‘,

العربي نجم لايشق له غبار ...
ومن اول ماجاء متاكد انه بيفرق بالهجوم
باذن الله ..
اتمني اشوفه هو والكورى مع بعض يلعبون .
وراهم الزير سالم ( سالم الدوسرى ) .
والعابد ... وهرماش وعزوز ...
باذن الله بتشوف مستوي الزعيم عالى
وفوق ذا كله بتشوف العربي يبدع اكثر واكثر .

يعجبني في العربي قوة التحاماته + الضربات الراسيه
والضغط على الخصم ..
واجمل مافيه ويمكن يفرق عن مهاجمي الدورى كلهم
عدم اليااااااااااااااس .. يشترك فيها معه الحوسني فقط .
والكورى احيانا ...



اشكرك الحضاااااارى .. على روعة موضوعك

العربي اكيد بينزل وزنه شوف جاي من عند مين من عند داهية المدربين قريتس
اما المرشدي ياصبره علينا ياجمهور الهلال
والله يوفقك ياالمرشدي
وموضوعك روعه

إقتباس @ العربي نازل وزنه هذا المطلوب

أتفق معكـ و إنشاء اللهـ يقدم المأمول منهـ و أكثر

إقتباس @ المرشدي يبدع بغياب هوساوي او بعد الانتقادات !!@

يمكن يبغى يثبت وجودهـ أو يمكن حس أكثر بالمسؤليه بس للأمانهـ و اللهـ أخطائه قلِِِِِّت

إقتباس @ اختبار لجنة الانضباط مع كوري النصر وجمهور الاتحاد !! @

إنهم الفقراويهـ و الإتشاديهـ يا فتى لا يرون على أنفسهم أخطاء خخ

<<ما هم محركين شئ يا شيخ

يعطيكـ العافيهـ عالموضوع

ودي

العربي حيل نازل وزنه فديت خشته

والمرشدي أي يبدع نسيت الكوره اللي بغى يوديها عن طريق مرمى الهلال لبقعاء (~_~)

المرشدي ماله حل يارجل ( المرشدي إنسان دايح ومهستر ) انت لو تشوف وش يركب من سيارات غسلت يدك منه ههه .

تحياتي لك .

العربي لاعب مميز وعيبه وزنه

عقبال المزيد من الانقاص

لاكن من رجع من المنتخخب ماشفنااه حيل

المرشدي بمباراة الاتحاد كتن من ابرز نجومها

الله يوفق الزعيم وشكرا لك ع الموضوع الرائع

ماشاء الله عليك والله انك جبتها وهذا شغل جريتس
ليته يستمر على كذا وزنه افضل الان

يعطيك العافية

جريتس كرفهم كرف كأنهم جايين من عسكرية ههههههه

والمرشدي من اول اخطائه قليلة
بس الجمهور اذا حط عينه على احد ما يتركه

العربي شكله جاع من التفكير بمنتخب بلاده بس كذا أفضل علشان يصير سريع


المرشدي نفس مستواه بس اول كنا ننظر لهوساوي ومعتمدين عليه بعد الله سبحانه أكثر علشان كذا المرشدي همشناه لكن بغياب هوساوي صارت الأنظار على ماجد

الكوري النصراوي .. سلم لي على لجنة الإنضباط !!

اكيد لازم ينزل وزنه لانه جاء من غريتس
اما المرشدي مايظهر الا بغياب اسامه

العربي لاعب مميز و المرشدي لاعب مستواه لاباس فيه لأكن مباراة الاتحاد كان اقل لاعب عطا في الفريق هو الحياني وتقبل مروري

إقتباس الرسالة الأصلية كتبت بواسطة alknde يمكن انت تشوف وزنة زائد شخصياً اشوف انه وزنة مثالي و ماتغير من اول يوم وصل فية الى الهلال. يعني بالله عليكم المتخصصين في النادي من جهاز فني وغيرة مابيلاحظو اذا وزنة زائد الى هذة الدرجة ما عندهم اتقان لعملهم بالرغم من ان اوزان اللاعبين من اول واهم اساسيات الشروع في اعداد معسكرات اي نادي اتمنى التمتع بفن الهلال وترك القيادة لأصحابها. بخصوص المرشدي اعتقد انه قدم مباراه عادية وكاد ان يتسبب في هدفين بسبب هفوات لا تأتي من لاعب خبرة مثلة عموماً اتمنى ان يركز اكثر ويعود الى مستواه المعهود. يعطيك العافية بالتوفيق للزعيم

انا يتضح والله العالم ان في مباراة الأتحاد فيه انخفاض بوزنه حتى حركته صارت اخف من السابق ؟؟

ولا انا لحالي اللي اقوله الاغلبية يقولونه !!

على العموم شكراً لمشاركتك والله يوفق العربي مع الهلال .

إقتباس الرسالة الأصلية كتبت بواسطة سعودالرياض العربي حيل نازل وزنه فديت خشته والمرشدي أي يبدع نسيت الكوره اللي بغى يوديها عن طريق مرمى الهلال لبقعاء (~_~) المرشدي ماله حل يارجل ( المرشدي إنسان دايح ومهستر ) انت لو تشوف وش يركب من سيارات غسلت يدك منه ههه . تحياتي لك .

المرشدي على الأقل شال كذا كورة خطرة وكان متفاعل ومتحمس اغلب اوقات المباراة وانا وضحت بموضوعي ان الكرة بالشوط الاول ليس مسؤول عنها مسؤولية كاملة ؟ لأنها اتت بعد تساهل من البيشي وخيرات ؟؟
الكرة الثانية مسؤول عنها والحمدلله انها عدت على خير وممكن تعب آخر المباراة والهفوة لاتلغي جهوده والحمدلله انها عدت على خير .
يعني لو قارنت مستوى المرشدي بمباراة الاتحاد في النهائي والمباريات اللي انتقدناه فيها ؟ فيه فرق بصراحة والله يوفقه مع الهلال .

اما مسألة السيارات تبقى شخصية يمكن ابو الشباب يهوي البر والكشتات لكن اهم شئ يبعد عن حركات الهجولة وخرابيط المراهقين خخخخخ !! الله يصلحه ويتزوج ان عن قريب إن شاء الله ويركد !!