السلام عليكم ورحمة الله وبركاته

كيف حالكم يااعضاء وزوار الشبكة عساكم كلكم بخير

ياناس انا كل يوم براسي اكتب موضوع وخصوصا اني انا من الناس اللي مايسكت سالفة ورا سالفة وع اي كلمة تطلع براسي سالفة لدرجة ممكن تشكون اني كذاب

عكس واحد من اخوياي الله يهديه اغلب وقته ساكت واذا تكلم تهاوشت معه

لان افكاري معاكسة لافكاره ومستحيل احد منا يتقبل افكار الثاني كعادة الشعب السعودي الموقر اللي مايعترف بالاختلاف وجهات النظر لايفسد للود قضية

طبعا هذا اعتراف مني انه شيء شين اني مااتقبل افكار اللي قدامي ان كانت ماتروق لي ع الاقل لو اجامله واعطيه جوه مو لازم اقوم اناقشه واهاوشه بافكاره

بس قلبي مايطاوعني اشوفه ع خطا واسكت


بس ياناس انا معي بلاك بيري من اول ايام طيحة البلاك بيري السعودية قبل حوالي السنتين وكنت عند اخوياي اذا ضحكت ع نكتة وهم مايدرون وش فيني ودهم يكفخوني ع جوي التعبان

بس سبحان الله مررت الايام وكلهم الحين معهم بلاك بيريات <<<<<هذا جمع بلاك بيري

المهم الحمدلله انا للحين ماوصلت مرحلة اني لاصرت مع خويي او طالع مع ربعي اسحب ع مندوبهم واقعد اسولف ع البي بي لا كل شي له وقته

الحين يطقني الطفش ويرتفع ضغطي بصمت لاصرت طالع مع واحد وطاقها حنك من اليوم معه بالاخير ماهوب معي

لدرجة مررة قاعد اسولف مع واحد ومتحمس بسالفتي من زود الحماس قاعد احرك يديني واضحك بالاخير رافع راسه وقال لي تراني منيب معك وش تقول

طبعا مايحتاج تشوفون خشتي ذيك اللحظة حسيت اني مالي داعي بالحياة

البي بي حلو عرفنا ع ناس طيبين مانستغني عنهم وهم اللي مخلينا متمسكين فيه للحين بس بنفس الوقت لايصير 24 ساعة انت عليه عط كلش حقه

فكرت اكشخ واشتري ايفون بس تذكرت اخوي لمن يجيني عقب شهرين يقول لي نكتة كنا نتدوالها قبل شهرين الين طاح سوقها والمشكلة يضحك عليها وهي عندي قديمة ماعاد قام احد يرسلها بالبلاك بيري وطبعا هذا حال اغلب اللي معهم ايفونات تلقى نكتهم واستهبالهم وكلش قديم مدري احس الروابط حقت الصور اللي تجيهم منتهية صلاحياتها او انحذفت من موقع الرفع

بس تبون الصراحة اشتقت لجمعات وطلعات اول لما تطلع مع اخوياك وكلهم منتبهين لك ويسولفون معك الحين اغلب السوالف ع البي البي واذا تجمعت مع اخوياك كل شوي واحد مطلع جواله ويسولف شوي

ماعاد مثل اول

والله اوقات ماالوم ابوي اذا قال يازين ايام اول مع انها ايام فقر بس حلووة

انا اللي توي بالربيع حق عمري واشتقت لايام اول قبل سنتين يوم كان همي انجح او اجيب معدل بالثانوية او مااحمل مادة

الحين اعوذ بالله هم الوظيفة هم لايطاق

ايه ع طارري الوظيفة ابشركم قدمت ع العسكرية اللي كانت اخر امالي

ومن كثر ماقدمت وانكرشت صرت بالتقديم الاخير خايف ارسب بالعيون ثم بالسمع مع ان كلش سليم

ثم يوم نجحت فيها كلها باقي الله يكرمكم التحاليل هي الوحيدة اللي ماعرفت نتيجتها لانها تتاخر النتيجة وخايف ارسب واخوياي يقولون ياولد انت ماتشرب ولا تتعاطى وش خايف منه امورك سليم ومازلت خايف لين مادقوا علي قالوا تعال جب اوراقك الاصلية

عااااد الحين قدمت اوراقي ورفعوها وزارة الدفاع وانتظر قراري من شهر كل يوم انتظر اتصالهم او ع الاقل ابي اشوف وش صار علي ومو عارف كيف اتواصل معهم

دعواتكم لي يااخواني يطلع قراري واتوظف

عاااد يااخواني واخواتي اعذروني ع الاطالة بس حبيت اسولف معكم شوي ولا تحرموني ردودكم

مع السلامة


اخوكم علاوي الخرج

يشرفني أني اكون اول من يردفي موضوعك
وبخصووص البلاك بيري هوحلوبس موتجلس طول الوقت عليه
يعني لاصارجمعت الاهل وانت قاعد ماتدري وين الله حاطك واذاكلمته مايردعليك
ودي وقتهااقوم واشدشوشتها عشان تنتبهلي<<تكفين ياقويه هع
وبالنسبه للوظيفه خذها مني أمورك في السليم<<وش دراك هع
الله يوفقك وتنقبل
لك ودي

إقتباس الرسالة الأصلية كتبت بواسطة لسعه زعامه يشرفني أني اكون اول من يردفي موضوعك وبخصووص البلاك بيري هوحلوبس موتجلس طول الوقت عليه يعني لاصارجمعت الاهل وانت قاعد ماتدري وين الله حاطك واذاكلمته مايردعليك ودي وقتهااقوم واشدشوشتها عشان تنتبهلي<<تكفين ياقويه هع وبالنسبه للوظيفه خذها مني أمورك في السليم<<وش دراك هع الله يوفقك وتنقبل لك ودي

الشرف لي مرورك والله يالغلا

عسى الله يسمع منك ويدقون علي يقولون البس ملابسك وتعال داوم

إقتباس الرسالة الأصلية كتبت بواسطة مـوت ومـيـلآد ! الله لا يبلانا بحب اللي ما يبغانا .. هذآ جيل التكنولوجيا واللي بعده , يعني ترقّب أشد من كذآ ! , الله يوظفك إن ششآءالله وتدافع عن بلدنآ ..

مدري احس الايام الجاية بتكون اعز اصدقاك وهي حياتك وتنصحك وتسولف معك وتقول لك حط وشل ونم ولا تنام وكلش كلش
مدري هيك احس

شرفني مروك اختي

والله مصيبة هالبلاك بيري , كل ما طلعت مكان تلقاهم ماسكينه

يا جماعه حنا طالعين نستانس شفيكم كل شوي واحد مطلع جهازة ويطقطق فيه !

حتى هذاك اليوم بالسياره هدووووء كل واحد ماسك جهازة وترن وترن وترن

الله يعين يا ازين ايام اول كل واحد منتبه معاك اما اللحين لحس مخهم هالبلاك بيري .

السلام عليكم
موضوع جميل جدا بس شدني عنوان الموضوع "هالزمن بايخ" اعتقد ان الزمن لايستحق هذه الكلمة ابدا بل نحن المتسببون في هذه البياخة التي نعيشها....لاذنب للزمن في ذلك ،كذلك قال الرسول صلى الله عليه وسلم" لا تسبوا الدهر على أنه الذي يفنيكم والذي يفعل بكم هذه الأشياء فإنكم إذا سببتم فاعل هذه الأشياء إنما تسبون الله تبارك وتعالى، فإنه فاعل هذه الأشياء."
موضوع رائع وان شاء الله الف مبروك و قليل منا من يجد الوظيفة التي يطمح لها لكن العسكرية وظيفة انسانية شريفة ان شاء الله تقبل فيها عاجلا .....لك ودي

-


البلاك بيري جداً رآئع اذا عرفت تقنن إستخدامةة ..

إقتباس الحين اعوذ بالله هم الوظيفة هم لايطاق

الله يرزقكك إن شاء الله بالي تتمناه وأكثر ي زعيم ..
وننتظركك تبشرنا بالوظيفة إن شاء الله .. تحياتي لشخصكك

الله يوفقنا واياك , ويكتب لك اللي فيه الخير ...

لكن أخوي لازم تغير الموضوع فيه لأن فيه سب للدهر والله العالم ...

إقتباس الرسالة الأصلية كتبت بواسطة يسووووووف والله مصيبة هالبلاك بيري , كل ما طلعت مكان تلقاهم ماسكينه يا جماعه حنا طالعين نستانس شفيكم كل شوي واحد مطلع جهازة ويطقطق فيه ! حتى هذاك اليوم بالسياره هدووووء كل واحد ماسك جهازة وترن وترن وترن الله يعين يا ازين ايام اول كل واحد منتبه معاك اما اللحين لحس مخهم هالبلاك بيري .

من جد والله االبي بي له بصمة حاليا باي جلسة

شرفني مرورك ياخيو

إقتباس الرسالة الأصلية كتبت بواسطة هلالي من ارض اليمن حياك الله يا علاوي الخرج مبروووووووك الوظيفة مقدما .. وكل التمنيات لك بالتوفيق ،،، أجدت في وصف حال بعض تجمعات الشباب يا غالي في رعاية الله ،،،

امين يارب وجزاك الله خير

وتشرفت كثير بمرورك يالغالي ع موضوعي

إقتباس الرسالة الأصلية كتبت بواسطة تومو الهلالية السلام عليكم موضوع جميل جدا بس شدني عنوان الموضوع "هالزمن بايخ" اعتقد ان الزمن لايستحق هذه الكلمة ابدا بل نحن المتسببون في هذه البياخة التي نعيشها....لاذنب للزمن في ذلك ،كذلك قال الرسول صلى الله عليه وسلم" لا تسبوا الدهر على أنه الذي يفنيكم والذي يفعل بكم هذه الأشياء فإنكم إذا سببتم فاعل هذه الأشياء إنما تسبون الله تبارك وتعالى، فإنه فاعل هذه الأشياء." موضوع رائع وان شاء الله الف مبروك و قليل منا من يجد الوظيفة التي يطمح لها لكن العسكرية وظيفة انسانية شريفة ان شاء الله تقبل فيها عاجلا .....لك ودي

الحديث والله اول مرة اسمعه بس جزاك الله خير ع التنبيه يااختي

شرفني مرورك يااختي

إقتباس الرسالة الأصلية كتبت بواسطة وينك يالزعيم - البلاك بيري جداً رآئع اذا عرفت تقنن إستخدامةة .. الله يرزقكك إن شاء الله بالي تتمناه وأكثر ي زعيم .. وننتظركك تبشرنا بالوظيفة إن شاء الله .. تحياتي لشخصكك

امين يارب

صدقت اذا عرفت تستخدمه صح صار جدا رائع

شرفني مرورك يالغالي

إقتباس الرسالة الأصلية كتبت بواسطة لحن الحيآهـ آتفق معك في كل كلمه بخصوص البلاك بيري ,, و للوظيفه الله يوفقك يآآرب ,,

جزاك الله خير والله يسمع منك

تشرفت بمرورك

إقتباس الرسالة الأصلية كتبت بواسطة t.14 الله يوفقنا واياك , ويكتب لك اللي فيه الخير ... لكن أخوي لازم تغير الموضوع فيه لأن فيه سب للدهر والله العالم ...

جزاك الله خير يااختي ولكن احببت اوضح اني لم اقصد سب الدهر كما قلتوا

شرفتني

يعــــــــــطيك الـــــــــــــــــــف عــــافيه
على الموضــــــــــوع يا اخـــــــــــوي

الحين الصغير والكبير معه بلاك بيري وقسم بالله بعض الاحيان تستحقر
روحك يوم ما تشوف واحد عمره ( 8 ) سنوات معه بلاك بيري ويطقطق
زييك وبالنسسبه للطلعاات لابد تتفق قبل الطلعه ان كل واحد يبعد عنن
جواله وتعطونها من هالسواليف الزيييينه ولا ما صارت طلعة اذا كل واحد
ماسك جواله والله يعطيك العآفيه وان شاء الله تفرح بالوظيفه عما قريب

البلاكـ ع حسب استخدامكـ
يعني اذا كنت فاضي تسولف يسليكـ شوي مو مستنر عليهـ هذا والله انه يرفع الضغط

والله يرزقكـ الوظيفهـ الصآلحهـ