#1  
قديم 25/03/2012, 02:35 PM
الصورة الرمزية الخاصة بـ محلل صاحب فكر
عضو تحرير مجلة الزعيم
تاريخ التسجيل: 13/02/2011
المكان: المدينة المنورة ، أرض الطمأنينة .
مشاركات: 1,099
طفولة زمان .. وطفولة الآن .. بين مصائبنا ومصائبهم .. شتان !

بِسْم الله الرَّحْمَن الرَّحيم

مع الإجازة .. يحلى الجو .. وتنشرح الأرواح .. بعيد عن دوشة الدوامات .. وضجيج العمل ..


بدخل في الموضوع دوغري ..

لكل جيل طفولة .. ولكل طفولة اهتمامات .. لكن الغريب والمؤلم .. لما تخرج عن كلمة طفولة عن البراءة .. في ذلك الجيل ..
حنين الطفولة .. أيام رائعة من حياتنا .. كيف يمكن أن ننساها ..!


في أيام الزمن الجميل .. في الماضي .. كنا :

نصحى الصباح .. على حنية الأهل .. عاد لاحد يشوف الحماس .. بالذات اللي أول سنة .. نقوم نغسل وجهنا ونصلي ونرجع .. نلبس ونتجهز ونروح للمدرسة مع دعوات الوالدة .. الوالد يوصلنا .. إلى باب المدرسة ..

في المدرسة .. طابور الصباح .. كان له هيبة .. الكل كان في التمارين شعلة نشاط وحيوية .. الإذاعة كنا نتسابق ونتنافس مين الأحسن فيها ومين اللي يستحق يشارك .. الكشخة لابد منها .. شماغ وعقال .. كله لعيون الإذاعة .. كانت الإذاعة مفيدة جدا .. تكسبنا معلومات وثقة بالنفس .. المدرسين كان لهم هيبة .. مانقدر نرد عليهم .. لهم احترام مثل الوالد ..


ما أروع العاب ذلك الزمن :

شرطي حرامي .. وعلبة الموية كانت ماركة اديداس .. كانت كورة زماننا .. طاق طاقية .. صبحكم بالخير يا عمال العمالية .. الغميضة .. الدحل .. المزويقة .. الكيرم .. فتَّحي ياوردة .. أتاري .. العائلة .. وسوني 1

اللي يدلك انها العاب اطفال .. هذي الجملة :
بُصل بُصِل بُصِيلة .. نهار العيد تعشينا .. تعشينا ملوخية .. واللحمة المسلوقية << نفسي افهم .. كيف نتعشى في النهار ..!

كنا بريئين .. حتى يوم نتضارب .. خمس دقايق ونرجع حبايب .. القلوب تتصافى .. وهي أصلا بيضاء مثل كرة ثلج ..

بعد ما نرجع من المدرسة .. في البيت .. اول ما ندخل نسلم على العائلة الكريمة .. وجري نروح نرتب أغراضنا عشان نلحق على سسبيستون .. الله على أيامها هذي القناة .. لما كنا نتعلم منها الأخلاق والطيبة .. ماكانت تدس السم في العسل .. كنا نتأثر في اللي تعرضه بشكل كبير .. بالذات شوتة الكابتن ماجد .. ترفع رجولك بالهواء فوق لين يجيك شد عضلي ..


فاصل قديم :
داي الشجاع .. هزيم الرعد .. كابتن ماجد .. سلام دانك .. عدنان ولينا .. فلونة .. هايدي .. ماوكلي .. أنا وأخي .. جراندايزر .. جومانجي .. ليدي ليدي .. روبن هود .. أبطال الديجيتال .. أدغال الديجيتال .. سالي .. القناص .. بيدا بول .. سندباد .. النمر المقنع .. ريمي .. بوكيمون .. صاحب الظل الطويل .. عهد الأصدقاء .. ساندي بل .. كعبول .. فلة والأقزام السبعة .. جزيرة الكنز .. زورو .. عبقور .. الرجل الحديدي .. موكا موكا .. سابق ولاحق <<< أدري كل واحد يقرا اسم ويمر عليه حلقة من كل واحد ..

أكتفي رغم حنيني لأسهب في الذكر .. ذكريات لا أكاد أصدق مفارقتها .. أدفع الألماس لكي تعود تلك الأيام ..

كنا ناكل أكل منزلي .. الأم والأخت والجدة تطبخ .. كنا ناكل وجبتين .. الأكل نفسه .. وأصابعنا وراه ..

الجار للجار كنا أخوة .. حتى بالفزعات كان الجار يفزع قبل الأخو .. ماكان أحد يزعل من أحد ..
كان الجار يربي ولد جاره .. والعكس صحيح .. حتى لو صكه كف ماحد يتكلم .. لأن الهدف واحد وهو التربية ..
كان كل شيء فيه بركة .. الوقت والمال وحتى الأبناء ..

في هالزمن .. اختلفت الأوضاع كثير .. تعالوا نشوف :

الابن ماصار طفل .. صارت مراهقة مبكرة جدا ..
لما يقوم للمدرسة .. هو ما يقوم صراحة .. لأنه بيكون مواصل من اليوم اللي قبله .. يروح المدرسة .. طابور الصباح نعسان .. في الفصل نوم .. او بلاك بيري .. على حسب الطالب ونوع دشرته .. مو الكل طبعا .. انا اتكلم عن فئة معينة .. انواع الشتائم .. تستحي الأذن من سماعها .. الدخان صار عادة .. الا من رحم ربي ..

غير كذا .. التباعد بين أفراد المجتمع .. الأسرة .. الجيران .. بعضهم صار يعيش في عالم افتراضي .. النت ..

يطلع الطالب من المدرسة .. يرجع البيت .. يرمي الشنطة .. يدقها نومة ليييين السسآعةة 10 ومابعدها .. مواصل للصبح .. حتى الهوايات اختلفت .. والاهتمامات تغيرت ..
حتى سبيستون صار قليل اللي يششوفها .. صرنا جيل ذا روك واندر تيكر واحلام .. <<< آخر وحدة مالها شغل ؟

فاصل حديث :
المصارعة الحرة .. أفلام اكشن .. عرب آيدول .. عرب قوت تالينت .. برنامج الحيوانات المفترسة .. أغاني .. سوني 3 .. آي فون .. آي باد .. ماسنجر .. سكاي بي .. بلاك بيري .. تفحيط .. النووم .. <<< ماعرف كثير

زمان يوم كنت رجولك تتصافق من الخوف .. المصيبة اللي تكون مسويها .. كاسر لك شيء .. مآذي ولد الجيران وشارد .. أشياء مشابهة ..

هالزمن .. مخدرات .. دخان .. مصائب أخلاقية ..

طيحني <<< طاح الآدب من عقول الناس

كدش <<< لا أدري ماعلة شعرهم .. قد نفش
موضة دخيلة .. تقليد أعمى للغرب .. قلة احترام .. لا أتكلم عن الكل .. فهناك الكثير من الناس الطيبة ..
لكن المصيبة في من أصبح الغرب قدوتهم .. الله يعوضنا

لا أتكلم بشكل عام .. هناك الصالح والطالح ..


شطحة /
مو عشان موضوع يتكلم عن الزمن الماضي تحسبوني عجوز .. بعز شبابي ترى ..!


مخرج /



^^
دمتم سالمين ..
اضافة رد مع اقتباس
  #2  
قديم 25/03/2012, 02:48 PM
زعيــم متواصــل
تاريخ التسجيل: 01/10/2011
مشاركات: 165
أنت من جيل السبيستون !!! أجل ما لحقت على أيام العز ..

مساكين أطفال الأيام هذي من جد مساكين ... مو عايشين طفولتهم أبداً ... لما طفل طول اليوم جالس ورا النت او الأجهز اي فون أو اي بود أو البلاك أوغيرها أحسن بأن جزء مهم من حياته راح هدر ..



(( مجلسنا الموقر ... أخونا الدوق عضو نشيط .. إللي مثله ما يتوقف .. وإذا مو عاجبكم كلامه ردو عليه بالحجة والدليل ))
.
.
.
اضافة رد مع اقتباس
  #3  
قديم 25/03/2012, 02:51 PM
الصورة الرمزية الخاصة بـ محلل صاحب فكر
عضو تحرير مجلة الزعيم
تاريخ التسجيل: 13/02/2011
المكان: المدينة المنورة ، أرض الطمأنينة .
مشاركات: 1,099
إقتباس
الرسالة الأصلية كتبت بواسطة ربيعة
أنت من جيل السبيستون !!! أجل ما لحقت على أيام العز ..

مساكين أطفال الأيام هذي من جد مساكين ... مو عايشين طفولتهم أبداً ... لما طفل طول اليوم جالس ورا النت او الأجهز اي فون أو اي بود أو البلاك أوغيرها أحسن بأن جزء مهم من حياته راح هدر ..



(( مجلسنا الموقر ... أخونا الدوق عضو نشيط .. إللي مثله ما يتوقف .. وإذا مو عاجبكم كلامه ردو عليه بالحجة والدليل ))
.
.
.


قاييللك صصغير انا

الأجيال اللي قبلي كانت احلى واحلى ..

شاكر مرورك ..
اضافة رد مع اقتباس
  #4  
قديم 25/03/2012, 03:02 PM
الصورة الرمزية الخاصة بـ @@almoreb@@
زعيــم مميــز
تاريخ التسجيل: 27/08/2007
المكان: بوابة برلين - منطقة البوتسدامر
مشاركات: 3,144
إقتباس
داي الشجاع .. هزيم الرعد .. كابتن ماجد .. سلام دانك .. عدنان ولينا .. فلونة .. هايدي .. ماوكلي .. أنا وأخي .. جراندايزر .. جومانجي .. ليدي ليدي .. روبن هود .. أبطال الديجيتال .. أدغال الديجيتال .. سالي .. القناص .. بيدا بول .. سندباد .. النمر المقنع .. ريمي .. بوكيمون .. صاحب الظل الطويل .. عهد الأصدقاء .. ساندي بل .. كعبول .. فلة والأقزام السبعة .. جزيرة الكنز .. زورو .. عبقور .. الرجل الحديدي .. موكا موكا .. سابق ولاحق

كل ذي شفتها وانا بنهاية الابتدائي وبداية المتوسطة !! أتاريني عشت طفولتي طول بعرض

والله الأيام تغيرت وكل جيل تتكالب عليه الحياة أكثر من الجيل اللي قبله ... وكل واحد راضي بقسمته ونصيبه ولله الحمد

الجيل السابق يقول طفولتي رائعة وأيامي فيها لا توصف .. والجيل الحالي يقول روحوا وانت وطفولتكم اللي كلها غبار واللي مافيها شئ للاستمتاع ...


بس والله صداق يا اخوي .. القيم والأخلاق السابقة بدأت بالاندثار وأصبحت شئ من التراث !! وخاصة العلاقة بين الجيران .. وعادات البيوت الداخلية ..!!

والله ودي أسهب في كلامي .. ولكن أخاف أرجع كثيرا للماضي وبصراحة أنا انسان مغترب ويؤلمني كثيرا الرجوع للماضي ..!!

وختاما أحب أشكر الأخ ربيعة وانا متضامن أيضا مع دوق فليد وأقول معه

(( مجلسنا الموقر ... أخونا الدوق عضو نشيط .. إللي مثله ما يتوقف .. وإذا مو عاجبكم كلامه ردو عليه بالحجة والدليل ))
اضافة رد مع اقتباس
  #5  
قديم 25/03/2012, 03:31 PM
زعيــم مميــز
تاريخ التسجيل: 14/04/2009
المكان: ][ الريـآض لـآنـد ][
مشاركات: 3,888
إقتباس
الرسالة الأصلية كتبت بواسطة محلل صاحب فكر
طفولة عن البراءة .. في ذلك الجيل ..






الطفولة سابقاً كلها براءة
أما الآن فقد نزعت هذة البراءة بسبب الإعلام الفاسد ..



إقتباس
(( مجلسنا الموقر ... أخونا الدوق عضو نشيط .. إللي مثله ما يتوقف .. وإذا مو عاجبكم كلامه ردو عليه بالحجة والدليل ))

نتمنى رفع الإيقاف عن العضو دوق فليـد هذا الشخص لا يستحق الإيقاف
يا ليت مشرفين المجلس العام المحترمين يعيدون النظر في إيقافه
اضافة رد مع اقتباس
  #6  
قديم 25/03/2012, 03:37 PM
الصورة الرمزية الخاصة بـ Sara..=D
زعيــم مميــز
تاريخ التسجيل: 23/10/2010
المكان: Al-riyadh
مشاركات: 3,413
وعليكم السلآم ورحمة الله وبركـآته ,’,
قبل مآ آقول آي شيء بعلق ع الموضوع بشكل عـآم :
- موضووع ف الصميم ,, جميل جدًا ,, آعجبني آسلوبك فَ الطرّح .. لاهنت أخووي بصراحة
,,
طفولة المـآضي ,, وطفوولة الحين ,, نقدر نقول تنـآقضضضّت و بشددّة ..
آلحين آلي جيلنـآ احنا .. طفولتنا شيء عن طفولة الحين ,, لكن طفولة الي قبلنـآ" أجمل وآجمل "
شيء مؤسف تكّون ف انحدار وتغير! ,,
,,
1/ الكبتن ممآجد ككنت من عششآقةة صح بنت ,, بس ما يتآبعه ف بيتنا الا انا واخووي آووه نخلص شايفينه نقوم نقلّد .. وآحسب وآغلط كم مررره آنكسرنآ بسبب التقليد
,,
2/ في شيء لآحظته آول لعب وحركه وطق وطقيق الحين .. آلكبآر ف السن آشك آنهم يتحرّكون آكثر منّهم ,, ! للأسف
,,
3/ أول البزر يحترّم آممه آبوهـ .. لآجآء يطلب وش لعبهّ .. آسسبوع يفكر وش يقول آلحين ! كل شوي جهـآز .. ومن يطلع شيء جديد .. يطلبه ع لطووول ! شيء ممؤسف صرآحة ! .
,.
4/ التّدخين غير آنه صآر عآدة ,, آلولد آلي مآ يدخن مدري وش غريب ! للأسف للأسف
حتى البنـآت صآروا ! .. زي بنت قدامي ف الفصل " الله يستر علينا وعليها " .. تسولف علي ومدري كيف .. علاقتي مو قوية ولا ضعيفى معااها ! جت قآلت انه خالي يدخّن وانه لا رحت "للقصيم ف الاجازه " متفقه مع بنت خالتي لا طلع ندخل ناخذ نجرب اني اعشق ريحته مدري وش ! >< .. بسس آششوآ كلمتها لين ما غيرت رايها * انا ما ادري وش يحّبون ف ريحته يككّتم وبسس للأسف ! ,,
,,
5/ نسيت المحقق ححححبي له ي ان اخوي يذذذّلني عششآن يخليني آششوف حلقه معه للحين ينّعررض وربي لاجاء مرات اجلس اناظره ماعندي اي مشكلة x_x
,,
6/ الآفلام كرتوون حقتهم آلحين ,, ف ا ش ل ة ,, ب كل اختصـآأر ! واكررررّه ما عندي الي تجيك مخلللّوقات ما تدري وين موقعها من الاعراب ,, لا هيب حيوانات ولا هيب آوآدم .. ولا وحوش >< ! ولآ مخلوقآت فضآئيه .. ويقطع آم السمآجة الي تصير ! ,, لا تعليق فففعلًأ !
,,
# وف الاخير بقول نفس مآ قآل محلل ,, ترى تووّي آصصغر منه حتى =)) * اتوقع ,,
والكلام ما ينطبق ع الكل =)) البعض ..
..
خخلآصص بوقف$
* آسسسفه ع الإطآلة آخوي "محلل صآحب فكرة " لكن موضضوعك يستّحق ذلك وآكثرر
- ألف شششكر لكك والله ب آنتظـآر جديدكك
اضافة رد مع اقتباس
  #7  
قديم 25/03/2012, 04:35 PM
زعيــم فعــال
تاريخ التسجيل: 30/05/2009
مشاركات: 393
من كلامك شكلك من مواليد التسعينات..

إقتباس
داي الشجاع .. هزيم الرعد .. كابتن ماجد .. سلام دانك .. عدنان ولينا .. فلونة .. هايدي .. ماوكلي .. أنا وأخي .. جراندايزر .. جومانجي .. ليدي ليدي .. روبن هود .. أبطال الديجيتال .. أدغال الديجيتال .. سالي .. القناص .. بيدا بول .. سندباد .. النمر المقنع .. ريمي .. بوكيمون .. صاحب الظل الطويل .. عهد الأصدقاء .. ساندي بل .. كعبول .. فلة والأقزام السبعة .. جزيرة الكنز .. زورو .. عبقور .. الرجل الحديدي .. موكا موكا .. سابق ولاحق

كل المسلسلات هذي مابين فتره وفتره افتح اليوتيوب واسمع المقدمه..
ذكريات ممتعه

إقتباس
مجلسنا الموقر ... أخونا الدوق عضو نشيط .. إللي مثله ما يتوقف .. وإذا مو عاجبكم كلامه ردو عليه بالحجة والدليل

اتمنى ذلك..

شكرا جزيلا لك..
اضافة رد مع اقتباس
  #8  
قديم 25/03/2012, 05:52 PM
الصورة الرمزية الخاصة بـ الهلالـmemeـية
زعيــم فعــال
تاريخ التسجيل: 01/12/2011
المكان: خط التماس
مشاركات: 424
والله البزارين هالأيام صايرين عجول مع قصر قامتهم إلا انهم شايفين نفسهم ...

وع فكرة هذي من علامات الساعة اللهم لا اعتراض...

تصدق عاد انبسطت ع الموضوع بالذات لما تكلمت عن سبيستون أنا الحين عمري 18 وأتابع

يقولون وخري يالمغبر أفتخر اني مغبرة والله تهبل سبيستون...

مو الحين ام بي سي 3 ... التفصخ قايم وأشكال أعوذ بالله وحركات قليلة أدب ...

خلاص راحت ذيك الأيام ... لكن... في من يربي عياله ع الأخلاق الزينة ...

والخير يخص والشر يعم...^^
اضافة رد مع اقتباس
  #9  
قديم 25/03/2012, 06:46 PM
الصورة الرمزية الخاصة بـ غلاكـ ماينتهي
زعيــم مميــز
تاريخ التسجيل: 06/06/2011
المكان: المدينة المنورة ..
مشاركات: 4,145
زمان كان كل شي حلو .. حتى اغاني المغامرات لها معنى زي " الخطوة تدفع خطوة الماضي يُفهم يُطوى " < ابطال الديجيتال... افضل مغامرة ..

اتذكر زمان كنت دافورة واذاكر من دون محد يقول لي والحين يا حسرة يذاكرون بالعافية وان رضوا يذاكرون ما يركزون..

واممم اتذكر طفولتي الشقية كنت لما اروح عند جدتي اخرج من العصر وما يشوفوني الا 9 الليل

طبعا كل ذا الوقت نلعب " واحد طش " ههههه لعبة خطيرة
كنت انا واخواني وخالي وولد جيرانهم ...اتذكر مرة اندسيت انا واخويا بعمارة خالتي والباقي بدرج سطح المسجد والثانيين بالدكة ههههههههه
لا واذا بتنا عند جدتي ما كان يجينا نوم لانه نبي نستغل كل دقيقة الله يخليها جدتي كانت تغصبنا ع النوم ومرة خالي شرد من الغرفة وخلاني لحالي ولما جدتي غطت بسابع نومة جا وناداني وانا وياه نفحط للسطح نولع الحطب بايام البرد ونسوي يعنني فطور ههه لا والحليب احيانا ينحرق ..

اتمنى ترجع ايام زمان ايام الحش والضحك والمقالب مو دحين كل مين. مدنق على جواله .

الله يصلح الحال بسس

شكرا ع المووضوع ..~
اضافة رد مع اقتباس
  #10  
قديم 25/03/2012, 08:03 PM
f-j f-j غير متواجد حالياً
زعيــم فعــال
تاريخ التسجيل: 25/07/2008
المكان: الحد القلم (بالمستحــيل)!
مشاركات: 358

هلا بأخي (محلل) مساءك خير ومطر الغيث الجميل

مع عدم اتفاقي مع تمامًا في الفكرة التي طرحتها في موضوعك
لأن لدي أخوين صغيرين أرى في أحدهما طفولتي إلى حد كبير
إلًا أنني سأوضح نقطتين من زاويتين مختلفتين:
الأولى/ أنت وأنا يا صديقي صرنا أكبر من اهتماماتنا سابقًا واختلفت ميولنا
واختلفت رغباتنا واحتياجاتنا لذا من الصعب أن تطابق احساسك الحالي بالسابق
الثانية/ قد تكون المؤثرات زادت مركزية على الطفل نفسه وأعني هنا
ما يتلقاه خارج البيت أو من الشاشات التي أجزم أن أغلب من يقف خلفها
أُناس لا يهمهم إلا الورقة المالية فقط
هذا بالإضافة إلى الوسائل الاتصالية التي دخلت إلى العقول من غير طرق لبابها

عمومًا حتى أغلب الشباب لم يعدوا كمن سلفهم وهذا ما أسمعه وأقراه أيضًا
وحتى الرجال وحتى كل شئ ...

شكرًا لك يا محلل موضوع قيّم.
اضافة رد مع اقتباس
  #11  
قديم 25/03/2012, 08:32 PM
عضو تحرير مجلة الزعيم
تاريخ التسجيل: 21/08/2009
المكان: الرياض
مشاركات: 2,438


آلسلآم عليكم ورحمة الله وبركآتة

لاشئ يبقى للأبد ..! لكل جيل حياة ..
إسمحلي آخي الكريم إنت قآرنة بين :
طفولة المآضي ومرآهقة الحآضر ..!
بعض إطفآل احيآنا يعيشون الي ذكرت
الاغلب يعيشونه بالمرآهقة

إنا كمثال :
عشت بطفولتي كاالفآصل المآضي :
إقتباس
داي الشجاع .. هزيم الرعد .. كابتن ماجد .. سلام دانك .. عدنان ولينا .. فلونة .. هايدي .. ماوكلي .. أنا وأخي .. جراندايزر .. جومانجي .. ليدي ليدي .. روبن هود .. أبطال الديجيتال .. أدغال الديجيتال .. سالي .. القناص .. بيدا بول .. سندباد .. النمر المقنع .. ريمي .. بوكيمون .. صاحب الظل الطويل .. عهد الأصدقاء .. ساندي بل .. كعبول .. فلة والأقزام السبعة .. جزيرة الكنز .. زورو .. عبقور .. الرجل الحديدي .. موكا موكا .. سابق ولاحق



وهآإنا إعيش بمرآهقتي بالفآصل الحديث :

إقتباس
المصارعة الحرة .. أفلام اكشن .. عرب آيدول .. عرب قوت تالينت .. برنامج الحيوانات المفترسة .. أغاني .. سوني 3 .. آي فون .. آي باد .. ماسنجر .. بلاك بيري .. النووم ..




إطفآلنا حاليا للإسف الشديد
لم يجدو مآوجدنآ نحن بالمآضي ..!
إفتح على آي قناة إطفآل شآهد بنفسك ..؟!
يشيب شعر رآسكك ممآسوف ترأ ! الا مآرحم ربي ؟!

البراءة إنعدمت ! وللإسف إطفالنا يأخذون سلوكيآت منهم
ايبآد .. ايفون .. إشرطه السوني ..الخ ؟! سبب الخرآب
دلع الاهل الزآيد من إكبر إسباب الخرآب ..؟!
بالسآبق لما يبكي الطفل نظرة من ابية تهجده !
اما الان لايخاف من ابو والا إم والي يريده لابد ان يحصل علية ..!
للإسف هذآ مآيحصل حآليا ..!


عذرآ على الاطآله
يعطيكك آلعافية .. شكرآ لكك
دمت بحفظ الرحمن


اضافة رد مع اقتباس
  #12  
قديم 26/03/2012, 12:57 AM
الصورة الرمزية الخاصة بـ ام تقويم فوشي =$
زعيــم متواصــل
تاريخ التسجيل: 16/05/2011
المكان: في قلب الخبر !!
مشاركات: 95
والحين أصلا فيه طفولة !
الاعلام الجديد طمس الطفوله للأسف , أمس كنت أناظر اخوي الصغير
وهو ماسك الايباد واتذكر كيف كنا اول بدون هالأشياء وكنا مرة مبسوطين
ومرتاحين والحين كل شي متوفر لهم ومع هذا 24 ساعه طفشانين !
غير الغزو الفكري من هالأشياء ومع هذا ظروف كثيرة في وقتنا الحاضر
خلت الأطفال عقولهم تسبق أعمارهم
احنا مالحقنا الا على حرب الخليج وفي منا ناس مالحقت
عليها بعد ..


على طاري سبيستون لحد الحين أتابعهآ , وكل ما أمسك الريموت لازم امر على
هذي القناة
اضافة رد مع اقتباس
  #13  
قديم 26/03/2012, 03:40 AM
الصورة الرمزية الخاصة بـ Mr.B.H.T
زعيــم نشيــط
تاريخ التسجيل: 23/11/2011
المكان: mAkkAh
مشاركات: 976
خخخخخخخخخخخخ


شكلك من العاشقين لسبيستون


والله الموضوع جدا رائع أستمتعت بقرائته , يا ليت الزمن يرجع












(( مجلسنا الموقر ... أخونا الدوق عضو نشيط .. إللي مثله ما يتوقف .. وإذا مو عاجبكم كلامه ردو عليه بالحجة والدليل ))



أضم صوتي لـ صوتك أخ ربيعة , دوق فليد أكثر عضو أتابع مواضيعه
اضافة رد مع اقتباس
  #14  
قديم 26/03/2012, 04:05 AM
الصورة الرمزية الخاصة بـ 9متيمة الزعيم9
زعيــم مميــز
تاريخ التسجيل: 17/01/2009
المكان: تحت المطر
مشاركات: 1,683
أهلا محلل صاحب فكر
بالفعل شتّآن بين أطفال المآضي وأطفآل الآن لا من نآحية التفكير ولا الإهتمآمآت
يعني أطفال اليوم نخآف عليهم من كل شي ، من ما يعرض في التلفزيون ، من التقنيآت بأشكالهآ


سبيستون أعتقد قبل فترة قصيرة احتفلت بإكمآل العآم الحآدي عشر
لمّآ يحطّون الصغار عليها في البيت يعجبني فآصل أغنية صغير
يتكرر في كل عآم
بِجوآركِ بآقون ..دُمتِ يا سبيستون.
دُمتِ يا سبيستووون

يا حلوها والله إنهآ أطلق قنآة أطفال

شكرآ أخوي عالموضوع
اضافة رد مع اقتباس
  #15  
قديم 27/03/2012, 12:16 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895
متمنياً ان يرجع الماضي الجميل .. أتذكرون ؟

بالفعل طفولة زمان كانت براءة وعلى الفطرة ..
كانت جميل بكل ما فيها .. كانت صافيه الى ابعد الحدود
لي صديق منذ الطفولة حتى الان وبيتهم مقابل بيتنا
كنت انام عندهم وينام عندنا ونعلب معاً ونخرج معاً
ونتقاسم كل شيء في الدنيا ..
والان له اخ بعمر أخي الصغير لييس بينهم اي علاقه
ولا يتقابلون في السنة الا حسنه !! لقاءات صفراء !!

فشتان ما بين الجيلين !

شكرا لك يا صديقي .
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:17 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube