السلام عليكم ..

هالمرة غيرررر !!

يوم جا الموكب حول الملعب بس حوله .. سحبوا على أم المباراة وجابوا لقطات الموكب والجموس السود .. وسحبوا التعليق وجابوا طيب الذكر ( سليمان العيسى ) !

الملك عبدالله بن عبدالعزيز على عيني وعلى راسي بس القناة نرفزتني بحركاتها اليوم !

مدري يعلق على وصول الملك ولا ما ادري وش بالضبط !

والمشكلة بنفس لحظة تصغير شاشة المباراة جا هدف الأهلي !

ثم شوي قطعوا المباراة كلها وجابوا الملك وهو يدخل للمنصة ويشرح له أبو تسعين مليون ..

وقطعوا صوت المعلق مرة ثانية وقطعوا المباراة كللللها هالمرة

يعني ما أدري إلى أي مدى وصل الاتسخفاف بالمشاهد وعدم الاحترام

والله القنوات السعودية لم ولن تتطور

ولها سوابق أيام القناة الأولى واذا جابت أفلام كرتون أو مسلسل يقطعونه ويجيبون الاخبار عااادي !!!

القناة السعودية لا احترافية ولا مهنية !

القناة السعودية مزيدا من الفشل واللامبالاة !



الله يرحم ايام الART .. صحيح كانت غالية لكن تحترم المشاهد وتخدمه ..

يارب الموسم القادم يباع الدوري للجزيرة ولا ابو ظبي ولا أي قناة .

فعلاً والله ..

لكن يبدو لي أن النفاق والتطبيل يستفحل يوما عن يوم

مستوى مخجل ومخزى من الخشبية ..لم يسمح لنا المتابعة لبقية المباراة .. حط القناة الأولى لحظة الوصول والاستقبال ، ولكن اثناء المباراة ، الرياضية تنقل ماتبقى من المباراة والقناة الأولى حطوها عالرسميات .. بس ..

زمن التطبيل باقية

أنا غآآآسل يدي من هذه القنآآة

الله يصبرنآ في السيزون القآدم ع هذه القناآة

والله العظيم مصخره

هاذي مهي قناة يا اخي خلهم يحطون القناة الاولى الموكب

والقناة الرياضيه الاولى المباراة

واخرتها يقطعون كل شيء



مزيداً من الفشل

قنآآآآآآآآآآآآه فآآآآآآآآآآآآآآآشله ، صحنآ متنآ حييينآ عجزنآ وآحنآ نقول قنآآآه فآآآآشله

هههههههههههههه

اهم شي طيب الذكر ( سليمان العيسى )

شكرا على الوصف الجميل نعم هذه الخشبيه كما عودتنااا .

طيب عادي ما فيها شي ليش مكبرين الموضوع ؟!
انا برايي ان الموكب والملك وراعي المباراة اهم من المباراة نفسها
وشي طبيعي اللي سوهه وكان متوقع

^ استحلفك بالله ؟

هل في أكبر بطولة في العالم يقطعون المباراة كاملة عشان يجيبون راعي المباراة وهو يدخل المنصة

أتحداك اذا أي بطولة في العالم يقطعون المباراة عشان الراعي !

هذي بس في السعودية

احنا كجمهور يهمنا الملك لكن برضو نبي نشوف مباراة كاملة بدون تقطيع

شي طبيعي هذه الاخطاء الرياضيه تعتمد على الاجانب بعملها ومافيه اي فكر نظام ادفع وبس
كاميرات بذيك العده ومخرجين و و و .. الخ


من يذكر ايام الارتي كم كانت قناه تنقل النهائي؟!
وكان الارتي شغل خورافي جدا وكل الطاقم عربي ومنهم سعوديين
حتى اخرجوا معلقين ومراسلين ابداع منهم الحربين والدحيم وغيرهم

الفكر والتخطيط هو العلامه الفارقه بين الارتي والرياضيه


كان من الافضل نقل النهائي بصوره تليق براعي البطوله مب هالفوضويه !





ودي

المفروض نقل وصول ابو متعب

يكون على القناة الرياضية الثانية الثالثة او الرابعه

ابو متعب رفض يكون السلام الملكي في وقت المباراة بل

اجله حتى الششوط الثاني