طفولة زمان .. وطفولة الآن .. بين مصائبنا ومصائبهم .. شتان ! - نادي الهلال السعودي - شبكة الزعيم

محلل صاحب فكر · #1 25/03/2012, 02:35 PM

بِسْم الله الرَّحْمَن الرَّحيم

مع الإجازة .. يحلى الجو .. وتنشرح الأرواح .. بعيد عن دوشة الدوامات .. وضجيج العمل ..

بدخل في الموضوع دوغري ..
لكل جيل طفولة .. ولكل طفولة اهتمامات .. لكن الغريب والمؤلم .. لما تخرج عن كلمة طفولة عن البراءة .. في ذلك الجيل ..
حنين الطفولة .. أيام رائعة من حياتنا .. كيف يمكن أن ننساها ..!

في أيام الزمن الجميل .. في الماضي .. كنا :
نصحى الصباح .. على حنية الأهل .. عاد لاحد يشوف الحماس .. بالذات اللي أول سنة .. نقوم نغسل وجهنا ونصلي ونرجع .. نلبس ونتجهز ونروح للمدرسة مع دعوات الوالدة .. الوالد يوصلنا .. إلى باب المدرسة ..

في المدرسة .. طابور الصباح .. كان له هيبة .. الكل كان في التمارين شعلة نشاط وحيوية .. الإذاعة كنا نتسابق ونتنافس مين الأحسن فيها ومين اللي يستحق يشارك .. الكشخة لابد منها .. شماغ وعقال .. كله لعيون الإذاعة .. كانت الإذاعة مفيدة جدا .. تكسبنا معلومات وثقة بالنفس .. المدرسين كان لهم هيبة .. مانقدر نرد عليهم .. لهم احترام مثل الوالد ..

ما أروع العاب ذلك الزمن :
شرطي حرامي .. وعلبة الموية كانت ماركة اديداس .. كانت كورة زماننا .. طاق طاقية .. صبحكم بالخير يا عمال العمالية .. الغميضة .. الدحل .. المزويقة .. الكيرم .. فتَّحي ياوردة .. أتاري .. العائلة .. وسوني 1

اللي يدلك انها العاب اطفال .. هذي الجملة :
بُصل بُصِل بُصِيلة .. نهار العيد تعشينا .. تعشينا ملوخية .. واللحمة المسلوقية << نفسي افهم .. كيف نتعشى في النهار ..!

كنا بريئين .. حتى يوم نتضارب .. خمس دقايق ونرجع حبايب .. القلوب تتصافى .. وهي أصلا بيضاء مثل كرة ثلج ..

بعد ما نرجع من المدرسة .. في البيت .. اول ما ندخل نسلم على العائلة الكريمة .. وجري نروح نرتب أغراضنا عشان نلحق على سسبيستون .. الله على أيامها هذي القناة .. لما كنا نتعلم منها الأخلاق والطيبة .. ماكانت تدس السم في العسل .. كنا نتأثر في اللي تعرضه بشكل كبير .. بالذات شوتة الكابتن ماجد .. ترفع رجولك بالهواء فوق لين يجيك شد عضلي ..

فاصل قديم :
داي الشجاع .. هزيم الرعد .. كابتن ماجد .. سلام دانك .. عدنان ولينا .. فلونة .. هايدي .. ماوكلي .. أنا وأخي .. جراندايزر .. جومانجي .. ليدي ليدي .. روبن هود .. أبطال الديجيتال .. أدغال الديجيتال .. سالي .. القناص .. بيدا بول .. سندباد .. النمر المقنع .. ريمي .. بوكيمون .. صاحب الظل الطويل .. عهد الأصدقاء .. ساندي بل .. كعبول .. فلة والأقزام السبعة .. جزيرة الكنز .. زورو .. عبقور .. الرجل الحديدي .. موكا موكا .. سابق ولاحق <<< أدري كل واحد يقرا اسم ويمر عليه حلقة من كل واحد ..

أكتفي رغم حنيني لأسهب في الذكر .. ذكريات لا أكاد أصدق مفارقتها .. أدفع الألماس لكي تعود تلك الأيام ..

كنا ناكل أكل منزلي .. الأم والأخت والجدة تطبخ .. كنا ناكل وجبتين .. الأكل نفسه .. وأصابعنا وراه ..
الجار للجار كنا أخوة .. حتى بالفزعات كان الجار يفزع قبل الأخو .. ماكان أحد يزعل من أحد ..
كان الجار يربي ولد جاره .. والعكس صحيح .. حتى لو صكه كف ماحد يتكلم .. لأن الهدف واحد وهو التربية ..
كان كل شيء فيه بركة .. الوقت والمال وحتى الأبناء ..

في هالزمن .. اختلفت الأوضاع كثير .. تعالوا نشوف :
الابن ماصار طفل .. صارت مراهقة مبكرة جدا ..
لما يقوم للمدرسة .. هو ما يقوم صراحة .. لأنه بيكون مواصل من اليوم اللي قبله .. يروح المدرسة .. طابور الصباح نعسان .. في الفصل نوم .. او بلاك بيري .. على حسب الطالب ونوع دشرته .. مو الكل طبعا .. انا اتكلم عن فئة معينة .. انواع الشتائم .. تستحي الأذن من سماعها .. الدخان صار عادة .. الا من رحم ربي ..

غير كذا .. التباعد بين أفراد المجتمع .. الأسرة .. الجيران .. بعضهم صار يعيش في عالم افتراضي .. النت ..
يطلع الطالب من المدرسة .. يرجع البيت .. يرمي الشنطة .. يدقها نومة ليييين السسآعةة 10 ومابعدها .. مواصل للصبح .. حتى الهوايات اختلفت .. والاهتمامات تغيرت ..
حتى سبيستون صار قليل اللي يششوفها .. صرنا جيل ذا روك واندر تيكر واحلام .. <<< آخر وحدة مالها شغل ؟

فاصل حديث :
المصارعة الحرة .. أفلام اكشن .. عرب آيدول .. عرب قوت تالينت .. برنامج الحيوانات المفترسة .. أغاني .. سوني 3 .. آي فون .. آي باد .. ماسنجر .. سكاي بي .. بلاك بيري .. تفحيط .. النووم .. <<< ماعرف كثير

زمان يوم كنت رجولك تتصافق من الخوف .. المصيبة اللي تكون مسويها .. كاسر لك شيء .. مآذي ولد الجيران وشارد .. أشياء مشابهة ..

هالزمن .. مخدرات .. دخان .. مصائب أخلاقية ..

طيحني <<< طاح الآدب من عقول الناس
كدش <<< لا أدري ماعلة شعرهم .. قد نفش
موضة دخيلة .. تقليد أعمى للغرب .. قلة احترام .. لا أتكلم عن الكل .. فهناك الكثير من الناس الطيبة ..
لكن المصيبة في من أصبح الغرب قدوتهم .. الله يعوضنا

لا أتكلم بشكل عام .. هناك الصالح والطالح ..

شطحة /
مو عشان موضوع يتكلم عن الزمن الماضي تحسبوني عجوز .. بعز شبابي ترى ..!

مخرج /

^^
دمتم سالمين ..