إقتباس الرسالة الأصلية كتبت بواسطة Mr.Milanesta لا .. تسلل واضح

انت تزرفنا همن تجيب صورة تثبت ذلك


القانون اي جزء من جسم اللاعب يدخل بالتسلل .. المهم ماعلينا كانت المباراة بشكل عااام مملة بعض الشيء .. كاسيراس ماكان عنده وقت ولاهوب فاضي الرجال هدف ثاني فيه كمية روقان مهب طبيعية .. وقف ناظر الزاوية , حسب المسافة , ابتسم بوجيه الثلاثة اللي خشوا عليه , وحطها بالتسعين وواحلى 6×4 يااميليا

بصراحه المباراة هذي فيه أخطاء فادحه من المدربين. .. يعني اليوفي مثلا ملعب بادوين وكاسيريس وهم توهم جايين للفريق وزود على كذا بوريللو والدل وكلهم بطيئين. . التبديلات كانت ممتازه من كونتي

أليغري مالومه بسوء مستوى الميلان لكثر اصابات الفريق
لكن ألومه بتغييراته الي أهدت اليوفي الفوز. .. طلع ايمانويلسون الوحيد المتحرك بوسط ميلان مع بوميل
وطلع بوميل الي كان العين المفتحه من الشيبان هههههه وبعدها كثرت المرتدات وانفتح ملعبهم

أمبروسيني صح انه يستحق الطرد. .. بس أشوا انه ما أنطرد هههههههه اكثر باصاته لنا ولا يهش ولا ينش اللهم الباص الي بالراس

~~~~~

بعد الصوره الي نزله ميلانيستا صعب الحكم على هدف ميلان. .. شوي تشوف الراس طالع ولا بس اليد!

ابياتي - نيستا - يبيس - زامبروتا - فلاميني - قاتوزو-اكويلاني-ميركل-بواتينغ -كاسانو- باتو

اصابات ميلان

الله يعين ضد الاودني ابرا موقف بعد

خخخخخخخخخخخخخخخخخخ

شوف التقسيم للملعب رجل تياقو على العشب الفاتح وجاكريني في الغامق

ألف مبرووك الفوووز

بالفعل اليوفي أمام الفرق الكبيره دائما يكون في الموعد الحمدالله على كل حال

إعتقد أن هدف الميلان ( موب تسلل لان يد الاعب لا تُعتبر تسلل لانها لعبة كرة قدم وليست كرة يد )

إن شالله مباراة الدوري تكون بنفس السيناريو وبالفوز والتقدم نحو الاسكوديتو







تحيآآتي

مبروك الفوز مستوى ونتيجه الحمدلله

الفريق اليوم اثبت انه فريق لا يقهر من يوم جابو التعادل اصبت بخيبه أمــل كبيره ..

كاسيراس لاعب كبير قدم مستوى رائع وجاب هدفين في أول مباره له انجاز كبيير ولاعب مكسب حقيقه ,

مبروك الفوز شباب ونشاء الله الفريق يواصل على هل منوال.,

وهل بطوله مهمه لعيون النجمه ..!

يعطيكم العافيه ,

تعرفون هاللآعب ؟! << ترآني صرت مآ أحبه


مبروك يوفينتوس .. اجتهدوا وزرعتوا والآن حصدتوا الثمآر ..
إلى الآن وطريقكم مآشي تمام التمام بكل النوآحي ..
فنياً وإقتصادياً وحتى من الجوآنب الآخرى كالقرعة والروح والملعب والإصآبآت والحظ ..

هآرد لآك ميلآن << قلبي وعقلي وروحي ..
وآضح جداً أنه هذآ مو ميلآن اللي كنت أرآهن عليه مع بدآية الموسم ..
كنت أرآهن على :
أبيآتي
!! سيلفآ نيستآ أبآتي
!! بوميل أكويلآني
بوآتينغ
إبرآ ، كآسآنو
مع بآتو وروبينهو وكذآ صفقة تكمل نقص الفريق وإحتيآجآته وهنا مكمن الخلل
لكن وبكل أسف بيرلسكوني صآنع أمجآد الميلآن وتآريخه ، بدأ في خذلآن الميلآن وجمآهيره !
أي مشجع سطحي بيعرف أن الميلآن هالموسم محتآج لصآنع ألعآب وظهير أيسر ومحور صلب بالدرجة الأولى
ومحتآج إلى حآرس جدآر ومدآفع قوي ورأس حربة مآ يرحم بالدرجة الثآنية ..
لكن بيرلسكوني تكآثر على الميلآن جلب مونتليفو بديل لبيرلو !!
وتكآثر على الميلآن جلب تيفيز بديل لكآسآنو !!
إذاً لنجني ثمآر تخآذل رئيسنا الموقر ولندع التقليل من أحقية اليوفي
فإصآبآتنا وضعف صفقآتنا وسوء حظنا مع القرعة بالدوري هو ليس ذنب الخصوم بكل تأكيد ..

ومع ذلك .. لآ زلت أؤمل نفسي ببصيص من الأمل في التأهل إلى النهآئي بشرط عودة المصآبين للفريق بالإيآب
كمآ أني كتبت في رآبطة الميلآن قبل عشرة أيآم تقريباً .. أننا سنعيش أسبوع فقدآن كل البطولآت الثلآثة ..
سنخرج من الكوبآ والشآمبيونز لمصلحة اليوفي والأرسنآل على الترتيب ..
وسيتوسع فآرق النقآط بالدوري لمصلحة اليوفي بعد معآرك لآتسيو ونآبولي واليوفي المتلآحقة ..
ليس من طبعي التشآؤم أبداً ، وليس من شيمي التقليل من هوية فريقي .. لكني أملك حس أثق به كثيراً ..
فالمخرجآت لآ تأتي إلا بعد معآلجة المدخلآت .. والميلآن لم يرغب بإمتلآك المدخلآت فمن أين تريده أني يأتي بالمخرجآت .. ؟!

لنآ عودة بلقآء الإيآب .. بإذن الله ..

إقتباس الرسالة الأصلية كتبت بواسطة sword حبيبي دوري توم و جيري ثاني لفة على يدك اليمين لا هنت .. الظاهر 4-0 نتيجة مازمة معاك لأسباب ماله داعي نذكرها واجدت من عام 94 في نهائي بطولة كبيرة اشك انك كنت موجود في الدنيا ايامها

مبرووك لليوفى خلوكم توم جيري خاصة بالهدف الثاني
فهمتها
فهمتها
واسلوب التصغير والورعنة يدل على شخصيتك المتطفلة الولدنية
كنت موجود بالدنيا وكنت انتظر ولادة شخص مدري هو انت اولا

إقتباس الرسالة الأصلية كتبت بواسطة الخبراء القانون اي جزء من جسم اللاعب يدخل بالتسلل ..

مآ علينا من الصورة والحقيقة إذا هي تسلل أو ليست بتسلل ..
لكن إذا بنتكلم عن القآنون فالقآنون يقول أي جزء للجسم " عدا اليد " يحتسب تسلل .

إقتباس الرسالة الأصلية كتبت بواسطة T.silva33 سعد مافيه غير هذه

لآ هنت صآلح ..

إقتباس الرسالة الأصلية كتبت بواسطة M A R C E L L O سعد فيه هذي تبيها ؟

لآ مآ أبيها

،،،

أغبى شيء يوم الجزيرة تحط رؤوف خليف على +9 والكعبي على +1
يعني اللي مشترك بس هو اللي يقدر يستمع لخليف

ابرا واضح مل و هو يجيب الدوري .. يبي يغير الجو شوي ..
مبروك لليوفي هاردلك ميلان ..

السلام عليكم


بصراحه من افضل الاستديوات بالعالميه. تحليل نقاشات ارقام احصائيات حوارات واخبار وكانت كلها في اطار الكره والروح الاخويه

يعطيكم العافيه جميعا


/

بالنسبه لهدف ميلان اسحب كلامي بعد الصوره الهدف صحيح ولا عليه غبار.


اتمنى من كونتي ان يستفيد من كاسيراس وليشنتاينر في التشكيل الاساسي

ممكن كاسيراس يلعب ظهير يسار ويرجع كلليني لقلب الدفاع او نعطي الثقه لدي تشيلي ويكون كاسيراس جوكر بديل اي لاعب بخط الدفاع.



ابراهيموفيتش ضرب ستوراري ؟!

اخر تدريب لـ ابراهيموفيتش في اليوفنتوس وبالتحديد مايو 2006 تضارب مع كلليني

شكل كلليني كان مغبون واللاعبيين فرقو بينهم. العداوه هذي استمرت في كل مباراه تشوف ابرا اما يوفي تلقا تدخلات كلليني عنيفه جداً وفيها تهور.

متى ينتهي شهر فبرآير ؟! علموني يرحم وآلديكم متى ؟!
<< سؤال لم يفآرق ذهني منذ رأيت ميلآن أمام لآتسيو

إقتباس الرسالة الأصلية كتبت بواسطة الغرناطي ابرا واضح مل و هو يجيب الدوري .. يبي يغير الجو شوي .. مبروك لليوفي هاردلك ميلان ..

اللي فهمته منك أن إبرا الآن مركز على الكوبآ ..
لكن اللي متضح لي أنه خآيف يروح يلعب بملعب اليوفي !
لذلك يبدو لي أنه تضآرب مع ستورآري كيف يطرد ولا يشآرك بالإيآب !!
هو لآعب جبآر بعقلية سبآك .. أي كرة تمرر له خطأ يتنرفز على زميله !
أي كرة يفقدها لآ يجري خلفها ! بل يعطي لها ظهره ويبدأ بالجدآل مع الحكم !
أي احتكاك مع الخصم يصير هوآش وملعنة ! أي لقآء كبير يصير فيه صغير !
كل هالصفآت لم تكن في طيب الذكر شيفشينكو
ولم نرآها في بآتو أو في الشعرآوي ليلة البآرحة كأبسط مثآل للمهآجم المحترف
أي مهآجم يجي ميلآن أقآرنه بشيفآ أو إنزآغي زمآن ، لو رسب فهو سيكون في نظري مهآجم غبي كأقل تقدير ..

تبيهآ من الآخر ؟! ديل بييرو أسطورة حية عآلمية .. ولآ يقآرن في النجومية بـ إبرآ ..
لكن أليكس عآش لحظآت عصيبة لم يذقها أي مهآجم آخر في نظري ..
تبهذل أيما تبهذل .. ذآق الأمرين مع اليوفي .. هبط للسيريآ B واستمر ..
صآرع في الكآلتشيو وحقق المركز السآبع لمرتين متتآليتين بعد هزآئم مضحكة ..
ركنوه المدربين بالدكة بحجة قنآعآت مدرب ، لم يقتنع به كآبيللو والآن كونتيه ..
إلآ أنه ومع ذلك لم نرى مهآجم متعجرف يصيح وينوح ويضرب ويشتم ..
أنا لآ أتكلم عن عنصر الوفآء والولآء والإخلآص ومآ إلى ذلك ..
بل أتكلم عن العقلية الإحترآفية .. لم نرى من أليكس إلا الصبر والتضحية من أجل خدمة المجموعة ..
لم نرى فردية أو حب الذآت والغطرسة .. بل رأينا منه روح ريآضية وشخصية قيآدية هآدئة ..
هذآ مآ أستطيع أنه اسميه " مهآجم محترف " .. وقد أرضى أيضاً بـ توتي وإنزآغي ورآؤول ..
لكن إبرآ ؟! فهو موهبة وإمكآنيآت فقط بلآ عقل متزن محكم أو شخصية كبيرة تظهر بالمحآفل الكبرى واللحظآت العصيبة ..