الـسـلام عـليكم ورحمة الله وبركاته
مدري من وين ابتدى؟ ووين انتهى ؟
الأهــم إني راح اختصر موضوعي !

في البداية اتـمـنـى مـــن الأمير عبدالرحمن بن مساعد والكابتن سامي الجابر وجـميع لاعـبـين نـادي الـهـلال إنـهـم يـدعـونـا نـسـتـمـتع بـمـا تبقـى مـن رحـلـــة الموسم اللى فـي نـظـري مـن المواسم السيئة بالزعيم الأسيوي واتمنى من جميع العشاق والجماهير الصبر فلم يتبقى سوى مباريات لاتتعدى أصابع اليد الواحده وأتوقع الادارة عارفه أهمية هذي المباريات وحساسيتها فدعونا ننتظر ونرى ماذا سيفعلون ؟؟

وعندي كم نقطة أحب اتطرق لها في موضوعي خاصه بالجمهور وهي وجهة نظري الخاصه فإن اصبت فمن الله وإن اخطأت فمن الشيطان ,,,

من ناحية الاجانب نيفز ورادوي وولهامسون كانوا من أفضل الاجانب بالمملكه والادارة قادره تجدد معاهم بس انت ماتقدر تجبر شخص يكمل معاك وهو غير مستقر نفسيآ لإن ماراح يعطي مثل اللى مرتاح نفسيآ يعني نيفز ماكان راضي يجلس معانا كيف نجبره ؟ نجي لرادوي اللى في نظري من افضل الاجانب في اسيا كلها يعني اللاعب تعرض لحرب نفسية غير طبيعيه بالملعب وخارج الملعب وانتم عارفينها كيف تبغونه يكمل ؟ نروح لولي اللى كان في اخر الموسم مستواه متذبذب وشفناه في الدوري القطري كان مستواه سئ ورجع لنا ونفس مستواه سئ ماتغير شي لذلك كان اجباري إننا نجيب اجانب غيرهم ومن ناحية الاجانب الحاليين اتوقع الادارة انها فضلت العرب لإنهم سريعين التأقلم وإيمانا كان بطلب جمهورنا العزيز والكوري كان هداف بكوريا ومتحمس يثبت نفسه بس المصيبه كانت باالمدرب والجهاز الطبي لإنه من أسباب الفشل بالموسم هذا تحديدآ لإن كان عندنا مشاركات كثيره في مسابقات مختلفه هذا غير مشاركات المنتخب وتتطلب اعداد كبير من بداية الموسم والادارة حاولت في مدربين كبار بس انتوا عارفين اكثر المدربين مايحبون يدربون في دول الخليج وانتم عارفين الاسباب ومع مرور الوقت كان لازم يجي مدرب وكان الشخص المتاح هو السيد دول اللى كان متحمس بس بالاخير ربي ماوفقنا بالموسم هذا وفوق كذا الادارة عندها اخطاء مااحد ينكر ذلك لإن كان باالامكان أحسن مما كان وفي أشياء كثيره راح نتطرق لها نهاية الموسم إن شاء الله و اتوقع إني راح انسى معنى كلمة اختصار !

وفي النهاية أحب أقولكم إني متفائل كثير بالمباريات القادمة بداية من مباراة الإياب بجدة والله يكتب اللى فيه الخير للجميع وياريت لو نترك النقد والتجريح باالادارة واللاعبين بالوقت الحالي لإنه ماراح يجيب نتيجة هذا إذا ماقادنا لأمور لا نتمناها ؟ أنتظروا لين ماينتهي الموسم وبعدين خذوا راحتكم انتقدوهم بكيفكم ولاتنسون بعد حارس الأمن ليش سكر الباب بوجه الجمهور ومن أعطاه التعليمات ؟؟ أكيد سامي !! امزح لآاحد يدقق !!