وعليكم السلام ورحمة الله وبركاته
يا سرع الأيام !؛ سبحان الله. أسأل الله أن يجعلها حجة لنا لا علينا.
قلبت المواجع يالحبيب
، اختبارات ثالث ثانوي
آه كم كانت أيام جميلة على الرغم من المصاعب تلك الأيام ( هههه لا مصاعب ولا شي ، الله يهديهم ويصلحهم ، الاختبارات كانت سهلة والدراسة أي كلام ، وناكل على وجيهنا بالجامعة
)
أتذكر في ثالث ثانوي كيف كنت (شفقان) على التخرج و ( الراحة ) لكن في آخر يوم اختبارات وبعد خروجي من المدرسة فعلًا حسيت بفراغ في داخلي كبير جدًا جدًا! حياة جديدة ومستقبل غامض وما تدري وين تروح ووش تسوي! كانت مختلفة عن أي اختبارات سابقة، في أول ثانوي أو ثاني ثانوي أو حتى الأيام اللي قبلها في المتوسط مثلًا ، كانت تنتهي الاختبارات ومصيرك معروف تنتظر ثلاث شهور عشان تجلس في مكان مختلف مع نفس الأشخاص ونفس المدرسين، لكن وقت التخرج من الثانوي كان الشعور غريب جدًا وبإذن الله كلكم بتمرون فيه إن ما كنتوا مريتوا فيه أصلًا : d.
طيب نرجع لمحور حديثنا الاختبارات
نصيحتي للجميع
- خذ كفايتك من النوم ( مهوب تقضي طول يومك نوم وتخمخم بالمخدة
)
- لا تفوّت أي وجبة ( الفطور أهم وجبة حتى لو ما كنت جائع أو نفسك مسدودة، اجبر نفسك وكل وبتشوف الفرق وقت حل الأسئلة ;) )
- بين الوجبات عليك بالفاكهة ( وأنصح كل بيت أنهم يحطون سلة خضار وفواكه في متناول اليد بحيث كل ابن يمر ياخذ له شي على طريقه - تفاحة, موزة, أفندي .. الخ )
- في اللحظة اللي تبدأ فيها الدراسة على طول الجوال ( صامت ) ووجهه على تحت بحيث لو تلتفت عليه ما تشوف الإضاءة وتروح تدرعم عليه
، في البريك أمسك الآيفون والبلاكبيري وسو اللي تبي بعدها ارجع وكمل دراستك، لاتحرم نفسك من أي شيء ولا تنقطع عن العالم بحجة الاختبارات والمذاكرة
اليوم بإذن الله فيه بركة وتقدر تجمع بين الحسنيَين.
- لا تراجع الاختبار بعد ما تنتهي منه. أتذكر أيام الثانوي كنت بعد الاختبار أقول للشباب ممكن علاقتنا تنتهي الآن لو تكلمنا عن الاختبار الماضي
كنا جميعًا محتاجين للشي هذا وبالفعل كلن كان ينهي الاختبار ويطلع بدون ما يسولف عن الامتحان ونشوف لنا أي موضوع ثاني.
- لا ترتبك لو حسيت نفسك (بعد ما تنهي المذاكرة ) أنك مو متذكر شي وأن كل المعلومات اللي براسك راحت وأن الساعات اللي قضيتها كانت هباءً منثورًا. أتذكر أني قرأت للطنطاوي غفر الله له عبارة جميلة جدًا يقول ( لو طلب أحدهم أن تذكر جميع أسماء معارفك لفشلت لكن لو سألتك عن فلان ابن فلان لأجبت مباشرة) الأمر ذاته يحدث فيما يخص المذاكرة، لن تتذكر المنهج لكن بمجرد أن تتلقى سؤالك ستقوم ذاكرتك بالمهمة على أكمل وجه بإذن الله
ناخذ مثال على السريع؟ أوكي .. تعرفون ( ماجد مقبل؟ )
.. أكيد عرفتوه وتذكرتوه وعرفتوا أنه غير يوزره إلى ( الهلالي دائمًا ) لكن قبل السؤال ماكان يخطر ببالكم هذا الأمر ( إلا كان فيه أحد يفكر بمجودي ليل نهار :$
).
أسأل الله لنا ولكم التوفيق والسداد والنجاح
![|[ ديوانية الاختبارات [ نصائحكم - مواقفكم - جدوالكم - نتائجكم ] فضفضة من نوع أخر ]](iconimages/t1098867_rtl.gif)
آبتدآ آلجد وآبتدآ آلملل 
هذآ آلموضوع وبآختصصآر عن
و كل ما هو شين 
الوضع العادي
