المرشدي إلى متى نسامحك أنت من كسرت التسلل وتسببت بالهدف وياليتك عاد غطّيت( صورة) !! مدرب لايفقه بالتغييرات ويصر على محورين 2 !!
 

هاردلكم الخسارة واقول هالمرة متوقعة هي او التعادل بسبب المستوى الهزيل والروح الضعيفة التي ظهر بها اللاعبين وعدم وجود الرغبة والحماس بالفوز !! اسالكم بالله هل هذه هي نفس الروح والرغبة التي كانت في ايران !! هل ماحصل من مدح بايران هو تخدير !! ما الاسباب واوجه السؤال لسامي هل هو التحضير السيئ ام الاستهتار !! ثم يأتي من يزيد الطين بلة بمدرب وكأنه لايفقه بالتدريب شيئا !!
@ المرشدي إلى متى !! :
المرشدي الى متى نسامحك ليست مرة او مرتين !! فانت من تسببت بالهدف بكسرك لمصيدة التسلل واسألكم بالله هل هذه وقفة خط دفاع بمكانة الهلال !! خاصة وان الكرة كانت آتية من دفاع الاهلي ولم تكن مفاجئة للدفاع !! ولكن السرحان والتوهان من المرشدي وعدم التفاهم بينه وبين بقية الدفاع هي من كسرت التسلل واترككم مع الصورة !! قد يقول البعض هوساوي والدوسري متقدمون صحيح هم مشتركين بالخطأ ولكن يجب على المرشدي الانتباه التقدم مع بقية الدفاع وعدم البقاء بالخلف !! والعتيبي يشترك بنسبة بسيطة بالهدف فلم يبقى وسط المرمى !!
http://www2.0zz0.com/2012/05/07/22/468025000.jpg
وياليت عاد المرشدي عدّل غلطته بمضايقة الجيزاوي اوتغطية الكرة العرضية بالزحلقة وانما اكتفى بالمشاهدة !! ايضاً الملاحظ ان المرشدي اذا انفرد فيه لاعب اهلاوي يترك له المجال بالمراوغة لايتدخل بالكرة !! كذلك الملاحظ ان الهلال انفرد كذا مرة على اطراف الدفاع الاهلاوي ولكن هنا الاهلي يسجل بكل اريحية والهلال عرضياته الارضية والهوائية بدون عنوان يجب دراسة الموضوع !!
* مدرب سباك لايفقه بالتغييرات ويصر على محورين !! :
مدرب سباك لايفقه بالتدريب شئ فالمدرب المبتدئ يدرك انه من اول المباراة ان خطورة الاهلي بجناحه الايسر جيزاوي فالمفترض تنبيه قلب الدفاع الايسر بالاصل ع الدوسري بملاصقة اللاعب واذا فشل بالمهمة يجب استبداله بآخر مثل س البيشي او عمل دبل مراقبة من المحور هرماش او سالم الدوسري . ايضاَ الملاحظ لماذا هرماش يتقدم كثيرا بينما في مباراة ايران بيروزي كان محورا ثانيا مع الغنام كم تمنينا عدم تقدم هرماش للامام ابدا !!
ايضا تبديلات المدرب غريبة وغير مفيدة !! يخرج سالم بالكوري ويبقى على المحورين لماذا :ranting: !! اخرج القرني واكتفي بهرماش فانت على ارضك وبين جماهيرك !! كذلك يخرج الفريدي بويلهامسون والشلهوب بعيد كل البعد عن مستواه !! وكالعادة ينتظر حتى د85 حتى يقوم بالتبديل الثالث !! هدف الاهلي كان د60 لماذا كل هذا البطئ بالتغييرات وكأنه مصرا على الدقائق 75و85 وياليتها تغييرات ناجحة بل مفسدة وغبية !!
الكوري لانعلم لماذا قدمه ضعيفة التركيز بالتسديد فكيف كان هدافا لا اعلم !! ضيع فرصتين على طبق من ذهب !!
مستوى الهلال تحسن بعد ولوج شباكه هدف !! اين هذا المستوى على الاقل قبل الهدف !! تعبنا ونحن نقول هرماش لا ينفع الا محور ارتكاز بالدائرة وحده او يكون محور دفاعي ثاني لكن لا يتقدم فهو لايجيد دور المحور الهجومي الحر !!
@ الجهاز الطبي هل هو بقدر الثقة !! :
الجهاز الطبي عليه اكثر من علامة استفهام الغرفة تزداد بالمصابين فاين الغنام والفرج !! وكذلك هل يعقل عزوز الدوسري كل هذه اصابة فاخر مرة شارك كانت بمباراة الاتحاد كاس ولي العهد اي 3 اشهر او اكثر هل يعقل !! ايضاّ العابد كل هذه اصابة !!
آسف عن الاطالة واتمنى الرسالة تصل للادارة والجهاز الفني والطبي واللاعبين . اللهم وفق الهلال .

حتى الزوري كاسر التسلل ودفاع الهلال مافيه الا اسامه

اما عبدالله الدوسري لايلعب لا ظهير ايمن ولا ايسر سئ بقوووووووه

يجلس احتياط رابع لمركزة الاساسي قلب الدفاع

ما عاد فيني صبر على هاللاعب ..
ما قول غير الله .. يفكنا منه عاجلا غير آجلا ..

اعتقد والله اعلم ان الزوري راح يبي يغطي مع المرشدي يوم شافه كاسر التسلل ومعه مهاجم !! حتى ولو كان الزوري مشترك بالخطا لكن الخطا بالاساس من المرشدي لانه قلب دفاع والمفروض يكون متفاهم مع خويه بمصيدة التسلل ولو تلاحظ المرشدي هو اللي سابق الزوري !!
برضه وش هالروح الضعيفة من المرشدي المفروض يلحق الجيزاوي ويضايقه ويزحلق ع الكورة اقل شي يحسسنا انه يبي يصحح غلطته مو يتمشى وتمر الكورة من عنده سلام سلام !!

لا يا حبيبي الهدف ميه بالميه يتحمله الحارس المبدع و الشااااطر حسن .. تقدم و ترك المرمى فاضي و كآنه لحاله ما معه دفاع و ارجعو للهدف شوفو كيف تغطيه الدفاع و شوفوا موقع الحارس

للاسف كنا نقول الهلال ما وقف على لاعب لكن من يوم راح الدعيع و الهلال لا قياده ولا دفاع و لا صلابه ولا شي
يعني فريق قبل موسمين تقريبا كان اقوى خط دفاع و الان و هو الاضعععف ما بين الانديه السعوديه .. اااااااه يا دعيع كان ممشي لكم الدفاع مضبوط و خصوصا نامي .. جعل اثنين جابوك فالجنه يا دعيع و من يقرا

بصراحة الزوري والمرشدي الي متي نصبر عليهم تعبنا وحنا نرقع ونرفع معنويات ولكن لا حياة لمن تنادي ما ادري ما ادري الادارة تشوفهم وعاجبها الوضوع والا يش

الله يعين ويعدل الاحوال ان شاء الله نقول ي رب في جده تحضر المعجزه ونتاهل ..!

اللاعبين للأسف مستهترين ماشفت اليوم لاعب يلعب بجدية للأسف والقرني لاتعليق لم يقم بربع ماهو مطلوب منه لم يقطع كرات الا بفاول ويفقدها بسهوله واللاعبين الباقين للاسف لعب حواري لا يوجد لمسة تكتيكية بالفريق مدري من تهاون اللاعبين او من المدرب الدجه والفريدي للأسف استعراضي فقط لاغير أجل الجيزاوي يمسخرنا الليلة !!!
البطوله راحت دمتم

طبيعي من المرشدي دام المرشدي والزوري والغنام موجودين بالهلال سلم على الفريق

لا ويبون يتأهلون لفرق شرق أسيا كان تشوف المرشدي ع حقيقتة بس وش نقول نفسي أشوفة بالطائي ويخب علية

أسأل الله أن يفكنا من حسن العتيبي بأسرع وقت عزالله ما تشوفون بطوووله وهالمفهي حارس نادي الهلال بطىء وثقل حركه ولا يجيد التمركز او الخروج حتى أن خرج خروجه بهدف ياخي تكفى أعتزل يا حسن وفكنا منك ومن أشكالك اللي ما عندهم ما عند جدتي .
أظن أن حسن اعتيبي حارس ابكم ولا عمري شفته يصارخ ع اللاعبين او يوجههم مسوي فيها بيتر شمايكل يطلع من بااابه وبنص الطريق يرجع مايدري وين يرووح .
حسن العتيبي اعتزل وانا اجيب لك برشلونه على حساااابي وكل دخل الإعتزال لك ما ابي منك شي بس سوووويها وفكنا الله يرحم والديك ما أظن بيجي للهلال حارس اردى منك .

اللقطه جيبها فيديو
مو واضحه ...
تمركز اللاعب يبين