|
الفريدي يصرح اليوم عبر برنامج ارسال برغبته في الرحيل مثل ماسمعتم اليوم في برنامج ارسال وفي مكالمه تلفونيه حديث الاعب احمد الفريدي برغبته ترك الفريق وانه اكتفى بما ماقدمه للهلال وان بقاءه في الفريق مضر اكثر من كونه نافع على نفس طريقة الاعب البرازيلي السابق نيفز وطريقة رحيله وصراحه نحن كهلاليين عرفنا ان هذه النوعيه من الاعبين لايمكن يعطيك بقوه وبالاصح مايمكن تعتمد عليه في وقت الحاجه خاصة في المباريات اللي تحتاج تقاتل وتحرق نفسك في الملعب . للأسف ان اختيار هذا الاعب لوكيل اعمال اتحادي صميم كانت اول خطوات تغيير بوصلة الاعب لنادي آخر مع ان ادارتنا والاعب شخصيا كانوا يهونون مسألة ميول الوكيل ولكن الآن انكشفت الاقنعه وربما السوسه اللتي كانت تنخر في جسد الكره السعوديه وتم ابعادها بالطرد مازالت تمارس عملها في الفساد والتخريب وهمها الاول الهلال . لك الله يا سامي الجابر ظلمتك الجماهير بحكاية تطفيش بعض الاعبين وكل يوم نكتشف ان الهلال لم ولن ينتج شخص محب للهلال مثلك واعترف انا شخصيا انني ممن اتهمك بالغرور وحب الذات بالرغم من عشقي الكبير لاسم سامي ولكن اصبحنا لانعلم اين الحقيقه اما الآن فلم يعد لدي ادنى شك في ان زمان المخلصين امثالك يابو عبدالله قد انتهى. رساله لاحمد الفريدي اذا اردت البقاء وهذا اصبح شبه مستحيل من كلامك اليوم فالهلال بيتك الذي عرفك بالكره وعرف الجمهور بك واعطاك الشهره التي لم تحلم بها في غيره لا اتحاد ولا نصر ولا اهلي يستطيع تقديمها لك وان اردت الرحيل فتذكر ان غالبية عمالقة الكره في قارة آسيا خرجوا من هذا النادي الكبير واعتزلوا الكره وبقي اسم الهلال شامخا في العالي دون ان يسقط من القمه. ربما يكون رحيل الفريدي مفيد اكثر من بقاءه في الفريق فكما تشاهدون الجاهير منقسمين الى قسمين فمنهم من يعجبه طريقة لعبه ومنهم من يكره طريقته في اللعب اذن مغادرته قد توحد الصفوف وتنهي الجدال القائم من عدة سنوات. قبل الختام الفريدي راحل الى فريق محلي حيث ذكر ان بأمكانه الرحيل خارج المملكه ولكن العروض الخارجيه ربما لاتصل لمستوى رغباته الماليه وانه يرغب في التغيير. نداء لجمهو الهلال /الفريق مستمر في البطولات وسيستمر الاول برحيل النجوم او بقائهم ومن يعشق الهلال لن يفكر في الرحيل الا لاوروبا مثل هوساوي او البقاء في زعيم الكره الكبير. |
اللهم وفق الهلال في كل البطولات |
راح من يحمل رقمه ومن حببنا فيه ولم يتزعزع الزعيم |
كنت اتمنى بقاءه .. ولكن اذا هذه رغبته فأتوقع ان الفريدي مهب افضل من نيفيز ولا التايب !! شكرا لك |
الفريدي يساوم الهلال من كلامه اليوم ويريد مبلغ خيالي وهو لايستحق مبلغ كبير في وجهة نظري يعطيك مباراه وعشر مباريات نوم |
نعم نعم وربما السوسه اللتي كانت تنخر في جسد الكره السعوديه وتم ابعادها بالطرد مازالت تمارس عملها في الفساد والتخريب وهمها الاول الهلال . وحسبي اللة ونعم الوكيل:mad: |
بصرااااااااااااحــــــــه ما ســـــــــمــــــــــــعـــــــــــت التــــــصـــريــح لكن اذا والله يبي ينتقل لأي نادي غير سعودي يعني احتراف خارجي راح نوقف معه أما اذا راح لنادي سعودي فسوف نجعل الفشل ملاحقااااااا له باذن الرحمن |
الاعب يريد الضغط على الاداراه واااضح لانه اجلها 3 اسابيع لاانه لم ياتي له عروض مغريه الاهلي متورط باجانبه وموقادر يكمل فلوسهم الاتحاد طفران واما النصر طفران لكن ممكن عضو شرف يعاند ويدفع واذا ذهب سيفشل لانه مزاجي لن تتحمله اي اداراه لواراد التغير كما يزعم ذهب للاحتراف الخارجي |
احمد كان متردد في القرار وبارد وهذا ليس مستغرب فالملعب يشهد غلى ذلك |
اذا الهلال ماهوب طموحك فانت لست بطموح الهلال ارحل غيرماسوف عليك |
اذا صرح بالكلام ذا الله يستر عليه ان شاء الله الملكي ماوقف على سامي ويوسف والتمياط والدعيع بيوقف على الفريدي يعني بالتوفيق لملكينا يأرب ويعطيك ألعافيه |
الزعيم أوجد له البيئة الجيدة ونمى موهبته منذ أن كان بدرجة الشباب لا أتوقع أن يجد ابو عمر بيئة جيدة(محافظه) مثل الزعيم وإذا بيروح لنادي أخر فنتمنى له كل خير لأنه خدم الزعيم عدة سنوات.. وفعلا الإحتراق من أجل الزعيم فقط يأتي من عشاق النادي وليس الذين ينظرون لمصلحتهم الشخصية .. وللتذكير : الزعيم من غادره سيفقد بريقه كما حصل مع الدوخي والعويران والغشيان .... وغيرهم ... |
روحه بلارده الهلال مو خسران شي |
حقيقة والله اني اتمنى ذهاب هذا اللاعب لاني لا أثق به يوم مستوى جيد و10 مباريات سيئ ويا أخوان اي لاعب نفسية ما يصلح وما يمشي والله يكتب اللي فيه خير |
بالصراحه انا كهلالي عرفت ان هذه النوعيه من الاعبين لايمكن يعطيك بقوه وبالاصح مايمكن تعتمد عليه في وقت الحاجه خاصة في المباريات اللي تحتاج تقاتل وتحرق نفسك في الملعب . |
توقعاتي أن الفريدي لن يجدد للهلال ويريد الانتقال من فترة والمعطيات اللي بنيت توقعي عليها : أولا : تصريحه في لاين سبورت لما سأله الحماد هل ستبقى في الهلال رد أحمد (أحب التغيير). ثانياً : التعاقد مع وكيل أعمال ((اتحادي)) . ثالثاً : تصريحه المشهور في جريدة الجزيرة أنه لو وجد عرض أفضل من الهلال سينتقل (هذه تلميحات انه سينتقل) . رابعاً : رسالته المشهورة (ابحثو لي عن نادي آخر) . خامساً : طرح عبدالرحمن بن مساعد قبل فترة للفريدي فكرة التجديد لكنه فضل تأجيل الحديث عن العقد ((مماطلة)) . سادسا : كلنا كان ينتظر توقيع الفريدي في اجتماع الرئيس مع اني استغربت ان يتم التوقيع بهذه السهولة لكن الفريدي طلب اسبوعين للتفكير !! (أيضاًً مماطلة) لان أكثر اللاعبين لايحتاجون لهذه الفترة للتفكير . سابعاً : الاخبار المنتشرة أن لديه عرض قوي من نادي في جدة . أيضا لماذا الفريدي لم يقل هذا للرئيس ؟؟ وذهب للمدينة وصرح بهذا التصريح ؟؟ لانه يريد الابتعاد عن الحرج . أعتقد الاغلب سمع كلام التويجري أن هناك صفقة لاعب دولي من نادي كبير إلى نادي كبير وحدد الاعلان يوم السبت وهذا يثبت أن الفريدي مبيت النية من فترة ،،، عرفنا من اللاعب وعرفنا من النادي بقي أن نعرف وجهة الفريدي . هذه كلها استنتاجات أرجو أن تكون في غير محلها ،،، |
عن نفسي لا اتمنى بقاءه مع الهلال العابد والدوسري افضل منه وبكثير روح وعطاء وسرعه وبدون اي مزاجيه بالاضافه الى ان الهلال سوف يتعاقد مع لاعب وسط اجنبي |
اذا انتقل لنادي ثاني سيندم على ترك الهلال |
ياشباب خلونا واقعيين وصريحين مع بعض هل الفريدي اليوم وحتى أمس يشكل ذاك الثقل اللي راح يتأثر الفريق برحيله ؟؟؟ الكل متفق على أنه لاعب بارد يقتل الهجمات وبعدم تواجده تصبح الهجمات الهلالية سريعه وفعاليتها أعلى بكثير ورغم إعترافنا بما يمتلكه الفريدي من موهبة إلا أن هذه الموهبة ناقصة طالما لا تستثمر لفائدة وخدمة الفريق معظم جماهير الهلال تكاد تتفق على نقاط الضعف في الفريدي ونقاط القوة وإن كانت نقاط الظعف أكبر إذاً بالعقل والمنطق لاعب بهذه المواصفات ولا يرغب في الهلال الذي احتضنه وأبرزه وقاعد يسوف حتى يدخل الستة أشهر وينتقل ببلاش ما أدري على أيش تفرد المواضيع له ولأشكاله |
بقلعة وادرين ................... |
والله كلامهـ ماااايطمن ..... اللي مايبينا ماااانبيهـ...... |
الفريدي ماعرفنا له ! لاعب متقلب المزاج في لعبه وفي تصاريحه مدري وش يبي بالضبط !! |
الفريدي رجل بلا كلمة شرف صدمه لما تكون من انسان ملتزم ماعليه حسايف وماله جمايل علينا مااعطانا هالسنه غير ثلاث مباريات والباقيه عاله على الفريق مع السلامه والقلب داعيلك لااوصيك روح للاتحاد حتى تعرف الفرق بين الادارات المحترفه والرعاع الهمج اللي يلعب فيهم وبااعلامهم ابو كرش السوسه التي تنخر بجسد الرياضه السعوديه وتنخر في ناديهم حتى انعدم الاستقرار واصبحو مشروع لنصر اخرى ، ورواتبك استودعها الله ماتأخذه غير بطلعة الروح العنزي استلم شيك بدون رصيد وباولو جورج فرحانين انه حضر مباراتهم مع بيروزي يحسبونه وفاء وهو جاي يدور على حقوقه . قائدهم وابن النادي محمد نور يسامونه على حقوقه طالبهم ثلاثه مليون ورافضين انه مايستحق اكثر من مليون وسبع مائة الف . ارحل ربما لن يبقي لك المستقبل سوى ماجنيته من الزعيم من شهره ومال . الهلال زعيم بدونك ورحل من هم أفضل منك . |
كان الفريدي اليوم مراوغ فهو لم يؤكد رغبته بمغادرة الهلال أو البقاء فيه ولكن من الواضح أن الجانب المادي هو الفاصل في بقائه ورحيله فهو لم يتكلم بصراحة وشفافية فهو يلمح مرة بالرحيل ويعود ليؤكد إمكانية البقاء في حالة اجتماعه مع رئيس الهلال لذلك الأمر مرتبط بمبلغ التعاقد فإن منح مايريد سيبقى وإن لم يمنح مايريد فمن الواضح أن هناك عروض من تحت الطاولة أتمنى بقائه لأنه لاعب مميز ولكن إن رحل فالله يستر عليه ويوفقه والهلال لم ولن يقف على لاعب |
احمد الفريدي لاعب كبير ونحن في زمن احتراف والكل يبحث عن مستقبله ولكن يجب ان يكون العشق موجود عند اللاعب احمد . ليله البارحه يثني عليك شبيه الريح ويكن معزة لك ولابوك واليوم تطلع على القناه وتقول طموحي اكبر الله يستر لاتروح للبرشا . |
ممكن الفيديو حتى نتاكد من كلامك ؟ |
كل التوفيق للهلال رحل احمد الفريدي او بقي ... |
الكوره احتراف اذا يبي يرحل من حقه اتمنى من ابو فيصل احظار صانع العاب للفريق |
!!!!!!!!!! ان شااااء الله يبقى النجم الفريدي زعيما من زعماء الهلال |
ولله ولله ولله ثم ولله اني غاسلن يدي منة يوم قال من يدفع اكثر ب انتقل له ي رجآل هالفريدي ماعندة روح للهلال بالعربي وين الاعضاء الي تدافع عنة يوم كنا ننتقدة وينهم شوفو لآعبكم المفضل وش يقول ي لله طبلو طبلو كالعادة رحل الثنيان و رحل سامي و رحل التمياط و التايب و الكثير و الكثير الهلال مايوقف على آحد الهلال مايوقف على آحد لله درك ي زعيم لله درك يآملكي :yes: |
اللي مايبينا عيت النفس تبغيه لاكن لانستعجل الامور |
سنه في الدكه بعدين يصرفونه انتهـــــــــــــــــى |
إقتباس:
والله ما اعرف انزال مقاطع الفيديو ...ياليت احد من الاعضاء ينزل لنا لمقطع ..ملاحظه لك يا غالي اكثر الاعضاء شاهدوا البرنامج وسمعوا تصريح الاعب واكيد الصحف الالكترونيه والورقيه رح تتكلم عن هذا التصريح . |
بيعوووه وارتاحوا ونستفيد من باقي عقده |
اذا اراد البقاء زين واذا مايبي اعتقد الباب يوسع جمل |
اذا بيروح من الهلال اهو الخسران مو حنا ومصره نفس مصير الي قبله يشوف الدوخي الحين وينه والهلال مايوقف ع احد ما وقف ع سامي والثنيان يعني بيوقف ع الفريدي خلوه يروح وربي اهو الندمان مو حنا انسان طماع مدري كيف يفكر |
حسافه بس اكثر ثلاثه كنت اثق في كلامهم ذهبو هوساوي عيسى فريدي صدمه يالفريدي ليش ماتكون صريح مع الرئيس وتقبل ابغى الرقم الفلاني او بيعوني ويستفيد النادي ماكنت اتوقع منك انك تبي تروح بلاش ويخسر النادي الذي كان له الفضل في بروزك بعد الله |
راح من هو أعز منه مابين إنتقال او إعتزال واستمر الهلال ولله الحمد بحصد البطولات وسيستمر بذلك بإذن الله ،، الهلال لا يتأثر برحيل أي لاعب مهما كان سواء انتقل منه أو اعتزل فيه بإختصار الهلال ثابت والبقية متحركون |
والله انا مدري وش وضع الجماهير ياخواني كلنا ندري ان الكوره هي الدخل الاساسي والرئيسي للاعب ومن ابسط حقوقه انه يدور العرض الاعلى بنهايه ماهو انا ولا انت الي راح يصرف عليه من حقه يأمن مستقبله في اي نادي ودمتم سالمين |
صحيح مزاجيته تقهر .. لكن مااتمنى نقسوا عليه ...هو ابدى رغبته ...وخلاص اذا مايبي يوقع بسلامته ... للامانه اشوفه هو الخسران ... الله يكتب الي فيه الخير ... |
يمكن يبي الاداره تزيد من قيمة عقده لانه بصراحه لن سيلقى مثل ادارة الهلال ممكن الشباب كمان اداره محترفه لكن جمهور ما عندهم مع احترامي لهم واللاعب اكيد يريد الجمهور مشكووور اخوووي |
إقتباس:
أتمنى من إدارة عبدالرحمن بن مساعد ماتعطيه الفرصه وتبيعه قبل يبعها ماقاهرني غير شبيه الريح جلطنا بمثاليته ياناس ماعاد لطيب نصيب بهذا الزمن المفروض من بدري يعطي خبر للإداره ماهو يطلع ويصرح . |
خسااااااااره كنننت متووووقعه بيجدد للزعييييييييم صرااااااحة له قميييييتة الفنييييييه صحة مزاااااااجي لككككن يظل لاعب كبييييير عوااااااااااافي ع الموضووووووووع .. |
بقلعة وادرين الباب يوسع جمل |
. اللي طلعك يطلع غيرك = ) |
اتفاق جنتلمن بين الاندية والكبار بعدم المزايدة \ وسيتجد الفريدي وكريري وكماتشو وغيرهم ممن يبالغون في قيمة عقودهم بأن يعودا لصوابهم او يذهبوا لفرق اقل اما الفريدي فشخصياً اتمنى مغادرته واتاحة الخانة لمن يخدم افضل منه تحياتي |
اللي يسمع كلامه الحين هو اللي شايل الفريق واذا راح ضاع من بعده يابوي اعتزل الفيلسوف الحقيقي يوسف الثنيان اللي كان يحترق من أجل الهلال داخل الميدان وما وقف الهلال عن البطولات اذا كنت تريد الرحيل ارحل غير مأسوف عليك ولكن كنت اتمنى انه يلتزم الصمت الى ان يدخل الستة اشهر احتراما على الاقل للجماهير اللي احبته وهتفت له يوما ما عن نفسي كنت اتمنى ان الاداره تقوله دور غيرنا وحنا ماحنا محتاجينك |
بصرااااااااااااحــــــــه ما ســـــــــمــــــــــــعـــــــــــت التــــــصـــريــح لكن اذا والله يبي ينتقل لأي نادي غير سعودي يعني احتراف خارجي راح نوقف معه أما اذا راح لنادي سعودي فسوف نجعل الفشل ملاحقااااااا له باذن الرحمن |
إقتباس:
كلامك صحيح حتى انا لو مكانه وجاني عرض اكبر من نادي درجه ثانيه اكيد ماراح اتأخر ولكن الفريدي قاعد يماطل وواضح دور وكيل اعماله الاتحادي اللي مايبغى الهلال اقل شيء يستفيد ماديا وطلب من الفريدي الاستمرار مع الفريق الستة اشهر القادمه بحجة الرغبه في تحقيق الاسيويه ومن ثم الرحيل والصحيح الرغبه في دخول الاعب الفتره اللي تخلي الاعب حر في عقده ومايستفيد النادي من بيع العقد يعني رادوي وهو لاعب اجنبي طلع افضل من الفريدي جدد للهلال وبعدين شراء العين عقده. ومع كذا يا شباب ماودنا نتعرض بالسب لشخص الاعب ولكن اعتراضنا على طريقة تعامل الاعب مع الفريق اللي عرف الناس بالفريدي واكرمه ماديا ... مانقول الا الله ييسر دربه. |
يارب ياكريم انا ارى حلمي يتحقق خلوه يظف وجهه من الفريق قسم بالله مايحوم كبدي في مباريات الهلال الا هو :d ارحل وانا اكسر وراك جره على باب النادي ياشيخ :d بكره تعرف قيمة جمهور الهلال .. وترجع صغير ياصغير |
الفريدي لا يضر الا نفسه, سئمنا هذه الأفعال الصبيانية, الهلال ليس حضانة, ولن يكون .. أوصلو هذه الكلمات إلى أحمد وأخبروه, أن الهلال في غنى عمن لايعرف قيمة الكيان, أو يفقد السيطرة على نفسه, بلاش أفلام هندية, محمد الشلهوب فقد والديه, وذاق المر من حدة الإنتقادات الجمهورية الزرقاء, ولم يكل ولم يمل واستمر, هذا هو العشق وليس البربسة التي يمارسها الفريدي .. |
نعم والله الهلال هو الكاسب الحقيقي من خروج هذا البارد الحمد لله انها جت منه وكما يرغب جمهور الهلال روحه بلا رجعه باذن الله والحمد لله على خروج هذا البارد المغرور دمتم ياهلاليين بخير وعافية |
اصلا من زينه ولا من زين لعبه هذا المزاجي مع السلامه الي مايخلص ولايحب الهلال مانبيييييييييييييييه فرقاه عيد واصلا كل الي خرجو من الهلال سنه او سنتين وانتهى مشوارهم الكروي |
السبب الاداره معطينه اكبرمن حجمه وقاعد يساوم الهلال الفكه منه ابرك ولله لو جلس ليعلنا |
والله يا الفريدي غلطان وراح تندم لانك ماراح تلقا مثل الهلال واجواء الهلال شف العبرة بغيرك الدوخي العويران وغيرهم طلعوا من النادي وانتهوا الناس تتمنا تلعب للهلال وانت ترفس النعمة برجلك تذكر كلامي راح تندم وتاكد اذا طلعت ماراح ترجع فكر زين الهلال بيتك لا تتسرع وتستعجل |
الله يكتب اللي فيه الخير للزعيم |
من كلام احمـــــد حسيت انه مايبي البقـاء في الهــــلال الله يوفقـــــه وين ماراح .. الهـــــلال كما هو الهلال لن يتأثر بغياب أحمــــد اعتزل الثنيان والجابر والدعيــــع انتقـــل العويران والدوخي وبقي هذا الكيــــــان شامخــــا |
إقتباس:
والشاعر يقول اذا سيد منا خلا قام سيد قؤول لما قال الكرام فعول |
نداء لجمهو الهلال /الفريق مستمر في البطولات وسيستمر الاول برحيل النجوم او بقائهم ومن يعشق الهلال لن يفكر في الرحيل سبب رحيل الفريدي هو مهرب الاعبين بدون جواز سفر أرحـــــــــــــــــــــل أرحـــــــــــــــــــــــــل أرحـــــــــــــــــــــــــل |
الهلال اكبر منك يا احمد بالاخير انت الخسران |
| الوقت المعتمد في المنتدى بتوقيت جرينتش +3.
الوقت الان » 06:04 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd