فضفضه من ناحيه شخصيه ونعمة العقل والميول ..
بسم الله الرحممن الرحيم
السلام عليكم ورحممة الله وبركاته 
الحمد لله على كل حال قدر الله وما شاء فعل
الى الان والوضع فالهلال مثل الجو اللي كان وقت مباراة الهلال والاهلي << شبه معتم
وتعودنا على كلمة " سنعدل اغلاطنا ونحل المشاكل فالمباراة القادمه "
الى الان ونكبات المقاول هاسيك موجوده
ومجاملات ابن مساعد مدري متى بتخلص ؟
نجي لنكبات البيه هاسيك : اولها تغيير التشكيله باخر اللحظات ..؟
لاعب لي بمحورين ومهاجم واحد فالشوط الاول
استغرب من حركات العربي واستلامه ومشيه بالكوره ذكرني بلعبة الثعبان في جوال الكشاف 
الى الان والكوري يهدر الكور والهجمات المحققه بشكل غريب وعليه الف استفهام ؟
ومجاملات شبيه الريح ابن مساعد اخرها انه ماراح يتعاقد مع كريري الا لين يوقع مخالصه مع الاتحاد ..؟
طبعا الكلام هذا كله فضفضه ورؤيتي الشخصيه للي حاصل امامي فالهلال 
طبعا من الصعب او الغير معقول انك تقيل هاسيك بالذات فالوقت هذا وانا اوافق الادارة على هذا الرأي 
اتمنى من جماهير الزعيم بالتفاؤل واطالب بالحضور من جماهير الزعيم في جده لان الزعيم بحاجه للمسانده
واخر شي اتمنى من كل هلالي يحممد ربه على النعمه اللي عايش فيها لاني حضرت اليوم مباراة النصر والفتح مع احد اقاربي وتسمع مابين فتره وفتره يرددون العالميه صعبه قويه يعني لهالدرجه الزعيم جايب لهم مصع في حلوقهم وتفكيرهم 
هذا اللي كان عندي وفالاخير اقول :
" اللهم وفق الزعيم فوق كل ارض وتحت كل سماء "
الوضع العادي
