هاردلكم الخسارة واقول هالمرة متوقعة هي او التعادل بسبب المستوى الهزيل والروح الضعيفة التي ظهر بها اللاعبين وعدم وجود الرغبة والحماس بالفوز !! اسالكم بالله هل هذه هي نفس الروح والرغبة التي كانت في ايران !! هل ماحصل من مدح بايران هو تخدير !! ما الاسباب واوجه السؤال لسامي هل هو التحضير السيئ ام الاستهتار !! ثم يأتي من يزيد الطين بلة بمدرب وكأنه لايفقه بالتدريب شيئا !!
@ المرشدي إلى متى !! :
المرشدي الى متى نسامحك ليست مرة او مرتين !! فانت من تسببت بالهدف بكسرك لمصيدة التسلل واسألكم بالله هل هذه وقفة خط دفاع بمكانة الهلال !! خاصة وان الكرة كانت آتية من دفاع الاهلي ولم تكن مفاجئة للدفاع !! ولكن السرحان والتوهان من المرشدي وعدم التفاهم بينه وبين بقية الدفاع هي من كسرت التسلل واترككم مع الصورة !! قد يقول البعض هوساوي والدوسري متقدمون صحيح هم مشتركين بالخطأ ولكن يجب على المرشدي الانتباه التقدم مع بقية الدفاع وعدم البقاء بالخلف !! والعتيبي يشترك بنسبة بسيطة بالهدف فلم يبقى وسط المرمى !!

وياليت عاد المرشدي عدّل غلطته بمضايقة الجيزاوي اوتغطية الكرة العرضية بالزحلقة وانما اكتفى بالمشاهدة !! ايضاً الملاحظ ان المرشدي اذا انفرد فيه لاعب اهلاوي يترك له المجال بالمراوغة لايتدخل بالكرة !! كذلك الملاحظ ان الهلال انفرد كذا مرة على اطراف الدفاع الاهلاوي ولكن هنا الاهلي يسجل بكل اريحية والهلال عرضياته الارضية والهوائية بدون عنوان يجب دراسة الموضوع !!
* مدرب سباك لايفقه بالتغييرات ويصر على محورين !! :
مدرب سباك لايفقه بالتدريب شئ فالمدرب المبتدئ يدرك انه من اول المباراة ان خطورة الاهلي بجناحه الايسر جيزاوي فالمفترض تنبيه قلب الدفاع الايسر بالاصل ع الدوسري بملاصقة اللاعب واذا فشل بالمهمة يجب استبداله بآخر مثل س البيشي او عمل دبل مراقبة من المحور هرماش او سالم الدوسري . ايضاَ الملاحظ لماذا هرماش يتقدم كثيرا بينما في مباراة ايران بيروزي كان محورا ثانيا مع الغنام كم تمنينا عدم تقدم هرماش للامام ابدا !!
ايضا تبديلات المدرب غريبة وغير مفيدة !! يخرج سالم بالكوري ويبقى على المحورين لماذا !! اخرج القرني واكتفي بهرماش فانت على ارضك وبين جماهيرك !! كذلك يخرج الفريدي بويلهامسون والشلهوب بعيد كل البعد عن مستواه !! وكالعادة ينتظر حتى د85 حتى يقوم بالتبديل الثالث !! هدف الاهلي كان د60 لماذا كل هذا البطئ بالتغييرات وكأنه مصرا على الدقائق 75و85 وياليتها تغييرات ناجحة بل مفسدة وغبية !!
الكوري لانعلم لماذا قدمه ضعيفة التركيز بالتسديد فكيف كان هدافا لا اعلم !! ضيع فرصتين على طبق من ذهب !!
مستوى الهلال تحسن بعد ولوج شباكه هدف !! اين هذا المستوى على الاقل قبل الهدف !! تعبنا ونحن نقول هرماش لا ينفع الا محور ارتكاز بالدائرة وحده او يكون محور دفاعي ثاني لكن لا يتقدم فهو لايجيد دور المحور الهجومي الحر !!
@ الجهاز الطبي هل هو بقدر الثقة !! :
الجهاز الطبي عليه اكثر من علامة استفهام الغرفة تزداد بالمصابين فاين الغنام والفرج !! وكذلك هل يعقل عزوز الدوسري كل هذه اصابة فاخر مرة شارك كانت بمباراة الاتحاد كاس ولي العهد اي 3 اشهر او اكثر هل يعقل !! ايضاّ العابد كل هذه اصابة !!
آسف عن الاطالة واتمنى الرسالة تصل للادارة والجهاز الفني والطبي واللاعبين . اللهم وفق الهلال .

حتى الزوري كاسر التسلل ودفاع الهلال مافيه الا اسامه

اما عبدالله الدوسري لايلعب لا ظهير ايمن ولا ايسر سئ بقوووووووه

يجلس احتياط رابع لمركزة الاساسي قلب الدفاع

إقتباس الرسالة الأصلية كتبت بواسطة غريب جده حتى الزوري كاسر التسلل ودفاع الهلال مافيه الا اسامه اما عبدالله الدوسري لايلعب لا ظهير ايمن ولا ايسر سئ بقوووووووه يجلس احتياط رابع لمركزة الاساسي قلب الدفاع

اعتقد والله اعلم ان الزوري راح يبي يغطي مع المرشدي يوم شافه كاسر التسلل ومعه مهاجم !! حتى ولو كان الزوري مشترك بالخطا لكن الخطا بالاساس من المرشدي لانه قلب دفاع والمفروض يكون متفاهم مع خويه بمصيدة التسلل ولو تلاحظ المرشدي هو اللي سابق الزوري !!
برضه وش هالروح الضعيفة من المرشدي المفروض يلحق الجيزاوي ويضايقه ويزحلق ع الكورة اقل شي يحسسنا انه يبي يصحح غلطته مو يتمشى وتمر الكورة من عنده سلام سلام !!

ما عاد فيني صبر على هاللاعب ..
ما قول غير الله .. يفكنا منه عاجلا غير آجلا ..

لا يا حبيبي الهدف ميه بالميه يتحمله الحارس المبدع و الشااااطر حسن .. تقدم و ترك المرمى فاضي و كآنه لحاله ما معه دفاع و ارجعو للهدف شوفو كيف تغطيه الدفاع و شوفوا موقع الحارس

للاسف كنا نقول الهلال ما وقف على لاعب لكن من يوم راح الدعيع و الهلال لا قياده ولا دفاع و لا صلابه ولا شي
يعني فريق قبل موسمين تقريبا كان اقوى خط دفاع و الان و هو الاضعععف ما بين الانديه السعوديه .. اااااااه يا دعيع كان ممشي لكم الدفاع مضبوط و خصوصا نامي .. جعل اثنين جابوك فالجنه يا دعيع و من يقرا

إقتباس الرسالة الأصلية كتبت بواسطة ற~usддB•● لا يا حبيبي الهدف ميه بالميه يتحمله الحارس المبدع و الشااااطر حسن .. تقدم و ترك المرمى فاضي و كآنه لحاله ما معه دفاع و ارجعو للهدف شوفو كيف تغطيه الدفاع و شوفوا موقع الحارس للاسف كنا نقول الهلال ما وقف على لاعب لكن من يوم راح الدعيع و الهلال لا قياده ولا دفاع و لا صلابه ولا شي يعني فريق قبل موسمين تقريبا كان اقوى خط دفاع و الان و هو الاضعععف ما بين الانديه السعوديه .. اااااااه يا دعيع كان ممشي لكم الدفاع مضبوط و خصوصا نامي .. جعل اثنين جابوك فالجنه يا دعيع و من يقرا

ماقلنا شئ الحارس مشترك بالخطأ لكن الخطأ بالاساس هو عدم تفاهم خط الدفاع بالذات قلوب الدفاع في تطبيق مصيدة التسلل فلو ولو تفتح عمل الشيطان لو المرشدي ركز مع تقدم هوساوي وتقدم معه كان الكرة 100% تسلل !!

إقتباس الرسالة الأصلية كتبت بواسطة أحب الدنيا بعيونك أسأل الله أن يفكنا من حسن العتيبي بأسرع وقت عزالله ما تشوفون بطوووله وهالمفهي حارس نادي الهلال بطىء وثقل حركه ولا يجيد التمركز او الخروج حتى أن خرج خروجه بهدف ياخي تكفى أعتزل يا حسن وفكنا منك ومن أشكالك اللي ما عندهم ما عند جدتي . أظن أن حسن اعتيبي حارس ابكم ولا عمري شفته يصارخ ع اللاعبين او يوجههم مسوي فيها بيتر شمايكل يطلع من بااابه وبنص الطريق يرجع مايدري وين يرووح . حسن العتيبي اعتزل وانا اجيب لك برشلونه على حساااابي وكل دخل الإعتزال لك ما ابي منك شي بس سوووويها وفكنا الله يرحم والديك ما أظن بيجي للهلال حارس اردى منك .

نفس الكلام اللي فوق !! العتيبي مشترك بالخطا وخروجه بهذا الشكل خطأ فلا غطى الكرة العرضية ولا جلس بالمرمى وصد الكورة !! لكن لو ولو تفتح عمل الشيطان لو خط الدفاع طبق مصيدة التسلل ماكانت هجمة خطرة !!

إقتباس الرسالة الأصلية كتبت بواسطة Iboفارس طبيعي من المرشدي دام المرشدي والزوري والغنام موجودين بالهلال سلم على الفريق لا ويبون يتأهلون لفرق شرق أسيا كان تشوف المرشدي ع حقيقتة بس وش نقول نفسي أشوفة بالطائي ويخب علية

معليش كل شي الا الغنام !! الغنام اخطاءه قليلة مقارنة بالمرشدي !! واتوقع الفريق اليوم افتقد مجهود وتمريرات الغنام فالقرني كان سيئ خاصة الشوط الاول فلم نرى القرني الا الشوط الثاني !!

إقتباس الرسالة الأصلية كتبت بواسطة إحساس خالد اللقطه جيبها فيديو مو واضحه ... تمركز اللاعب يبين

كل هالصورة وتقول مو واضح تمركز اللاعبين !! تبغى اللقطة ابحث عنها باليوتيوب !!

إقتباس الرسالة الأصلية كتبت بواسطة 3lo0osh من اليوم وانتم طابين فالمرشدي !!! حبايبي الهدف خطاء هوساوي وخطاء الدوسري مخلين لاعب خلفهم ومتقدمين , الي بيجي ويقول مصيدة تسلل مو بالطريقة هذي وراك مدافعين بمية كيلو اموت واعرف هوساوي وين رايح للنص وتارك لاعب وراه من جد كابتن الفريق ومايعرف يوجهه !!! وبعدين هالمدرب اموت واعرف ليه ما عدل فالشوط الثاني الجهه اليمنى وهي شوارع من بداية المباراة

ماقلنا شئ زملائه مشتركين بالخطأ ليش كل هالتقدم بالمسافة مع ان هالطريقة احيانا يطبقها خط الدفاع اذا كنت متاخر بهدف او الفريق امامك دفاعي !! لكن بالعقل خويك تقدم تقدم معه وش مجلسك بالخلف !! نقطة المدرب تطرقت لها بالموضوع شكرا لك .

إقتباس الرسالة الأصلية كتبت بواسطة انــــــا هلالي يا حبيبي المرشدي كان يلحق الحوسني لان الحارس المفهي تقدم وترك المرمى فاضي

ليش يلحق الحوسني ولا يناظر هوساوي !! ياخي خليك ع خط واحد مع هوساوي !! وخطا قلوب الدفاع اكثر من خطا الحارس !!

إقتباس الرسالة الأصلية كتبت بواسطة هلالي اشبيليا انت من جدك والا تمزح وش تبي من المرشدي يروح للنص الغلط من الداهية اسامه هوساوي الي ما ادري وينه يبي يجيب هدف والفلته حسن العتيبي الي لاهو الي دخل على جيزاوي ولا الي هو غطى الباب ما اقول الا ياصبر ايوب

مو يروح للنص !! خليك صاحي مع خويك !! ترى هوساوي والدوسري صح انهم متقدمين واجد بس كانوا ع خط واحد المفروض المرشدي يصحصح ويكون معهم بنفس الخط وخلك واقعي ترى هوساوي ما وصل خط النص يوم تقول تبي المرشدي يروح للنص !! لان الطريقة هذي احيانا يطبقها الفريق اذا اراد هدف !! والعتيبي مشترك بالخطا لكن بنسبة اقل لان الخطا بالاساس هو عدم تطبيق مصيدة التسلل !!

إقتباس الرسالة الأصلية كتبت بواسطة عاشق ابو كلبشهـ الفريييييييييييق كااااااااااااااااااااااااااااامل بلا روووح برووووووووووووود غير طبيعي عدم تحرك بدون كره الواحد تنتظره الكره تجيه يلعب ع الواقف يمسك اللاعب الكره ولا يرفع راسه واذا يناظر وين اخوياه للاسف خيوه واقف يبي يدفها ع الماشي الزووري هذا ابثت اليوووم انه يلعب بالواسطه ليش طيب ركزت ع المرشدي حتى اسامه ليش يتقدم بالاصل المحور ماسك معه والظهير نازله بعد ليش تقدمت وخليت لاعب وسط الاهلي خلفك والكووووره ميته ميته ميته ميته اقووول الفريق كله تعبان لا فلان ولا علان

للاسف انا قلت في موضوعي نخاف ان المستوى والروح وعملية الضغط على حامل الكرة في ايران هي من خدرت الفريق !! بالنسبة لنقطة المرشدي اسامة تقدم كثير وتقدم معه عبدالله الدوسري طيب يالمرشدي وش مجلسك ورى تقدم معه !!

إقتباس الرسالة الأصلية كتبت بواسطة SHEHRI_HELALI والله المفهي الظهير الأيمن .. لا احد يقولي المرشدي .. او العتيبي ..

نقطة الظهير الايمن عبدالله الدوسري وهو بالاصل قلب دفاع وليس ظهير تطرقت لها بموضوعي الدوسري هو قلب دفاع ايسر تم نقله للظهير الايمن !! ونظرا لمستواه المميز في ايران تم تثبيته وعدم تغييره او تنبيهه في المباراة !! مع انه المفترض اللعب بنامي او البيشي فانت على ارضك لماذا هذه الطرق الدفاعية الجبانة !! بصراحة جهاز فني عليه اكثر من علامة استفهام !!

إقتباس الرسالة الأصلية كتبت بواسطة كاريرا اخوي انت حملت الخطأ كله بالهدف على المرشدي طيب وش رايك بعبدالله الدوسري باللقاء وش عمل فيه الجيزاوي طيب وش رايك بالزوري و تغطيته الدفاعيه و إنطلاقاته الهجوميه طيب وش رايك بالقرني وحسن إستخلاصه للكره وتمريراته بالمباراه طيب وش رايك بالشلهوب وتحركاته بالمباراه طيب وش رايك بالعربي نجم خط الهجوم بالفريق طيب وش رايك بهرماش وحب المراوغه عنده بالمباراه طيب وش رايك بالداهيه هاسيك وحسن قرائته للمباراه تركت كل هذا وتكلمت عن هدف المباراه ونسيت جميع السلبيات هذي

نقطة الظهير الايمن تطرقت لها بموضوعي ياليت ترجع لها ، القرني للاسف لم يظهر الا الشوط الثاني !! العربي لاجديد تفنن تضييع بالفرص احيانا تسديدات ضعيفة !! هرماش دائما اذا لعب كمحور هجومي ثاني ويبقى محور دفاعي بالخلف هرماش يفشل !! عكس عندما يثبت كمحور ثاني دفاعي او كمحور دفاعي وحده بالدائره .
هاسيك تطرقت له بموضوعي !! ياخي اكيد انت قاري الموضوع ولاجاي مطفي النور ...!!!

إقتباس الرسالة الأصلية كتبت بواسطة أبو سديري أنا من المؤيدين لذهاب المرشدي اليوم قبل بكرة . . لكن معليش كسر التسسل هذا ليس ذنب المرشدي الذنب على الظهير الأيمن شوف وين جالس بعيد عن خط المرشدي يعني مستحيل ياخي توقع الجيزاوي بفخ التسلل . يعني إرجع وغطي جالس مفهي ليش . .. ؟ ؟ ؟ ؟ أنا بقووول وين كان خطأ المرشدي خطأه إنه ما ذهب للجيزاوي بسرعه وإفتك الكره منه أو ضايقه . . المفرووض يوم شاف الزوري ذاهب يغطي الحوسني يرووح على طول ويغطي الجيزاوي . . خلا الجيزواي يسرح ويمرح بالكره ويباصيها للحوسني على كيف كيفه . . هذا هو خطأ المرشدي . . بدايتة اللعبه كان الخطأ من الدوسري وهوساوي لعدم تغطيتهم للجيزاوي من البداية والمرشدي خطأه في عدم تغطية الجيزاوي بعد تجاوزه لـ الدوسري وهوساوي . والزوري خطاه في تغطيته الفاشله للحوسني . . الخطا على الدفااع ككل . . الله يصبرنا على هذا الدفاااع بس . . تحياتي . .

ماقلنا شئ هوساوي والدوسري يشتركون بالخطا لكن المفترض من المرشدي يركز مع اخوياه شافهم متقدمين تقدم معهم وش مجلسك ورى !! ونقطة تغطيته الضعيفة وعدم زحلقته على الكرة العرضية تطرقت لها بموضوعي .

بصراحة الزوري والمرشدي الي متي نصبر عليهم تعبنا وحنا نرقع ونرفع معنويات ولكن لا حياة لمن تنادي ما ادري ما ادري الادارة تشوفهم وعاجبها الوضوع والا يش

الله يعين ويعدل الاحوال ان شاء الله نقول ي رب في جده تحضر المعجزه ونتاهل ..!

اللاعبين للأسف مستهترين ماشفت اليوم لاعب يلعب بجدية للأسف والقرني لاتعليق لم يقم بربع ماهو مطلوب منه لم يقطع كرات الا بفاول ويفقدها بسهوله واللاعبين الباقين للاسف لعب حواري لا يوجد لمسة تكتيكية بالفريق مدري من تهاون اللاعبين او من المدرب الدجه والفريدي للأسف استعراضي فقط لاغير أجل الجيزاوي يمسخرنا الليلة !!!
البطوله راحت دمتم

طبيعي من المرشدي دام المرشدي والزوري والغنام موجودين بالهلال سلم على الفريق

لا ويبون يتأهلون لفرق شرق أسيا كان تشوف المرشدي ع حقيقتة بس وش نقول نفسي أشوفة بالطائي ويخب علية

أسأل الله أن يفكنا من حسن العتيبي بأسرع وقت عزالله ما تشوفون بطوووله وهالمفهي حارس نادي الهلال بطىء وثقل حركه ولا يجيد التمركز او الخروج حتى أن خرج خروجه بهدف ياخي تكفى أعتزل يا حسن وفكنا منك ومن أشكالك اللي ما عندهم ما عند جدتي .
أظن أن حسن اعتيبي حارس ابكم ولا عمري شفته يصارخ ع اللاعبين او يوجههم مسوي فيها بيتر شمايكل يطلع من بااابه وبنص الطريق يرجع مايدري وين يرووح .
حسن العتيبي اعتزل وانا اجيب لك برشلونه على حساااابي وكل دخل الإعتزال لك ما ابي منك شي بس سوووويها وفكنا الله يرحم والديك ما أظن بيجي للهلال حارس اردى منك .