إقتباس الرسالة الأصلية كتبت بواسطة الهلالي دائماً يا هلا وغلا اخوي قرقاص والحمد لله على السلامة وما شاء الله عليك التغيير عندك كان بمقاس 360 درجة بصراحة اهنيك على الرحلة الجميلة والاختيار الموفق حقيقة شرق آسيا خيار رائع جدا للسياحة لما فيها من طبيعه واهتمام كبير .. بالنسبة للصين يمكهنا معروفه بساحتها وصناعتها وعجائبها واحسن شي حاجبين تويتر والفيس من شان لا يشغلهم عن العلم والصناعه لكن هونج كونغ كنت اعرفها وانا صغير بدفتر سن توب واقول وش ها الاسم بس بصراحة واضحه ان لديهم سياحه غير شكل وعبقال ما نسوي رحلة الى تلك الديار ان شاء الله أما مكاو وما ادراك ما مكاو ههههه ذكريات التسعات والسبعات حتى صارت مضرب المثل وقالو عن النصر مكاو العرب بس واضح انهم طنشوا الكورة وشدو حيلهم في السياحة على الاقل افلحوا بشي موب حنا يا حسرة علينا لا كورة زي الناس ولا سياحة زي الناس يوووو ذكرتني باص ابو دورين اللي عندنا حق النقل الجماعي كنا نركب فوق ونسووووق ايام وشسمه هذا وراه راز نفسه كوذا هههههه الا يبي يتصور وبعدين سوق الحريم ذا ما يدخلونه العزاب الظاهر انهم ما سمعوا بالقرار الجديد يالله .. البحر والجبل والخضار .. ما اجتمعت في مكان الا كان قمة الجمال .. شكل ديزني عندهم متعه ان شاء الله استانسو جنى وسمو الله يحفظهم لك وعجبهم ديزني لاند هونج كونج الحمد لله على سلامتكم ابو جنى ومحتاجين تفاصيل اكثر عن الرحلة بس مو بالمجلس نبيها على الهواء مباشرة شكرا لك يا صديقي على الموضوع الجميل والتغطية الرائعه . وفقكم الله دائماً .

هلا ابومقبل
شد حيلك وطلق العزوبية واطمر لهونغ كونغ اعمل لك فيها شهر عسل اخر روقاااان

ديزني لاند كانت ممتعة للبنات وسمعت انها فضل من ديزني اللي بامريكا

مكاو الل مضيعهم القمار اللي شغال بصالات الفنادق 24 ساعة

نشوفك ان شاء الله قريب

إقتباس الرسالة الأصلية كتبت بواسطة بنت فهد تقريييير ممتتتتع للغايه ااحس اني عشت جو مع الصووور بس ناقص الاكل ما ذقته رحله موفقققه تقبل مروري

مرحبا ببنت فهد
اسعدني مرورك بس اي اكل تبين تجربينه ؟ المشويات التركية ؟ ولا الأكل الصيني الدجاج المعلق برقبته

إقتباس الرسالة الأصلية كتبت بواسطة x a v i 6 الحمد لله ع السلامه صراحه ماتوقعت كل هالجمال والطبيعه والتطور موجود في اسيا وخصوصا مكاو حتى معالم الدول نسخوها عندهم ماشاء الله هههههه صور خرافيه صراحه ومناظر ولا اروع من كذا وتقرير مميز ياليت اللي عندنا يتطورو نفس هالدول الفقيره

هلا بتشافي قلب برشلونه النابض

ومن قال لك انها دول فقيرة ؟ الناس تلبس احلى لبس وماركات ساعات وشنط والمرسيدس البانوراما زي الكامري عندنا ماغير بنتلي ولومبرغيني وانت جاي

شكرا على مرورك

إقتباس الرسالة الأصلية كتبت بواسطة تركي السلماني تقرير شافي و كافي أخوي قرقاص ! الصين الهوى و الروح ق1 يالطييييييييف ق1ق1 ياحالة قس قس .. ياوجه الله شلون يلقى دبابه ؟؟ ههههههههههههههههههههههههههههههههههههههه معلقين الذبايح .. أذبح أذبح أذبح ع قولة غليص أروح ملح على هالنظرات لك هههههههههههه معجبين ض1 تقرير و لا أروع .. كأني معك ض1ق1

هلا بتركي هلا بعد حيي

من بين كل الصور ماركزت الا على هالمعجبة

تصدق في الصين ذبحونا تصوير في بناتي عشان مسوين شعرهم كيرلي او مجعد ماعندهم هالنوعية من الشعر

اما ذبايحهم هذي الله لا يوريك ويكرم النعمة ريحتها مقرفة وفوق كذا مخنوقه

مرورك هو الأروع

لي عودة لباقي الردود

ياحياتي ياحنااا ..

مساكين ماعندنا شي ...

يعطيك العافيه ع التقرير ..

اهلاً وسهلاً اخي قرقاص انرت المجلس باطلالتك ,,

ماشاء الله رحله سعيده , ولكن عتبي عليك ليه ما اخذتني معك نفسي اتعلم الكونفو

ماشاء الله اطلعتنا ع دول كنا نسمع بها فقط الف شكر لك ولحضورك المميز

تقبل فائق الاحترام والتقدير ,, دمت بخير

هلا قرقاص

شكل ام جنى راضيه عنك الله يرضى عليك

وش اخبار هاي فولتج ما شفته هناك

بصراحه تقرير رائع يكفى ان معده قرقاص والاهم انك ارضيت
هلالي من ارض اليمن لان تقريري عن هونق كونق لم يعجبه

هلا ..

حقيقه بالبدايه الخريطه مأساويه << وحده عجزت تتاقلم مع الخرايط احسها ازمه

ماعلينا ..
لفت انتباهي عدم تواجد معالم اسلاميه قديمه مع ان الفتح الاسلامي واصل لها بعكس الحضاره الانجليزيه والبرتغاليه

وهذا شي جميل يعني الاهتمام بالحضارات حتى لو انها كانت مستحله

عموما الصين مدري ليه احسه شعب عدواني ولا توقعت منه هذي الجماليه في بلادهم

حقيقه عجبني حديقه عين العالم
لانها بطريقه ما حاولت تثقيف شعبها بصوره متقبله لكافه الاعمار والاجناس

وهذا الصوره خياليه


^ مافي مسابقه اجمل صوره
هذي اول اقتراحاتي


ماعندي اضافه الا انها كانت مدينه جميله

شكرا لك

الصور خقققه ..

كم كلفتكم كل ابو السفره ؟

مير اخطط مع ابو العيال نسافر ..

شوكرا لك قرقاص موضوع مميز جدا ..

اختكم .. ام تركي

إقتباس الرسالة الأصلية كتبت بواسطة Sara..=D آلحححمّد الله ع سلـآمتك ,, ممّتعه جددددآ آلرحلة ماشاءلله =)) * ششيء جميل بقول لآبوي عنهـآ =)) لـآن كنت آقوله قبل يقول لاآ لاا صدقيني مو زينه =)) ,, تصصوّير رآقي ,, آلله يوسسع صدركك ب السلامه انت وآهلكك والمسلمين ي حي ي قيوم () - وددّي لكك ''

مرحباسارة

الا زينه ونص خلوه يوديكم

بس اهم شي ماتروحون بالصيف لأن الرطوبة عالية جدا

شاكر مرورك

إقتباس الرسالة الأصلية كتبت بواسطة سمو الهولـاليهـ - تقرير رآئع مراسلـنآ صراحه ماتوقعـتها بهالجمآل ايه الحمدلله ع السـلآمه وسلامة جنى وسميتي *ليش دايماً الدول الي برى شوارعهم مليانه أوادم والله جد مادري هم گثيرين ولا مايستخدمون سيارات ولا شسالفهـ دمـ/ـت بـود

مرحبا بسمية بنتي

شوارعهم مليانه لأن الناس تحب تمشي وتحرق دهون وسكريات مو مثلنا اكل وشرب وقلة حركة والنتيجة سمنة مفرطة وسكر وضغط

شرفتني مشاركتك

إقتباس الرسالة الأصلية كتبت بواسطة ســـــ SMN2002 ـليمان الحمدلله على السلامة ولي عودة دائما مبدع في تقاريرك عن رحلاتك ==================== صراحة تقرير رائع جدا وابداع في التصوير وهونغ كونغ واللي حولها اجواء سياحية ممتازة بس عندهم افخر انواع الشاي وخصوصا في هونغ كونغ بس كنت بالعادة تنزل صور لجنى وسمو بس شكلهم كبروا الله يحفظهم ويصلحهم

هلا برفيق الدرب المخضرم ابوشادن

الحمد لله كانت رحلةجميلة ولاتنسى

اما الشاهي فهناك شي مهم !! يشربونه على كل وقت بارد وحار وتلقاه انواع ونكهات !! وفيه شي سعره غالي بالألاف من الريالات

تشرفت بمرورك

إقتباس الرسالة الأصلية كتبت بواسطة الهنوووف هلا والله بـ ابو جنى وسمو ماشاء الله رحله شكلها ممتعه ومتنوعه احس دول شرق اسيا متقاربه بالاماكن السياحيه انا نفسي اروح الصين واتقضى ماتكلمت عن الاسواق رخيصه نفس مايقولون؟ وفيها شي يستاهل السفر بماليزيا اتذكر رجال ماليزي يسولف لنا يقول ان الصينين هنا حبوبين مو نفس الصينين الي ببلدهم فـ كيف شفتوا الصينين والشعوب هناك وتعاملهم معاكم ؟ والحجاب متقبل نفس ماليزيا ؟ والتكلفه معقوله نفس ماليزيا واندونيسا وسيرلانكا والخ ؟ فز قلبي للمحجبه عاد بالسفر الواحد يفرح بهم مجسمات المعالم فكره بطله عجبتني ماشاء الله ناس تفكر باشياء غريبه وجديده المطاعم العربيه لازم يضربون لك بالاسعار بس شخصيا احس من حقهم دامهم تغربوا علشان لقمه العيش يستاهلون \ / تقرير مميز وتعليقاتك ع الاماكن خلتنا نعيش جوالرحله وماشاء الله باين انك من محبين السفر وش احلى دوله رحت لها ؟ الحمد لله ع سلامتكم وننتظر تقارير اخرى الهنووف كانت هنا ورحلت

مرحبا بالهنوف

انارحت لشرق اسيا دول كثير بس زي هونغ كونغ مافيه رغم تشابه الطبيعه والوجوه

الصين فيها اسواق كثير وفيها بضائع بجودة عاليه مثل اللي تصدر لأمريكا مو الرديئة اللي يجيبونها تجارنا لنا

وبالنسبة للشنط والساعات الماركات التقليد فلم نجدها الا بالخفيه والسبب ان الشرطة اصبحت تطاردهم اخر سنتين

الحجاب شي عادي هناك ولايلفت الأنظار وقد شاهدت مسلمة صينية تلبس النقاب الأسود وتمشي بكل راحة

تشرفت بمرورك