهلال شامخ وبعدين ياسر هو الي مرتاح في العين ويبي يروح والاداره اصرة انه يكون من اول الاعبين في المعسكر لكن ياسر مايبي خلاص ياسر بالنسبه للهلال انتها وسنيقى نحب ياسر كما احببنا غيره من اساطير الهلال |
ياليت تقدمون الدعم للاداره الي جالسه تدفع وتشتغل للهلال بدل دفاعكم المستميت عن لاعبين هم من باعو الهلاا برغبتهم وارجع وشوف المحياني وش سوى ولا الهوساوي ولا حتى رادوي والقحطاني الي كل يوم والثاني طالع بتصريح يمجد العين ورغبته في اللعب معاهم والحين جايين تلمون الاداره . . صراحه فيه جماهير ماتعرف وش موقعها من الاعراب يا انهم مايفهمون او يستهبلون او هم مجرد مندسين |
طيب لنفرض ان ياسر رجع للهلال انت او غيرك بيضمن مدرجات الفرق الاخرى ماترجع لمضايقت ياسر مره اخرى الاعب حصل الاحترام والتقدير في بلد ليس ببلده وعاد بشي بسيط من مستواه من الافضل عدم عودة ياسر لنه حليمه ماماتت وبتصير مثل العظمه في البلعون هذا مايخص ياسر اما مايخص بالنجوم اللى ذكرتهم على كذا من الاولى اننا نذكر نجيب الامام وريفالينو وليتانا و سيرجيو وبصير وبشار والثنيان والنعيمه ................ الخ الكيان عمره ماعاش على فرد راح نجوم وجات نجوم هذي هي الحياة على كذا الواحد لو توفى له والده او والدته بعيد الشر على والدينا ووالدين الجميع يسكر على نفسه الغرفه ولا ياكل ولا يشرب |
عجيب امرك ياااا اخي طيب ودي اسالك كل اللي ذكرتهم يوم رحلوا صار شي بالهلال ؟؟ المفترض اللاعب اللي يحب ناديه يكون دعامه له ويقاتل من اجل البقاء |
ما قريت موضوعك بس الجواب باين من عنوانه اقص يميني لو انت هلالي |
| الوقت المعتمد في المنتدى بتوقيت جرينتش +3.
الوقت الان » 04:40 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd