السلام عليكم ورحمة الله وبركاته

صباح الخير للي عندهم صباح ومساء الخير للي عندهم مساء

بصراحه كل ما ادخل المنتدى ماشالله الاقي محللين ونقاد ومدربين مخضرمين

وخبراء اقتصاديين

اهنيكم بصراحه

اللي خلاني اكتب الموضوع بصراحه كثرة المواضيع اللي (( مالها فايده ))

مثلا : الحلقه الاولى لاعب هلالي .. الحلقه 12 لاعب هلالي !!

وصلت الى 12 لاعب !! وباقي بعد بتكمل << اظاهر ماحد بيبقى بالنادي الا الزوري

عزيزي صاحب الموضوع .. تكلمت باكثر من 11 لاعب وطالبت باستبعادهم وتنسيقهم واعارتهم .. طيب انا اقولك انك تعبت نفسك لا اكثر

لان المدرب هو اللي يقرر من يبقى ومن يمشي (( مو رئيس النادي ))

ثانيا : الشلهوب بالله عليك ما بيفيد السنه الجايه !! << اتق الله في نفسك

احس بكره بتقول عبدالعزيز الدوسري والعابد في حلقه وحده

عزيزي صاحب الموضوع .. كنت متابع جيد لكل ما تكتبه .. لكن بعد الشلهوب

عفوا (( غسلت يدي ))

مع احترامي لك

* * * * *

الفريدي : اخ احمد .. احمد ربك على 25 مليون .. لا تتعالى .. تراك مو يوسف الثنيان ولا المصيبيح
عفوا انت مجرد لاعب (( بارز )) باقي لك عالنجومه مشوا طويل

اذا انت مره مره الا تبي فوق 25 مليون فالله يسهل دربك وخذ معاك ورده >

الهلال ما يوقف على احد

وياما لعب الهلال هالسنه بدونك (( وابدع ))

يعني فيه من يسوي مثل دورك وباسلوب (( اسرع ))

وان بقيت فهذا ناديك اللي كبر عضلاتك ووقف معاك في اصابتك مع ريان بلال

* * * * *

ياسر القحطاني .. اعترف لك اني ماحب التطبيل لنجم مهما كان .. وكنت لما اشوف ياسر يضيع (( اطنقر ))

بس والله مكانك فااااااااااااااااضي
اتمنى يرجع اليوم قبل بكره

* * * * *

اجل ورغم الزمان سنمضي معا !! <

نشيد حق المنشد سعد الغامدي

نسبوه الحراميه لهم

فعلا نادي (( خبط لزق ))


* * * * *

اجل تعاقدتم مع ويندل

لعب 6 شهور بالاتحاد ورموه
و6 شهور للشباب وبرضو رموه

يعني يا غبي خلال سنه لعب لفريقين تتوقع انه مفيد ؟؟

بصراحه اداره فريق مركز حي مو نادي مسجل بالاتحاد السعودي

* * * * *

توقعاتي

الهلال راح يجيب مدافع اجنبي عالمي .. وصانع لعب عالمي
وبيبقى على الكوري وهرماش
وبيرجع ياسر

والهلال بالاسيويه بيقابل الاهلي او الفريق الاسرالي

مجرد توقع

اتمنى ماحد يزعل مني مجرد فضفضه في هذا الصباح الجميل

واتركوا الاداره تشتغل

كلامك روعة ويدل على انك فاهم بالكورة ماشاء الله عليك

وربي انها قوية
مع انى متابع لحلقات لاعبي الهلال ولكن موضوع الشلهوب كانت نقطة فصل

خل صدرك شمالي وسلك وفلها

إقتباس الرسالة الأصلية كتبت بواسطة ذكرتك خل صدرك شمالي وسلك وفلها

مثل ماقال اخونـــــا سلك سلك سلك

انا اصلا ماشفت الا حقت الشلهوب وانصـدمت
اجل الشلهوب ماينفع هــــااه !!

عزيزي الناقصد الصريح لاتزعل بس وربي من شفت حلقت الشلهوب غسلت يدي من بقية الحلقات

لاهنت اخوي

إقتباس الرسالة الأصلية كتبت بواسطة شمآلي هلآلي الناقد الصريح من أفضل الاعضاء في مواضيعه ،، وانا اتفق معه في أغلب اللاعبين اللي ذكرهم وأولهم الشلهوب ..

الله يالدنيا ....

الشلهوب صار اولهم ..!!

قمة نكران الجميل ..!

إقتباس الرسالة الأصلية كتبت بواسطة عايش العنزي الله يالدنيا .... الشلهوب صار اولهم ..!! قمة نكران الجميل ..!

وش جاب طاري نكران الجميل يا اخي الكريم ..

الشلهوب لاعب كبير وخدم الهلال كثيرا وحقق بطولات ، لكن مستواه انخفض كثيرا وصار نقطة ضعف في خط الوسط ولا تنسى ان عندنا اكثر من لاعب يلعبون في نفس مركز الشلهوب وقدموا مستويات افضل منه ..

ايضا الموسم الجاي عندنا بطولة اسيا القويه وتحتاج للاعبين مهاريين وسريعين ، وشفنا الشلهوب كيف اصبح بطىء وتنقطع الكوره منه بسهوله !!

انا معك في كلام الفريدي مجرد لاعب ما يوصل حتى عزوز الدوسري يعطيك العافيه

جد الناقد صحررريح مبدع ورجل يتكلم كلام واقعي الا بمسئالت الشلهوووووب عندي اكتررر من آشارة آستفهااام

شكررا لطررحك يالغالي

الناقد الصريح مبدع في اراءه ونظرته اتمنى منك وباقي الهلاليين احترام اراءه وانا اوافق اخي الناقد الصريح بكل شي حتى بالشهلوب الله لا يحرمنا منه ياااااااااااااااااااااااااارب

الناقد الصريح
عضو مميز ومثقف وشخص عنده نظره فنيه
ودي انه يمسك المنتخب ويطورة لان بصراحه معجبني حلقاته وانا متابعه من اول ماكتب بالمنتدي
واحب اقول ان كل شخص له وجهه نظر بالنظره الفنيه والاخ ناقد قال وجهه نظره في حلقاته عن اللاعبين وهو صادق في كل كلمة وشسمه اذا عاد تبونه يجاملكم ترا مب حق مجاملات
الرجال عطاكم بكل صراحه وخلونا نعترف بان مستوي الشلهوب منخفض ويحتاج يطور نفسه
وكلنا نحب الشلهوب ومنقدر علي فراقه بس هذي هي كرة القدم ولزم الشلهوب يراجع نفسه
واتمني من الاخوان الي ينتقدون احترام الاراء وووجة النظر كل شخص مثل ماهم يحترمونكم وكلنا في خدمة الزعيم .....
وبتوفيق لهلال بمشواره القادم

اخوك تركي السهلي

اسمحلي ياكاتب الموضوع كفاك عاطفة للشلهوب

الشلهوب لاعب بنيتة ضعيفة جدا ومافية احتكاك مع اي لاعب الا وتنقطع منة بسهولة

الكورة يبيلها قوة