بسم الله الرحمن الرحيم ,, لأهميه الموضوع لن يكون هناك مقدمات ولا مؤخرات ولا دفعه اولىآ وبدون كفيل ,, جت الجناريه ودونا الجنادريه رجعونا من الجنادريه نبي نشوف الجنادريه وطريق الثمامه الواحد يبي يروح للقهوه العصريه زحمه كله عوائل كأنهم رايحين اللحين مهرجان التسوق في دبي ,, والمشكله والادهى والامر من هذا كله <~ اوخس ,, لا صدق الادهى والامر ان هالعوايل االعام كانو جايبين زواليهم وشاهي وقهوه وجالسين فَ الجنادريه وشايفينها وبعضهم يمكن نآيم فيهآ نآيم جنب جناح القصيم راقد على الصاج حقه المراضيع يعني بس فضوه ماعندهم شي يسوونه راحو للجنادريه ولا يعني تقعوني انهم رايحين يشوفون الجناح الكوري , اللهم لك الحمده ماعمري فكرت اروح لها ولارحت لها ولا مره ,, بعدين اشوف الصور للجنادريه والمواعين اللي فيها اغلب هالمواعين موجوده في بيوت الشعب السعودي والخليجي يعني وين التراث اللي يتكلمون عنه ,, اللي يشوف مهرجان الجنادريه وتراث ومدري وش ومتاحف يحسب ان هالتراث له 1000 سنه مادروآ انه له 50 سنه يعني اي تراث تتكلم عنه امدىآ ننسىآ ماضينا فوق هذا كله ناس تمدح وناس تذم واختلاط ورقص واغآني وش هالجنادريه اللي كلها اوبريتات واغاني وعرضه وخطوه جنوبيه وكل الفلوكوريات السعوديه يعني هذا من التراث والمشكله ان كل هالرقصات للحين موجووده يعني وش تراثه تتكلمون عنه وتقاليد ومدري كيف ,, تقاليد وتراث وللحين في ناس ماتدخل الجناح الجنوبي وناس ماتدخل الجاح الشمالي والشرقي وغربي انوآع العنصريه ,, وكل سنه نفس الرقصات ونفس الاشياء اللي شافها بيشوفها السنه الجايه ,, وش الجديد المضاف فيهآ ,, ,, ياعزيزي يعي البزر اللي بيدخل هالمهرجان وبيشوف الرقصات بيحسب ان اجدادنا كآنو حيآتهم رقص وزواجات وعروس وشكشكه ,, بعدين دام ملك البحرين حمد بن عيسىآ الله يطول بعمره دايم موجود معنا ورآهم مايطلعونا على التراث البحريني والخليجي بشكل عام حتىآ نستفيد حننآ وشوف شي جديد بعدين اللي يدخل هالجنادريه يحس ان في السعوديه اول مافي بحر ,, ماعمري شفت شي فَ التلفزيو عن السواحل والاسماك وكيف يصيدونها قبل السنارات وكذا يمكن يقلدون صوت الطعم حق السمك ,, بس صدق احس هالبحر ماجا الا بعد النفط ابد السعوديه اول شيآب وبير ومويه وسراج والليله سامري ,, اهلي وخالااتي قبل فتره رايحين وجايين اخوي الصغير يقول مالقيت شي اشتريه اخذت طيران ,, ماشاءالله ,, ليت سه بعد سنه يتطور هالمهرجان ويسمحون للزوار بالمشاركه مع القدييمين اللي يشتغلون مب المساله تفرج وامش انا من رايي عشان مايصير فيه مشاكل ولا اختلاط ولا خرابيط ولا رقص ولاحواق ,, ان هالجنادريه تصير زي المتحف وبس ويحطون سراويل السنه حقه الاولين والاشمغه حقتهم والغتر وزبيرياتهم وكذا وخلاص ويصير عند كل شي معلومات مثلا عند السروال يكون مكتوب بجميع اللغات العربي والانجلش والفرنسي مكتوب هذا السروآل يلبسونه الاولين وقت القيلوله او لاجاء يخمد وقالو ورانا صلاه فجر وهم يطفون السراج من هنا ويطلعون من هنا سهرات وساعه صدره طيب نبي نشوف الارقيله حق الاولين معسلآت بنكهه الحمّيض والقرقاص الزبده اآن الوضع مب عاجبني ولا عاجب البعض فا غيروه يرحم والديكم لا وكل سنه سباق الهجن مسكين هالهجن مايدرون وين يلقونها من قناه لصحراء اللي تصورهم 24 ساعه حتىآ الواحد منهم صار لاجاء يقضي حاجته يستحي ,, ولا يلقونها من الجنادريه نلقاهم مساكين وهم يدابتسون ويراكضون يقولون كل سنه نفس الميدان ونفس الجائزه ونفس المسافه ونفس الوقت ,, كان الله في عون الجميع
صحيح ان الموضوع مغلف بالدعابه على وزن الأدهى والأمر
ولكن هنالك رسائل جميلة تستحق من الاشخاص القائمين على اي مهرجان ان يلتفتوا نحوها مع المحافظة على الرسائل التي ينشدها المهرجان نحو الجمهور .. على سبيل المثال :
1 - الحرص على اختيار واستعراض الحاجيات أو الأغراض من التراث التي لم تعد مألوفة لدى الناس .
2 - الحرص على استعراض الماضي من خلال العادات والتقاليد التي اندثرت .
3 - الحرص على التجديد واضفاء بصمة تميز كل مهرجان عن الآخر .
4 - تسليط الضوء كل عام عن ثقافة احدى المجتمعات العربية أو الاسلامية .
5 - تسليط الضوء كل عام نحو محافظة من محافظات المملكة .
6 - التعاون مع الجاليات المقيمة في المملكة للمشاركة في فعاليات المهرجان .
يا أخي أنت مش ممكن
صدق قناة بداية رافعه عليك قضية تشهير وقذف ؟ وإلا اشاعة ؟
بعد موضوعك الأول شفت شاتهم فاضي , حرام عليك يا مفتري المسؤول عن الشات وقع مخالصة مالية واليوم راقد في بيتهم قطعت رزق الضعيف
عقبال مانشوف صدى لموضوعك عند القائمين على الجنادرية تراث وسخافة
شكرا ً شكرا ً
المكان: عـادة الأيـام تأخـذ ماتعـيـد :: ولابد من وقت يكشـف ماخفـى
مشاركات: 74,181
إقتباس
انا من رايي عشان مايصير فيه مشاكل ولا اختلاط ولا خرابيط ولا رقص ولاحواق ,, ان هالجنادريه تصير زي المتحف وبس ويحطون سراويل السنه حقه الاولين والاشمغه حقتهم والغتر وزبيرياتهم وكذا وخلاص
واللهي فكرة ممتازة و يكون محتف متنقل
حتى اذا سوينا ايام ثقافيه في الدول الاوروبية ننقل المتحف هناك و نوريهم تراثنا
إقتباس
لا وكل سنه سباق الهجن مسكين هالهجن مايدرون وين يلقونها من قناه لصحراء اللي تصورهم 24 ساعه حتىآ الواحد منهم صار لاجاء يقضي حاجته يستحي
صحيح ان الموضوع مغلف بالدعابه على وزن الأدهى والأمر
هلا وسهلآ ,, ياخي انا مواضيعي كلها فيها رسايل جميله واحب
اكتب مواضيع واحط الرسايل مابين السطور <~ طيب يا احمد لشمرآني
إقتباس
صدق قناة بداية رافعه عليك قضية تشهير وقذف ؟ وإلا اشاعة ؟
بعد موضوعك الأول شفت شاتهم فاضي , حرام عليك يا مفتري المسؤول عن الشات وقع مخالصة مالية واليوم راقد في بيتهم قطعت رزق الضعيف
عقبال مانشوف صدى لموضوعك عند القائمين على الجنادرية تراث وسخافة
,,
صدىآ موضوعي ابشرك وصل ولله الحمد وكلموني جريده الرياض
قالو بنشيل الاستاذ:: ... الاحمدي <~ ماعرف اسمه الاول
اللي مقالااته اخر صفحه بالجريده وبنحطك بداله
إقتباس
حتى اذا سوينا ايام ثقافيه في الدول الاوروبية ننقل المتحف هناك و نوريهم تراثنا
ابد انا جاهز واتطوع للعمل هذا دامه في اوروبا ,,
مابي عرضات ولا شي روقونا تكفون
في كل احتفال يقيم في احد السفارات السعوديه فَ الخارج يجيبون هالاجانب ويلبسونهم ثوب وشماغ ويعطونه سيف ويقولون هذا تراثنا
وش هالتراث ياعزيزي عهد الدوله الامويه حنا
مالومهم في فرنسا يقولون لي للحين عندكم خيول
أسلوب خفيف و مميز ماشاء الله ، تنطلق بالكلام ولا ودك توقف ..
ولا حتى ودنا ..
من الطبيعي أن يفقد أي تراث وطني جزء كبير من قيمته .
لأن في المناسبه السنوية التي يُفترض بأنها أقيمت لاستعراض
هذا التراث ، أصبحت لاستعراض أمور أخرى ( حديثه جداً ) .
الله يحفظك مجنون ، اسم مميز كنت أشاهدة بالعالمية زمان .
على ما أذكر أنك برشلوني ؟!
وياليل ها الجنادرية
صح اني آخر مره جيتها من عشر سنوات مع الكشافه والصبح بعد
بس أشوف انه مهرجان كويس ع الاقل فيها وشسمه متنفس وكذا وكذا ..
بعدين لازم تطري دبي انت
اهم شي فيهآ المتنفس والكذا ,, زين انك رحت مع الكشافه للجنادريه
اما انا اول يودوننا لحديقه الحيوان الله يعزكم
تشوفون الاسد منسدح لحاله يلعب xo ,, ومن الطفس بهالديره صار نبآتي مسيكين
حتىآ النمر الخطوط حقته راحت صارت مصديه
,, الله يرحم ايام عصير السنتوب بس وطحينيه وانواع الحرقان
إقتباس
أسلوب خفيف و مميز ماشاء الله ، تنطلق بالكلام ولا ودك توقف ..
ولا حتى ودنا ..
من الطبيعي أن يفقد أي تراث وطني جزء كبير من قيمته . لأن في المناسبه السنوية التي يُفترض بأنها أقيمت لاستعراض
هذا التراث ، أصبحت لاستعراض أمور أخرى ( حديثه جداً ) .
الله يحفظك مجنون ، اسم مميز كنت أشاهدة بالعالمية زمان . على ما أذكر أنك برشلوني ؟!
الله يجزاك خير علىآ الدعوآت حقتك احسبك آمي ومسجله بيوزر ثاآني احتري بس تقول جب صامولي
يا اخي انا استغرب اذا قالوا تراث وحياة الاولين وفي الاخير كل المواعين اللي في الجنادرية موجودة لحد اللحين في مطبخنا اجل وين التراث ؟؟
لو يصبرون شوي 500 سنه يمكن نقول تراث وفلكلور او شي من هذا القبيل .
اما مسئلة الرقص والشكشكه عندنا شباب لو تشغل السيارة رقصوا على صوت المكينة . وترى الأولين راعين طرب وسعة صدر لكن بركادة واصول واوقات في المواسم فقط .
وافضل شي في الجنادرية هذي السنه راعي البليلة اللي عند البوابة طعمها خيالي وانصحكم بالتجربة .
بالمختصر المفيد درينا أن أجدادنا كانو بخيام ومعهم نياق وحقين خيول .. لي متى التخلف ذا اللي صاير بالمهرجانات والمزايين العالم تطورت في كل مجالات الحياة وحنا باقي متسدحين مع النياق والغنم والبقر ومسوين فيها راعين صحاري وبراري ..
إقتباس
ان هالجنادريه تصير زي المتحف وبس ويحطون سراويل السنه حقه الاولين والاشمغه حقتهم والغتر وزبيرياتهم وكذا وخلاص
يارجال الأولين الواحد سرواله من كثر مالبسه تلاقي لونه رمادي لو يحطوله فانيلة رماديه ماتدري هو لاعب بالطائي ولابس فانيلة وسروال .
. يارجل .. قدَر الله علي مرة ورحت للجنادرية ومالقيت الشيء اللي لاشفته أروح اسولفه في الإستراحة
الشاهد في الموضوع دخلت أحد الأجنحة >>> كأني داخل فندق المهم لقيت على بعض الأغراض شوية تراب أكرمكم الله وسألت المسؤول عن هاك الجناح .. ليش مانظفتوا أغراضكم ؟؟ قال لي : لازم تكون متربة عشان نخلي الزائر يعيش جو أجدادنا هههههههههههههههه
بس صراحة الشيء الملفت في الجنادرية : ( الخيزرانة ) مبيعاتها خيالية .. كل يوم صاكه نسبة فوق حسيت إنها سلاح أجدادنا
الجناريه تراث وشكشكه ومايطيق الصبرآ ,, <~ نبي اليسا :d 
لن يكون هناك مقدمات ولا مؤخرات ولا دفعه اولىآ وبدون كفيل 
مو الجنـآدريه 
الوضع العادي
