09/04/2003, 02:32 PM
|
زعيــم متألــق | | تاريخ التسجيل: 11/03/2003 المكان: الـــــــــــرس محبوبتي
مشاركات: 1,381
| |
خاص لجماهير الزعيم!!!!!! اذا تبون الكأس والله مايجي الا اذا سويتو كذا السلام عليكم ورحمة الله
ماعليش كلامي قصمنجي مادري تفهمون والا مانتب فاهمين
كنت ابقولكم يأخي وش يضركم اذا حركتو رجليكم واقصد اهل الرياض كله ساعتين بالكثير اجلسوا بالملعب وشجعو لا يصير القصمان واهل الشرقية احسن منكم!!!!!!
انا من الرس والله ماتوقعون الا مشى من الرس لحاله بس اقل شي الي شفت والي اعرف وانا معهم بعد تراي حول 200 سيارة بدون مبالغة من الرس بس غير مدن القصيم الثانية وكل سيارة به 5 اشخاص
وغير كذا نبي كل الشعب اقصد الجمهور لابسين ازرق وابيض قصدي فيه نفيخ عند البوابات مافيها عيب ياخي خذ لك نفيختين زرقاء وبيضاء واذا سجل الهلال هدف اطلقهن والشعار الازرق نبيه مغطي الاستاد لكن هين تسون كذا ياجمهور الهلال انتم تجون تنقمون فصفص وشرب شاهي وكولا والعب يمين ويسار ويا اللي فيك ومن هالكلام اللي ماله داعي ينقال
مانتب صايرين مثل جمهور الاتحاد !!! لا اروح بعيد جيرانا النصر شوفو جمهورهم بالمباريات العادية وش يسون اصلا ماعندهم مباريات مهمة كلها عادية نبي اليوم جمهور يشيل الملعب شيل نبي صوت نبي موج كامل يشيل جمهور الاهلي لجدة اذا مر من عندهم نبي الناس اللي برا الملعب يقولون وش ذا صواريخ من!!! جتنا نبي تشجيع صح وهذا اللي عندي
وان شاء الله كذا من عندي الكأس للزعيم وسلامتكم واسف على الاطالة
اتوقع فوز الهلال ان شاء الله
3/1
ســـــــــامي الجمعان نواف
ان شاء الله |