بدون اجانب مع اجانب , وش الفرق ؟؟ يكفي ان وسط المنتخب هلالي :$
بسم الله الرحمن الرحيم
السسلام عليكم ورحمة الله وبركاته ,
بعد السلام , نقول لكم كيف حالكم ,
ونقول لاهل القصيم , الله يزيد ويبارك بالامطار وعقبال الرياض وبقية المناطق
لاننا صدق اشتقنا , للغيوم
ندخل للموضوع من لاحظ مواضيعي , بيشوف اني مااعرف انسق بالموضوع , لكن على وعسى
ان فكرة الموضوع توصل لكم , وسامحوني , على القصور
اللي بتكلم عنه اليوم , تخفيض الاجانب من 4 الى 3
الكل بعد القرار هذا , بدأ يناظر الكتيبة الهلالية وأن الهلال هو النادي الوحيد اللي بيتضرر ؟؟
ونسو او تناسو اننا هذا الموسم نادر مانشارك بالاربع اجانب وان اخر مباريات , كنا نلعب بدون اجنبي
وكأننا نقول لـ رايكارد , خذ التشكيلة هذي للمنتخب ,
الهلال الان , ماعاد يحتاج اجانب واقولها بكل ثقة , الهلال تعب وتعب والان حصل
لاعبين صغار وموهوبين , وعلى قدر من المسؤولية ومع الجيل هذا , نقدر نقول 10 سنوات
امنعو الاجانب عن السعودية , بعد ماعاد ويلي من الايقاف , وعاد المغربيين من البطولة الافريقية
والله كنت خايف ان يعودو للزعيم وخفت من انخفاض المستوى , وهذا اكبر مثال ان الزعيم بدع بدونهم
ومو انا لحالي اللي خفت حتى اغلب المحللين كانو يقولون راح يختلف التجانس بعد العودة
يعني بين قوسين { لاعبيننا كانو رافعين الهلال من دون الاجانب }
وانا من وجهة نظري المتضرر , الاندية الثانية { الاهلي , الاتحاد , الشباب } لان اعتمادهم الكلي
على لاعبين اجانب وبناطق حساسة لو اختفو , ضاعت هالافرقة ونستثني الاتحاد هالموسم لان كله مختفي
الشباب : من دون تفاريس الدفاع ضايع
الاهلي : من دون الثنائي الهجومي الاجنبي ضايع
الاتحاد فيما سبق : زياية ان اختفى ضاع
الهلال , عطوني مره كان يعتمد على لاعب اجنبي , غير فترة التايب طبعا لانها كانت فترة استثنائية زي ماكان هاللاعب استثنائي
ادري الموضوع مو مرتب ولا هو قريب للابداع لكن وجهة نظر اتمنا لامست قلوبكم وفهمتو اللي ابي اوصلة
{ الهلال ماراح ينظر من هالموضوع الا بشي واحد , تسويق اللاعب بعد نهاية الموسم , والا المستوى ماراح يتأثر }
ومضة :-
الهلال ثابت والبقية متحركون ,
من بداية البطولات كان الهلال طرف ثابت بكل بطولة , والبقية متحركون ففي زمن الازمان
كان النصر هو المنافس وكان الهلال منافس وفي زمن اخر كان الشباب منافس وفي المقابل الهلال منافس
وفي العقد الاخير كان الاتحاد منافس والهلال بالمقابل منافس والان انتهاء زمن الاتحاد وننتظر منافس اخر
,لذلك وبكل فخر اقول انا هلالي ثابت والبقية متحركون
والسلام خير ختام , وان اصبت فمن الله وان اخطئت فمني ومن الشيطان
اتمنى متابعتي بتويتر , لمن يحب الخواطر , والتحجير لـ بعض الاعلاميين FOLLOW ME @ALTAMIMY2
واداره استفادة ماديا من لاعبين الاجانب هذا راح ياثر على دخل المادي على الفريق
انا اشوف انه قرار تقليص عدد الاجاانب قرار خاطىء
لاهنت
محد قال انه قرار صائب
لكن الحمدلله الهلال ان تضرر بيتضرر بكيفية تصريف اللاعب
والمتضرر الاول والاخير الدوري , بحيث ان اللاعب مثل ماقلت يرفع مستوى الدوري
والمتضرر الثاني الاندية , الاخرى
اول شي موضوعك كامل وروعه صراحه والموضوع اللي تبي توصله وصصل .
صحيح انا معك الهلال اقل المتضررين من قرار خفض الاجانب من 4 الى 3
لآن الهلال مايعتمد على اي لاعب اجنبي او يعتبر نقطه القوه عندناا عكس الاهلي والشباب .
الاهلي هدافهم وصانع لعبهم اجانب .
لاعبيننا المحليين ماشاء الله عليهم ينتظرهم مستقبل كبيرر , وقادرين على مواصله البطولات للهلال ..
الهلال لا يتأثر بغياب اللاعبين الأجانب لكن وجودهم في ظل أن النظام يسمح بذلك يجعل الخيارات متاحة للمدرب واللاعبون متوفرون في كل مركز خصوصاً أن الموسم لدينا في المملكة (ملخبط) وغير مجدول ومتداخل المسابقات مع بعضها بالإضافة لبطولة آسيا تحتاج للاعبين على طراز عالي وجاهزين وأتفق معك بأن الفرق الأخرى هي التي ستتضرر من تقليص المحترفين الأجانب أكثر بكثير من الهلال
اول شي موضوعك كامل وروعه صراحه والموضوع اللي تبي توصله وصصل .
صحيح انا معك الهلال اقل المتضررين من قرار خفض الاجانب من 4 الى 3
لآن الهلال مايعتمد على اي لاعب اجنبي او يعتبر نقطه القوه عندناا عكس الاهلي والشباب .
الاهلي هدافهم وصانع لعبهم اجانب .
لاعبيننا المحليين ماشاء الله عليهم ينتظرهم مستقبل كبيرر , وقادرين على مواصله البطولات للهلال ..
اهم شي وصل اللي ابي اوصلة ,
ومثل ماقلت انت الاهلي هو النادي المتضرر الاكبر لان الوسط والهجوم اجانب
والشباب دفاعة , اجنبي
الهلال لا يتأثر بغياب اللاعبين الأجانب لكن وجودهم في ظل أن النظام يسمح بذلك يجعل الخيارات متاحة للمدرب واللاعبون متوفرون في كل مركز خصوصاً أن الموسم لدينا في المملكة (ملخبط) وغير مجدول ومتداخل المسابقات مع بعضها بالإضافة لبطولة آسيا تحتاج للاعبين على طراز عالي وجاهزين وأتفق معك بأن الفرق الأخرى هي التي ستتضرر من تقليص المحترفين الأجانب أكثر بكثير من الهلال
اكيد من حقنا لبى قلبك , لكن انتت مثل ماتشوف اتحاد مايطلبة المدللون , يعني مو بيدنا
الموسم اللي راح رئيس النصر يقول نبي ثلاث اجانب , والموسم هذا لا إله الا هو خفضوها من باب
الصدقة
اول شي موضوعك كامل وروعه صراحه والموضوع اللي تبي توصله وصصل .
صحيح انا معك الهلال اقل المتضررين من قرار خفض الاجانب من 4 الى 3
لآن الهلال مايعتمد على اي لاعب اجنبي او يعتبر نقطه القوه عندناا عكس الاهلي والشباب .
الاهلي هدافهم وصانع لعبهم اجانب .
لاعبيننا المحليين ماشاء الله عليهم ينتظرهم مستقبل كبيرر , وقادرين على مواصله البطولات للهلال ..
اسمحلي ع الاقتباس
سبحان الله والحمد لله ولااله الاالله والله أكبر
الوضع العادي
