الصلام عليكم:
===========================
والله ياجماعة الخير حبيت اتناقش معكم في موضوع
ممتع بالنسبه لي انتم مدري عنكم وهو عن الشخصيه
==========================
كل واحد منا له شخصيه بس سؤالي او اسئلتي:
هل شخصيتنا داخل النت تختلف عن برا النت؟؟
وليش هالاختلاف؟؟
ومدا اتساع الاختلاف بين الشخصيه داخل النت وخارجه؟؟
وهل ذا الاختلاف ميزه او عيب ؟؟
وليش؟؟
=======================
يعني مثلا:
ناس مثلا داخل النت الواحد يتمنى يتعرف عليهم
بس للاسف اذا تعرف عليه لقاه غيييييييييير
تحكم على شخص داخل انه عاقل بس للاسف برا غير تناقض ماله حل
----------------------------------------
وفيه ناس داخل النت مرجوجين بس برا لا هادين وعاقلين
---------------------------------------
وفيه ناس مثل ماهم برا النت نفس داخل النت
======================
وابي اشوف رد كل واحد منكم؟؟
------------------------------------
الموضوع فكرته حلوه بس مهوب مخربه الا اسلوبي
============================

يعطيك العافية اخوي عزوزعلى الموضوع00,,

إقتباس الموضوع فكرته حلوه بس مهوب مخربه الا اسلوبي

بالعكس اهم شي انك وصلت الفكرة يعني الزبدة

وانابالنسبة لي يعود اختلاف الشخصية من شخص الى اخرالى الجوالاسري اللذي يعيشة صاحب الشخصية بالدرجة الاولى00,,

امافيمايتعلق باختلاف الشخصية والاسلوب عند الدخول للنت اوعدم استخدامة فلا اعتقد ان هناك اختلاف كبيروذلك يعودزي ماقلتلك الى الجوالاسري00,,

هذي وجهة نظر,,

تحياتي يالغالي00,,;)

وفيه ناس مثل ماهم برا النت نفس داخل النت
;)

بالنسبه للموضوع رائــع والاسلوب اروع وماهو محتـــاج اكثـــر من كــذا يعطيك الف الف الف عافيـــه وصراحه شي محتــــــــــــــاج للنقاش والنظر بأراء الجميـــع

تحياتــي لك ولي عوده انشالله

مرحـــــــبا عزوووووووز ..


والله بتـــصوري الاخــلاف وارد وبشكل كبير لكن مو بالقـصد اللي تقصده ..

يعني ..

التعرف غالبـا يكون على الماسنجر .. فمن الماسنجر تقدر تستـشف ( متعوبه عليها هالكلمه ) الشخص اللي امامك ...

اتوقع الاختلاف يصيـر .. والســبب .. ما أدري صراحه ؟!

لكن يمكن ان النت .. مايكون تلقائي .. يعني فيه وقت للتفـكير في الكتابه .. بمعنى تقدر تعدل وتحذف وتقتبس من منتديات ثانيه ..

اما خارج النت الحـوار يـــــــكون مبـاشر ولا فيه مجال للتحايل .. فتظهر شخصيته الحقيقه ..

والحكم مايكون من النت لان زي ماقلت فيه فرصه للتنـكر والتعديل ..........


وادري الموضوع طويل بس هذا اللي عندي ...

وشكرا لك ..

مرحبا عزوز ومبروك كتابة الموضوع بس مادري ليش اخترت تكتب هالموضوع بعد ماتقابلنا انا وياك لأول مرة (((((( واحد شاك في نفسه )))))
سبب الأختلاف في الشخصية بين النت والواقع انك في النت تدخل بحثا عن المرح وفشة الخلق وتحاول انك تكثر من هذا بينما في الواقع لما تكثر من هذا قالو هذا مرجوج وهذا خبل ويبونك طول الوقت كذا

هلا فيكم:
اخوي برق الزعيم:

إقتباس بالعكس اهم شي انك وصلت الفكرة يعني الزبدة

اشوا هذا المطلوب

إقتباس امافيمايتعلق باختلاف الشخصية والاسلوب عند الدخول للنت فلا اعتقد ان هناك اختلاف كبيروذلك يعودزي ماقلتلك الى الجوالاسري00

انا سالت معظم اللي في عندي في الماسنجر
ومعظمهم يقول ان شخصيته برا النت تختلف_ وهالاختلاف
يتباين من شخص لثاني عن الداخل_
وانا اولهم
و مشكور على وجهة النظر
===========================================
يزووودي:

إقتباس والله مــن الفــرحــة بجلــس أرد عليــة ليــن بكــرا

الله يقويك

إقتباس أن الشخــص نفــسـه يـــحدد هالشــيء

كلام سليم بس ليش؟؟

إقتباس ألاحــظ شخـصـيــة العضـــو تتغيـــر 180 درجـــة خــارج الــنــت

تختلف هالنسبه من شخص لثاني

إقتباس فــ مــن هــالمنــطــق الــواحــد لازم مــايحـكــم بشكــل مبـاشــر عـلى شخصيــة الشخــص

هذا اللي ابي اوصله ;)
وان الواحد اذا دخل النت يكون له قناع
واذا طلع شاله

إقتباس يــعـنــي زي مــاقلــت .... واحــد مــرجــوج بالــنــت

انا ضربت مثال في هالحاله ولا الحالات واجد
ماتتعلق بالرجه او غيرها
بس سوء اسلوبي هو اللي خلاني مااعبر عن هالنقطه
بشكل وافي

إقتباس وأمــا الأخــلاق ..... أعــتقـــد الــواحــد مــوصعبــة يكتشــفهــا مــن الــنــت

اخالفك في هالنقطه
مستحيل تحكم على انسان من النت سواء
ماسنجر رسايل اللي تبي
مشكور يزودي على هالطله
-------------------------------
ولي رجعه للردود وابي اجاوب على اسئلتي
اللي محد جاوب عليها

إقتباس يمكن ان النت .. مايكون تلقائي .. يعني فيه وقت للتفـكير في الكتابه .. بمعنى تقدر تعدل وتحذف وتقتبس من منتديات ثانيه .. اما خارج النت الحـوار يـــــــكون مبـاشر ولا فيه مجال للتحايل .. فتظهر شخصيته الحقيقه ..

اعتقد انه واحد من الاسباب المهمه للاختلاف


تحياااتي لك موضوع رائع

[c]الصلام عليكم:
وعليكم الصلام

والله ياجماعة الخير حبيت اتناقش معكم في موضوع
ممتع بالنسبه لي انتم مدري عنكم وهو عن الشخصيه
مادام انه عاجبك اكيد بيعجبنا....

كل واحد منا له شخصيه بس سؤالي او اسئلتي:
هل شخصيتنا داخل النت تختلف عن برا النت؟؟
نوعا ما.....
وليش هالاختلاف؟؟
الاختلاف هذا راجع الى اسباب نفسية واجتماعية متعلقة بالشخصية.....(بدت تتلفسف)..
مثال بسيط: لما تكون شخصية الانسان موزينة برا النت.... وعلاقاته مع الناس تلقاها فاشلة .....اكيد راح يؤثر على نفسيته ويفقد الثقة بنفسه .....فلما يدخل النت تلقاه (شعوريا اولا شعوريا) يحاول يكمل النقص في شخصيته.....

ومدا اتساع الاختلاف بين الشخصيه داخل النت وخارجه؟؟
على حسب شخصية الشخص.....

وهل ذا الاختلاف ميزه او عيب ؟؟
قد يكون ميزة ولكنه في الغالب عيب ...

وليش؟؟
روح اسأل فيها دكتور نفساني.....او خل سهل يجاوبك

وفيه ناس داخل النت مرجوجين بس برا لا هادين وعاقلين
من تقصد؟؟؟

الموضوع فكرته حلوه بس مهوب مخربه الا اسلوبي
لا والله مو محليه الا اسلوبك
يعطيك العافية اخوي عزوز على الموضوع الحلووووو
وكثر من مواضيع علم النفس والشخصية
<<<<<<<<ترى تموووووووت فيها [/c]

احلى عزوز باشا منزل موضوع
والله بصراحه اخوي اعتقد ان الغالبيه تختلف شخصياتهم في داخل النت عن الخارج مدري ليه
بالنسبه لي انا صحيح ان وضعي في النت لك عليه لكن بالخارج صدقني اني شقرودي وخوش رجال يعني طيب وحبوب وخلوق ونشمي وراعي فزعات وهلم جرا
=============
الى اللقاء

اهلين غروده:

إقتباس وفيه ناس مثل ماهم برا النت نفس داخل النت

هذا حكمكي على نفسكي ولاحكم شخص عرفكي داخل وبرا النت

إقتباس بالنسبه للموضوع رائــع والاسلوب اروع وماهو محتـــاج اكثـــر من كــذا

مشكوره على هالمجامله;)
ومشكوره على الرد
================================
هلا والله بكايدهم:

إقتباس والله بتـــصوري الاخــلاف وارد وبشكل كبير لكن مو بالقـصد اللي تقصده

النسبه تختلف من شخص لاخر والكلام اللي كتبته من تجربه

إقتباس التعرف غالبـا يكون على الماسنجر .. فمن الماسنجر تقدر تستـشف ( متعوبه عليها هالكلمه ) الشخص اللي امامك ...

انا اشهد انه متعوب عليها بس عساك تعرف معناها
مهوب دايما ومعرفتك له بتكون غير دقيقه

إقتباس لكن يمكن ان النت .. مايكون تلقائي .. يعني فيه وقت للتفـكير في الكتابه .. بمعنى تقدر تعدل وتحذف وتقتبس من منتديات ثانيه ..

هذي احد الاسباب الرئيسيه;)

إقتباس اما خارج النت الحـوار يـــــــكون مبـاشر ولا فيه مجال للتحايل .. فتظهر شخصيته الحقيقه ..

مااقدر اقول بعد هالكلام شي

إقتباس والحكم مايكون من النت لان زي ماقلت فيه فرصه للتنـكر والتعديل

مثل ماقلت كلام رائع من شخص اروع

إقتباس وادري الموضوع طويل بس هذا اللي عندي

انت تطرقت بشكل خاص للمنتديات
و1000 شكر على هالرد اللي اقل مايقال عنه رااائع
======================================
هلا والله بحياتي وقلبي قرقوصي

إقتباس مرحبا عزوز ومبروك كتابة الموضوع

اهلين والله يبارك فيك ومبروك على توقيعك
الجديد ولو تضمن لي اني كل ماكتبت موضوع
بترد عليه انت ابشر كل يوم 10 مواضيع

إقتباس بس مادري ليش اخترت تكتب هالموضوع بعد ماتقابلنا انا وياك لأول مرة (((((( واحد شاك في نفسه )))))

بالعكس اخوي انا من الناس اللي تشرفت بمعرفتك شخصيا
وهالموضوع تناقشت فيه مع صمت العيون قبل شهر او اكثر
وطلبت منه يكتب الموضوع لان اسلوبه افضل مني بس؟؟؟؟

إقتباس سبب الأختلاف في الشخصية بين النت والواقع انك في النت تدخل بحثا عن المرح وفشة الخلق وتحاول انك تكثر من هذا بينما في الواقع لما تكثر من هذا قالو هذا مرجوج وهذا خبل ويبونك طول الوقت كذا

بعد ردك تاكدت انك شكيت صدق في نفسك هههههههههههههههههاي
وانا ماقصدت هالشي انا اقصد اختلاف الشخصيه بين الواقع والنت
بس سوء اسلوبي هو يمكن اللي خلاك تفهم هالشي
ومشكور قرقاصوه
==================================
هلا والله بتغريد:

إقتباس اعتقد انه واحد من الاسباب المهمه للاختلاف

بالفعل كلااااام سليم وهذا سبب
وين باقي الاسباب

إقتباس تحياااتي لك موضوع رائع

مشكور على هالمجامله
و1000 شكر على هالمرور
=========================

اهلين ب(كيفي كويتيه):

إقتباس الاختلاف هذا راجع الى اسباب نفسية واجتماعية متعلقة بالشخصية.....(بدت تتلفسف)..

عادي تفلسفي وانا بتلفسف وانتي الخسرانه

إقتباس مثال بسيط: لما تكون شخصية الانسان موزينة برا النت.... وعلاقاته مع الناس تلقاها فاشلة .....اكيد راح يؤثر على نفسيته ويفقد الثقة بنفسه .....فلما يدخل النت تلقاه (شعوريا اولا شعوريا) يحاول يكمل النقص في شخصيته.....

غريبه
ماتوقعت احد بيكتب هالسبب وكنت انا ناوي اكتب
الاسباب في الاخير ومنها هالسبب
اللي هو تعويض النقص في الشخصيه
اقول كنت ناوي افتح عياده نفسيه في المنتدى
ومادامي لقيت وحده مثلكي
خلاص عزمت افتح عياده
وش رايكي تشاركيني

إقتباس روح اسأل فيها دكتور نفساني

وانتي وشو
لكي مستقبل دكتور نفسي

إقتباس من تقصد؟؟؟

اعيد واكرر هذي حاله من الحالات وليست الحاله هي المقصوده بذاتها
ولكنه مثال توضيحي

إقتباس لا والله مو محليه الا اسلوبك

مشكوره على هالمجامله;)

إقتباس وكثر من مواضيع علم النفس والشخصية <<<<<<<<ترى تموووووووت فيها

واضح من ردكي هالشي
وانا مثلكي ولو قسم علم النفس له مستقبل
كان انا فيه من زمااااان بس للاسف:sad: :sad: :sad:
ومشكوره على هالرد بس ليش ماتفلسفتي -------> يدور احد ينشب له
=====================================
هلا بفتى المدينه:

إقتباس احلى عزوز باشا منزل موضوع

مابعد شفت شي
وش رايك اطلع باقي المواهب ولا لا

إقتباس والله بصراحه اخوي اعتقد ان الغالبيه تختلف شخصياتهم في داخل النت عن الخارج

كلااااااااااام سليم

إقتباس مدري ليه

ان شالله تدري بعد هالموضوع ;)

إقتباس بالنسبه لي انا صحيح ان وضعي في النت لك عليه لكن بالخارج صدقني اني شقرودي وخوش رجال يعني طيب وحبوب وخلوق ونشمي وراعي فزعات وهلم جرا

اللي فهمته ان سبب اختلاف شخصيتك
بين النت وبرا هو الوناسه والاستهبال
وهذا سبب;)
ومشكور على ردك
=====================================

إقتباس عادي تفلسفي وانا بتلفسف وانتي الخسرانه

إقتباس اقول كنت ناوي افتح عياده نفسيه في المنتدى ومادامي لقيت وحده مثلكي خلاص عزمت افتح عياده وش رايكي تشاركيني

انا موافقة .....بس ما علمتني من اول الضحايا

إقتباس وانتي وشو لكي مستقبل دكتور نفسي

عزوز رفعت معنوياتي......يعني اغير تخصصي

إقتباس واضح من ردكي هالشي وانا مثلكي ولو قسم علم النفس له مستقبل كان انا فيه من زمااااان بس للاسف:sad: :sad: :sad:

الله يعينك...

إقتباس ومشكوره على هالرد بس ليش ماتفلسفتي -------> يدور احد ينشب له

ابشر بس فلسفتي بالاقساط

نرجع لمحور حديثنا:

إقتباس وأمــا الأخــلاق ..... أعــتقـــد الــواحــد مــوصعبــة يكتشــفهــا مــن الــنــت

يزيدووووووه انا اخالفك في هالنقطة (من وجهة نظري )لاننا لما نتعامل مع الاشخاص في حياتنا العامة.......قد ننخدع في اخلاقهم.....فمابالك في ناس لم تقابلهم.....

لي عودة انشاءالله

اهلييييييييييين كيفي كويتيه:

إقتباس انا موافقة .....بس ما علمتني من اول الضحايا

لاتقولين ضحايا
قولي ناس نساعدهم على حل مشاكلهم

والله يمدحون صمت

إقتباس عزوز رفعت معنوياتي......يعني اغير تخصصي

وش تخصصكي في الاول;)
اما تخصصكي غيريه وماجاكي علي

إقتباس ابشر بس فلسفتي بالاقساط

مااتعامل مع هالنوع مع الفلسفه

إقتباس يزيدووووووه انا اخالفك في هالنقطة (من وجهة نظري )لاننا لما نتعامل مع الاشخاص في حياتنا العامة.......قد ننخدع في اخلاقهم.....فمابالك في ناس لم تقابلهم.....

كلاااااااااااااااااااااام رووووووووووووووووووعه
اقول بعد هالكلام وشرايكي انتي اللي تفتحين العياده;)
وانا اللي اشاركي

[c]

لاتقولين ضحايا
قولي ناس نساعدهم على حل مشاكلهم



يالله تراني جاهزة للمساعدةوللخدمة الانسانية

والله يمدحون صمت
يالله د.عزوز انا في الخدمة ........بس خوفك نتمردغ انا وياك.....ما تسوى علينا

وش تخصصكي في الاول;)
اما تخصصكي غيريه وماجاكي علي

هو من اللغات بس مو عربي

كلاااااااااااااااااااااام رووووووووووووووووووعه
اقول بعد هالكلام وشرايكي انتي اللي تفتحين العياده;)
وانا اللي اشاركي....
لا لا ما يصير :
الرجال قوامون على النساء

الظاهر اننا خربنا الموضوع....

نجي عاد للجد....

عندي سؤال وجيه......ليه كل من حب علم النفس قالوا عنه معقد نفسيا

تحياتي لك....[/c]