إقتباس الرسالة الأصلية كتبت بواسطة La Vecchia Signora اتمنى نحقق الدوري هالسنة لأسباب كثيرة آخرها كسر رقم و خشم ابرا

هالسطر الأخير يبين لنا الدافع الحقيقي وراء كل هالتعب بالإحصائيات المعروفة والتي لا تغطى بغربال
يا عالم يا عقال يا فاهمين يا كبار يا أحلى شيء بالدينا ترا أنا عمري ما قلت أبي اليوفي ينهزم أو يرجع للسيريا بي
ولا قد قلت يا رب سيينا يفوز مثل ما ينقال الآن يا رب نابولي يفوز .. والله اليوفي ما طقيت له خبر أصلاً
سواء فاز اليوفي وتصدر .. أو واصل بدون خسارة .. أرقام وكرة حديثة ومدري وشو هذي كلها لكم مب لي ولا فكرت فيها
أنا أتضايق بسس لما أشوف فريقي ما يفوز .. لنا تسع جولات على ما أظن واليوفي يفوز وعادي عندي جداً
لكن لما انهزم الميلان من لاتسيو تضايقت لأن الكبير بيرلسكوني تغير علينا كثير .. ما عاد هو الزعيم اللي نعرفه
غالياني الغالي وبريدا الداهية هم هم على جهدهم واجتهادهم اللي أعرفه منذ سنوات طوال ، يكدحون ويحترقون لكنهم لا يمتلكون المال وكل الصلاحيات للأسف
بيرلسكوني هو سبب شهرة الميلان وهو من أعطاه الكبرياء وصنع له التاريخ .. لكن الآن هو يعيش فترة سداد الدين ..
عموماً .. يبدو لي أن بعضكم وضعه مأسآة وحالته يرثى لها .. متصدرين مع جولة مؤجلة ولا زالوا يفكرون بالميلان المصاب والمرهق وبإبرا وخشمه خخخخخ
أجل لو ميلان هو اللي متصدر وش بتسوون ؟!
إبرا مطرود على وجه من برشلونة ولا أحد فكر فيه ولا أحد بغاه ، وطلع كتاب على غوارديولا من القهر
من اللي احتواه واسترجع بريقه ، من اللي دعمه وسانده في أصعب ضروفه ، ميلان وغالياني وألليغري ..
اللي سواه إبرا الموسم الماضي ترا باتو سوا مثله وروبينهو بعد سوا مثله .. لكن عيونكم على إبرا مقهورين منه خخخخ
باتو لعب أقل مباريات من إبرا وسجل أهداف مثل عدد أهداف إبرا .. لكن ذبحنا الكيل بمكيالين .. هو الميلان مكروه عندكم كذا ليه ؟!
دام حنا زلايب ومنتهين وشياب ليه هالتفكير كله والإحصائيات والصياح على الحكام ومدري أيش ..
لكن الخوف وما يسوي هذا الواقع الأليم يا حلوين ..

أتمنى من الفريق تلافي أخطاء المباارة
الساابقة وأيضا لن أراهن عالفريق
فا ناابولي ليس جيد في السان سيرو
وأيضا تفكيره بدووري االابطاال
لي عوودة

إقتباس اصابة ابرا راح يفتح عيونهم على حقيقة ان ميلان = ابرا

إقتباس اذاً هل المنافسين المباشرين مستوياتهم هابطة اصلا ؟ لا باستثناء نابولي

إقتباس الرسالة الأصلية كتبت بواسطة يحيى صالحي أتمنى من الفريق تلافي أخطاء المباارة الساابقة

يا الحبيب ترا الفريق اللي تتمنى أنه يتلافى أخطاءه مآ رآح يلعب
لأنه معشش بغرفة العلاج ، اللي بيلعب هو الفريق الرديف ..
لآ باتو ولا كاسانو ولا غاتوزو ولا بواتينغ ولا أكويلآني موجودين ..
مآ رآح أعد لك فلاميني ولا بونيرا ولا أنتونيني لأنهم أصلاً عاهات وزين أنهم مصابين ..
لما تبي الفريق يتلافى أخطاءه خله بالأول يلعب كامل ، وبعدها لو تبي تحاسب ألليغري بكبره حاسبه ..
لكن حتى لو تبي تحاسبه لا تحاسبه إلا على الأسكوديتو مب على الكوبا أو الشامبيونز ..
لأن الإدارة بقيادة الزعيم بيرلسكوني خانته بكل أسف ، مو مثل سآكي لما جاء للميلان وهو مدرب مغمور
ودعمه الرئيس بالثلاثي الهولندي وكان معه باريزي وبقية الأساطير .. أو كابيللو لما كان تحته تاسوتي ودونادوني وآنشلوتي وماسارو وباستن ..
أو آنشلوتي لما كان تحته كاكا وكوستا وسيدورف وغاتوزو وبيرلو وشيفشينكو ومالديني وكافو وديدا ونيستا وإنزاغي ..
لكن ليوناردو من كان معه المسكين ؟! والحين ألليغري من معه غير إبرا وسيلفا وبعض اللاعبين الجيدين مثل أباتي ونوتشرينو وبواتينغ وبوميل وروبينهو والبقية أشباه اللاعبين ..
ألليغري مشروع مدرب كبير ، ومن أول موسم جاب لك الاسكوديتو بأرقام ولا في الخيال .. تمنيت دعمه بالصيف الماضي ولا حصل ..
والآن تمنيت تصحيح أخطاء الصيف وتدارك الوضع ومحاولة دعم الفريق لكن بلا فائدة .. ألليغري لا يلام على شيء أبداً .. انظر إلى سيلفو فقط !
ألليغري طلب هآمشيك أو بيل وطلب دي روسي أو أي آخر مثله بالقوة البدنية والجودة النوعية .. طلب رأس حربة صريح لكن بلا جدوى ..
غالياني مسكين ويحب الميلان وحاول يتعاقد مع تيفيز ومونتليفو في يناير لكن بيرلسكوني اتصل عليه وقاله خذ لوبيز ومونتاري خخخخخ
عاد مونتاري حكاية .. بنترك لكم بالمبو يالإنتر عشان تعطونا مونتاري بلاش وراتبه عليكم ولو ما صلح نرجع لكم نهاية الموسم خخخ
المهم أنه مب ذآ الزعيم اللي نعرفه ، كنت أعرف زعيم لما يبي لاعب يجيب راسه لو ينطح الجبال ، لكن الحين حتى مونتليفو المخيس عجز يجيبه ..
وش اللي صار ؟ وش اللي تغير ؟ الزمن أو العقلية ؟! مدري والله ..

الله يعطيكم العافيه على التقديم ومجهود تشكروون عليه خاصه الاحصائيات لو ان الميلانيه ما يهتمون فيها الا اذا خلص الدوري ههههههههه


بصراحه انا كنت لاهي شوي باشغال ودبلت تسبد اليومين الي راحت وما قدرت اتابع الموضوع الي راح زين عاد يوم رجعت وقريته وشفت صياح وهكذا ههههههههه تحسفت والله انه فاتني معوض خير ان شاء الله ،،
فيه ردود مادري وش تبي زي المدريدي الي منبرش ههههههه لا ولقاله تعزيز ما أشوف انه شي ينرد عليه

لكن انا جيت مطفي النور للموضوع هذا ابي ارد على تركي يوم يقول ميلان مستواه اضعف من العام الماضي !!
انا ستغرب انها طلعت من شخص مثلك وطبعا فيه ناس استانسو بكلامك وعطوك +1 هههههههههه
جيت ولقيت رد أحسن من الرد الي ابقوله بكل أمانه !!

إقتباس الرسالة الأصلية كتبت بواسطة La Vecchia Signora السلام عليكم ورحمة الله وبركاته الله يعطيكم العافية رابطة روما تقديم بسيط ومتميز الحمدلله رب العالمين فريقي متصدر ورتمه يتصاعد ومستقر فنيا ولسى باقي له مباراة مؤجلة غير انه متفرغ كلياً للدوري والكأس عكس المنافسين المباشرين اللي تنتظرهم رزنامه مرهقة خلال الشهر الحالي باذن الله نتوج نهاية الموسم بنجمة ذهبية ثالثة بتحقيق اللقب الثلاثين للدوري والنجمة الفضية بتحقيق اللقب العاشر للكأس ومواصلة الريادة كما عودنا دائماً اليوفي عبر تاريخه بعد النظر لجدول الترتيب الحالي , اسئلة تطرح نفسها من متابعي ومحللي الكالتشيو هذا الموسم هل اليوفي متميز ويستحق صدراته الحالية بالفعل ؟ ام بسبب هبوط مستوى المنافسين المباشرين ؟ هل المنافسين المباشرين مستوياتهم هابطة بالاصل ؟ * اقصد بالمنافسين المباشرين : الاندية التي انهت الموسم الماضي بالمراكز الخمس الأولى في رأيي ان اجابة السؤال الاول تكمن في الارقام التالية اليوفي اعلى بـ 9 نقاط بعد 20 جولة عن الموسم الماضي , اضعف هجوماً (بواقع هدفين) , أقوى دفاعاً (بواقع 12 هدفاً) !! هزم ميلان و اودينيزي على ارضه , وانتر ولاتسيو خارج ارضه , تعادل مع نابولي وروما واودينيزي خارج ارضه لم يهزم حتى الآن , الأقوى دفاعياً بالدوري اما اجابة السؤال الثاني والثالث فـ في رأيي تتجلى بالعمود الخامس من الجدول لو تذكرنا المراكز الخمس الأولى في نهاية الموسم الماضي ( ميلان - انتر - نابولي - اودينيزي - لاتسيو ) وقمنا بمقارنة النقاط بعد 21 جولة لكل هذه الاندية بين الموسم الحالي والموسم الماضي ميلان جمع 43 نقطة من 21 جولة , اقل بنقطة واحدة عن الموسم الماضي ذهابا : خسر من اليوفي الموسم الماضي والحالي انتر جمع 36 نقطة من 21 جولة , اقل بنقطتين عن الموسم الماضي ذهابا : تعادل مع اليوفي في الموسم الماضي وخسر من اليوفي في الموسم الحالي نابولي جمع 30 نقطة من 21 جولة , اقل بـ 10 نقاط عن الموسم الماضي !! ذهابا : فاز على اليوفي في الموسم الماضي وتعادل معه في الموسم الحالي اودينيزي جمع 41 نقطة من 21 جولة , اعلى بـ 8 نقاط عن الموسم الماضي ذهابا : خسر من اليوفي في الموسم الماضي وتعادل معه في الموسم الحالي لاتسيو جمع 39 نقطة من 21 جولة , اعلى بنقطتين عن الموسم الماضي ذهابا : خسر من اليوفي في الموسم الماضي والحالي الملخص بعد 21 جولة بين الموسم الماضي والحالي ان يوفي اودينيزي لاتسيو افضل ميلان مستواه شبه ثابت كونه اقل بنقطة واحدة فقط وخسر من اليوفي ذهابا الموسم الماضي والحالي انتر مستواه انخفض قليلاً كونه اقل بنقطتين وخسر من اليوفي الموسم الحالي مقارنة بتعادله الموسم الماضي نابولي مستواه هابط جداً كونه اقل بـ 10 نقاط وتعادل مع اليوفي الموسم الحالي مقارنة بفوزه الموسم الماضي اذاً هل المنافسين المباشرين مستوياتهم هابطة اصلا ؟ لا باستثناء نابولي كل ما سبق هو رأيي الشخصي استنادا على مقارنات بالارقام بين الموسم الماضي والحالي وياليت اللي يبي يناقشني ما يقول لو و لو :: بخصوص ابرا و ميلان اتفق مع الشباب اللي يقولون ابرا = ميلان يا رجل تكفيك حقيقة ان ابرا اين ما يذهب يحقق الدوري لمدة 7 سنوات متتالية !! لمحة عن ارقام ابرا مع ميلان هذا الموسم كاملاً ( ابطال - دوري - كأس ) طبعا بعد هالارقام طلع رايولا للاعلام وقال لازم يتجدد عقد السلطان بمميزات اكبر من الحالية هذا الموسم اجمالاً : شارك في 25 مباراة , سجل 21 هدف وصنع 5 اهداف = ساهم في 26 هدف !! في الدوري : شارك في 18 مباراة , سجل 15 هدف وصنع 4 أهداف = ساهم في 19 هدف (حوالي نصف اهداف الفريق !!) لم يغب سواء بالتسجيل او الصناعة الا في 5 مباريات فقط من الـ 18 مباراة !! آخر 10 مباريات في الدوري سجل 10 اهداف وصنع هدفين وكان رجل المباراة 7 مرات يعني تأثيره واضح جداً على الفريق إيجاباً حتى بعد غياب كاسانو افضل صانع لعب بالفريق اتمنى نحقق الدوري هالسنة لأسباب كثيرة آخرها كسر رقم و خشم ابرا

رد يستحق الشكر ،،، بس ابضيف نقطه لأخوي تركي ولا يهونون الشباب ( الي يهتمون بالارقام والمعلومه ) انه ميلان انهى الدور الأول بنفس عدد النقاط الي انها فيها الدور الأول للعام الماضي !! يعمي مكانك سر
لكن الي فرق ان اليوفي تطور واودينيزي برضه ولاتسيو ( لو ان لاتسيو ماله دخل بالمنافسه )

--

ولا الثاني الي يقول وين ابرا يوم ينفرد ويضيع الهجمه شلون تقولون شايلنا ؟ انت كذا تثبتها على نفسك هههههه لأنه ابرا ماهو بالفورمه ومسكت انانيه معه فا ميلان ما فاز ولو هو مشتهي يلعب كان فزتو
ولا ادري ليه تزعلون من الحقيقه وغصب تقولون انه ميلان ماهو ابرا !! عادي تراه لاعبكم لا تجحدونه

---

مباريات هالجوله شينه لآنها كلها يوم الاحد بنفس الوقت ،،، ودنا نشوف اليوفي وودنا نشوف انتر وروما وميلان ونابولي لكن ما تدري وش تبدي

شكل هالجوله بيطلع منها كل فريق بكم اصابه !! الله يستر

إقتباس امممم لو بقول كلام على منطقكم باقول .. يوفي = بوفون .. بوفون = يوفي .. طبعاً ماننسى الحظ .. فاليوفي استفاد من الحظ هـ السنة كما استفاد الميلان من ابرا > لازلت اسولف بنفس منطقكم ! آجل يلعبون ضد الميلان يغيب 5 - 7 لاعبين ويلعبون ضد نابولي يغيب كافاني ويلعبون ضد اودنيزي ذهاب واياب يغيب بن عطية واياب يغيب بعض اللاعبين الافارقة .. عطني حظ اليوفي وارمني بحر ..!

فعلا بوفون فريق لحاله وهو أهم عنصر بالفريق عشان كذا يبون يجددون معه مدى الحياة <-- رد علينا زي كذا عادي تتعلم من غيرك

يوم نلعب مع نابولي عيب تقولها ترا !! لا تصير مثل خويك الي انقلبت عليه سالفة ابرا هههههه
مع نابولي اذا تذكر كانت المباراة محسومه لليوفي بنسبة ٩٠٪ يوم كان نابولي جاي من مباراة ماراثونيه مع البايرن وبقدرة قادر تأجلت قبل ١٠ ساعات من وقت المباراة مع انه طلع تصوير بيوم المباراة بالليل انه الجو يسمح لنادي ضمك ( مع كل الاحترام والتقدير ) انه يلعب المباراة وكان اليوفي وقتها مرتاح اسبوع ومهيء للفوز عكس تأجيل بارما الي ما أجلوها الا قبل ساعه والفريق داقن مشوار وبالمقابل روما وانتر تتأجل قبلها بيوم ( وين الاتحاد الايطالي الي معنا ؟) ويوم رجعنا لعبنا مع نابولي كان غايب منهم كافاني وكان غايب أفضل لاعب بفريقنا وقتها وهو الماركيز !! واودينيزي لعبنا معهم ذهاب واياب بغياب فوزي والاياب برضه كان الماركيز وبيبي توهم راجعين من اصابه وما شاركو الا باخر المباراة !!

---

الا يا شباب الي انديتهم خسرت هالسنه ... بالله شلون شعور الخساره ؟

بعدين إذا بتحكم على ألليغري من مباراة لاتسيو ..
ترى فيرغسون طلع من الشامبيونز من بازل وطقته بفريق أقوى وأجود من لاعبينا
والآخر فينغر جالس يتفرج على البريمير ويتشرف فقط بالمشاركة منذ خمس سنوات بفريق يقولون أنه بيشرشح فريقنا بدور الـ 16 ..
هذا وهم عمالقة التدريب على كلام الأغلبية وبفريق أطلق من فريقنا على كلامهم ومع ذلك تمسخروا ..
تبي من ألليغري ما ينهزم من لاتسيو بالأولمبيكو بفريق نصه غايب للإصابة ؟! بالعقل ما تجي .. !

المهم هذي التشكيلة المتوقعة ضد نابولي .. اللي متوقع ننهزم فيها



ما عاد صرنا ندري وش مركز إيمانويلسون بالضبط ؟!
هو ظهير أيسر أو خلف المهاجمين أو وسط يسار أو وسط يمين ههههههههه
تشكيلة ترقيع .. وإصابات بالجملة .. ومع ذلك ميركاتو تحسه ميركاتو ليتشي مب ميركاتو ميلان



بعدين اللي أزعجونا بإبرا .. مب هالإثنين أعلاه هم اللي شايلين فريقهم ؟!
مدري بسس نكلمكم بمنطقكم .. ولا هي إذا على نفسي فأنآ أشوف أن كل فريق بطل يكون فيه لاعب سوبر منقذ
مثل إبرا الميلان ، ميسي البرسا ، رونالدو مدريد ، ... أما الفرق العادية تحصل فيها خبط لصق خخخخخخ
إبرآ فقط هو مجرد السلاح الأقوى للميلان من ضمن بقية الأسلحة القوية ..
يعني تقدر تقول إبرا هو البازوكة وبواتينغ وكاسانو وسيلفا هم الآر بي جي ونونو وبوميل ونيستا هم الساكتون خخخ والبقية نبابيل ويخب بعد ..
الميلان الآن يحتاج مع كل هالأسلحة الجبارة سلآح آخر يكون مدمر وفتآك ومهم للغاية اسمه ( صانع ألعاب )
والسلاح ذآ مب شرط يكون لاعب وسط ترا .. يعني ممكن يكون ظهير مثل مايكون مع مانشيني ومورينهو
أو مثل بيل مع توتنهام ريدناب ، أو يكون محور مثل بيرلو مع الميلان زمان أو مثل تشافي مع البرسا الآن ..
لأنه فيه صنآع لعب فعالين ومؤثرين ويلعبون في مراكز غير مركز الوسط خلف المهاجمين ..

إقتباس الرسالة الأصلية كتبت بواسطة حظيظ الا يا شباب الي انديتهم خسرت هالسنه ... بالله شلون شعور الخساره ؟

نفس شعوركم ذيك الليلة بتاريخ 5 مارس العام الماضي .. << لآ تزعل ترآ أمزح معك

كل التوفيق لليوفي

ويا اخوان مثل ما قال الشوالي في المباراة الي راحت اذا انهزم اليوفي كل ايطاليا تفرح

عطوهم جوهم خلهم يتغنون ب أعذارهم لما توجعهم حلوقهم

"
الله يعافيكم تقديم رووعه بالتوفيق يارب لـ رومآ ..
وأيضا لليوفي ..~
"
شبآب أمس وأحد يقولي أجلت مباراه رومآ والانتر .. فعلا صدق

"

السلام عليكم ورحمة الله وبركاته

على الورق سيينا خصم سهل
لكن بكرة القدم وبالكالشيو تحديدا ما فيه تنبؤات

اتمنى ان المباراة تنتهي بفوز اليوفي ولو يحصل ويتعطلون كل المنافسين يكون افضل
ميلان وانتر ولازيو
بيكون العيد عيدين

بخصوص اصابات ميلان, هذا شيء ملحوظ هالموسم
واذا تبون خبرة اصابات اسألو جمهور ارسنال
واذا ا اخذتو اجابة شافية اسألونا حنا
شفنا فلم مرعب من 2007 الى 2011 حتى شكينا ان فيه جن ساكنين بالفينوفو
ياما وياما نزلنا مواضيع عن الاصابات
فيه لعيبة مع اليوفي مالعبو الا دقيقتين واختفو بسبب الاصابات
اندرادي مثلا
وفيه ناس انعدمو من الحارس لين المهاجم
كل لاعب جته اصابات مجموعها على الاقل 40 يوم

بس مدري وش اللي تغير هالموسم مع كونتي
يمقن طريقة التجهيز للمباريات تغيرت

هالموسم ما نعاني مثل المواسم السابقة
يعني فوزنيتش ومعه لاعب او لاعبين بالكثير والبقية يطامرون جنب كونتي

بالتوفيق لسيدتنا

يوفنتوس& سيينا بنفس الأجواء والثلوج عام ٢٠٠٤ وهاتريك الملك

18/01/2004 Juventus-Siena 4-2 - YouTube

إقتباس بتوصفها قريباً بنفسك بإذن الله , لان فريقك مهوب كفو يستمر لنهاية الدوري بدون خسارة والا ليش قريباً مباراة الكاس الاسبوع هذا ونبي نشوف وش بيسوي الداهية كونتي

هههههههههه ترى أنت كل جوله تقول خلاص الاسبوع ذا بيخسر اليوفي من بداية الدوري

T.silva33

مع اني ما ودي ارد عليك لأنك تقول ما تهمن الارقام ... بس مو مشكله راح اعطيك فرصه

إقتباس طيب وش المشكلة اذا الواحد آعطى وجهة نظره وانا وافقته عليها .. مـ اشوف فيها أي شيء للضحك والسخرية ! .. تركي اعطى وجهة نظره في الميلان ووجهة نظره آعجبتني ووافقته عليها وشو المضحك ! بينما وجهة نظرك مـ آعجبتني لازم آوافقك عليها عشان تكون راضي ! شيء غريب

المشكله انه ميلان العام بنهاية الدور الاول جمع نفس نقاط ميلان الحين بالدور الاول ،، نزل مستواه ؟ هههههه ترا مافيه اوضح من كذا
العام ٤٠ = ٤٠ هالسنه .. <---- تبي شرح اكثر من كذا هههههههههه
ما راح ارجع اتكلم بالموضوع هذا مره ثانيه لأنه شي واضح للجميع ..

إقتباس هذا آنت قلتها بنفسك ابرا لاعبنا مثل مـ بواتينغ لاعبنا ومثل مـ اليغري مدربنا والكل يشكل ويخدم نادي اسمه ميلان ..

طيب ليش تزعلون وتصيحون وتنكرون انه ابرا شايلكم ؟ عادي ما فيها شي قلت لك تعلم مني شلون ترد ماهو عيب تقول ايه ابرا شايل فريقنا وجزاه الله خير هههههههه

إقتباس كيف دريت إنها محسومة ! هذا ميلان جاي منهك من مباراة لاتسيو بالسان سيرو وتعادل مع برشلونة في الكامب نو .. بعدين يالغالي آنا تطرقت للغيابات وقت المباراة مـ ذكرت اي شيء بخصوص تاجيل مباراة وسبق إن قلتها كافاني تاثيره آكبر بكثير من ماركيزيو .. آما بيبي انا ما اقول شيء عن اللاعب بس ترى جماهير اليوفي كلها متفقه إنه لاعب سيء ما ادري كيف تقارنه بـ بن عطية واسامواه .. ممكن فيوزنيتش هو الغياب الوحيدة والغير مؤثر لان عندكم اكثر خط هجوم بالدوري الايطالي وقتها , ولو نبي نعد من اليوم لبكرة ماراح نحصي عدد اللاعبين اللي غابوا عن انديتهم وقت مواجهة اليوفي

ترا قمت الاهانه لفريقك انك تتفاخر بتعادل من هجمتين ههههههههه والمباراة كانت حسد على ملعبكم !!
قلتها انت بوجهة نظرك وماحد ينكر انه كافاني بطل واللاعب الي دخل بدال كافاني جاب هدفين ههههههه يعني ما دخل لاعب اسوأ
بينما الماركيز ماله بديل ولعب بيبي صانع لعب هههههه وما قصر وسجل هدف .. لكن ارجع واقولك قبل كل هذا كنا مستعدين لهم ونبي نلعب مباراة وحنا جايين بكل قوتنا وهم ارهاق وكان غايب قارقانو للاصابه يعني كل الامور مهيئه للفوز بالمباراة
وبالنسبه للمقارنه بين اسامواه وبيبي انا ما اقول ان بيبي اللاعب الي مامثله زيه زي نوتشيرينو لاعب اساسي بفريق كبير ويعتمد على لياقته اكثر شي .. وبعدين ليه سحبت على الماركيز ،، اشوفك مستهين فيه لا من ناحية غيابه قدام نابولي ولا اودينيزي الي من يوم دخل قشر الهدف الثاني ... اذا ما تدري منهو الماركيز راجع التوقيع حقي ههههههه

إقتباس بتوصفها قريباً بنفسك بإذن الله , لان فريقك مهوب كفو يستمر لنهاية الدوري بدون خسارة والا ليش قريباً مباراة الكاس الاسبوع هذا ونبي نشوف وش بيسوي الداهية كونتي

الله يهداه كونتي من يوم جا ما عرفنا شلون طعم الخساره المفروض من فتره لفتره يعلمنا لأننا بصراحه نسينا الناس شلون يحزنون ولا ودنا نحزن بدون ما ندري وشو الحزن ،،، عشان كذا ودي تعلموننا الشعور عشان نكون مستعدين وعارفين وشي الخساره ... ياربي لك الحمد والشكر

إقتباس الرسالة الأصلية كتبت بواسطة لآ تعلم احد .. بالنسبة للصراع اللي حااصل بين اخواننا الميلانيه واليوفاويه .. للأسف دايم اخواننا الميلانيه يحاولون يقللون من صدارة واحقية اليوفي .. لمن تشوف الاحصائيات تميز واضح لليوفي ومحد ينكر هالشيء ..