مَطلوب منكم .. سَطر وآحد .. فمآذآ ستكتبون . - نادي الهلال السعودي - شبكة الزعيم

أعظم محب للشلهوب · #11 04/07/2012, 05:47 AM

على امرك يالحبيب اللي تذكر لي طلب فرقاي
مدامك ماتبي وصلي انا وش عاد يبقيني

ابحفظ مابقي لي من كرامة وابتعد بخطاي
على درب الغياب ووين ماودي يوديني

واذا حرك معاليقي هواك وحدني لقصاي
دعيت الله يصبرني يطمن قلبي وعيني

وطلبتة مثل مامكن غلاك وثبتة بحشاي
يشيلة من عروقي قبل نار الوجد تنهيني

وربي لو اعرف اني ابثني عزمك برجواي
اموت ولاترجيتك وقلبك مرخصاً فيني

لو انك قلتها تبغى تشوف معزتك جواي
او انك قلتها ساعة زعل والذنب كاسيني

لجيك بكل مافيني من اول داخلي لتلاي
واجي لرضاك لو اخسر من اجلك سنيني

وانا اللي منك عانيتة قتل نار العتب بشفاي
غرام مات في عينك على فرقاك يغريني

حسافة كنت احسب انك تقدرطيبتي ووفاي
نعم وتقدر العشرة تجاملني وتراعيني

توقعتك تكون اخلص عشير جابتة دنياي
اشك بكل هالنيا وتبقى ماتخليني

طلبت البعد في وقت ابيك تكون بة يمناي
بعد ماجارت ايامي وحرت يديني

ولا يخفاك لوعات الليال وضيمها وياي
وانا ادري مانت نافعني وجودك بس يكفيني

على كل حال ماينفع ملامي لك ولا شكواي
فمان الله ابرحل للغياب اللي يناديني