الأخ ياسر الثنيان أبواثنين ..
انا قلت اطق بلوت وانام ؟ ولاقلت الشيبان اللي أعمارهم على 50 وفوق ؟ وإذا انت صغير او كبير وماهو شغلي ليش تشنجت وارتفع ضغطك ؟ خلك مروق ياخي
!
سمير سلطان و سلطان بن نصيب و الغانم و محسن بخيت .. ليش قلت مااعرفهم ؟ يعني غصب مااعرفهم لا اعرفهم ياحبيبي ومحسن بخيت المرعب فيه أحد ينساه ؟ طيب وسلطان بن نصيب بعد مافيه أحد ينساه ؟! طيب أنت نسيت هذولي .. الأسطورة الهلالية (مبارك العبد الكريم) وسلطان بن مناحي وكندا وابم حطبه وضاري وابن نصيب (فهد) ثم جيل التسعينيات الهجرية ناجي عبد المطلوب وإبراهيم اليوسف وعبد الله بن عمر وشمروخ وغازي سعيد وبن نصيب (سلطان) ذكرت من هالأسماء اللامعة اسمين او ثلاثة بس ويتضح لي تاريخك الركيك بناديك الهلال ولكم يأتي على بالك على الأقل مبارك عبدالكريم ؟
وياعزيزي كل هاللاعبين ماننكر جهودهم ومحسن بخيت يعتبر الأبرز بينهم ولعب للهلال 73 مباراة وسجل 132 هدف .. بس الفترة اللي كانو فيها أيام التسعينات الهجرية والثمانينات كان الهلال ليس هلال نهاية التسعينات وبداية الـ 1400 .. كانت السنوات العجاف من 1384 إلى 1397 وهذا وقت تواجد محسن بخيت وغيره من اللاعبين اللي أنت ذكرتهم ومحسن بخيت اعتزل مبكراً وكمل الدراسة بأمريكا ولم يحقق أي بطولة مع الهلال .. سلطان بن نصيب لاعب لايختلف عليه اثنين وسجل للهلال 124 هدف وحقق مع الهلال بطولة الدوري مرتين 1397 و 1399 وبطولة كأس الملك عام 1400 و 1402 .. وكان العصر الذهبي للهلال هو من بداية ريفالينو إلى الثنيان الذي اكمل تألق ريفالينو إلى سامي الجابر .. فكيف تقارن لي لاعبين ماحصدو بطولات وتتكلم عنهم وتجيبهم جنب سامي وهو اللي لعب للهلال 120 مباراة واحرز 173 هدف وترا ماكان مهاجم صريح كان يرجع وراء كثير سامي علشان تعرف بس .. حقق مع الهلال مايقارب 23 بطولة وهذي بعض أفضل إنجازات سامي البسيطة علشان بس اقولك انه أفضل من اللي ذكرتهم وانا لاانكر جهودهم !
حقق لقب هداف الدوري الممتاز لعامين 1990م - 1993.
- حصل على جائزة الحذاء الذهبي.. بعد تحقيقه للقب هداف العرب لعام 1990م..
- أفضل لاعب في كأس الكؤوس الآسيوية السابعة 1996.
- أفضل لاعب في كأس السوبر الآسيوية الثالثة 1997.
- أفضل لاعب آسيوي في أشهر (يونيو) 1997 - (يونيو) 1998م - (يناير) 1999 - (ديسمبر) 1999.
- أكثر لاعب سعودي تسجيلاً لناديه خارجياً وذلك بتسجيله لـ(50) هدفاً رسمياً
- اختير سفير للنوايا الحسنه من قبل الأمم المتحده منذو عام 2005 مع زيدان ورونالدو وعدد من مشاهير العالم.
ساهم في تحقيق الكثير من البطولات الهلالية وحسم الكثير .. ومقارنة الفورد والبانوراما ماادري وش تبي وتبي تقحم مقارنات غصب بين سامي والثنيان وبتدخل ياسر غصب بالسالفة وكلنا نشكر أي شخص قدم لهالكيان أي خدمة ولكن الناس مقامات وكلن حسب خدمته للهلال نضع له مقام .. طيب مو التمياط والشلهوب أحق من ياسر انك تتكلم عنهم
؟! بس التعصب اللي مالي مخك هو اللي مخليك تنعمي عن هالأشياء !
طيب ابعلمك ان تفكيرك محدود مع إحترامي فيه أحد يتكلم عن كم قميص يباع للاعب ؟ وتشققت حلوق المعلقين لوصف سحر أهدافه ؟. طيب وش دخلني بأهدافه إذا هو ماسوا شيء للفريق .. ياخي خاف ربك اعقل اركد حكم عقلك نسفت سامي وجبت ياسر جنبه وياسر إلى الآن مآقدم ربع اللي قدمه سامي للهلال والمنتخب ؟ اعقل اعقل ياخي مايصير اللي تقوله مااحد يبلعه ..!
ولاعلي من أداء سامي بالمهارة والفلسفة .. سامي مهاري ولايصل لدرجة ياسر ياسر أفضل منه مهارة ولكن سامي مايعرف يتفلسف معه كوره يوزنها لك بالباب ياقميل
موب يبي هدف خرافي ومسحور زي ياسر خوينا
تدري ليش اعترفو بياسر ؟ يبغون يضللون عليكم سامي وعقولكم الصغيرة تنجرف وراء أهوائهم .. ولأن سامي مطلع الزهايمر فيهم يحاولون بأي شكل انهم ينسون الهلاليين من هو سامي .. عام 1418 ماجاب سامي ولاهدف ولا ؟ طيب شف بعام واحد ماجاب ولاهدف وقومت الدنيا ولاقعدتها ولكنه في نهاية العام حسم لك النهائي .. هذا اللي انا ابيه .. ولكن اخواننا اللي ذكرتهم بخيت وغيره طوال 12 سنة ماجابو ولابطولة للهلال وسجلو لأنفسهم سجل من الأهداف جيد ليش ماقلت شيء عنهم ؟ علشان تدري ان المسألة عندك إعجاب شخصي فقط ولاتتكلم عن مصلحة كيان كامل ..!
وابن نصيب الأهداف الحاسمة عديتها بيدك ولكن أهداف سامي الحاسمة عد واغلط ياحبيبي !
عموماً تساؤلاتي كلها جاوبت عليها انت بنصف إجابة عقيمة .. وإجابتك رديت عليها بكلامي عن السنوات العجاف للهلال واللي برز فيها نجوم على المستوى الشخصي وليس مستوى الهلال وخدموه وجابو له بطولات .. بل مستوى أهداف ومهارة شخصية لاتخدم الفريق .. والعاقل يحكم !
والكلام معك منتهي ياحبيبي لأنك تتكلم عن أشياء ماتدخل العقل وتاريخ الهلال لاتخاف انا حافظه زي مااقول اسمي ولاتحاول تدخل لي مع أي مدخل عن تاريخ الهلال لأني قبل اشجع فريقي أعرف من هو .. والحقد الدفين اللي فيك على سامي ماراح يحرك ولاشعرة من محبتنا له ولأي لاعب خدم الهلال .. ولافيه أي تفرقة بينهم وارجو ان تفهم كلامي مافيه أي تفرقة بين نجوم الهلال .. ولكن فيه فرق بين اللي جاب لك بطولات وبين اللي عيشك سنين عجاف ولاحتى بطولة سواء المجموعة كاملة أو بعض منها من اللاعبين اللي أنت اخترتهم !
وإذا انت تقول سامي خدمته المجموعة اللي معه اللي يشوفك يقول سيرجو جلس بالهلال 6 مواسم وكان هو العراب لسامي .. سامي والثنيان كانو ثابتين والبقية متغيرين وكلنا نرى ذلك ولم يختفي سامي بعد ذهاب سيرجو وغيره !
ولكن ياسر حبيبك بعد رحيل التايب اختفى لمعانه نسبياً .. خليك عاقل واحكم بعقلك .. وياسر نحبه ونقدره وعلى عيوننا وخدم الهلال ولكن مايجي مثل سامي لو تناقز اللاعبين سامي والثنيان الأفضل على مر عصور الهلال
!
هداك الله يابني
!