#1  
قديم 21/03/2012, 12:55 PM
الصورة الرمزية الخاصة بـ 9متيمة الزعيم9
زعيــم مميــز
تاريخ التسجيل: 17/01/2009
المكان: تحت المطر
مشاركات: 1,683
عروس كيكة زفافها من نار!!

القصه مؤثره مرا لاتهملونها منقوله عن صاحبة القصه
القصه حقيقيه وترى ابطالها حقيقين واسمائهم حقيقيه لاتنسوون اقروا الملاحظه
اللي باخر القصه
نبتدي على لسان صديقة بطلة القصه:
حصه هي بطلة هالقصه كان مقرر زواجها بـ
29/1/2010 لكن قدر الله وماشاء فعل

حصه بنت طيبه بكل معنى الكلمه ومحبوبه حييل من كل اللي حواليها من الاهل والاصدقاء
وفوق هذا جميله لكنها ماتتباهى بهالجمال بالمره وماشيه على النيه
حصه تعشق شي اسمه نت وتقريبا يومها كله يروح بالقعده ورى هالكمبيوتر وماشاءالله
عليها بكل موقع تدخله تتميز وتاخذ رتبه تقريبا كل الرتب اخذتها مشرفه ،مراقبة اقسام،
مراقبه عامه
وحتى الاداره اللي باللون الاحمر وهي ماشاءالله شعلة نشاط بكل هالمواقع لكن فيه
واحد من هالمنتديات تحبه بشكل جنوني وناقعه فيه ليل مع نهار ومحبوبه من الكلفيه
ولانها متميزه بشغلها بها المنتدى محد تميز فيها الا هي
المهم مستمره هالبنت ومدهره بتلبية طلبات الاعضاء اللي ماتنتهي وتفرح لما يثنون عليها
بهالشغله اللي تسويها وع هالحال لمدة سنتين لاتكل ولاتمل وطبعا ادارة هالمنتدى ماتقصر
بمنحها الاوسمه والتشجيع المستمر اللي يخليها تناقز من الفرحه
وتعطي اكثر المهم هالبنت تقرر زواجها بالتاريخ المذكور اعلاه
وبدت تحضر لزواجها وهي فرحانه لان اللي بيتزوجها ولد خالتها وهو شاب
كل الصفات الحلوه فيه وهي معجبه فيه حييل
المهم حضرت كل شي وفي كل روحه لها للتسوق تاخذ اعز صديقاتها وهم ............
ريم مع امها واختها
خلصت كل تجهيزاتها للزواج وحتى فستان الزواج اصبح عندها بالبيت لانه كان تصميم خاص
لها وغالي وااايد
وكل يوم لازم نطل ع الفستان>>>
وصرعت صديقاتها فيه دوختهم لدرجه وحده من صديقاتها قالت لها لعنبو ابليسج
ليش تحسسيني انج عانس وماصدقتي تتزوجين وجع اركدي
ع العموم قرب زواجها وقبل زواجها باسبوع فقط
اقعدت من النوم وهي تصارخ وتبكي بشكل هستيري وكانت الساعه 2
الصبح وكان اصراخها عالي وع وصف اختها كان اصراخ مرعب وكانها ملبوسه
استمرتبالصراخ وامها وابوها واختها وزوجة اخوها يحاولون يسكتونها لكنها مستمره
بشكل مخيف
وكان ابوها يقول يابنت اهدي واقصري الصوت العالم فجر لاتفضحينا
وهي مستمره راحت اختها وكلمت اخوها اللي كان مداوم وقالت له السالفه وطبعا ترك شغله
وجاء وهو مخترع من الوضع
لما وصل اخوها وشاف شكلها الغريب طلع راح لأمام المسجد اللي كان يقيم بغرفه بالمسجد
وجابه للبيت دخل الامام وشاف منظر البنت وقرب منها وبدأ يقرأ القرأن
وكانت امه ماسكتها وترش عليها من الماي اللي مقري فيه وتغسل وجهها
بعد فترة هدت البنت وبدت تبكي بحرقه وتقول خلاص معاد ابي اتزوج هالزواج مافيه خير
لي ولكم فاستغرب الجميع من كلامها وقالت اختها زواجج بعد اسبوع بس قالت
ولو ماراح اتزوج سألها الامام ليه يابنتي استهدي بالله
وقولي لنا شاللي خلاج تقولين هالكلام وتتخذين هالقرار المفاجئ للجميع
قالت شفت شي بمنامي خلاني اتخذ هالقرار
شفت اني لابسه ثوب زواجي وكنت بصالة الافراح وامشي بين الحضور
وكنت فرحانه بس كنت احس الارض اللي تحتي مو مستويه وبغيت اطيح اكثر من مره
بس كنت اتماسك قدام الناس علشان الفشله
وصلت الكوشه وجلست بانتظار العريس ولما وصل بدأ يسلم على امه واخواته
وجاءوجلس جنبي وكنت منبهره فيه واتباهى بوجوده جنبي لانه امنية كثير من بنات الاقارب
المهم جاء وقت تقطيع الكيكه ولما جابوها العاملين عليها كانت مغطاه بغطاء حلوومبهر
فقلت لاقرب الناس لي اختي وصديقاتي المقربات
انتو بالذات بذوقكم منها تعالو جنبي
وهنيه اكشفوا عن الكيكه ولاهي كوره من نار حرارة لهبها يصلي الوجه ونور اضاءتها
يعمي العيون صرخوا الناس وانا استغربت وكنت راح ابتعد عنها لكن امسكتني صديقتي ريم
وقالت تعالي قصيها ياحصه ليش خايفه قلت لها بس هذي نار قالت عادي
الكيك متعدد الاشكال بس طعمه حلو ولاتنسين انتي اللي طلبتيها بهالشكل
قلت لها متى ياريم وربي ماطلبتها تكون جذي قالت ريم امبلا ياحصه انتي طلبتيها
وانا حذرتج من هالشكل وانتي صميتي اذونج عني استغربت كلام ريم واخذت السكين
وانا احس اني مغصوبه قطعة اول قطعه واخذتها بايدي وكنت راح اعطيها زوجي
لكن مالقيته فالتفت ادوره مالقيته فعطيتها ريم قالت شكرا ماابيها فمديتها لـ....
ف امسكتها لكنها احرقتها بايدها ورمتها
وهي تتألم ولمانظرت للي وراها لقيت طابور من الناس كلهم مادين ايديهم ففرحت قلت
غريبه حبّوها رغم انها تحرق وبديت أقطع لهم وياخذونها وهم يتألمون من حرارتها
بعدها تعبت وانا أقطع والكيكه كل مانقصت زادت مره ثانيه
والطوابير تزيد واللي يبون منها يزيدون وضليت على هالحال ساعات طويله ومن التعب
كنت ابكي انهكت على الاخر وكل ماجات عيني بعين ريم بكيت اكثر وهي كانت تمسح دموعها صرخت وقلت ياريم متى تخلص هالكيكه قالت ريم تو الناس ياحصه باقي وااايد
وبدت حرارة النار تسيل مكياجي وتوسخ الفستان وكنت اعاني من التعب الشديد
وفجأة علقت النار بايدي وبديت اصارخ واصارخ
مثل ماشفتوني وانا خايفه خايفه ياشيخ
قال الشيخ استغفري ربك يابنتي وقومي توضي وصلي ركعتين وان شاء الله خير
نسأل الله التوبه النصوح
اختها حست ان فيه شي هالحلم ومن الصبح ارسلت ايميل ع أحد مفسرين الاحلام
وحلّفته بالله انه يفسره لها بخيره وشره للضروره
وبعد فتره ارسل لها المفسر وقال خلي اختج هي اللي تروي لي على التلفون
كلمته حصه وروت له اللي شافته وسألهاعن شاللي تسويه وقالت له كل شي عنها
قال لها :فيه شي انتي تخفينه او تسوينه بالخفاء شنو هو ياحصه قالت: فيه شي ياشيخ انا اسويه
في احد المنتديات وبصراحه كانت وحده من صديقاتي دايما تنصحني منه
بس انا احب هالشغله واحس اني ماهره فيها
قال الشيخ شنو هالشغله
قالت: انا مشرفه ع قسم باحد المواقع وهالقسم يختص بتلبية طلبات الاعضاء الخاصه بالاغاني وكنت أبدع فيه أّحول لهم الصيغ وأسوّي لهم مقاطع ومكسات وسوالف واايد قاطعها الشيخ
وقالها :استغفري وتوبي هذا كان تنبيه من الله لج الكيكة كانت عملج الغير صالح
والقطع اللي ارهقتج هي صدقاتج بالذنب المشترك مع من قطعتي لهم هالمقاطع
وشجعتيهم عليه واسعدتيهم في توفيره لهم وطول الطوابير وتجدد الكيكه هو الذنب الجاري
وكبره ف شوفي كم شخص اعطيتيه طلبه وكم شخص سمعه وكم شخص نقله من منتداك
الى منتداياتهم وكل هذا بسببك انتي
تقول حصه: انهرت وقلت شسوي ياشيخ
قال :توبي الى الله توبه نصوحه وتبرئي عن كل مافعلتيه خصوصا مايخص الاغاني والمنكرات واسأل الله لي ولك الثبات وتوبي ياحصه توبي لانك ماتدرين متى الله يأخذ امانته
والله يحسن خاتمتنا جميعا
ولاتنسين يبعث المرء ع مامات عليه ياحصه

اللهم صلي وسلم على رسول الله
طبعا حصه الحين تابت لكن تعاني من نفسيه سيئه وتعالج وتأجل زواجها الى اشعار اخر

وادعو لها الشفاء مما هي فيه وادعو لها بالثبات
واطلب منكم تدعون لها لانها تهمني وااايد
ملاحظه
حصه هي حصيص صديقتي المقربه وريم صديقتنا الاقرب واحب الناس لنا
ودايما تنصحنا لكن الشيطان لاسيطر على الواحد
وع فكره الصديقه المقصوده اللي اعطتها حصه القطعه واحرقتها ورمتها هي[ انا نجود ]
من يومها حرمت اشياء واايد ع نفسي وانتو تعرفوا اصعب جهاد جهاد النفس
انا كتبت لكم قصة صديقتي علشان العبره ولاني حابه الخير لكم
الله يكفينا شر انفسنا والشيطان
واللهم انا نستغفر ونستهديك ونتوب اليك
ياغفار الذنوب وياستار العيوب
اغفر ذنوبنا واستر عيوبنا وادخلنا
الجنة يارب العالمين
اللهم اجرنا من النار

اخر تعديل كان بواسطة » 9متيمة الزعيم9 في يوم » 21/03/2012 عند الساعة » 01:18 PM
اضافة رد مع اقتباس
  #2  
قديم 21/03/2012, 03:29 PM
الصورة الرمزية الخاصة بـ أبہ ِـِوسِِہ ِـِاره
زعيــم متألــق
تاريخ التسجيل: 03/02/2010
مشاركات: 1,089
الله يجزاك الخير
الله يكفينا شر انفسنا والشيطان
واللهم انا نستغفر ونستهديك ونتوب اليك
ياغفار الذنوب وياستار العيوب
اغفر ذنوبنا واستر عيوبنا وادخلنا
الجنة يارب العالمين
اللهم اجرنا من النار
اضافة رد مع اقتباس
  #3  
قديم 25/03/2012, 12:58 AM
الصورة الرمزية الخاصة بـ 9متيمة الزعيم9
زعيــم مميــز
تاريخ التسجيل: 17/01/2009
المكان: تحت المطر
مشاركات: 1,683
وياك ان شاء الله
آمين يارب
اضافة رد مع اقتباس
  #4  
قديم 25/03/2012, 04:21 PM
الصورة الرمزية الخاصة بـ alfayhaa Sport
زعيــم مميــز
تاريخ التسجيل: 04/09/2008
المكان: حى منفوحة الجديدة - الرياض
مشاركات: 26,413
القصة من الأساس غير مفهومة
شكرا جزيلا لك
اضافة رد مع اقتباس
  #5  
قديم 26/03/2012, 03:21 AM
الصورة الرمزية الخاصة بـ 9متيمة الزعيم9
زعيــم مميــز
تاريخ التسجيل: 17/01/2009
المكان: تحت المطر
مشاركات: 1,683
إقتباس
الرسالة الأصلية كتبت بواسطة alfayhaa Sport
القصة من الأساس غير مفهومة
شكرا جزيلا لك

ما أدري هل لأان القصة مو بلهجتنا يعني!!
أهم شي المغزى من الموضوع مفهوم
مدري عن انطباع الباقين؟
اضافة رد مع اقتباس
  #6  
قديم 27/03/2012, 02:42 AM
الصورة الرمزية الخاصة بـ Sara..=D
زعيــم مميــز
تاريخ التسجيل: 23/10/2010
المكان: Al-riyadh
مشاركات: 3,413
صصح طويلة ..
بس تخوّوووووووووووووووف "
* أشك آنها فعلا فعلا .. لكن الواحد يأخذ العبر =))
فعلللللآ ليتنـآ ننتبه لآفعالنا ..
والواحد يفكر ف الشيء الي بيسويه مليون مرّه قبل ! ..
آلف شششكر ع القصهـ م قصرت اخوي
اضافة رد مع اقتباس
  #7  
قديم 27/03/2012, 11:58 PM
الصورة الرمزية الخاصة بـ alfayhaa Sport
زعيــم مميــز
تاريخ التسجيل: 04/09/2008
المكان: حى منفوحة الجديدة - الرياض
مشاركات: 26,413
يعطيك العافية على الموضوع
وشكرا جزيلا لك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:49 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube