سمعنا بعض الإشاعات عن نية الادارة التنازل عن القناص/ياسر ونتمنى ان تكون إشاعه ؟؟
ياسر لاعب يعتبر رمز للهلالين خاصة ولجماهير الرياضة بالمملكة ويجب عدم الموافقه على طلب نادي العين شراء العقد ؟

القناص ملك لجماهير الزعيم وخط أحمر التفكير بالتنازل عنه ...
أمل من سمو الأمير عبدالرحمن رفض ذلك .

بعض المندسين يقول هبط مستواه وأقول لهم ياسر هو ياسر ضعه مع مجموعه تصنع الفارق وستشاهد الفارق(عندما كان معه طارق التائب أبدع وكذلك ميسي لاحظو مستواه مع الارجنتين ومستواه مع برشلونه شافي وانيستا).
الزعيم يحتاج القناص مع العربي وستشاهدون ثنائيا مرعبا مع عودة مستوى الفريدي لمستواه ورجوع العابد والدوسري سالم وكذلك عزوز .

نرجوا ان نكحل عيوننا بالقناص الموسم القادم وفي بطولة أسيا ...

تحياتي للجميع ...

ملاحظة: أرجو من المندسين عدم التعليق على الموضوع ويركزوا على ناديهم ....

الحين شلون ... اللي ينتقد ياسر يُعتبر مُنْدس ؟

ع كلاام سمو الامير ,, وردتني تساؤلات بشأن ياسر القحطاني وأؤكد اننا لم نتلقى أي عرض لا رسمي ولا غير رسمي من نادي العين حتى هذه اللحظة ولو حصل وقُدم لنا عرض سنعلن ذلك بكل وضوح وشفافية وسبق واعلنت بوضوح انه ان قدم لنا أشقاءنا في العين عرضاً لتجديد اعارة ياسر لسنة أخرى سنعتذر ..
هذا ماكتبه سمو الامير ع تويتر
يعني ع قولتك اشاااعااات ومافيه ماصادر اقوى من سمو الامير نفسه
والكلاام الي طالع عن تجديد وماتجديد ,,رد سمو الامير هذا يكفي
وبالتوفيق للهلاال ولمحبي الهلاال ولياسر القحطاني وبالتوفيق للجميع
سبحان الله والحمد لله ولااله الاالله والله أكبر

القناص ملك لجماهير الزعيم وخط أحمر التفكير بالتنازل عنه ...
أمل من سمو الأمير عبدالرحمن رفض ذلك .!!!!!!!!!

ياحبيبي مافي شي اسمه ملك الجمهور الهلال هو اللي ملك للجمهور الكيان فوق اي لاعب مهما كان اسمه ومستواة ياسر عنده عرض رسمي من العين لشراء عقده واتوقع المبلغ مناسب لبيع عقده والهلال يقدر يشتري اللي افضل منه الموسم القادم لاتنسى ياسر عمره 30 الان وتقدر تبيعه بسعر اعلى وتشتري اكثر من لاعب محلي جديد واجانب جدد


نرجوا ان نكحل عيوننا بالقناص الموسم القادم وفي بطولة أسيا ... !!!!!!
روح كحل عينيك معاه في العين الهلال مو نادي تكحيل عيون وش الجمهور هذا ابي اكحل عيني في ياسر فشلوتنا امام العالم !!!

مع تحفظي الكاااامل على كلمة مندس الوارده بالموضوع ...وكلمة خط احمر....

الا انني احترم وجهة نظركـ...

بالتوفيق للزعيم بالدرجه الاولى....

والله يووووفق الكاااااااسر وين ماراااااح

إقتباس الرسالة الأصلية كتبت بواسطة ahmed alzaeem القناص ملك لجماهير الزعيم وخط أحمر التفكير بالتنازل عنه ... أمل من سمو الأمير عبدالرحمن رفض ذلك .!!!!!!!!! ياحبيبي مافي شي اسمه ملك الجمهور الهلال هو اللي ملك للجمهور الكيان فوق اي لاعب مهما كان اسمه ومستواة ياسر عنده عرض رسمي من العين لشراء عقده واتوقع المبلغ مناسب لبيع عقده والهلال يقدر يشتري اللي افضل منه الموسم القادم لاتنسى ياسر عمره 30 الان وتقدر تبيعه بسعر اعلى وتشتري اكثر من لاعب محلي جديد واجانب جدد نرجوا ان نكحل عيوننا بالقناص الموسم القادم وفي بطولة أسيا ... !!!!!! روح كحل عينيك معاه في العين الهلال مو نادي تكحيل عيون وش الجمهور هذا ابي اكحل عيني في ياسر فشلوتنا امام العالم !!!

يأخي بأخر الموضوع طلبت عدم تعليق او دخول المندسين ؟؟؟

أرجوك ناقش موضوع ناديك ولاعبي فريقك بمنتداكم ومالك شغل بنجوم الزعيم ومنتدى الزعيم لعشاق الزعيم...

إقتباس الرسالة الأصلية كتبت بواسطة هلالي الجزيرة يأخي بأخر الموضوع طلبت عدم تعليق او دخول المندسين ؟؟؟ أرجوك ناقش موضوع ناديك ولاعبي فريقك بمنتداكم ومالك شغل بنجوم الزعيم ومنتدى الزعيم لعشاق الزعيم...

انا هلالي من قبل ماتولد ياحبيبي ولازعلان على حبيبك ياسر انت عينه من جمهور اللاعبيين اللي دخلوا علينا تشجيع الهلال ماضيع الهلال الا الي مثلك ياسر لازم تعرف انه انتهى ولو اي واحد يقول الحق على ياسر صار مندس هذا ماعترف فيه انه هلالي صميم تطبيلكم للياسر ماراح ينفع وينه العام مين ضيع علينا الاسيوية غيره تبطح امام المرمى انا حضرت مبارة الهلال والاتحاد دور ال16 من الظهر في الملعب لعيون الهلال اقسم بالله شايف ياسر يتمشى في الملعب ماعمل اي شي في المبارة تنحرق اعصابنا في المدرجات وانت فرحان فيه الكبان الهلالي فوق الجميع اقولها لك ولكل مشجعين ياسر روح شجع العين لو تحبه الهلال ماعنده مجاملات نبي ننافس الموسم هذا عل اسيا بالتعاقدات الجديده

من جد ياسر نجم كبير ونتمنى يرجع للزعيم في ظل ابدآعهـ الكبير هذا الموسم مع العين
وأن شآء الله أنهـ لن يرحل بشكل نهائي للعين

لا تخاف على ياسر....
على حسب تصريحات شبيه الريح على توتير ياسر بيرجع للهلال .....
تقبل مروري....

جمهور عاطفي للأسف انا بالنسبه لي اللى يهمني المبلغ اذا كان كبير ومغري للهلال ليه مانبيعه سامي راح ويوسف ونواف وفهد

وغيرهم وجا غيرهم وياسر على عيني وراسي بس مو اول نجم او اخر نجم يدخل الهلال المهم الفائده للهلال اول وبعدين نفكر في ياسر

لاتنسو انكم تشجعون الكيان الهلالي مو ياسر تحياتي لكم

ان انشـــــــاء الله يرجع للهلال

لــــيـــــت ألــــــألــــــــــــي

تـعـــؤؤؤؤؤؤؤد

يـــــــــأبــــــــــؤ عــــزؤؤؤؤؤؤز

إقتباس الرسالة الأصلية كتبت بواسطة 7راقص السامبا7 لا تخاف على ياسر.... على حسب تصريحات شبيه الريح على توتير ياسر بيرجع للهلال ..... تقبل مروري....

ثقتنا كبيرة بشبيه الريح الله يوفقه ويستمر مع الزعيم 4 سنوات قادمة،

وكذلك ثقتنا بأبو عزوز عندما وعد جماهير الزعيم بالاستمرار الى الاعتزال وكذلك تصريحه انه اشتاق لجماهير الزعيم...

وأقول لأبو عزوز قلبك أزرق والأزرق مشتاق لك لأن السنه القادمة ستكون غير مع استقطابات ابو فيصل الجديدة ونريدك ان تكون شريك النجاح ....
وخلاص كفاية 10 شهور بالعين تم تغيير جو وحققت لهم بطوله،،،
والمادة ليست كل شىء والزعيم ليس بحاجة الى 30 او 40 مليون من قيمة بيع عقد ياسر لأن العشق لا يباع ،
ولأن ابو فيصل لم يطلب من الجماهير التبرع لأنه حفظه الله تكفل بجميع متطلبات الزعيم.. ..