@ نادي الهلال للحالات الإنسانية ،،، الشلهوب والغنام والمرشدي وهوساوي والحمادي وأمور أخرى ،،، الهلال ماله كبير @
كل جمهور الهلال يحبك يا شلهوب وأنا أولهم بس مستواك اليوم لا يؤهلك للعب في فريق زي الهلال ،،،
الشلهوب مشغول باله في أمور أخرى غير الهلال ،،، وأولها فريقه اللي في بطولة الحواري ،،، وسعادة الرئيس يروح يحضر مباراته عشان يدعمه وتاركين الهلال اللي هو أهم واللي المفروض يتفرغون له هالأيام المهمة جدا ،،،
احب أن أوضح أنني من المحبين بل والعاشقين للكابتن الكبير محمد الشلهوب ،،، وأعتبره من أبرز خمسة لاعبين سعوديين مروا في تاريخ نادي الهلال ،،،
ولكن مستوى الشلهوب في الفترة الأخيرة الجميع متفق على أنه لا يؤهله باللعب في نادي كالهلال ،،، أعرف أن الشلهوب لديه الكثير ليقدمه للفرق ولكن الملاحظ أنه تايه في الملعب وباله مشغول ،،
من يتذكر آخر كوره صنعها الشلهوب وأتى منها هدف للهلال ،،، وكم صنع من أهداف هذا الموسم ؟؟؟؟ ،،،
أتمنى ترك المجامله ،،، الهلال وضعه لا يسر ،،، وإذا لم نتدارك الوضع فالهلال سيستمر في رفع الضغط والسكر وتلف الأعصاب ،،،
* صار نادي الهلال للحالات الانسانية ,,, اللي يترك الهلال عشان زوجته حامل ،، واللي يتركه عشان لا يحدث حالة طلاق بينه وبين زوجته ،،، واللي يتركه عشان يتزوج ،،، واللي يتركه عشان يروح يتعاقد مع نادي آخر ،،، واللي يتركه عشان يسوي اعلانات ،،، واللي يتركه عشان فريقه يلعب في دوري حواري ،،، واللي يتركه عشان نفسيته ومزاجه سيء ،،، واللي يتركه عشانه ما يلعب أساسي ،،، واللي يتركه عشان يروح يحلل ......إلخ ،،، والإدارة تتفرج ،،
* إلى الحين ما أعرف هل الإدارة تعاند الجمهور وتعاقبه بالإبقاء على المفلس هاشيك ،، والله لو الهلال يلعب بدون مدرب لنشوفه أحسن من كذا ،،، يبدأ بأخطاء في التشكيله ،،، وبعدها يخربها في التغييرات ،،، استفزاز غير طبيعي للجمهور ،،،
* المرشدي أتمنى يلحق هوساوي ،،، خلاص ماعاد عنده شي ،، نكبات مالها اول ولا اخر ،،، كل ما يستلم كوره احط ايدي على قلبي وانتظر نكبه جديدة ،،
*سالم الدوسري ياليتنا ما مدحناك ،،، موري ومؤشر آخر ،،،،
* التفريط في خالد عزيز والبرقان والغامدي أخطر من قرار التفريط في خميس العويران على ايامه ،،، ولا زال الهلال يدفع الثمن في هذا المركز ،،،
* الغنام يبغى له مستشفى خاص ،،،، أكثر لاعب في العالم تجيه اصابات ،،، أتمنى يكون راتبه في العقد على عدد المباريات اللي يلعبها ،،،، عز الله راح فيها ،،،
* حسن العتيبي كمن يبني فيلا جميله جدا ،،، ولكنه يخربها بالبويه الخارجيه ،،، مستواه ممتاز جدا ولكنه يرتكب أخطاء تودي الفريق في داهيه ،،،
* ما قد دعيت على احد في حياتي قد ما دعيت على الكوري يونغ ،،،، بل أكثر من دعواتي على الكوري سول اللي جا قبل 3 سنوات ،،،
* ياليتكم اعطيتم القادسية الزوري ضمن صقة الشهراني ،،، ومجانا ،،،
* هرماش ما ادري وين مركزه ،،، هو جناح يمين والا محور والا صانع العاب ،،، ضايع في الملعب ،،،
* إدارة الهلال الحاليه ابرمت صفقات للفريق وكأنها ضمنت البقاء لأربع سنوات قادمه ،،،،،،
* سكتونا بيحيى مسلم ،،، بالله 11 مليون يستحقها لاعب سعودي في الوقت الحاضر ،،، لاتعليق ،،، هدر مالي غير طبيعي ،،، لا وما قدرو يجيبون مدرب عليه القيمه ،،،، الله يخارجنا ،،،،
* الأمير نواف بن سعد له دور كبير في الهلال ،، والدليل عندما حضر في مباريات كأس ولي العهد شفنا مستوى ممتاز ،،، وعندما غاب تخبطت الإدارة والفريق ،،، أتمنى يكون قريب من الفريق أو يترك المنصب لرجل آخر قوي يجيد التصرف في الظروف الحالية بعيدا عن المثالية والطيبة الزايده ،،،
* هزلت ..... الإدارة تريد إقالة المدرب واللاعبين يرفضون ،،، الهلال ماله كبير في الوقت الحالي يستطيح ان يحل ويربط ،،، وصار كل واحد يبغى يمشي الهلال بكيفه ،،،
* عاد سامي حكاية ثانية ،،، مره أحس انه سبب في النكبة ، ومره اشوف ان الهلال ما يقدر يستغني عنه ،،، حيرنا سامي ،،،،
* صالح الحمادي لا يعجبني في كثير من آرائه ،،، ولكن في حديثة في الاستديو التحليلي بعد المباراة شخص حال الهلال تشخيص جميل جدا ،،، وقال أشياء كثير كانت في خاطر الجمهور الهلال ،،، وأهمها محاولة الإدارة صنع فجوة بين الفريق وجمهوره ،،، إغلاق تدريبات - عدم وجود تذاكر مجانية - محاولة وضع اللوم على الجمهور فيما وصل إليه حال الفريق من سوء - وتقسيم جمهور الهلال إلى فئات ينطبق عليها المثل " عندك قرش تسوى قرش عندك مليون تسوى مليون " وبطاقات العضوية أكبر دليل ،،،
الوضع العادي
