كيف ـآلحال ان شاءالله طيبين ,, بدخل في المواضيع دغري لأن الوضع وصل حده بصرآحتآ
هالايام زي مآنتو عارفين ماشاءالله قربت نهايه المدارس وهيك والله يوفق اخواننا الطلاب والطالبات وحقين رابع ثاآنوي وهيك
عندي اختي ماشاءالله الله يحفظها بتتخرج ابشركم من سادس ابتدائي ومن كم يوم ودوها للمشغل هاتوها للمشغل ودو امي للمشغل هاتو امي من المشغل
جيبوآ الكوفيرآ ورجعوها كأن بكره عيد وخروآ عنها وبتتخرج وحالتنا صعبه وهدايا كل هذا عشان حفل تخرجها فـ المطرسه حقتها ويامشعل الصبح خلك صاحي تودينا
ورحت اشتر لها هديه واشتر بيبي لها وغلفها وديتهم من صباح الله خير الناس رايحه تدرس وتطلب العام ورايحه تصف طابور وتسمع نصائح هل تعلم
وانا رايح اودي امي واختي الصغيره للعرس الظاهر وخر عنهم وشارين ورد طبيعي واكياس مليانه خرابيط وانا سواق طالع وقف عن المدرسه وانزل اشيل الاغراض
ومايمدي امشي تتصل امي بعد 3 ساعات خلك صاحي عشان ترجعنا <~ ياليل طيب رحت للقهوه منفس مخنفرا مطنقرا مكتوب على جبهتي ابتعد 100 خطر ,, طبعا هالكلام مدري ليه عندي اخوي اصغر مني ويسوق وكل شي وش معنى مشعل
الظاهر مكتوب بضهري [ اي خدمه ] وبعد ماخلصوا من هالحفل ورجعناهم بكره في حفل في البيت بيجون بنات عمتك وشلتهم الله من زين هالبنات
كل وحده تقول انا اشطن من الثانيه ورح وجب و ود والمشكله انا اذكر يوم اتخرج من سادس ابتدائي محد درى عني ابوي جاب لي مسدس مويه وجاب لي حصاله عشان اجمع فيها
طيب وين الفلوس عطوني فلوس اجمع انا متخرج وامي عطتني 50 ريال وقالت لاتصرفها جمع ومن بكره قالت لاتصرفها انتبه يوم جاء بعده خذتها مني تقول بجمع لك
طب شارين لي حصاله ليش ؟ بعذرها ام نوره ياحبيبلها الله لايحرمني منها تقول لي لاتصرفها ناويه عليها والى يومكم خمسيني مادر عنها اذكر كان فيها روج حق جدتي لونه عنابي
ورقم بيجر والله اعلم ,,
لا ومسوين لي حفله ف بيت جداني الله يرحمهم حنا وعيال عمتي والشله الفاسقه ومعطينا حلاو بقر ولا بسكوت الميزان والله انهم يلعبون علينا وحنا ماغير ندابتس ونراكض مبسوطين وطالبين لنا من مطعم جنيه
شاورما وببسي ,, مع العلم ان الحفله كانت بالقطه يعني دفعنا فلوس عشان تصير هالحفله خخخ يعني شارين لي من حلاليوحقين هالجيل فلوس وايفون وخر عنهم وهدايا اول مره اشوفها ايه زمن ماعليه
وحنا من اول تج خالتي توزع علنا على 10 ريال تقول اللي مايسمع كلام اهله بجي اخذها منه كأنها متحسفه وهي توزعها علينا اجل اخوي فارس عمره 7 سنين مسوين حفله وكيكه وحاطين صورته هو وخشمه كانه مثلث كودو وانا ماغير واقف اجيب لهم شموع واسترجع ماضيي الاسود حرام اني وقتها كنت شاد ححيلي على الوضع ذاك مفروض كنت سربوت الله من زين الذكريات يوم كنت بعمره اولى ابتدائي يجيبون لنا مطبق اول ماطلع بالموز وعصير ليمون وشاهي وقوه حرقان وحنا مبزره ولا جايبين لنا اسكريم ابو هديه ولا 5 حبات بالريال ولا غوآر يلعبون علينا وش هالحفل مافي صبايا وهيك <~ برىآ
شطحه ~> سحره افريقيا ماودهم يفكوني من شرهم كل يوم اتصال او اتصالين من هالسملق انا الشيخ ابراهيم وحلمت فيك والثاني يقول حلمت فيك
واحد بكينيا والثاني فـ السنغال كله حالمين فيني لهدرجه مهمم و واحد يبيني اذبح له خروف يتيم ولا ديك مطلق ولا دجاجه ارمله
ونمله مولوده قيصر واهم شي حول الفلوس على بنك الادغال الوطني ,,
والله هالاتصالات ماودها تشوف لهم حل ولا جيده في زرف هالمواطننين حسبي الله ونعم الوكيل ,,
اخيرا دعواتكم لي الايام اللي فاتت مدري وش جآيني ماش احس منب صويحي قلبي لكم عليه مع الشرايين
الشكوىآ لله ياخيتي ,,
مير اني اقصد فـ الموضوع مب التخرج اللحين
اقصد مقارنه باللي صاير لنا ولمبزره هالجيل على نفس العمر
يعني مقارنه يوم تتخرجين من الابتدائي آهلك ساحبين عليك آآلسيفون
ودوك ملاهي الحكير وبين اللي يتخرجون من هالابتدائي
والله وصار اللي يخلص الابتدائي يسمونه متخرج
الشكوىآ لله ياخيتي ,,
مير اني اقصد فـ الموضوع مب التخرج اللحين
اقصد مقارنه باللي صاير لنا ولمبزره هالجيل على نفس العمر
يعني مقارنه يوم تتخرجين من الابتدائي آهلك ساحبين عليك آآلسيفون
ودوك ملاهي الحكير وبين اللي يتخرجون من هالابتدائي
والله وصار اللي يخلص الابتدائي يسمونه متخرج
ايـــه واللـــه صاادق ..
ولا الححين صار في تناافس بين الححريم يعني وحده حطت لولدها او بنتها
واجهت آلجيلين .. فَ عندممآ تخرج من يكبرني سنآ من الدراسةة والتعليم آلعآم .. آقمنآ حفلةة صغيرة في منزلنآ آلجميل .. ودعونآ آفرآد العآئلةة ليشاركونآ هذه اللحظآت السعيدة ..
لكن عندمآ تخرجت آنآ من آلآبتدآئيةة السنة الماضيةة <<< لآحد يصدق
عندمآ تخرجت من آلمرحلةة آلآبتدآئيةة قبل عدة سنوآت .. آقآمت مدرستي حفل تخرجنآ في آفخم قصور آلآفرآح ..
لآ آدري مآ آلعلةة , ربما التعليم في وقتنا اصبح اكثر اهمية من السابق , لهذا يُصرف لهه مبالغ طائلة ويُفرح كثيراً بمن يحملونهه !
وبالنسبةة للهدايا المقدمة في حفلات التخرج او التخرج او النجاح باختلاف المسميات , اعتقد انها ترتبط ارتباطاً كلياً باختلاف الاهتمامات والنواحي الماديةة .. واعتقد ابناء هذا الجيل اكبر همهم الالكترونيات وما الى ذلك من التقنيات الحديثةة ..
عندمآ يتصل المشعوذون والدجالون بهاتفي , آستمتع كثيراً بالحديث معهم .. بل اضع يدي على خدي .. واجلس لأسمع "خرافاتهم" , لكن بالفعل آعتقد آنهم يصلحون للأفلام الهنديةة , وان اصابك من شرهم الاكتفاء من الازعاج , رد على المكالمة و ضع الجوال تحت وسادتكك .. فهو الحل الافضل !
يا رجل خلها ع ربك .. احمد ربك عملوا لك حفلة تخرج بسيطة حتى لو بغوار ومسدس موية .. انا ما اذكر عملوا لي حفلة تخرج لا تمهيدي ولا ابتدائي ولا متوسطة ولا ثانوي .. واظن كمان ان حفلة التخرج الجامعية مسحوب عليها كأخوتها السابقين
اصلا وش هي حفلة التخرج .. وش يسوون فيها يعني
اذكر بعد الاختبارات الثانوية رحت اخذت شهادتي وجبتها البيت وكل واحد قال لي مبروك وانتهت السالفة ... لا لا تذكرت .. ابوي عطاني 200 ريال وأمي عملت لي شعيرية بحليب نستله لاني أحبها << الله يا زمن .. مرت 5 سنوات !!
من خلال ردي لازم تطبق مقولة
من شاف مصيبة غيره هانت عليه مصيبته
شطحة : انت بجدك شريت بلاك بيري لأختك الللي عمرها 12 سنة !! ما تحس انه بدري !!
اذكر بعد الاختبارات الثانوية رحت اخذت شهادتي وجبتها البيت وكل واحد قال لي مبروك وانتهت السالفة ... لا لا تذكرت .. ابوي عطاني 200 ريال وأمي عملت لي شعيرية بحليب نستله لاني أحبها
احس هالشعيريه مصلحينها لك من غير نفس زين ماحطو جنب هالشعيريه شموع
ولعبو عليك 200 ريال لالا كويس وبالثانوي بعد ماشاءالله وش سويت فيها
إقتباس
شطحة : انت بجدك شريت بلاك بيري لأختك الللي عمرها 12 سنة !! ما تحس انه بدري !!
والله الوالده شاريه لها
إقتباس
بس مسالة اني حفلة تخرج ولا فكروا مجرد تفكير بس يسوون لي خخخخخخخ
وتبي الصراحة ماينلامون لان حتى انا مافكرت بحفلة تخرج خخخخخخ
اكيد مافكرت فيها لأنك ماتشوف انك تستاهلها <~ برىآ
لاصدق ياخي فله اشوف هالناس عندي فالبيبي كل يوم حاطين صوره كيكه وشموع ومبروك التخرج ودي احد يسوي لي زي كذا مافي امل
الواحد راح ودرس برى وجاء وحطو لي خروف في صحن منسدح ومطلع لسانه [ مفطح ]< ياحياتي يالنعومي
لاوقرصان وجريش ابد طلعت عزيمه وعازمين الجماعه
طلعت العزيمه لهم مب لي طيب حطو كيكه لي ابي سبرايز وهيك
-
حفلآآت التتخرررررررج للأسف انهآ شي لابد منه :/
انا م آآيدها كـ فكره فاسده وبهرجه زايده < ~ متعوب عليهآ هع
بس غصب نسويها يعني (وش زود الناس عنآ) !
اشوا اني بسادس مسوين حفل تخرج ( قطه ) كل وحده عشرين ريال مآنسيتها هع
وجايبين لنا اكسسوارات من ابو ريالين طيب رجعو عشرينتنا ماتسوا علينا هالاكسسوارات , للحين رازتها بالدالوب مدري الدولاب ك ذكرى خالده ذذ!
لكن الصراحه يعني احسها عبرتني شوي ك شعور ومشاعر واحاسيس وكذا يعني تشعر الشخص بالفرح !
وش علينا من هالناس وش اللي وش زود الناس عننا <~ كم مره كتبت وش
بعدين انا اول حفلتنا نشتري من ابو ريالين البخخاخ الصابون القديم
ونبخخ على بعض نعيش الاجواء شوي واخر الليل امي تدهني بفكس وتقول هذي نهايه المراكض
إقتباس
يعني انا لمن نجحت من اول ابتدائي شروا لي سيكل 12
وجلست كل عطله اصلح فيه لين وصلت سادس ابتدائي
ويوم تخرجت من الابتدائي شروا لي سيكل 20 على اساس اني كبرت وكذا
هذي هدية نجاحي وبعد تخرجي من المتوسط والثانوي ماحد درا عني الا اهلي
أخوي يوم خدا الدكتوراه سوينا له عشاء في استراحة عماني و المشكله يومها الكهرب طفا ههههههههه و بخصوص الهدايا و الله اللحيين ما ينفع غير بي بي ولا جالكسي و لا أي بإد لأن هدي هي اهتمامات هالجيل و بخصوص الكرف و الله يأخي خواتك كل يوم يفطرونك و يغدونك و يعشونك و ملابسك تنغسل و تنكوي و عرفتك تتنظف و شاهي رأيح و شاهي جاي و ما قالوا شيءو انتم يالعيال عشان مشوار بالسياره تسوون زحححمه « تحمست هع
ادعوووووا لي بكرا ورأي امتحان رياضيات و توووي جاايه من الرياض
زين ماقلتي بخصوص اخختباري بكره ادعوآ لي
إقتباس
أجل حفلة تخرج من الإبتدائية ههههه , بالله من جدك هذا تسميه تخرج ككك .. والله أنا أيام الإبتدائي كل ما أنجح من صف لـ صف
أقول للوالد أبغى حق النجاح .. ويعطيني خمسين ريال و أنا مبسسوط أكثثر شي ,
لآ وفي مرة رحت أشتريت بالخمسين ريال جهاز سـيـقـا هههههههه .. والله أيام حلوة
اهم شي عجبك العنواآن يادب
بعدين وش نسوي هالزمن الواحد يخلص ابتدائي يسوون حفلات وخرابيط
انا من اول يكتبون بالشهاده ناجح وينتقل للصف التالي
والاول مكرر والثاني مكرر مسلكين لي
سيقا قدييم شريط كوره امش على خط التمآس وشت