.

إقتباس الرسالة الأصلية كتبت بواسطة << كبرياء هلالي >> يابعد قلبي كلامك صحيح بس علمني في عهد محمد بن فيصل ... مو كان احتراف ! كان في عهده بداية ثورة الملايين ومع ذلك جاب صفقات من أفضل وأجمل مايكون وبأسعار معقوله كوزمين باكيتا تفاريس كوماتشو التايب والقائمة تطووول هنا يوضح الفرق بأن المشكلة 100% في المفاوض وبالتأكيد اختلافنا بالرآي ينبع من عشقنا للهلال ومو معناته اختلاف

لا لا ما وصل الإحتراف باقي الإحتراف ماله سنتين ..!

مفاوضك ذا جاب لك لاعبين مميزين لا تنسى نيفيز ..؟
يمكن من أفضل الأجانب يعتبر ....

الخلل إن الهلال حالياً يدفع ما يقول لا هالشيء بيخلي خزينة النادي -1

كذا ما ينفع لازم تستثمر لجل تكسب

إقتباس الرسالة الأصلية كتبت بواسطة << كبرياء هلالي >> مطلع عيني ومعقد حواجبي بعد هههههههههه يارجال هي وقفت على كذا وبس ... خلنا ساكتين بس الحين يفاوض مدافع برازيلي عمره فوق 31 والمبلغ خيااااالي عشان كذا لاتلوموني ليه مقهور منه

هو صح يبالغ كثير لكن نشوف وش بيسوي حبيبنا ذا

مدري هو يفاوض من

يا رجال انقز و خذ لك مدافع إيطالي هناك أهل الدفاع ....!

من متى البرازيل قوتها دفاعيه ...؟

لا يكون بيفاوض روبرتو كارلوس ...؟

إقتباس الرسالة الأصلية كتبت بواسطة مجنونـہ الشلـ♥ـهوب لا جديد يا اخ فييصل - مدرب الهلال القادم .. ذكاء وحنكة إدارة الهلال ..! وغباء الكل جماهير واعلام ..! وياسر لا يريد ان يلعب كرة قدم ..! افهموها ياعالم .! الموضوع الوحيد اللي يملى العين .. احسهه الوحيد اللي فاهم

مايرفع ضغطي الا إذا واحد من الجماهيـر قال آسيا مايجيبها الا ياسر
ياسر لاعب له تاريخ و......و..........
لكن ماراح يقدم للهلال أكثر من الي قدمه
()وجهة نظر

إقتباس الرسالة الأصلية كتبت بواسطة هلال اسيآ . كم باقي ع عقد محمد الشلهوب مع الهلال ؟

الشلهوب على ما اعتقد جدد في منتصف الموسم او قبله بشوي للهلال لمدة ثلاث مواسم ..

إقتباس الرسالة الأصلية كتبت بواسطة سمو الهولـاليهـ مايرفع ضغطي الا إذا واحد من الجماهيـر قال آسيا مايجيبها الا ياسر ياسر لاعب له تاريخ و......و.......... لكن ماراح يقدم للهلال أكثر من الي قدمه ()وجهة نظر

ياسر لاعب كبير و على عيني و راسي و لا نبخسهه حقهه ابد ..

لكن بمستواه الحالي م اتوقع انهه راح يسوي شي .. ليتهه يرد ياسر 2007

إقتباس الرسالة الأصلية كتبت بواسطة مجنونـﮧ الشلـ♥ـهوب الشلهوب على ما اعتقد جدد في منتصف الموسم او قبله بشوي للهلال لمدة ثلاث مواسم ..

إقتباس الرسالة الأصلية كتبت بواسطة << كبرياء هلالي >> مافي داعي للإعتذار اختي النقاش مفتوح للجميع طيب ابو فيصل يشتكي من المصاريف وهو تقريباً الرئيس الوحيد اللي استفاد من دعم الشريك الاستراتيجي طيب الرؤساء اللي سبقوه ... ماكان يوجد عندهم دعم الا من اعضاء الشرف فقط يعني ماكان وقتها فيه لا موبايلي ولا غيرها ومع ذلك ماكانوا يشتكون من المصاريف وكان النادي ماشي من أحسن مايكون وهذا اللي يخليني اقول ان المشكلة مو بالفلوس المشكلة في طريقة صرفها وانا احمّل المفاوض الهلالي بحكم انه قاهرني النسبة الأعلى .. بسبب العقود الخيالية اللي يحضرها والله اعلم انه يسمسر من وراها

بس الاسعار بالسابق ماتقارن بالوقت الحالي الاسعار زادت بشكل غير معقول
اذكر بعهد بندر بن محمد ان لم تخني الذاكره جا الدعيع بتسعة ملايين وكان السعر خيالي بوقتها
حتى بعهد محمد بن فيصل الاسعار كانت اقل بكثير
القحطاني كان اغلى لاعب سعودي وافضلهم وقتها جا ب25 مليون وحتى مفتي المملكه وقتها خطب يوم الجمعه واستنكر الاسراف باسعار الاعبين
والحين صرنا بزمن الفريدي اللي ماقدم الا مبارتين ممتازه بالموسم يطالب ب30 مليون
اذا اردنا المقارنه يجب ان نكون منصفين

فارس السبيعي ‏@frs684


مبالغات البلجيكي ارييل جاكوبس مدرب اندرلخت الماليه تجبر الإدارة في إستبعاده من الملف والتركيز الآن على الأرجنتيني خورخي والبرتغالي مانويل


-------------------------------



أحمد الدوسري ‏@AHMEDSALEH15


مبالغات المدرب البلجيكي الماليه تجبر إدارة ‎‫#الهلال‬‏ على إستبعاده من الملف والتركيز الآن على الأرجنتيني خورخي والبرتغالي مانويل

إقتباس الرسالة الأصلية كتبت بواسطة الهلالي بيانكو لا لا ما وصل الإحتراف باقي الإحتراف ماله سنتين ..! مفاوضك ذا جاب لك لاعبين مميزين لا تنسى نيفيز ..؟ يمكن من أفضل الأجانب يعتبر .... الخلل إن الهلال حالياً يدفع ما يقول لا هالشيء بيخلي خزينة النادي -1 كذا ما ينفع لازم تستثمر لجل تكسب

مانختلف انه جاب مميزين
مثل نيفيز ورادوي وأبو ناعومي

بس نسينا فشله المميز في :
العربي - ايمانا - هاسيك - دول - المدرب ليكينز اللي بعد 3 مباريات شاتوه - واللاعبين المحليين ووو إلخ

نقول ان شاء الله تتعدل الأوضاع
ابو فيصل يجتهد ويحاول يسعدنا .. لكن المفاوضات ماهي في يده
في يد خويّنا المفاوض وان شاء الله انه يبيحنا من كثر ماحشينا فيه

إقتباس الرسالة الأصلية كتبت بواسطة شيخ الغربية العيب في المفاوض وليس الفترة في الفترة اللي تقول عنها انها قبل الاحتراف وان المصاريف كانت اقل بقولك ترا حتى المداخيل كانت اقل يعني زياده الاسعار مربوطة بزياده المداخيل فالاسعار ايامها كانت قليلة لكن المداخيل ايضا ما كانت اكثر من 5 مليون في الموسم المفاوض ما يعرف يفاوض او انه له مصلحه في تعطل المفاوضات مع المدربين لان زي ما قرأنا في الجزيرة ان وكيل الاعمال العراقي فضح احمد محجوب وقال انه اوقف المفاوضات معاه ايام كانوا يفاوضون جوزيه وراه للوكيل احمد شوقي اللي هو صديق محجوب عشان يبغى صديقه يستفيد وهذا يفسر سبب تمسك الادارة بجوزيه رغم الموجه الجماهيرية الاعلامية الغاضبة لان محجوب افندي قاعد يحاول يقنع الادارة بالتعاقد مع جوزيه عشان يستفيد صديي شوقي من حصة الوكاله

أما جوزيه فبكل أمانه هو مدرب كويس لكن ما ينفع للهلال ....

أما المفاوض ما نختلف عليه هو يعتبر فاشل لكن وش تسوي أميرنا أبخس بالشيء هذا مو ...؟

إقتباس الرسالة الأصلية كتبت بواسطة HiLaLy 4 EvA لا جدد لمده موسمين يعني باقي له موسمين عشان يدخل فتره الست شهور

انت ناشب لي الليلة

بس شكرا على تصحيح المعلومة

إقتباس الرسالة الأصلية كتبت بواسطة مجنونـﮧ الشلـ♥ـهوب انت ناشب لي الليلة بس شكرا على تصحيح المعلومة

إقتباس الرسالة الأصلية كتبت بواسطة << كبرياء هلالي >> مانختلف انه جاب مميزين مثل نيفيز ورادوي وأبو ناعومي بس نسينا الفشل المميز في : العربي - ايمانا - المدرب ليكينز اللي بعد 3 مباريات شاتوه - واللاعبين المحليين ووو إلخ نقول ان شاء الله تتعدل الأوضاع ابو فيصل يجتهد ويحاول يسعدنا .. لكن المفاوضات ماهي في يده في يد خويّنا المفاوض وان شاء الله انه يبيحنا من كثر ماحشينا فيه

بس العربي و ايمانا جو ع السي في أما عن المدربين بصراحه أشوف أفشل مدرب طب للهلال هو طيب الذكر أديموس

بس أبو فيصل ما نجح إلا مع جيرتس و نتأمل خير إن شاء الله

إقتباس الرسالة الأصلية كتبت بواسطة HiLaLy 4 EvA انا ماني ناشب لك انتي الي تحبين تغلطين العفو

مالي ذنب اخذت الخبر من هالموقع التسذوب


مدونة صدى الملاعب: الهلال يجدد عقد الشلهوب.. والنصر يفاوض القطري خلفان

بس يمكن إنهم يقصدون إن السنتين فيها 3 مواسم > تحليل منطقي ..

-

بالنسبهه للكلام عن مانويل ..

نفي سامي في صدى الملاعب يرد على مثل هذه الاخبإر ..