إقتباس الرسالة الأصلية كتبت بواسطة اليوفي و بس خخخخخخخخخ أجل عدالة السماء << أحسها مقتبسه من مسلسل مكسيكي

إقتباس الرسالة الأصلية كتبت بواسطة دحــ9ــدح معذرة على التدخل .. لكن أرى ان الموضوع أكبر من يوفي ميلان , الموضوع ديني لذلك الرجال نبهك باللي يعرف فقط وأنت وضحت الصحيح ونبهته, وكلنا استفدنا وعرفنا المعلومة الصحيحه .. جزاكم الله خير جميعاً ..

يا أخي الفآضل .. أنآ مآ همني شيء سوى أن مآ أرآه من تفرقة وعنصرية بين أبنآء المسلمين لأجل كرة القدم هو أمر مخزي ومحزن ..
صآحبنا الغالي مع احترآمي له مآ كآن مثل مآ تفضلت ، صآحبنا أحيي فيه روحه الغيوره على الإسلام ، لكنه لم يكن كمآ تكرمت ..
صآحبنا كآن يستهبل ويتمسخر وضحكآت ومسلسل مكسيكي ومدري وشو .. وكأنه لم يسمع بـ ( ولآ يسخر قوم من قوم ، عسى أن يكونوآ خير منهم ) ..

عموماً الخطأ خطأي حينما تكلمت مع قوم لآ يفهمون ولا يستوعبون أساليب اللغة العربية كمآ أفاد بذلك سمآحة المفتي هنآ :

إقتباس الرسالة الأصلية كتبت بواسطة s.Milandini .. ولكن ينبغي للمسلم أن يتجنب الألفاظ الموهمة، وخاصة إذا كان يخاطب قوما لا يفهمون أو لا يستوعبون أساليب اللغة العربية.

تبونها على بلآطة ..
أنآ يآ سعد بالنسبة لكم يآ يوفنتينية ويآ أنترآوية ويآ كل من هو ليس بميلآنيستآ
أنآ لكم أهم وأغلى من أي لآعب يوفنتسآوي نصرآني كآفر ..
هذآ مآ لم يستوعبه البعض حتى الآن .. وللأسف !
أصبحنا نكره ونحقد ونحآرب بعضنا البعض ونحن مسلمون على حسآب الكفآر ..
مآ منعتك تحب فريقك ، ولآ منعتك تكره الميلآن ..
أحآول فقط منعك من حمل الضغينة على أخوك المسلم حتى وإن اختلف معك في العقلية أو في الميول أو في الأسلوب .. فمهما يكن نبقى تحت مظلة الإسلآم ..
كلآمي نبع من حرقة على مآ أشآهده هنا كل جولة .. في وجودي ، وأيضاً في غيآبي ..

×××


مشهور .. لو أن توتي مآ سجل هدف كآن قلت أنه مرآهن ومتلآعب .. مثله مثل بوفون ..
أجل نجم وخبرة مثله يضيع بلنتي مثل كذآ ؟! خصوصاً أن المباراة لآ تعني أي شيء للفريقين ومثل مآ تقول منتهية !!

يا جماعة , مشهور كلامه هو وجهة نظر .. منطقية .. ليست مستحيلة الوقوع , إلا إن كان بوفون إمام معصوم
مع إني أستبعد أنه مراهن و كذا لكن بنفس الوقت غير مستبعد .. مشهور ما جاب كلام بعيد عن المنطق او غيره
بالعكس حتى لو واحد جاء و قال توتي راهن على تضيع بلنتي مثلا .. اقوله ممكن لكني استبعد هذا ..

فرق بين ما يستبعد وقوعه و بين ما يستحيل وقوعه .. عموما بوفون تنتظره بطولة مهمة قريبا باليورو , نبيه
مفتح و لا نشوف سيرقو بصراحة معجبني ابن باريس هذا ..

الظاهر ان ما فيه تقديم للاسبوع قبل الاخير

سعد و الي يرحم والديك لا تسويلي حكايات و خيال

جايين نتناقش في الكورة عندك ملاحظات دينية سياسية الي تبي فكنا منها تكفى

و الا الخاص موجود لو حريص على الاعضاء و و التبري من الكفار ارسل رساله خاصه للعضو

و ريحنا ماله داعي كل مره طالعلنا بسالفه

مساء الخير وصباح الخير لكل البيانكونيريه ابطال الكالشيو 2011 / 2012 ان شاء الله

وللميلانيه والانتراويه

بكره الاحد توقعاتي فوز لليوفي وهدف من اول ربع ساعه يلخبط كاليري

ومن ثم الثاني لكي لا تتكرر غلطة مباراة ليتشي

المباراه نقلت من مدينة كاليري الى مدينه أخرى فيه كثافه كبيرة لجمهور اليوفي

ومبارة ديربي الغضب اتمناها تعادل لاكن التوقعات للميلان

والدوري هذي السنه مستحيل يفرط فيه اليوفي بعد كل الي عمله هذا الموسم

إقتباس اما بالنسبة لو انا في ايطاليا اليوم لدخلت مراهنة على اني توتي بيسجل حوالي اكثر من خمس اهداف بآخر جولتين

الخبر الجيد انك منت بايطاليا لانه بهذه الحاله رهانك خسران اخوي

لو انا بايطاليا اراهن ان كل روما ما تسجل اكثر من خمس اهداف باخر جولتين

او بالاصح .. مع انريكي هالموسم لا تراهن ( نصيحه )

لك



أجمل ما في دربي ميلان هالسنه ليس اهميته للفريقين فقط .... بل وتعليق هشام الخلصي له رونق خاص

صباح الخير لكل متابعي الكالشيو ..
قرأت أغلب النقاش .. وشدتني نقطة غلطة بوفون .. وسالفة المراهنات ..
النقاش حولها كان يشوبه تبسيط واضح للمسألة وحصرها بالمال ..
قبل كل شيء .. (((أنا لاأنفي ولاأثبت أن بوفون أخطأ عمدا))) ..
لكن قضية المراهنات أكبر من المال ,, وأكبر من بوفون ..
السالفة فيها .. مافيا إيطاليا .. ومافيا العالم .. وعصابات والخ....)
قد لايكون بوفون قد تراهن أصلا ..
لكن مع إحتمال خسارة الرهان .. لأحد رجال العصابات والمجرمين ..
هنا كل شيء مباح .. فهم لايتورعون عن فعل أي شيء..
لا أستبعد أنهم هددوا بوفون بأشياء تصل للقتل .. هو أو عائلته ..
ربما تلفيق تهم , أي شيء آخر ..
توقعاتي :
فوز الميلان ... تعثر اليوفي ..

عن اذنك اخوي احمد

يعني ماابي اجاهر بالمعصيه بس انا عشت حياتي برى السعوديه وبالتحديد في بريطانيا هولندا وامريكا ومقيم دبي كذالك زرت ايطاليا

لذالك عندي قود باك قروند بخصوص الرهانات, اغباء شخص يبي يخسر فلوسه راح يراهن على خسارة يوفنتوس في لقاء ليتشي

لذالك بمشي على قد عقولكم وبقول ان بوفون تعمد انه يتعادل 1-1 في الشوط الثاني

لان الرهانات متفرعه من ناحية الاهداف والشوط ومن يسجل والربع الاول او الثاني او االاخير

قمة السخافه ان بوفون يراهن على مباراة يوفنتوس ليتشي اذا كان الفريق يبي يحصد اللقب

كانك تقول بوفون يبي يخسر فلوس

ههههههههههههههههههههههه مادري وش اقول بس الموضوع مضحك

فورزا يوفنتوس

الشعب العربي مقيد بنظرية المؤامره

يبنبغي علينا ان نعمل ونعمل ونعمل ونحصد ثمار عملنا

اما سالفة نظرية المؤامره إلخ هذي تسمم عقول شبابنا ويستكينون على هذه النظريه

اصحو

فورزا يوفنتوس وان شاء الله نحتفل سويه وانا راضي عن الفريق وكونتي واعتقد انهم بنو فريق كبير قادر على ان يقارع كبار اوروبا وهذا الاهم

تصبحون على خير

إقتباس الرسالة الأصلية كتبت بواسطة اليوفي و بس الظاهر ان ما فيه تقديم للاسبوع قبل الاخير سعد و الي يرحم والديك لا تسويلي حكايات و خيال جايين نتناقش في الكورة عندك ملاحظات دينية سياسية الي تبي فكنا منها تكفى و الا الخاص موجود لو حريص على الاعضاء و و التبري من الكفار ارسل رساله خاصه للعضو و ريحنا ماله داعي كل مره طالعلنا بسالفه

طيب طيب على خشمي .. بس لا عاد تحط نفسك بموقف محرج مرة ثانية يابو المسلسلات المكسيكية
لكن للمعلومية .. صآحبنا اليوفنتيني هو أول من تكلم عن الملاحظات الدينية لما تكلمت أنا بأساليب لغوية لا يفهمها ..
وبدأ يتكلم هنا .. ولا رآسلني بالخآص .. يا ليتك وجهت كلامك له .. مو لي يالحبيب ..

كل التوفيق للميلان وان شاءالله اليوفي يتعثر بتعادل او خسره