بسم الله الرحمن الرحيم



كيف ـآلحال ان شاءالله طيبين ,, بدخل في المواضيع دغري لأن الوضع وصل حده بصرآحتآ
هالايام زي مآنتو عارفين ماشاءالله قربت نهايه المدارس وهيك والله يوفق اخواننا الطلاب والطالبات وحقين رابع ثاآنوي وهيك
عندي اختي ماشاءالله الله يحفظها بتتخرج ابشركم من سادس ابتدائي ومن كم يوم ودوها للمشغل هاتوها للمشغل ودو امي للمشغل هاتو امي من المشغل
جيبوآ الكوفيرآ ورجعوها كأن بكره عيد وخروآ عنها وبتتخرج وحالتنا صعبه وهدايا كل هذا عشان حفل تخرجها فـ المطرسه حقتها ويامشعل الصبح خلك صاحي تودينا
ورحت اشتر لها هديه واشتر بيبي لها وغلفها وديتهم من صباح الله خير الناس رايحه تدرس وتطلب العام ورايحه تصف طابور وتسمع نصائح هل تعلم
وانا رايح اودي امي واختي الصغيره للعرس الظاهر وخر عنهم وشارين ورد طبيعي واكياس مليانه خرابيط وانا سواق طالع وقف عن المدرسه وانزل اشيل الاغراض
ومايمدي امشي تتصل امي بعد 3 ساعات خلك صاحي عشان ترجعنا <~ ياليل
طيب رحت للقهوه منفس مخنفرا مطنقرا مكتوب على جبهتي ابتعد 100 خطر ,, طبعا هالكلام مدري ليه عندي اخوي اصغر مني ويسوق وكل شي وش معنى مشعل
الظاهر مكتوب بضهري [ اي خدمه ] وبعد ماخلصوا من هالحفل ورجعناهم بكره في حفل في البيت بيجون بنات عمتك وشلتهم الله من زين هالبنات
كل وحده تقول انا اشطن من الثانيه ورح وجب و ود والمشكله انا اذكر يوم اتخرج من سادس ابتدائي محد درى عني ابوي جاب لي مسدس مويه وجاب لي حصاله عشان اجمع فيها
طيب وين الفلوس عطوني فلوس اجمع انا متخرج وامي عطتني 50 ريال وقالت لاتصرفها جمع ومن بكره قالت لاتصرفها انتبه يوم جاء بعده خذتها مني تقول بجمع لك
طب شارين لي حصاله ليش ؟ بعذرها ام نوره ياحبيبلها الله لايحرمني منها تقول لي لاتصرفها ناويه عليها والى يومكم خمسيني مادر عنها اذكر كان فيها روج حق جدتي لونه عنابي
ورقم بيجر والله اعلم ,,
لا ومسوين لي حفله ف بيت جداني الله يرحمهم حنا وعيال عمتي والشله الفاسقه ومعطينا حلاو بقر ولا بسكوت الميزان والله انهم يلعبون علينا وحنا ماغير ندابتس ونراكض مبسوطين وطالبين لنا من مطعم جنيه
شاورما وببسي ,, مع العلم ان الحفله كانت بالقطه يعني دفعنا فلوس عشان تصير هالحفله خخخ يعني شارين لي من حلاليوحقين هالجيل فلوس وايفون وخر عنهم وهدايا اول مره اشوفها ايه زمن ماعليه
وحنا من اول تج خالتي توزع علنا على 10 ريال تقول اللي مايسمع كلام اهله بجي اخذها منه كأنها متحسفه وهي توزعها علينا
اجل اخوي فارس عمره 7 سنين مسوين حفله وكيكه وحاطين صورته هو وخشمه كانه مثلث كودو وانا ماغير واقف اجيب لهم شموع واسترجع ماضيي الاسود
حرام اني وقتها كنت شاد ححيلي على الوضع ذاك مفروض كنت سربوت
الله من زين الذكريات يوم كنت بعمره اولى ابتدائي يجيبون لنا مطبق اول ماطلع بالموز
وعصير ليمون وشاهي وقوه حرقان وحنا مبزره ولا جايبين لنا اسكريم ابو هديه
ولا 5 حبات بالريال ولا غوآر يلعبون علينا وش هالحفل مافي صبايا وهيك <~ برىآ

شطحه ~> سحره افريقيا ماودهم يفكوني من شرهم كل يوم اتصال او اتصالين من هالسملق انا الشيخ ابراهيم وحلمت فيك والثاني يقول حلمت فيك
واحد بكينيا والثاني فـ السنغال كله حالمين فيني لهدرجه مهمم و واحد يبيني اذبح له خروف يتيم ولا ديك مطلق ولا دجاجه ارمله
ونمله مولوده قيصر واهم شي حول الفلوس على بنك الادغال الوطني ,,
والله هالاتصالات ماودها تشوف لهم حل ولا جيده في زرف هالمواطننين حسبي الله ونعم الوكيل ,,


اخيرا دعواتكم لي الايام اللي فاتت مدري وش جآيني ماش احس منب صويحي قلبي لكم عليه مع الشرايين

^^

الشكوىآ لله ياخيتي ,,
مير اني اقصد فـ الموضوع مب التخرج اللحين
اقصد مقارنه باللي صاير لنا ولمبزره هالجيل على نفس العمر
يعني مقارنه يوم تتخرجين من الابتدائي آهلك ساحبين عليك آآلسيفون
ودوك ملاهي الحكير وبين اللي يتخرجون من هالابتدائي
والله وصار اللي يخلص الابتدائي يسمونه متخرج

إقتباس الرسالة الأصلية كتبت بواسطة مجنون الزعيم(9) ^^ الشكوىآ لله ياخيتي ,, مير اني اقصد فـ الموضوع مب التخرج اللحين اقصد مقارنه باللي صاير لنا ولمبزره هالجيل على نفس العمر يعني مقارنه يوم تتخرجين من الابتدائي آهلك ساحبين عليك آآلسيفون ودوك ملاهي الحكير وبين اللي يتخرجون من هالابتدائي والله وصار اللي يخلص الابتدائي يسمونه متخرج

ايـــه واللـــه صاادق ..

ولا الححين صار في تناافس بين الححريم يعني وحده حطت لولدها او بنتها

كلهم حطوو .."في غيره "وثاني شي يقوولون ولدناا وش نااقصه مانحطله

غير نشبة المبزره ينشبون باهااليهم لين يحطون لهم

وي ياللــه من يوم تبدى الاجاازه استراحه ورا استراحه

اماا يجي الشي مره وحده ولا نبطي ما طلعنااواجتمعناا

وبعد شهر اذ ماسافرناا تلقآآناا بالبيت مرتزين



ابفهــم الححين اذ تخرج من الججامعه وش بيسوون اججل
<<< واالا هي بس طفره وحده فاارحتًــآآ بولدهاا وبعدين تسحب عليه

ههههههههههههههههه

اسفــه على الأطآآله .. وشكلي شحطت شوي

يعطيـك عاافيه على الموضضوع القميـــل

هههههههههههههههههه مير انا مو تخرج عيد ميلادي مسوين لي تمرية اميمتي الله يحفظها

اوماا التخرج الشي الوحيد اللي كانوا يقولونه لي هي صدق انها تعكير جوي وانا مستانس بس هي الشيء الوحيد اللي كنت اظن انه رفع لمعنوياتي

هو اذا جبت الشهادة قالوا قطوا ملفك بوجهك ع البركة

امحق ترفيع طبعا

بس مسالة اني حفلة تخرج ولا فكروا مجرد تفكير بس يسوون لي خخخخخخخ
وتبي الصراحة ماينلامون لان حتى انا مافكرت بحفلة تخرج خخخخخخ

يارجل ع طاري الاجهزة يارجل اشوف البزران مع جوالات يلعبون فيها وانا اجمع الريال ع الريال عشان اشتري ايفون ثم لاوصلت ربع القيمة صرفتها بشيء ثاني

شكرا ع الموضوع

إقتباس اذكر بعد الاختبارات الثانوية رحت اخذت شهادتي وجبتها البيت وكل واحد قال لي مبروك وانتهت السالفة ... لا لا تذكرت .. ابوي عطاني 200 ريال وأمي عملت لي شعيرية بحليب نستله لاني أحبها

احس هالشعيريه مصلحينها لك من غير نفس زين ماحطو جنب هالشعيريه شموع
ولعبو عليك 200 ريال لالا كويس وبالثانوي بعد ماشاءالله وش سويت فيها

إقتباس شطحة : انت بجدك شريت بلاك بيري لأختك الللي عمرها 12 سنة !! ما تحس انه بدري !!

والله الوالده شاريه لها

إقتباس بس مسالة اني حفلة تخرج ولا فكروا مجرد تفكير بس يسوون لي خخخخخخخ وتبي الصراحة ماينلامون لان حتى انا مافكرت بحفلة تخرج خخخخخخ

اكيد مافكرت فيها لأنك ماتشوف انك تستاهلها <~ برىآ
لاصدق ياخي فله اشوف هالناس عندي فالبيبي كل يوم حاطين صوره كيكه وشموع ومبروك التخرج ودي احد يسوي لي زي كذا مافي امل
الواحد راح ودرس برى وجاء وحطو لي خروف في صحن منسدح ومطلع لسانه [ مفطح ]< ياحياتي يالنعومي
لاوقرصان وجريش ابد طلعت عزيمه وعازمين الجماعه
طلعت العزيمه لهم مب لي طيب حطو كيكه لي ابي سبرايز وهيك

إقتباس الرسالة الأصلية كتبت بواسطة مجنون الزعيم(9) ا الواحد راح ودرس برى وجاء وحطو لي خروف في صحن منسدح ومطلع لسانه [ مفطح ]< ياحياتي يالنعومي لاوقرصان وجريش ابد طلعت عزيمه وعازمين الجماعه طلعت العزيمه لهم مب لي طيب حطو كيكه لي ابي سبرايز وهيك

ليه ماعزمتني والله من زمان عن شي اسمه مفطح >>>>داري بتقول وش يبي ذا

من زمان عن المفاطيح اعوذ بالله مافي احد وده ينقل لبيت جديد او يجيب ولد او ابنت او يستانس او يزوج احد عياله ويتذكر علاوي هاللي صار يسمع بهالوجبة

إقتباس الرسالة الأصلية كتبت بواسطة محب الجنه الخرج ليه ماعزمتني والله من زمان عن شي اسمه مفطح >>>>داري بتقول وش يبي ذا من زمان عن المفاطيح اعوذ بالله مافي احد وده ينقل لبيت جديد او يجيب ولد او ابنت او يستانس او يزوج احد عياله ويتذكر علاوي هاللي صار يسمع بهالوجبة

ارحمنا ياراعي التبوله والحمص يالمشويات انت
يافتوش ياورق عنب

-
حفلآآت التتخرررررررج للأسف انهآ شي لابد منه :/
انا م آآيدها كـ فكره فاسده وبهرجه زايده < ~ متعوب عليهآ هع
بس غصب نسويها يعني (وش زود الناس عنآ) !

اشوا اني بسادس مسوين حفل تخرج ( قطه ) كل وحده عشرين ريال مآنسيتها هع
وجايبين لنا اكسسوارات من ابو ريالين طيب رجعو عشرينتنا ماتسوا علينا هالاكسسوارات , للحين رازتها بالدالوب مدري الدولاب ك ذكرى خالده ذذ!

لكن الصراحه يعني احسها عبرتني شوي ك شعور ومشاعر واحاسيس وكذا يعني تشعر الشخص بالفرح !

ههههههههه.
الله يرج عدوك يا شيخ هع أجل حفلتك كانت تسذا !! لو تدري كيف كانت حفلتي تنتحر من القهر عاد أنا آخر العنقود يعني أاااخر دلع هع
شوف ترا موضوعك جاي بوووقته لأن اللحين أنا حاااابسه مع أرواب التخرج و المطربه
أنا أبوي منهبل مني تخيل بسوي حفلة تخرج مع صحباتي القديمات و حفلة مع صحباتي اللي دحين و حفله مع أهلي و حفلة مع بنات خوالي » قولوا م شاء الله هع
المشكله أنو خواتي و أخواني دوااااافير و لا سوينا لهم شيء غير آخر و حده بعد ما تخرجت من الجامعه و أنا اللي اقترحت الفكره هع أما أنا الداجه مسويه حفل الابتدائي و المتوسط و ان شاء الله الثانوي
أخوي يوم خدا الدكتوراه سوينا له عشاء في استراحة عماني و المشكله يومها الكهرب طفا ههههههههه
و بخصوص الهدايا و الله اللحيين ما ينفع غير بي بي ولا جالكسي و لا أي بإد لأن هدي هي اهتمامات هالجيل
و بخصوص الكرف و الله يأخي خواتك كل يوم يفطرونك و يغدونك و يعشونك و ملابسك تنغسل و تنكوي و عرفتك تتنظف و شاهي رأيح و شاهي جاي و ما قالوا شيءو انتم يالعيال عشان مشوار بالسياره تسوون زحححمه « تحمست هع

ادعوووووا لي بكرا ورأي امتحان رياضيات و توووي جاايه من الرياض

ههههههههههههه

مجنون الزعيم أخيرا كتبت عنوان ينفهم خخخخ

أجل حفلة تخرج من الإبتدائية ههههه , بالله من جدك هذا تسميه تخرج ككك .. والله أنا أيام الإبتدائي كل ما أنجح من صف لـ صف

أقول للوالد أبغى حق النجاح .. ويعطيني خمسين ريال و أنا مبسسوط أكثثر شي ,

لآ وفي مرة رحت أشتريت بالخمسين ريال جهاز سـيـقـا هههههههه .. والله أيام حلوة





دايما تعجبني مواضيعك .. يعطيك العافية