04/04/2012, 12:40 AM
|
| زعيــم جديــد | | تاريخ التسجيل: 01/04/2011
مشاركات: 29
| |
انا ملاحظ ان اغلب اللي احتجوا على التحكيم مشجعين مدريد ، يا جماعة الخير ارحموا عقولنا و خلونا نستمتع بالمباراة و باراء جمهور الفريقين و بالتحليل الفني للمباراة ، شيء يرفع الضغط و محاولات استفزاز ما عندي وصف يليق بها و لا ينزل من قيمة المنتدى و زواره .
نجي للمباراة الحين ..!
ملخص المباراة بالنسبة لبرشلونة : تفنن في تضييع الفرص .
ملخص المباراة بالنسبة للميلان : ابراهيموفيتش ، اليد الواحدة لا تصفق !!!
الليقري صراحة يتحمل جزء كبير من الخسارة ، كلنا عارفين ان التأهل قدام برشلونة بالكامب نو مهمة شبه مستحيلة لكن انت يفترض انك تسوي اللي عليك ، تأهلت و الا اقل شيء تكون اديت اللي عليك.
قضية انك تجدع ابرا بالهجوم لحاله و تقول دبرنا ما تنفع قدام فريق منظم تكتيكاً بشكل كبير ، كل كور الميلان تقريباً كانت تطلع من ابراهيموفيتش ، الهجمة يا اما انها له او انها من صناعته ، ما تتعادل مع برشلونة و انت تلعب بالاسلوب هذا يا سيد اليقري ، لازم تكون منظم هجومياً مثل ما انت منظم دفاعياً ، و الا ناوي على البلنتيات .
و نجي للخطأ الأكبر من هذا ، اخراج بواتينق و ادخال باتو ، يعني معجبك روبينهو انت الحين !!؟ لا و تدخل باتو لاعب مبتعد عن الملاعب فترة كبيرة جداً و تجي تنزله مباراة و انت تشوف الالتحامات البدنية القوية بين اللاعبين ، طيب عندك الشعراوي او ايمانويلسون افضل بكثير من المخاطرة بباتو.
بين الشوطين ، السيد الليقري استمر على نفس اخطائه ، و ما استغل ثغرة واضحة جداً في دفاع برشلونة و اللي هي المساحة اللي يتركها بويول على يساره ، و استمرت المحاولات عن طريق الخنفشاري ابراهيموفيتش اللي شفناه يستلم الكورة في النص و بين 3 لاعبين ضاغطين عليه و يرفع راسه يدور لاعب فاتح معه او اي احد يتحرك او يطلب الككورة و لا يحصل.
المباراة بالنسبة لبرشلونة و للمدرب جوارديولا على النفيض تماماً ، اشراك كوينكا اشوفه انها ضربة معلم و خصوصاً من الناحية الدفاعية و التحرك بدون كرة ، لاعب فاجئني في هالمباراة صراحة مع اني توقعت انه راح يكون عبء.
برشلونة استخدم اسلوبه الهجومي المعتاد من العمق ، و نجح في الوصول لمرمى الميلان مرات عديدة و لكن تفنن في تضييع الفرص من ميسي الى فابريقاس الى تشافي ، صراحة حسيت ان الكورة ما تبغى تدخل المرمى ، و هذا اللي اعجبني بالمدرب جوارديولا ، تمسك بالمبدأ اللي يلعب فيه و ما غير الطريقة الهجومة و الفلسفة اللي ماشي عليها الفريق و نجح.
قبل المباراة كنت مؤمن ان التأهل بيد برشلونة و ليس الميلان ( مع احترامي الشديد ) ، بمعنى ان برشلونة لو استمر في تضييع الفرص راح يندم عليها في المقابل الميلان ما دام الفرق هدف يمديه يعوضه بالراحة.
اشكر من أعماق قلبي جميع من شاركنا برأيه و لم يتطرق للتحكيم . |