ليس بوسعنا الاان نقول : وداعا جورديولا ,,,

شكرا لك اخي skroo ابدعت ماشاء الله عليك ...

سكرو ، كلام من ذهب


طبعا لا نستغرب الردود الشاطحة من الفئة المتضررة والاكثر دعسا من الفيلسوف ، الخمسة و الستة و الثلاثة و الطقطقة على جحيمهم المزعوم الذي اصبح الكتلان يضمنون الفوز فيه أكثر حتى من ملعبهم جعلت من تنحي الداهية بيب بطولة ثانية لهم بعد دوريهم المسروق .

ابو خميسة مع هذه التشكيلة لمدة اربع سنوات مع تشيلسي حقق دوريين و كأس و بطولتين أبو ....

بيتر تشيك
اشلي كول جون تيري كاريفلهو فيريرا
ميكاليلي
لامبارد ايسين
بلاك
دروجبـــا روبن

والمصيبة لما جاء الصهيوني بعدها باول موسم وصلهم للنهائي بعد ما انكرش المخثرق وهو يحفر يتعدى نص النهائي .

الزبدة قارنوا هؤلاء النجوم القادة في منتخبات بلادهم ، مع فريق بيب اللي اعتمد فيه على نجوم مغمورة في مراكز مهمة في التشكلية ، واكتسح العالم بها .

هذا للتفريق بين المتدرب الذي يشترط الملايين واللاعبين قبل توقيعه أي عقد ، و الداهية الحقيقي الذي كون فريق الاحلام بنفسه .

السلام عليكم ورحمة الله وبركاته

اشكر الجميع على المرور

واعتذر لان فيه نقاط كثيرة كانت في البال لكن للاسف ما عرفت اصفها بنفس لغة الموضوع لان ما عندي خلفية تامة بترتيب الكلام مثل بعض الاعضاء ماشاء الله عليهم واللي كتبته طلع مني بولادة قيصرية

Na3i

إقتباس ليس آلآفضل ....!

اخوي مدرب حقق كل البطولات اللي شارك فيها مرة على الاقل
مدرب حقق في اربع سنوات 13 بطولة
حقق الابطال مرتين بنظام البطولة الصعب على عكس ما قبل الالفية
الفريق يلعب بالابطال 13 مباراة علشان يجيب الكأس
فكيف تقول ليس الافضل ؟




WA7D_FALTA

مو مسألة حب او كره
اسأل الكتلونيين القدماء في الشبكة عن كرهي لبرشلونه من زمان
اسأل حسين لانه من الناس اللي معاشرهم من 6 سنوات في المنتدى
واذا بتحكم على ان فريق بالمركز السادس يطلعه
فكل المدربين سيئين
كابيلو ليبي مورينو فرجسون فنجر هيدنك
كلهم انهزمو من فرق عادية وبعضها هابط
خلاص نجرد منهم الافضلية ؟

إقتباس وناس ماخذين 22 بطوله لنادي واحد ومدرب واحد

ما فهمت وش المغزى من هالنقطة



Hala Madrid

المدرب له دور كبير باي فريق
وهالنقطة محد يختلف عليها
تشيلسي نفس الاسماء مع بواش ودي ماثيو وايش الفرق
نفس الفرق ونفس الاسماء مع سكولاري وهيدنك فهل تغير الفريق والا لا
زيدان ورونالدو وفيجو وكارلوس مع ديل بوسكي ومع الطابور اللي بعده هل هو نفس قوة الفريق والا لا
انتر قبل مورينو ومع مورينو

معقولة نجرد مدرب من الافضلية علشان معه لاعبين vip
وش ذنبه اذا لعيبته ممتازين ؟
فرط في ابراهيمفوتش وايتو اللي محد يختلف على الرعب اللي يسببونه للدفاع

إقتباس استحواذ ههههههههههههه وش فادهم فيه هالاستحواذ قدام مدريد ولا تشيلسي ؟

نفس القياس
نجرد هالافضلية منه علشانه انهزم مبارتين قدام مدريد وتشيلسي
هالاستحواذ جاب له 13 بطولة ولاهو عيب يوم طلع من بطولتين
على كذا كل المدربين سيئين ولا فيه افضلية لاي مدرب في التاريخ ولا في العالم
مافيه مدرب ما يخفق مرة ومرتين

رأي اختلف معه تماما

====

شكرا للجميع

إقتباس استحواذ ههههههههههههه وش فادهم فيه هالاستحواذ قدام مدريد ولا تشيلسي ؟

هزم الريال بهالاستحواذ 5 مرات .. في موسمين .. طبعا حسبتها قدام السبيشل فايف .. و لو تبي نحسب 2009 ماعندك مشكلة .. و ما اظنك تبي هالشيء
+ حقق به 13 بطولة وهذا الاهم .. و تقولي وش فايدته ..

والله مصيبة

من زمان وأنا مندهش ..

ما كان هذا حال العالمية .. ما عادت تحمس للكتابة ..

ردود شاطحة شاطحة يعني بدون رحمة ..

قليلاً من المنطق يا شباب ..

ترى التقليل وثقافة التقليل من أي شيء ما تجدي .. الإنجازات تظل مسجلة .. حتى لو غاب المنطق عند بعض الخلق سيبقى عند البقية الباقية وهم الأكثر بالطبع ..

بعض الإخوان يحاول يغالط نفسه .. يقول لك بيب ما يقدر يسوي شي من دون هالفريق .. طيب .. ما عليه .. ودنا ندردش في هذا شوي .. لمجرد التنوير

وش خانة أي مدرب كبير بدون لاعبين نجوم يساعدونه على تنفيذ أفكاره وترجمتها داخل الملعب.. ؟

نقربها شوي؟ طيب

يعني إلا يجي بيب للقادسية مثلا ويكتسح العالم عشان تقتنع إنه عظيم ؟؟

يا عمي والله ما تجي .. منا منا قلبها براسك وشوف ..

بيب يظل عبقري .. صنع من تشافي شي ثاني .. فجر طاقات الرسام انيستا .. ساهم في إبراز واحد يعتبر من أفضل المدافعين في العالم على الإطلاق .. بيكيه طبعا .. مدافع متكامل .. حتى فالديز صنع منه حارس كويس .. وطبعا .. منح ميسي الفرصة ليمتعنا ومنحنا الفرصة لنستمتع بميسي وكل هذا

هذولا اللاعبين للي ما يعرف كلهم كانوا موجودين أيام ريكارد .. هذا تشافي ريكارد؟ هذا انيستا الاحتياط .. ؟

نجيبها من جهة أخرى .. أبشر

مورينيو .. أول موسم في تشلسي جاب معه 13 لاعب .. يعني فريق جديد
تبي نعد لك النجوم ؟ دروغبا لامبارد بالاك كارفايو تشيك تيري آشلي .. هذولا بعضهم

مع الإنتر .. ابرا شنايدر مايكون سامويل والقائمة تطول .. تبي تقول لي إنه بدونهم بيسوي شي مثلا؟

طيب نستخدم نفس المنطق؟ خل مورينيو يغير سياسته الدائمة : الاتجاه لأغنى فريق في البلد .. صرف مبالغ طائلة على شراء لاعبين نجوم .. الاكتفاء بفريق يعني يمشي الحال وميزانية معقولة .. واللعب للمتعة لا للكتناتشو .. ونشوف وش ممكن يصير ؟

هي معادلة متكاملة .. مدرب جيد .. لاعب جيد .. توفيق وانسجام .. نجاح
ومع كل هذا أحيانا يكون ما فيه نجاح وهذا ما يعني إن المدرب فاشل ..

القضية مو هنا ..

القضية في إنك تتعدى كل هذا إلى تقديم روائع ممزوجة بأرقام فلكية وبطولات .. إنك تمتع العالم كله .. إنك تصير حديث الثورة الكروية .. ومحدثها .. إنك تمتلك الملعب بالطول والعرض والهجوم والدفاع والاستحواذ والإمتاع .. إنك تلعب في كل الملاعب وكأنها ملعبك ..

خلونا من السطحية والتعصب الأعمى والفكر اللي ما أدري وش يبي .. خل نتعلم نتذوق الجمال .. تراني والله مو برشلوني .. أنا أحب الكالتشيو أصلا .. بس كوني أحب الإيطالي ما يفرض علي إني أقتنع بكل شي إيطالي وأفطر بيتزا مثلا .. الجيد من كل مكان هو شي جيد .. واللي مو مقبول من كل مكان هو مو مقبول .. هي كذا وبس .. ما يحتاج تدافع وتهاجم لمجرد إنك ما تبي تقر بالحقيقة ..

ناصر .. يعطيك ألف عافية يا سميي اليوفاوي .. ليت كل متذوق للكورة مثلك يا شيخ .. جنت علينا البلاي ستيشن وطلعات أموكاشي !

جميل الموضوع عن الرائع جوارديولا

وجميل النقاش عنه وعن أثر لاعبيه

بالنسبة لي جل ما كنت ابي اقوله قاله العضو كلي ازرق حلو .. ما شاء الله عليه

ما كان لمدرب غير بيب ان يحقق ما حققه بيب مع برشلونة .. وبنفس المقياس اعتقد ان بيب لم يكن ليحقق ما حققه مع غير هؤلاء اللاعبين

اذا المسالة تكاملية بينهم الاثنين


كلنا شفنا برشلونة ريكارد وبرشلونة بيب .. فرق فلكي وخورافي بالرغم من ان برشلونة ريكارد كان رائعا ايضا لكن فرق على جميع المستويات لصالح برشلونة بيب وبفارق سنوات ضوئية


انيستا وتشافي .. مع ريكارد
انيستا وتشافي مع بيب

اختلاف كبير


التعاقد مع بيكيه والفيس ... كان شيء خورافي

تصعيد بوسكيتس
تصعيد بيدرو

الاهم من هذا كله البرغوث ميسي

ما فعله بيب ممن التضحية بصامويل ايتو بالرغم من اداءه الفني العالي جدا ومن ثم زلاتان ومن ثم الاتيان بفيا واللعب به كجناح كل هذا من اجل نقل ميسي من مركز الجناح الايمن الى مركز في منتصف الملعب (المنطقة اللي من المنتصف الى منطقة جزاء الخصم) .. اعتقد هذا التغيير جوهري في انفجار ميسي فنيا وتهديفيا وهو ما جعلنا نرى ميسي بهذه الصورة التي تتجاوز الوصف ... ومدرب غير جوارديولا لم يكن ليفعل ذلك


لا شك خسارة لكرة القدم العالمية قبل برشلونة رحيل بيب ... ومن الان اقول الله يعين بديله لا اتحدث عن فيلانوفا بل البديل الدائم اللي راح يمسك النادي من الموسم القادم ... الضغوطات راح تكون كبيرة جدا عليه لتقديم ما كان يقدمه بيب.



فتكو بعافية

إقتباس الرسالة الأصلية كتبت بواسطة Hala Madrid لا تجرد ولا شيء بالفتره الي حقق فيها بيب بطولاته مع برشلونه ما كان فيه فريق حقيقي يقدر ينافسهم , كانو لحالهم بالساحه كفريق قوي ومكتمل , غير كذا محد كان يلعب قدامهم بطريقه دفاعيه الا يوم كشفهم مورينهو بالتكتيك الدفاعي وكان تنتهي يا تعادل يا يفوزون بصعوبه , ولقط منهم المو كاس اسبانيا وكرشهم من الدوري , نفس الطريقه مع تشيلسي عرف كيف يلعب بهالتكتيك وكرشهم من الابطال . مقصدي محد تجرأ قبل يلعب قدامهم بطريقه دفاعيه . يعني لو فيه مدرب لعب قدامهم بهالتكتيك من زمان كان قلنا له استحواذك بلَه واشرب مويته .

ردك هذا إشادة لبيب وفريقه
لاحظ اننا جلسنا سنين لين مثل ما تفضلت اكتشفنا مورينيو .. على فكره مورينيو ما اكتشفنا مورينيو تقوقع في الخلف + تكثيف الصلوات (بالنسبة لهم) هذا ماكان يحصل والدليل برشلونه يلعب ولا يقدر يسجل ومدرب الخصم هو اللي يزاعق ومتنرفز ! على فكره عقب ما اكتشفنا مورينيو مثل ما تفضلت لقم خمسه ولقم ثلاثه ولقم 2 تعفط وجهه من بيب وهو مثل ما تفضلت انه اكتشفنا ههههههههههه عاجبتني اكتشفنا للحين، انت بهالطريقه ما تنقص من برشلونه انت تشيد فيه أنه فريق لا أحد يجرؤ على الهجوم أمامه بما ان فريقك قوي ومدربك بطل فيك خير هاجم لا لا لاتهاجم امسك كوره بس وبالنسبه لكلامك ان مافيه فريق وقتها ومانيو 2009؟ لاعبين قدامه بدون دفاع ومحور وقتها عمره 19 !! وظهير أيسر عمره 37 !!! ولاعبين اثنين مصابين !! وخرج غيغز يقول اللعب ضد البارسا يجعلك تشعر أنك سخيف أحياناً هذا فريق واحد عديته لك ولاحظ اننا من موسم كارثي كأسوأ موسم في تاريخ النادي إلى أفضل موسم بتاريخ النادي كل ذلك بعد الله بسبب بيب


سبحان الله نفس اللي يحصل بالدوري مع الهلال يوم حقق الدوري قالوا الدوري ضعيف !!


بالتوفيق لتيتو معنا ونبدأ عصر جديد من الكره الشاملة